Q47761：
老師，衣家AI過熱，需唔需要賣走少少 ETF，留多啲現金？
龔成老師︰
睇你貨多唔多，同想唔想保守D。
因為而家又未算好貴，你照長線持有係得。
但如果貨多，想保守D，可以減少少。
其實大方上，可持有的，始終AI發展力強，同時無人知賣出後能否買得翻。不過，如果你保守，貨多，減部分，留部分，都是可以的。
Q47762：
龔sir, ， 777網龍$11.9有貨，現在跌得好犀利，佢什麼原因跌到咁？我會返到家鄉嗎？
龔成老師︰
網龍（0777）主要從事遊戲及應用服務、教育業務以及物業發展業務。
業務是有投資價值，但遊戲行業本身，收益波動性好大。
而教育方面，又不時面對政策規管，這些都令集團不確定性好高。
近年佢架盈利能力，有明顯下滑，未知這個情況是週期性，還是會持續。故投資價值是有，但唔建議太大注。或者你可以減持部分，而不是不斷等上翻去竹
另外，如果你年紀較高，這類不確定性高架股票，唔太建議你持有。建議你長線慢慢將佢換碼，轉成收息股會較好。
Q47763：
龔老師，你好呀！
我其實follow 左你好耐，不過也不是經常有時間睇。
我自身之前對投資沒有任何概念，自問一直跟風，之前覺得蝕多過賺。
后來我follow 左你Facebook 后，又買左你幾本書睇，也獲益不少。但我的股票我估計超過5年或以上沒有任何進出😅
一直放系度，前排我見你說可以問你一些清舊股票問題，所以就想寫封信給你問一下，但一忙就又忘記。
在這里想問問，我是否應該清下一些我之前跟風買的仙股。
我收入穩定（約45K，扣除供公積金及職業稅)，供樓及其消費大概每月要花35-30K,然后有每月定期存5K, 要給家用5K, 還有5K有事有用，沒事也會存著。
平時比較忙，沒有時間看著股票，也太少留意金融走勢，我本來也想定期供一些穩定的股票，請問現在還有什么比較适合月供股票，不過我之前有了解過澳門的銀行手續費挺貴，所以又一直沒有去做🥲
人到40，又唔想把之前的錢浪費，所以終於第一次寫封信請教下你。
我本來上次要報澳門班，可惜又時間上的問題，又撞期。🥲
附上我現在股票記錄
謝謝你
龔成老師︰
- 其實，就算係優質股，都係會有變質架風險。
雖然，我地唔係短炒，唔洗不停睇住個市。但我都建議至少1年審視一次自己組合，睇下佢地長線投資價值，有無轉變。
我明白澳門銀行手續費貴，你可以自己儲埋，每2,3個月買一次，都有平衡價格風險效果。
- 你手上持股，大部份都有長線投資價值，但留意幾點︰
(a) 0003, 0697增長力中等，長線要控制注碼，貨多減部分。0285是潛力股，你要小心控制注碼。
(b) 8250無明顯投資價值，建議沽出。
(c) 長線(慢慢)加入一些美股，去平衡地區性風險。如果不會選股，用指數ETF-VOO
參考影片︰https://www.youtube.com/watch?v=nBr4tCJ__oY
(d) 以你40歲計，未來可以集中以下股份︰
你可以考慮「平穏增長股」和「潛力股」。
選股上，你可以留意一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、英偉達（NVDA）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。
以下是有關"平穏增長股"和"潛力股"教學分享的影片，你可以參考下︰
https://www.youtube.com/watch?v=5bQc6sWIie8
https://www.youtube.com/watch?v=Vq_g4uQ4VMI
-
緊記投資前，要預留半年至一年生活費，作為應金資金，這才算穏當。
-
黎緊我第四季，會有澳門美股班，同樣適合初學者。
你或者可以預早留位，whatsapp 852-55457212，打「留位澳門美股班」就得。我地有具體資料就會 whatsapp，你可到時先決定報唔報，無所謂。
Q47764：
老師，1299 友邦保險今日跌穿70，應該繼續守定係止蝕退場？
龔成老師：
