Q36501：

你好龔成，我卡數好多，1家4口的每月支出每月唔夠，冇$儲，但需要儲，所以係咪應該點都月供一D ETF？

龔成老師：

你要一步步，不要急。

第一，處理好你的負債先，暫時不要投資。

你要計整個家庭的收入，支出，要減去一些不必要的開支，過程可能有點難，但你這刻不做，將來只會更難！

第二，處理卡數。

你不要過度利用信用卡，因為會不知不覺花多了錢，同時，會你的負債多左，你如果這刻好多卡數，就要努力處理好。

第三，儲現金。

一個家庭一定要有現金在手，要有資金應急的。

第四，到你處理好卡數，有現金，最後才開始投資。

你要有理財知識，我地投資不是，而是合理將財富增值，你可以利用這刻學好理財先，以及學一些投資基本功，同時處理好當刻的卡數及儲蓄問題。

Q36502：

請問你覺得2378質素會否比1299較好？

龔成老師：

其實兩隻都可考慮，都有質素的，1299有機會比2378質素略好。

保誠（2378）有質素的，企業有一定的品牌及規模，從事壽險業務至今已有160年，更提供零售金融服務，在資產管理及保險業上，都有一定的質素。

不過，中國業務受中國經濟影響，近期較一般，相信在現時中國經濟較一般的情況下，這部分的業務未必能有太大期望。

由於香港業務對保誠在一定的貢獻，而這部分在疫情後開始好轉，因此，保誠整體的業務仍是向好的，只不過回勇力度不算很強，以及部分地區業務仍一般。

長遠發展力仍在，不過短期會因持有產的投資市場波動而受影響（因為保險公司會利用資金投資，因此會受投資市場波動影響）。

因此，股價短期未必強，回勇要時間，但長遠，企業仍有投資價值。現價合理中下，投資時最好分注進行，就要控制注碼。

友邦保險（1299）不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。

不過盈利就有少少波動，但這都正常，因為保險公司有投資相關收益，所以這亦會令股價略為波動。

前景方面，正面的，佢保持不同市場的發展，利用本身的品牌去加強新市場業務，而長遠的市場仍有增長潛力。

這股有長線投資價值，現價就處合理區底部，長線持有無問題。

Q36503：

龔成老師，請問12/14/83/823

現價邊隻值博率會高的喔

龔成老師：

如果想穩陣少少，就恒基地產（0012）。

佢近年的表現較一般，主要受香港地產市道、租務市場，以及外圍加息因素影響，雖然企業的增長力比過往年代的確有減少，但企業的質素仍在。但預佢長遠不是高增長類。

其實，企業仍持有好多有價值資產，例如恆基用$500億投得中環海濱商業地，從長遠計中環獨特性強，長遠始終有一定質素。加上佢是全港最多農地的發展商，都是長遠有價值的資產。

香港地產行業，最好賺的年代已經過去。恆基整體的質素仍在，但不是高增長類，只是收息及平穩增長型。現水平合理，有收息及平穩增長的作用。

另外，如果想博市道好轉，股價有較大升幅就領展。

領展（0823）雖然增長力比過往年代略減，但整體仍是有質素，是收息及平穩增長型的房託。

不過，香港人的消費模式改變，都會對佢有點影響，例如網購及北上消費，不過香港人一向好貪新鮮，因此有部分人北上消費模式並不是長期性的，但當然，也有部分人會成為一個長期消費模式。

至於領展核心持有的商場物業，地點都不差的，長遠租金就算增長不及過往年代，也不會太過差。

另外，佢近年不斷收購海外，以及國內業務，以強化物業組合，領展其中一個特色，就是尋找一些有潛力的物業，收購後進行翻身，提高租金及物業估值，雖然這動作會提高風險度，但同時反映，佢不是完全無發展力的。

