Q36981：

hi 龔sir，多謝你 我係30歲生日當日 就剛好完成了100萬資產的累積（準確來說 是111.5萬）

在往後的10年 我希望可以儲錢買一幢800/1000萬左右的樓+製造一點被動收入，希望可以知道來緊買啲咩股做月供+點樣部署

現時我的正職是政府合約主任，21k月薪，另加補習，約30k-40k/每月 即是每月有5-6萬的收入

每支出：家用6000 自用3000 餘下的均可作投資用

手上資產：

保險：人壽/危疾/醫療/意外 每年保費約30000

現金 ：3萬元定期 25萬現金(隨時準備入市)

股票：

0012：2629股

1177：2391股

1211：1745股

1448：4000股

1810：7726股

1833：1098股

1928：874股

2382：1338股

2800：4016股

6862：1000股

0823：220股

另外 我有打算租一間小型Studio 做小組補習 你覺得有冇得做 如果做 有啲咩要注意 想請教下你的意見 謝謝

龔成老師︰

恭喜你，係一個特別架日子，得到一個不一樣的成就。

當有左頭一個100萬，往後架增值會更有效率。接著你要做的事，就是規劃好置業時間，同埋未來增值計劃。

如果你置業無迫切性，可以照邊增值，邊慢慢找目標。至於增值方面，唔建議你咁後生就將目標放係被動收入。

我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時30歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，應以增長型股票，好似「平穏增長股」和「潛力股」作為目標。你每月5成儲蓄做月供，其餘先儲起，用一邊月供一邊儲蓄的策略。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

至於你現有持股，都有長線投資價值。但建議你未來時間，加大美股投入，去平衡地區性風險。

至於小組補習，我覺得係有得做。

因為現時孩童數量雖然少左，但家長投放係個別小朋友身上架資源，係有所增加。再加上，好多家長希望而類型架補習，可以兼任埋半託兒架角色，所以相信係有市場。

我建議你參考下同你模式相近架對手，睇下人地點做。

其實創業而件事，係可以不斷試、不斷錯，也不用想太多。你唔需要一定有詳細計劃，只要有大方向和基本計劃就可以行動。

當生意開始後，再因情況慢慢修正，咁就可以了。

Q36982：

龔sir, 買個股，定時定額購入某隻股票並長期持有

係咪風險比較大呢？

龔成老師：

這方法可以將買入價平均，好處是減少一次過買入的風險，缺點是無法捉到最低位，因此，對於無時間管理，或投資實力不高的投資者，的確是不差的方法。

至於你話是否會有較大風險，個股的確風險會高少少，因此要有選股技巧，不過，只要控制注碼都可以進行，例如你持續月供股票A，到你投入某一預設金額，或已佔你組合一定比例，就停，這就可以。

Q36983：

早 老師 我想問一下883可以入手嗎 我打算長線投資883

龔成老師：

中國海洋石油（0883）都有質素的，但就未到最高質類別，佢對油價較為敏感。

這企業都有質素，長線可以，唯一擔心是近年股價上升了不少，短期可以波動，因此，你買入可以，但最好不要一次過大手買，要控制注碼。

這企業的業務情況，以及股價，都與油價有一定的相關性，投資者要明白這點，近年油價受戰事等因素影響，出現較波動的情況，如果戰事長期持續，甚至進一步擴散，將會令油價進一步向上，或長期在高位維持。相反，如果戰事好轉，局勢轉勢穩定，就會令油價下跌。

投資者要明白一點，要準確預測到戰事、油價走勢，並不容易，所以投資者不能太過主觀。而中海油中短期的股價，也會存有一定的波動性。

雖然佢都有一定的規模，但卻不是最高質素的企業，這是由於佢的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

質素都有，但未到最高類，因此都有投資價值，但都要控制注碼，現時股價合理區較上部。

Q36984：

每月大約可以儲45,000左右

現時住梗屋企人既地方 所以唔洗比租

想買樓係因為想搬去黃埔果邊

龔成老師︰

咁睇翻你自己有無搬架迫切性︰

如有，你手上現金就最好保留，準備隨時置業。因為投資係長線計劃，如果短期內要置業，這部份資金就不要投資。

如果無迫切性，你可以連同每月儲蓄，去做增值。

策略上，你可以投資「平穏增長股」和「潛力股」。你每月5成儲蓄，即是用$22500做月供。其餘先儲起，用一邊月供一邊儲蓄的策略。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

現時大市大致算在合理區底(港股)和上部(美股)，你現有180萬資金可以先投入一半，用"分注"形式，慢慢買貨。餘下一半和每月所儲到的資金，就等大市出現一定程度的下跌，才大力度掃貨，然後長線投資。

Q36985：

暫時我老公應承自己搬走，噉我趁呢段時間儲多啲錢先

家姐佢哋其實定期過數去，或者帶一舊大嘅錢去，都係有好重稅，不過都係唔諗住啦，唔想佢哋覺得我喉住佢哋間屋。。。多謝你抽時間解答我

上圖股票，可唔可以請教下你，呢堆有邊啲係要盡快斬纜？

龔成老師︰

新銳醫藥（6108）、新火科技控股（1611）不是有問題，就是投資價值不高，都建議沽出。

其餘股票，雖然有長線投資價值，但大部份都係較高風險類別。

就算你係年青至中年人士，而類型架股票，都只宜佔組合4成。如果你係較年長，或者經驗淺，要再下調比重。

建議你未來時間，除左沽出上述2隻股票外，其餘都適量減持(除左0388)，換至以下平穏增長股，咁會較穏當。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