只要貨不過多，可守。友邦保險（1299）不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。
不過盈利就有少少波動，但這都正常，因為保險公司有投資相關收益，所以這亦會令股價略為波動。
前景方面，正面的，佢保持不同市場的發展，利用本身的品牌去加強新市場業務，而長遠的市場仍有增長潛力。
Q47765：
請問阿里9988現價可以入嗎？
龔成老師：
阿里（9988）係業務層面，有不少優勢，部分業務處有規模，也處領先位置，加上人工智能等技術不斷進步，都利好整體企業長遠發展。
不過，市場競爭加大，加上資本開支數目，都令企業風險度增加，所以投資都要控制好注碼。
數年前因監管因素，令企業增長慢左，加上近年競爭大左，影響佢賺錢能力。到近年，業務持續好轉。企業長遠仍有增長力，有發展延伸業務，都會成為企業增長點。特別是雲業務，增長快速，將會成為企業不一個增長動力。
以企業的長期發展計，這股有質素，有長線投資的價值。
這企業不少技術都不差，再加上人工智能技術，會有利好企業長遠展，因此，長遠正面，但資本開支成為風險。
現時合理區中下，分注投資可以，買入後可長線，但短期有機會較波動。
Q47766：
老師
請問#3190可否做長期穩健投資收息股呢？
龔成老師：
可以長線持有收息，本質不差，但股息型收息ETF，不會絕對穩陣，因為當中持有多隻收息股，如果收息股股息跌，ETF價格都會下跌。
富邦滬深港高股息（3190）是一隻收息基金，基金之目標為追蹤恒生滬深港（特選企業）高股息率指數（價格回報）之表現。
當中持有不少內地及香港的收息股，如農行、工行、香港電訊、中移動等。可以視為一個收息股的組合。
Q47767：
想請問吓388港交所而家處於合理區下部未？
龔成老師：
算是。港交所（0388）有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。
但要留意，由於這股的盈利會受股市成交影響，因此股價都會有影響。
早幾年成交弱，令這股近年股價較一般。到最近，港股成交好轉，這股股價向上。所以，你會見到佢股價十分波動。
投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。
現價合理區中下，分注可以，企業長遠仍有發展力，但短期會較波動，都要留意風險。
Q47768：
VOO or QQQ 現可入市嗎？
龔成老師：
可小注分注，不能大手（特別是QQQ）。其實兩隻長遠都正面，但現水平絕對唔平，所以，最好方法是慢慢分注投資。
Q47769：
請問當刻9988,1810,992,100依次序最有值搏?🙏
龔成老師：
1810、992可優先。之後到9988。至於0100，有發展力，但最高風險，所以要睇你的風險承受能力。
Q47770：
老師你好，我35年前都有買個保險，真係想保險自己到最後係有保障的，但之後就好快做咗孤兒單，當時都覺得冇問題的，可能我嘅投保嘅額唔多啩，當時年齡年青，保險從業員流動性又大，要搵一個可靠都好難，之後取消晒啦！現在冇買保險，會諗，係唔係再買呢？
我年齡已近60了。應該買什麼保險係有保障呢？
唔該老師
龔成老師：
這個年齡都可考慮買的，主要考慮：醫療開支費用。所以，好睇你有無這方面的需要，以及你想自己承受這風險，還是轉移比保險公司。
你現時買保險的策略，不再是追求高槓桿的保額，而是要「精準防禦」，避免因一場大病蠶食左你辛苦累積的退休金。
例如你可考慮高端自願醫保（VHIS），60歲後最大的財務風險是醫療費用。
香港的公立醫院排期漫長，私家醫院收費高昂，保險的保障功能：實報實銷私家醫院的住院及手術費用。
你可考慮選擇「全數保障」（免找數服務）的高端自願醫保，並選擇設有「自付額」（俗稱墊底費）的計劃。
另外，就是重病的防禦保障：例如癌症或特定危疾保險傳統的「全功能危疾保」在 60歲時保費極其昂貴，且核保非常嚴格。
如果你有興趣，可以網上找更多資料，或問下身邊有做保險的朋友。始終我不是做保險，只能比一些簡單意見比你參考下。