Q44981：
龔成老師, 你好想問一下
英偉達同Tesla, 算唔算有關鍵人物風險
因為英偉達主要靠黃仁勳, Tesla 主要靠Elon musk,
而有報道指出Elon musk, 有吸毒習慣同多名女星曾經發生過關係
如果Elon musk 有任何三長兩短, 相信Tesla 股價會出現大幅調整, 你的看法是如何呢？謝謝
龔成老師︰
算有，但唔係好極端架情況。
2位都係好有視野架企業家，同時都有極豐富架行內和科技知識。
不過，整間企業未至於失去佢地，就無法運作。始終好多發展，係由公司團隊去做，而唔係個人，佢地主要價值在於提供一個大方向。
而公司本身擁有的技術，不會無左，而是創新上，有機會無過往咁強。
失去佢地，公司投資價值會扣分，有機會令估值減少，但不至於是災難。
當有些企業已發展到一定水平，建立了強大護城河，個別人士的重要性，就會減少，例如蘋果公司（AAPL），Steve Jobs過世後，企業仍發展理想。但如果Steve Jobs早10年過世，蘋果就絕對無今天般強大。
Q44982：
早晨 雷軍最近入股一憶意味着什麼？
龔成老師：
反映佢睇好企業長遠發展，以及認為現水平股價吸引，才值得加注。
Q44983：
成哥 真係輸到唔識咩方向了，請問一下可以點計劃？ 股票質素係有，但唔知點解會跌成咁
1810、2013、2525、9698、9927、9988、CHA
龔成老師︰
你要記住一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
1810、9988有實力、有發展，無問題。
而9698、2525都是發展，但風險會高少。
2013風險高，注好了。
賽力斯集團（9927）是以新能源汽車為核心業務的技術科技型企業，業務涵蓋新能源汽車及核心三電等產品的研發、製造、銷售及服務。集團於2021年發佈問界品牌，已經成功推出問界M5、問界M7、問界M8和問界M9四款車型。
企業雖然都有發展力，但始終業務仍新，財務數據不穩，風險較高。加上新股上落較波動，如果你投資，只宜小注。
霸王茶姬 Chagee Holdings Limited（CHA）
近年發展理想，生意及盈利增長快速。不過要留意，這類始終是流潮產品，生意是否一直能增長，還是當日後潮流改變令生意轉弱，這點不易分析。
因此，投資不是不可，但只宜小注，始終長遠業務發展，存有不確定性。
簡單來說，你手上架持股，唔係無長線投資價值，但佢地都係偏潛力股。
所以，當市場轉弱，佢地就會跌有好明顯。
而且，當中有部份係近期IPO。其實IPO好多時作價都唔平，所以安全邊際好弱，所以會好波動。
你而家太偏重左係潛力股，佢地雖然有增長潛力，同時風險都較高，不宜持有過多。
若你是年青至中年人士，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。
未來時間，你就要加大翻平穏增長股部份，令組合更平衡。
平穩增值股，例如指數基金，美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，睇下適唔適合你。
Q44984：
龔SIR你好，我是你在澳門班的舊生（基礎班和進階班）。首先，想和你分享，今年我達到自己的第一個100萬，非常開心啊，謝謝你！我FOLLOW左你好多年，你的書我幾乎一半都有買，好好睇好有得著！
現時這100多萬其中有60多是定期存款﹑30多是股票投資，另外的10幾是活期現金以備不時之需；其他銀行還有20多萬活期現金。好耐無請教你啦。希望你百忙之中可以抽空協助檢視我現時的股票投資組合比例，給些專業意見，感謝！
問題1：我用EXCEL計左現時的投資組合(不知正確嗎, 如有誤請更正)，我用的股價是2025年11月19日的收市價，想麻煩你指導一下如何調整或之後怎樣安排較好(請見上圖)；
問題2：#2800和#3067是我用仔仔儲起的零用錢和每年澳門政府派的現金分享去幫他買入儲起做的投資，因為我仔仔仲細未有銀行戶口，所以一直用我銀行買。我將數據寫埋落我個投資組合入面，希望你睇得清楚Ｄ，我一直用你教的方法每季或半年入貨幫他儲貨儲錢，請問成份股是否適用不能超過組合15%的說法？呢個情況我是否可一直幫仔仔入貨？
問題3：你提過每個股票不能佔自己組合15%以上，因有些超了15%，例如#66，呢隻係我第一隻跟你教學買的舊經濟平穩增值股，但我又想繼續儲貨，想問下我這個情況如何調整？
問題4：#1810小米我是很後期才留意到跟你入貨，我策略是每跌15%就入貨，之後我都想繼續投資呢隻優質股，可以繼續儲貨嗎?