現價合理區較下部，可分注投資，長線持有，當然，都要控制注碼。

Q36504：

老師你好，知唔知隻1830點解今日突然間跌咁急？

1）是否公司有咩事發生？

2）現價2.78係咪已到好低價？

3）現價值得再入嗎？（本身有持有）

龔成老師：

1）暫時未見有特別的消息，財經網站也找不到。

有可能是銷售數據轉弱。

始終香港、中國，經濟不太好，消費力不強，對佢業務點都有中短期的影響。

2）如果考慮到最新的經營環境，可以算是合理區底部，但始終考慮經營不確定性，不能定義為好便宜。

3）可以，但不建議買太多。

完美醫療（1830）長遠有發展的，但佢的生意都會受經濟、市道等因素影響，都有少少敏感。整體來說，本身有一定的質素。現價在合理區底部，不過由於管理層及企業本身的業務風險，這股不建議持貨太多。

佢會因為經濟、市場競爭等因素，令佢中短期業務未必好強。

長遠仍有發展力的，佢的野心唔細，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展力都有。

這股有長線投資價值。

所以，如果無貨可分注，或者你先小注，等跌慢慢分注，然後等跌多d先正式分注投資。但這股又不建議持貨太多，因此都要控制翻注碼。

如果本身有貨，就長線持有。

Q36505：

龔成老師，請問如何看coinbase?

龔成老師：

Coinbase Global Inc（COIN）有獨特性，但真正的長期價值有多少，就較難估。

投資者要明白這股風險十分高，可能會倍升又可能會跌8成。同時，絕不要以「股價跌得多就是平」的心態對這股。投資這股，一定要小心控制注碼。

佢係加密經濟技術供應商，佢從平臺上的交易中產生大量交易費用的凈收入，以區域來講，佢大部分收入來自美國，其次是世界其他地區。

要分析佢的價值，就要睇翻虛擬貨幣長遠發展。以本質來說，虛擬貨幣是人為創造出來的，絕對不是「資產」，有沒有真正的價值，如何定義真正的價值，未知，亦令COIN的價值，變成未知數。

長遠的價值，取決於「有多少人用」，如果長遠好多人用，的確可能有高價值。但如果無人用虛擬貨幣，這公司都無價值。

因為準確分析長遠是否好多人用，是困難，因此，當中存有風險，當然，潛力同樣都大。現時睇，虛擬貨幣長遠有發展，慢慢會應用在更多不同的經濟層面，但無人知最終答案，所以。這股可投資，但絕不能太大注，小注好了。

Q36506：

老師,電能有冇機會上$70？唔該！

龔成老師：

電能實業（0006）因為主力收息，要上到$70並不容易。

佢主要從事投資能源及公用事業相關業務，範圍包括火力及可再生能源發電，輸電和輸油，配電及配氣。

佢除左持有港燈（2638）外，亦有國際業務，如英國、澳洲、新西蘭、中國內地、泰國、荷蘭、葡萄牙、加拿大和美國等能源及公用事業相關業務。

這股是收息股，但增長力就不強，有長線投資價值，適合中低風險類的投資者，投資目標是收息，及有少少增長，而這股的股價也較穩定。現價合理區較下部。

除非美國持續減息，再加上佢業務有理想增長，先有機會上到$70。

但你最好以收息及平穩增長類，去看待這股。

Q36507：

我買左27000股435 陽光地產 收咗息 但係呀 見到股價 現在是1.6元 我買的購入價是1.85元 唔知點解 有啲衝動想止蝕

睇你咁耐 學到就係話如果要購入陽光地產 原因就係佢 係一隻優質嘅收息股 但係見到 估價波動 就係有一個衝動 想止蝕 我知道呢樣嘢係唔啱嘅

因為我的投資角度係長期持有 不是短炒

而家正嚴格遵守紀律， 繼續持有

相反仲想買多啲 但係仲觀察緊

龔成老師︰

我地要睇這股票，有無核心轉弱，以及你持貨的比例。

我地最重要理性分析，用質素去決定去留，而不是短期股價。

你要先清晰翻一個重點，你短期內就會退休。所以，投資個重點唔再係睇股價升跌，而係佢公司本質和派息政策有無變差。如果無變，咁就算佢個股價跌，你都唔洗理。

因為退休後架你，重點唔係做資產增值(即係賺股價)，而係要穏定架被動收入(即係股息)，千奇唔好錯重點。

陽光房地產基金（0435）短期會因香港市道一般而弱，但長遠仍有質素，可長線收息，但就不要對增長有太大期望。

佢為恒基兆業地產（0012）旗下的間接全資附屬公司，恒基陽光資產管理公司所管理。

主要業務為擁有及投資於可提供收入之香港寫字樓及零售物業，寫字樓有甲級及乙級，而商場位於上水、將軍澳、元朗、尖沙咀等。

雖然近年的業務表現較一般，主要受香港地產市道、租務市場影響，由於香港短期經濟回勇力度仍不算強，因此對寫字樓部分都有影響，至於中長期，則會慢慢好轉。

至於商場方面，香港人的消費模式改變，都會對佢有點影響，例如網購及北上消費，不過香港人一向好貪新鮮，因此有部分人北上消費模式並不是長期性的，但當然，也有部分人會成為一個長期消費模式。

