龔成老師你好，我睇左你fb好長一段時間了，見到你對好多人既回應都好詳細分享，點出既野都好精準，所以想指教下你，希望你可以指導下我既錢應該如何分配。
我今年27歲，單身，做網購小生意，收入不固定，每月利潤大約4至12萬之間浮動。
過去三個月的收入支出：
收入68000 支出 58000 淨10000
收入 104000 支出 72000 淨32000
收入 116000 支出 88000 淨28000
每月固定開支：
家用 10000
租金 10000
每月供款如保險電話費屋企人洗費 6000左右
日常開支 20000
基本上每個月用5萬走唔甩
其他開支：
每半年左右請屋企人去個短途旅行用三萬左右
有時買下野/ 去旅行/ 屋企突如其來要錢，會用多幾萬蚊咁
現有35萬現金，冇做其他投資。現時自己住（租），屋企人有自己既物業，佢地不需交租，但都冇太多現金流，佢地既現金流足夠每月洗費，我比既一萬蚊係比佢地輕鬆少少買下野咁。
想買樓+ 同時買d穩定將來有回報既資產，比如保險公司的儲蓄計劃 （不知月供/ 年供好，暫時諗法係月儲一萬蚊儲五年），或者月供基金股票。
買樓的話，希望係一年入市，買400萬樓下既盤，用來自住/出租都未有定案，冇咩所謂。我既工作冇收入證明，但有做糧單，信貸紀錄良好，不知買樓做按揭會否有困難。
因為現在既生意其實都係手停口停既工作，加上網購都越來越難做，相信一兩年後就做唔到我現時既收入。而支出都大，所以我好有危機感。希望這一兩年可以做到有層樓在手+ 儲會生被動收入既資產。令將來假如收入減少，都可以輕鬆d。
唔知依一刻做月供計劃，會唔會搞到兩頭唔到岸，或者有冇其他我未諗過既方向，想請教龔成老師既諗法
個案重點：
‧27歲
‧從事網購生意，收入不穩$4萬-$12萬
‧現金$35萬
重點目標：
‧一年內買$400萬物業
‧兩年後想有樓加有資產
龔成老師分析：
就你的情況，的確要增加資產，令你在保障加大，但由於你做生意，始終都要一定的流動資金，所以在投資上，應該先考慮「你要幾多現金，幾多可以快速變現的資產」，餘下才投資一定變現能力較低的資產。
現金、收股息，都是變現能力強的部分，你要計算自己需要多少，收息股可以考慮港燈（2638）、深高速（0548）、置富（0778）、陽光（0435）、香港電訊（6823）、工行（1398）等。因為這些收息股股價穩定，當你生意上要套現時，一般都不會有太大的損失。
餘下的部分就可投資其他流動性較弱的資產，例如物業、保險公司的計劃（因為這些計劃中途退出，不少都有較高的收費），所以，這類計劃就算你投資，都不建議太高金額。
如果你有交稅、有糧單，其實都可以正常做按揭，一般都無問題，當然，你要問清楚地產經紀同銀行先。
買樓都是一個方法，但不是唯一的方法，你投資物業放租，由於要供樓，因此都難以產生正現金流，因此都未必對你將來收入有幫助，只是助你提升資產項。
你都可以在這段時間，利用股票作財富累積，同時睇住樓市，在適當時機入市。你這刻要做的，是盡力儲錢，同時令財富合理增值。
如果你打算一兩年買樓，就唔會做太長線的投資，那月供股票都不適合你。
香港樓市，中國及香港經濟不及過往，相信樓市難以大升，但未必會大跌，相信會平穩。
至於內地資金買香港樓，相信香港樓的吸引力，未必及過往，因此內地人買香港樓雖然會存有一些需求，但不會因此而大幅推高樓價。
在投資價值方面，租金回報率不高，以及按揭利率不低，加上長遠樓價難以倍升，令香港樓的投資價值，並不高。
相信樓市在長遠計，因供求關係，較難大跌，不過，也不會有大升的情況出現。
樓市始終需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。
不過，近年移民的確令需求略為減少，加上政府將加大力度找地起樓，所以長遠，供求將慢慢好翻，無過往咁失衡。
政府現時有較大決心處理好樓市問題，我相信會令之後的供應增加（不是中短期，要長期才慢慢見到），因此，樓市不會大升，但相信都較難大跌（始終需求大）。
長遠計，樓價會平穩，不是倍升，不會好似過往般倍升，而是平穩，同時，由於需求大，要大跌也不易。
龔成老師簡介
‧ 暢銷書《圖解美股小百科》、《圖解股票小百科》、《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《38全球倍升股》、《大富翁致富藍圖》、《5年買樓4部曲》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《財務自由行》作者
‧ 《經濟一週》理財真人Show 節目擔任致富教練
‧ 曾接受港澳多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 現為全職投資者，擁數千萬財富
‧ 於網上分享投資心得，瀏覽量過百萬，為人氣博客，解答網友理財問題逾30,000條
‧ 《經濟一週》、《華富財經》專欄作家
‧ 擁財務學學士學位
‧ 證券業持牌人士
‧ 投資課程導師，香港及澳門學生人數逾5,000 人
‧ Facebook 專頁「龔成」粉絲人數超過300,000人
若然你有問題想向龔成老師發問，可在龔成的fb專頁中（www.facebook.com/kungshing80）inbox龔成。