問題5：我覺得現時思維有點亂，不知怎樣安排繼續投資，因我有些股票在高位時買入(例如#27和#1830)，搞到卡住左影響晒投資個操作，請問怎樣好？
問題6：其他股票例如#823, #1177,請問可繼續儲貨還是不理會，但因為我不想有咁多股票，之前買落太多了有點後悔，請問怎樣好？
最後，多謝你抽空睇晒咁多問題和解答我問題（希望你會答），記得不要出我名或我的頭像，哈哈！
期待你的回覆，祝身體健康，事事順利！
龔成老師︰
恭喜你，達成一個理財里程碑。
- 你用現時股價，去到做個表就可以。
如果係一D近年好波動架股票，可以用佢近2年股價架平均值(例如小米)，作為收市值，點會更合理。
- 你可以照用2800和3067幫小朋友長線儲錢，係無問題。但長線可以考慮加少少VOO,QQQ，去平衡地區性風險。
但美股唔平，可以慢慢進行。
任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。
因此，你要建立一個平衡的投資組合，當中有不同的類別、不同的行業，這是最好的平衡風險方法。個別地區不要高於組合70%，相同行業不可佔組合多於30%，而單一企業不要高過15%。
但盈富(2800)、VOO這類指數基金，則不受企業和行業限制，因為它是一個包含一籃子不同行業的優質股組合。因此，盈富(2800)、VOO就算在組合中佔較大比重，都唔會造成(企業和行業)過度集中性風險。
以下影片都有講組合平衡的重要性和做法，你可以睇下︰
https://www.youtube.com/watch?v=Z9Yglj7eKvA
但3067和QQQ算係個別行業，要控制在30%以內。
-
0066唔好再加注，長線用新錢慢慢拉平衡個比重。
-
長線只要控制好15%比重，可以慢慢儲小米(1810)。
小米（1810）以手機、智能硬件，以及物聯網為平台的公司，小米專注於互聯網直接銷售產品，近年發展電動車。
近年的業務發展理想，無論手機、ＩｏＴ、智能車，各類業務部分，都有相當的增長，除了反映不同類別的業務都發展理想外，相信小米的品牌及產品性價比高等因素，能帶動整間企業發展。
近年的賺錢能力也持續向好，多個業務類別的毛利率都有持續向上，反映企業並不是透過減價去推銷量，而是提高產品的吸引力，不止吸引更多消費者，更提高每件產品的賺錢能力。
近年企業發展智能車，由零開始到成功銷售，只用了3年時間，反映這企業的研發能力、執行力都好強，更重要是銷售理想。
雖然這刻智能車業務剛收支平衡，但只要發展理想，當產量進一步上升能產生規模效益，同時只要建立好品牌，慢慢提高汽車的賺錢能力，這部分將創造可觀盈利。
整體來說，企業長遠發展正面，現價處合理區中下，可分注投資，但短期股價可能有點波動，投資者要平常心，以長線角度去投資這股，耐心等企業發展。
- 其實組合最少一年，就要審視一次佢地質素，睇下有無轉弱，再去調整。
0027、0823、1830長線投資價值弱左，現貨可持有，但唔建議加注。
- 其實你手上股票，都可以保留。但記住0066, 0027, 0823, 1830不要再加注。
一個100萬以下組合，持有10隻股票左右，係合理。
如果你依然唔係太有信心選股，可以集中指數ETF，如2800, VOO。
以你35歲計，你可以考慮「平穏增長股」和「潛力股」。
你現時組合，無美股，長線可以慢慢加少少。
選股上，你可以留意一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可留意潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以自己了解下，再決定是否從中選股。同埋，佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
另外，你手上定期存款都較大，佢地增長力不高，建議長線慢慢放入具增長力股票，會對你更有利。
以下是有關"平穏增長股"和"潛力股"教學分享的影片，你可以參考下︰
https://www.youtube.com/watch?v=YJdE6xyUXS0
https://www.youtube.com/watch?v=u0ADUWkikhU
Q44985：
謝謝老師詳盡的分析 令我學到很多東西。 若果穩陣收息我諗都要可能買返中移動 香港電訊或者中銀香港甚至領展等。 不過唔知老師對 航運股 看法如何例如1919 中遠海控？ 在此我再次衷心感激老師的幫忙。
