Q47731：
我係宏利買百年保 1996年開始人壽加醫療 應供到2029年我已60 old了 之後如何好？我再有去向 見sir出此保險問題 所以想知
龔成老師：
到期後，你應該將資金，選一些適合自己年齡及風險度的產品，例如你接近退休，就應該考慮收息工具：收息股、高評級債券、年金、保本類基金等。你要從「整個財富配置」角度出發，2029年你會得到資金，而你考慮怎樣用這些資金，要同時考慮你現時其他資產，從「整個財富配置」角度想。你這年齡應該開始要低風險，著重現金流類別。
Q47732：
3690 算唔算優質股？
龔成老師：
優質度減左。美團（3690）受中國經濟因素影響，以及行業競爭，之前較一般，但長遠仍有發展，不過都要留意短期股價波動。
但有一點留意，雖然企業長遠仍在市場有一定地位，但市場長遠計，都有機會因為競爭比過往年代大左，令企業賺錢能力略減，令企業發展度，有機會比過往減少，所以投資，都要控制注碼。
Q47733：
請問2208金風科技算優質企業嗎？由高位18回落到現在，現價合理？謝謝🙏
龔成老師：
並不是無質素，但風險較大，近年股價其實升好多，波動正常。金風科技（2208）主要從事製造並銷售風力發電機組及風電零部件，佢有提供風電相關諮詢，風電場建設、維護服務；建立及經營風力發電場；以及提供污水處理業務及融資租賃服務。
近年發展不差，收入與盈利保持增長。
股價有點波動，業務受綠色能源發展，前景正面。但由於負債因素，令企業風險有所增加，投資者要小心控制這股的投資金額，明白短期仍波動，要以長期的心態進行。
現時估值約在合理區較上部，投資小心控制注碼，考慮上述所講的風險因素，低風險者並不適合這股。
Q47734：
買了少少3466
龔成老師：
長期收息無問題。恒生高息股30指數ETF（3466）是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。
此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。
不過，大家要記住，選擇收息股最重要係質素，唔係一年派幾多次息。如果你係要每月收息，其實將全年股息集埋，自己再分配成12份就可以。
至於此ETF，主要係投資於金融類股份，佔接近4成，其次是佔約2成的地產建築業。
當中最大持股，包括中國飛鶴(6186)、電訊盈科(0008)、遠東宏信（3360）、恒隆地產（0101）等。這些股票都有質素，適合長線收息。
此股可作收息之用，現價合理，可分注儲貨。
Q47735：
見𠲖家個個都睇好美股
係咪代表係買港股嘅好時機呢？
龔成老師︰
方向上，會減持，但要到時先知。
現時港股長線值搏率，會略高於美股。
不過，未算係平宜區，只係合理區中間。若2者比較，港股現時值搏率係佔優。
但港股估值計，係值得儲貨階段，但未到大手買入階段，要分清楚。
而我要強調，一定要「港股+美股」，如果本身港股貨多，就算當刻值博率比美股吸引，港股也未必適合再加，或只能加少少。
Q47736：
請問寧德時代已比買入價大跌60，70元，應繼續持有嗎？這有潛力嗎？
龔成老師：
寧德時代（3750）有質素，長遠有發展，其實長線無問題，只是近年上升好多，加上本身行業都有少少波動，你最重要控制持貨，只要貨不是過多，無問題，耐心持有就得。佢係全球領先的動力電池系統供應商，專注於新能源汽車動力電池系統、儲能系統的研發、生產和銷售，致力於為全球新能源應用提供一流解決方案。
佢係電池材料、電池系統、電池回收等產業鏈關鍵領域擁有核心技術優勢及可持續研發能力，形成了全面、完善的生產服務體系。
業務有增長，生意與盈利也不差，不過股價就略為波動
Q47737：
長線收息組合, 3466 + 14 + 87 可以嗎? 謝謝
龔成老師：
可以，最好加入3110，而（3110+3466）佔比可以較多，而14、87佔比相對較少。
Q47738：
老師 388安全嗎？謝謝
龔成老師：
港交所（0388）有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。
但要留意，由於這股的盈利會受股市成交影響，因此股價都會有影響。
早幾年成交弱，令這股近年股價較一般。到最近，港股成交好轉，這股股價向上。所以，你會見到佢股價十分波動。
投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。
現價合理區中間，分注可以，企業長遠仍有發展力，但短期會較波動，都要留意風險。
Q47739：
老師超有心，又詳盡。👍🏻👍🏻
想問：
1.如何判斷企業估值是否合理？
2.2800，3110和3466如何選擇？
龔成老師：
如果你想收息及增長，就2800，如果你想收息，就3110或3466（可考慮兩隻一同持有）。
2800的波動會比3110/3466高少少，但增長力有機會也比佢地高，另外，如果想提高組合平衡度，可考慮2800+VOO。
留意，上述所有的方向，都是長線，同時投資時，最好用分注。
Q47740：
老師，想資產配置100萬黃金，請問etf還是實體好？etf的話，邊隻好？
龔成老師：
首先，黃金可以成為組合的其中一部分，但都不建議過多，你要控制好比例。
至於買實金還是ETF，如果你中短線，就ETF，靈活度較高，如果你超長線，就考慮實貨，實貨一般買賣差價闊D，所以不會經常買賣，買入後一般都是「長線持有」。