簡單來說，陽光作為收息股可以，但面對香港市道，短期表面會較一般，但長遠會慢慢好轉，長遠收息不差，但就不要對股價有太大期望，現時股息率不差，現水平有都有投資值博率，只要你用長期收息作為視點，長線持有，咁就可以。

但都要記住，組合佔比不能太多。如果你貨多，就有機會要減持。

Q36508：

可唔可以講下友邦，60買，持續跌，真係唔知點做好

龔成老師︰

你預短期仍一般，市場對佢業務增長方面有擔心，加上大行睇淡，短期弱，不過，佢長遠仍有質素，所以只要你持貨不過多，就可以持有。其實你在心態上，不用太著重短期的賺蝕數，而是長期的增長力。

現時最重要你是持貨，如果不過多，就守住先，但預佢短期一般，要耐心持有。

友邦保險（1299）長遠仍不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。

不過盈利就有少少波動，但這都正常，因為保險公司有投資相關收益，所以這亦會令股價略為波動。

前景方面，正面的，佢保持不同市場的發展，利用本身的品牌去加強新市場業務，而長遠的市場仍有增長潛力。

這股有長線投資價值，現價就處合理區底部，長線持有無問題。

Q36509：

老師下午好，請教一下，您覺得ALAB是優質股嗎？

有沒有美股中AI概念的優質股票您覺得值得推薦？AI有沒有ETF股票是您覺得優質的呢？

龔成老師︰

Astera Labs Inc (ALAB)是一家向雲端營運商提供網路晶片的新創公司。

我自己無研究而間公司，由於佢係剛上市不久，所以好多數據架參考價值唔高。

初步睇佢依然處於收支未平衡狀態，有一定風險。就算你睇好，都只能小注。

其實AI涉及架範疇好闊，由晶片製造、設計、到前端應用(例如NVDA,MSFT,AMD,AAPL,GOOG,TSM,TESLA等)，當中有好多企業。如果你無明顯投資目標，可以考慮ETF。

Global X Robotics & Artificial Intelligence ETF(BOTZ)主要投資於可能從機器人技術和人工智能 (AI)利用中受益的公司，包括那些涉及工業機器人和自動化、非工業機器人和 自動駕駛汽車。

前十大持股包括NVIDIA (NVDA.US)、KEYENCE CORP(6881.JP)、ABB LTD-REG(ABB.SW)等企業。

此股有一定投資價值，但不確定性高，市場對AI未來發展其實未有具體的想法，所以有少少係"估願景"。

另外，要留意多一點，就是此ETF前5大股票佔去整個組合4成半。所以，這5間公司表現，好直接影響到ETF的升跌。

總括而言，你投資係可以，但不宜過份進取。

Q36510：

感謝老師的留言,我本人實在數口非常差,全靠用excel的公式去理解月供股票既比例!!

因我是從老師身上才認識到股票,也理解儲資產及退休後可以利用被動收入而生活! 在社運後失業後試過靠炒股生活,但壓力極大,加上觀察返所炒既股票,才真真切切理解如當時不是炒,而是儲,

只係1211我就賺了非常多呢,但過去就是過去了~感謝認識老師,感謝你讓我對儲錢養老有不同睇法。

龔成老師︰

不用客氣!!!

緊記唔好短炒就好，唔係話一定賺唔倒錢，但長線很大機會對你造成不利。

因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。

其實好多人唔願意做長線，係因為長線投資效果唔明顯。但其實長線投資只要做得好，複利效應會令到個回報十分高。

你可以睇翻之前架影片，就會明，加油!!!

https://www.youtube.com/watch?v=ZaVTKyodNCg