老師還有電訊股又如？何值得投資嗎？
老師，剛剛看到你在facebook 的video關於
收息股 。我從來唔知道有一隻3110！多謝你的推介。
龔成老師︰
GX恒生高股息率（3110）一定有分享過比你，你可以睇翻上面留意，可能你睇漏左。
它是一個投資收息股的基金，追蹤恆生高股息率指數之表現。這指數投資一些在香港上市，大型的企業，加上要有一定的派息的上市公司。
基金有50隻成份股，以下是基金部分持股：
中國飛鶴(6186)、恆生(0011)、中海油(0883)、農行(1288)、平安保險(2318)、電訊盈科（0008）等。這基金雖然收息組合，但增長力不強。
另外，由於基金持股集中在中國企業，投資者不能只持有這基金，最好視為收息股的其中一員，如果投資者低風險，宜同時持有其他的低風險、收息工具。現時算是合理區中間部位，可以分注投資，長線持有。
可以上基金網站有介紹的
http://www.globalxetfs.com.hk/funds/hang-seng-high-dividend-yield-etf/
收息股，0941和6823係適合。但2388和0823始終業務有一定波動性，不宜作為收息股重心。
至於中遠海控（1919），佢派息好受生意影響，好波動，唔太建議用來收息。
以下是一些值得考慮的收息股，你都可以參考下︰
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
[各類收息股比較] https://www.youtube.com/watch?v=t1VSoLLtpic
[避開"假"收息股方法] https://www.youtube.com/watch?v=3bf4bhV-f-g
最後，要留意組合平衡性(唔好集中晒電訊股，或個別股票/行業)。
任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。
因此，你要建立一個平衡的投資組合，當中有不同的類別、不同的行業，這是最好的平衡風險方法。個別地區不要高於組合70%，相同行業不可佔組合多於30%，而單一企業不要高過15%。
但盈富(2800)、VOO這類指數基金，則不受企業和行業限制，因為它是一個包含一籃子不同行業的優質股組合。因此，盈富(2800)、VOO就算在組合中佔較大比重，都唔會造成(企業和行業)過度集中性風險。
以下影片都有講組合平衡的重要性和做法，你可以睇下︰
https://www.youtube.com/watch?v=Z9Yglj7eKvA
Q44986：
老師、
雲峰金融、本人$6.450 買入1 萬股
美圖$10.980 買入3000 股
中國太保$37 、買入4000 股
以上三隻股票、前景如何？應繼續持有嗎？
龔成老師︰
雲鋒金融（0376）全資附屬公司雲鋒證券獲得證監會批准，將現有第一類（證券交易）受規管活動的牌照升級為透過在證監會持牌平台上開立綜合帳戶的安排下，提供虛擬資產交易服務。
雖然會提高企業潛力度，但之後發展情況，具體有多少盈利貢獻，未知，而佢過往，業務較為波動。
雲鋒金融（0376）主要有4個業務：（１）證券經紀：從事證券經紀，以及託管服務和其他服務。（２）財富管理：提供資金和資產管理服務，以及為企業客戶制定融資和投資解決方案。
（３）顧問及諮詢服務：為企業客戶提供企業諮詢，配售和承銷服務。（４）主要投資：基於資金管理模式，或涉及持有固定資產收入工具、高級別股權工具和其他金融投資。
考慮到企業發展，以及風險度，只建議小注投資，同時要明白當中的風險。
美圖公司（1357）業務有發展，但算是有危有機類的股票。
佢近年加強發展人工智能影象生成技巧，在中國算是行得較前，佢令圖片、影片、設計、數碼人像製作變得更簡單，見佢有實在的生意提升。
佢主要從事提供在線廣告及其他互聯網增值服務；以及開發、製造及銷售智能硬件產品。
業務發展中，投資價值有，但始終有不確定性，財務數據近年也有好轉情況，因此，如果睇好可以投資，但就唔建議太過大注。
中國太保（2601）主要分為人壽保險及財產保險兩類。
過往發展都不差，盈利都有持續增長，業務仍有增長力，現價合理區中上部，未算貴，但就要注意股價波動風險。
此股可以持有，但質素唔算最好，故只宜小注持有。
Q44987：
老師你好, 想問你兩隻股票
一係比亞迪電子, 而家跌左去一個比較吸引既水平, 如果冇貨可唔可以係30蚊以下建倉呢?