Q36986：

龔老師你好，想瞭解一下，美國違約發生機會高嗎？假設美國真的違約，相信美股會大挫，對世界有咩重大影響？咁是否也會影響港股？

龔成老師︰

如果美國違約發生，美股和美國經濟會有明顯架負面影響。

而美國作為全球最大經濟體，如果佢出事，難免會拖累到不少市場(包括港股)。

不過，而個美國違約機會唔大。

Q36987：

您好，龔成老師

我同先生30歲多，月入共十萬，有一個兩歲小朋友，有一層自住樓，月供$25000，扣除恆常開支，每月最多只可以儲$25000左右，宜家現金有$50萬，其中$30萬做短期高息定期，6月尾可以拎返。

投資股票有$40萬左右，分別持有嘅股票數量和平均價有：#2628 7000股$18，#388 500股$285，#6 1500股$66，#5 2100股$75。

我明白我哋年紀有一定增值力，但我哋打算再生多個小朋友，你認為我宜家嘅股票組合應該如何配置？

另外我見老師建議參考3067 2845 2834，請問宜家買入合適嗎？謝謝老師

龔成老師︰

首先，一個財富規劃，一定係會以生活行先。所以，如果你係短期內會再生小朋友，相關資金最好用現金或者定期去保存，咁會較穏當。

同時，你已經有一個家庭要照顧。故建議係投資開始之前，先保留一筆最少半年架生活開支。

以你30歲多架年紀，策略上，你可以投資「平穏增長股」和「潛力股」。

你現時持有架股票，雖然有投資價值，但0005和0006係收息類，就有少少過於保守。而2628，佢質素弱左，長線唔好持有太多。

未來時間，你每月5成儲蓄，即是用$12500做月供。其餘先儲起，用一邊月供一邊儲蓄的策略。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。

現時大市大致算在合理區底(港股)和上部(美股)，你現有資金(扣左新小朋友和半年開支後，如有剩。)可以先投入一半，用"分注"形式，慢慢買貨。餘下一半和每月所儲到的資金，就等大市出現一定程度的下跌，才大力度掃貨，然後長線投資。

至於你問的3067、2845、2834都算合理區，可以分注，佢地都係潛力股類別。

但留意，美股始終唔平，故安碩納指一百(2834)儲貨時，暫時只能小注。

Q36988：

龔sir 你好，follow 左你fb 及youtube 一段時間了。知道你對港股的看法較正面

想請問你友邦 1299 看法如何？ 還值得持有嗎？

估值方面。60蚊位置是很低嗎？ 因我有兩手，成本會86, 不知怎樣做

謝謝，期待回覆

龔成老師：

友邦保險（1299）不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。

不過盈利就有少少波動，但這都正常，因為保險公司有投資相關收益，所以這亦會令股價略為波動。

前景方面，正面的，佢保持不同市場的發展，利用本身的品牌去加強新市場業務，而長遠的市場仍有增長潛力。

這股有長線投資價值，長線持有無問題。

你預$60是合理區較下部，而你買入價勉強合理，未貴，但在合理區較上部。現時要睇你的持貨比例，如果貨佔你組合少，你現金多，你可考慮加少少貨。

Q36989：

老師，請問3110如何？

龔成老師：

GX恒生高股息率（3110），是一個投資收息股的基金，追蹤恆生高股息率指數之表現。這指數投資一些在香港上市，大型的企業，加上要有一定的派息的上市公司。

基金有50隻成份股，以下是基金部分持股：

中國海洋石油（0883）、中國神華（1088）、中國宏橋（1378）、中石油（0857）、中煤能源（1898）、電訊盈科（0008）等。這基金雖然收息組合，但增長力不強。

另外，由於基金持股集中在中國企業，投資者不能只持有這基金，最好視為收息股的其中一員，如果投資者低風險，宜同時持有其他的低風險、收息工具。現時算是合理區較下部，可以分注投資，長線持有。

可以上基金網站有介紹的

http://www.globalxetfs.com.hk/funds/hang-seng-high-dividend-yield-etf/

Q36990：

老師：你好！學生想請教下一下老師點睇921海信家電？

因學生當年於低位，個位數時入手，而且一路都有少少息收，而眼見至今已升左幾倍，所以想問下老師意見，值得繼續長線持有嗎？還是應該要賣出？

感謝老師🙏🙏🙇🏻‍♀️

龔成老師：

海信家電（0921）不差的，但近年業務有實質增長，帶動股價向上，就算近期升了不少，現時市盈率只是十幾倍，未貴。

佢從事家電業務，係內地都算有品牌，生意保持增長，但盈利有點波動，反映內地競爭不少。

企業本質都有質素，但盈利波動令股價上落較大，造成風險，你可以睇翻自己的持貨，如果較少就不用理。相反，如果都有一定數量，你可以減持3分1，等如收回成本，餘下就全部淨賺，長線，不用理佢。