二係coinbase, 呢排比特幣回落不少. 但想知coinbase而家既獨特性係唔係開始轉弱, 佢增長空間/潛力係唔係少左呢?謝謝
龔成老師︰
- 比亞迪電子（0285）這股正面的，佢是比亞迪股份（1211）的子公司，現時業務已涵蓋智能手機、平板電腦、新能源汽車、智能家居、無人機、物聯網、機器人等多元化的市場領域等。
由於母公司比亞迪股份（1211）業務主要為新能源汽車，因此，比亞迪電子（0285）部分業務都會與新能源車有關，當1211增長理想時，都會帶動0285。
比亞迪電子近年發展正面，在部分領域處全球領先位置，每年現金流理想，同時每年投入大量資金作研發，以保持業務發展，以及技術的領先，因此長遠發展正面。
現時股價大約處合理區中間位置，如果無貨，其實現價已經可以分注慢慢儲貨。同時要控制好注碼，唔好過份進取。
- 雖然COINBASE成熟左，但現階段依然好受幣市影響，所以你預佢中短期會好波動。若持貨不多，又預長線持有，咁
就無問題。
此股依然有長線投資價值，其實佢股價雖然係有明顯回調，但長線潛力依然係有。佢現時不停開闊緊自己架業務，由幾年前只係做買賣交易，收下收續費。到現時已有託管、集資、鏈上抵押借貸(BASE公鏈)等能力。(當然，暫時仲係手續費收入為主。)
長線佢發展，有機會慢慢變成類似港交所(0388)模式，即係一個全功能架集資交易平台。甚至長線有機會蠶食部份傳統經濟架金融業務。
當然，這個只係"預測"，唔係一定做到，但佢現時相信是向這方向發展，故具有潛力，值得持續觀察佢發展。
Coinbase Global Inc（COIN）雖然有獨特性，但真正的長期價值有多少，根本好難估。
佢係加密經濟技術供應商，佢從平臺上的交易中產生大量交易費用的凈收入，以區域來講，佢大部分收入來自美國，其次是世界其他地區。
近年BTC和ETH ETF相繼出台，而部份會對佢架託管業務造成正面影響。睇翻現時大部份BTC ETF，都係用佢做託管人。如果未來再有新的加密貨幣ETF要出台，相信集團依然能穏佔一個重要席位。
不過，大家要留意一點。以往好多人投資Coinbase(COIN)，會視之為投資加密貨幣的替代品。但隨著BTC和ETH的ETF出現，佢而個替代品架功能，可以算係完結左。
未來佢架投資價值，就要完全睇翻佢業務和市場發展。
至於它的業務價值，要分析就要睇翻虛擬貨幣長遠發展。
近年佢都開始加大業務範疇，去令收益更多元化。此外，穏定幣應用愈來愈普及，都會對佢架收入有所幫助(因為Circle會有分成比佢)。
再加上，美國對加密經濟政策漸漸明朗化，都係利好佢發展架原因。
不過，大家要明白佢收入來自業務表現，所以長線股價走勢未必一定會同幣價一樣(有機會更高，或更低)。
同埋，始終成個加密經濟好新(雖然已經比多年前成熟)，但本質來說，虛擬貨幣是人為創造出來的，絕對不是「資產」，有沒有真正的價值，如何定義真正的價值，未知。
長遠的價值，取決於「有多少人用」，如果長遠好多人用，的確可能有高價值。但如果無人用虛擬貨幣，這公司都無價值。
因為分析長遠是否好多人用，是非常困難，因此，當中存有相當的風險，當然，潛力同樣都大。
你若睇好加密經濟發展，可以投資。但你要明白成個加密經濟仲係好新，故未來發展的不確定性相當之高。
投資時，緊記要控制注碼，只能投放一個輸左都唔會明顯影響組合的比重，之後長線持有，咁就可以了。
你可以睇這個影片，有講及穏定幣和COIN相關知識︰
https://www.youtube.com/watch?v=3d7yq2EP4IM
Q44988：
想請問9660？依家呢個價買唔買得過？
9880地平線呢個價錢買唔買得過呢？
龔成老師︰
地平線機器人（9660）從事為乘用車提供汽車解決方案，亦提供非車解決方案，使設備製造商能夠設計及製造具有更高智能水平的設備及器具。
是乘用車高級輔助駕駛「ADAS」和高階自動駕駛「AD」解決方案供應商，擁有專有的軟硬件技術。
企業有長遠發展力的。雖然業務發展快速，但企業仍處於虧損狀態，因此，可理解這股為風險類潛力股，如果睇好，都只建議小注投資，相信佢股價上落會好大，如果風險承受能力不高，就不宜投資這股。
優必選（9880）主要從事智能服務機器人及智能服務機器人解決方案的設計、生產、商業化、銷售及營銷以及研發。這是其中一間，有一定實力的機械人相關公司。
企業長遠有發展力，不過，行業都有一定風險，始終較新興，財務數據也不算好強。投資暫時只宜小注。
產品在不同程度上配備了感知、交互、分析及處理人類指令及外部環境（如建圖、溫度測量及人臉識別）的智能功能，範圍涵蓋消費級機器人及電器，針對教育、物流及其他行業定制的企業級智能服務機器人及智能服務機器人解決方案。
業務雖然有發展力，但生意波動大，風險較高。暫時只建議小注投資，同時，一定要明白風險，低風險者不宜。
以下是它的分析影片，可以參考下︰
https://www.youtube.com/watch?v=vFiud0-qpgw
Q44989：
龔sir，想問3110適合月供嗎？謝謝
龔成老師：
可以。GX恒生高股息率（3110），是一個投資收息股的基金，追蹤恆生高股息率指數之表現。這指數投資一些在香港上市，大型的企業，加上要有一定的派息的上市公司。
基金有50隻成份股，以下是基金部分持股：
中國海洋石油（0883）、中國神華（1088）、中國宏橋（1378）、中石油（0857）、中煤能源（1898）、電訊盈科（0008）等。這基金雖然收息組合，但增長力不強。
另外，由於基金持股集中在中國企業，投資者不能只持有這基金，最好視為收息股的其中一員，如果投資者低風險，宜同時持有其他的低風險、收息工具。現時算是合理區中間，可以分注投資，長線持有。
Q44990：
老師, 想問吓ORCL現價現在合理嗎?
是潛力股嗎?謝謝你
龔成老師：
甲骨文 Oracle Corporation（ORCL）有一定的規模及質素，不過股價就較波動。
甲骨文軟件係統有限公司（Oracle Corp）為全球企業提供數據庫技術和企業資源計劃或ERP軟件。企業提供解決全球企業資訊技術問題的產品和服務，企業的雲產品包括各種雲軟體應用程式，包括企業資源規劃軟件、績效管理、供應鏈解決方案等，以及基於雲的基礎設施支援。
成立於1977年，如今，甲骨文擁有136,000名員工，在175個國家/地區擁有430,000個客戶。甲骨文現時希望由人工智能技術的發展，帶動雲相關業務的需求進一步增加。
業務大致穩定，不過股價就較波動，以近年的業績分析，現價已合理區頂部，除非企業有一定的增長力，否則這刻投資值博率已不高。當然，如果企業能保持增長，這企業現水平只是合理區較上部，而這刻市場在估值上投放了不少將來價值，雖然長遠都有發展，但擔心市場估值始終已反映了較多利好因素，現水平只建議小注投資。