Q44051：
Hi老師，冒昧打擾，請問將三份一的資金放在中銀人壽的鑄富世代環球終身壽險計劃會否合適？？
龔成老師︰
其實"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。
但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。
以下影片都有講到一些保險知識，你可以睇翻︰
https://www.youtube.com/watch?v=VFoXPZmDZD0
Q44052：
老師你好，雖然我唔係你嘅學生，近依1年經常留意你嘅專頁，真係獲益良多！謝謝你嘅無私
其實我有個問題困擾咗好耐，又一直唔好意思問你（因為我唔係你學生），唔知你會唔會睇到我訊息，不過今日扚起心肝照問吓！
我有隻2333，疫情高位30幾蚊時候高追咗，之後一蹶不振，🦀到而家都未放⋯想知道呢啲傳統車股未來長遠發展還可以嗎 有冇機會返番上去呢？🥲 因為都擺咗喺度咁多年，虧左一半，我唔捨得斬倉。
唔知老師有咩高見
龔成老師︰
多謝支持!!!
而個平台，係比讀者交流。唔一定係我股票班舊生，先至發問得。但提問者較多，一般要數天才回覆到。
首先你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
長城汽車（2333）業務不過不失，質素都有D，但不算好強，過往的增長力不算好強，長遠業務發展都可以，但未必是潛力型。這股都有長線投資價值。
集團總部設於中國河北省保定市。集團作為綜合汽車製造商，除以長城品牌名稱銷售皮卡車及運動型多功能汽車（ＳＵＶ）外，集團亦從事銷售供生產皮卡車、ＳＵＶ及轎車所用的主要汽車零部件業務。
該等零部件包括自行製造的發動機、前後橋、空調設備、轉向球銷和拉杆總成及供生產整車的其他零部件。
企業近年都有發展力，但又未到好強，不建議投資太多。
若你持貨少，可以守，再觀察。如果持貨多，建議減持。
Q44053：
老師你好，想請教一下，應在什麼價位或條款下，買入收息股作長線收息？息率？pe？還是什麼？升市或是跌市？現在合適嗎？
請問是否公用股作長線收息，是否較好？
每隻股票不能超過10至15%嗎？
如何選擇收息股作退休收息之用？應何時購買？分批嗎？每隻股票在不同時間時機買嗎？
請問中電，港燈，3110，領展，置富產業中移動，長江基建，香港電訊，可作長線收息之用？每隻比例上需要如何安排？還是以股價股息買入？
老師你好，想請教一下，3110和3190，會否賺息蝕價？其他收息股如何避免賺息蝕價？
5, 1113, 1可否作收息股之用？
823還是778較好？
中國銀行股或保險股可以買入嗎？
謝謝？
龔成老師︰
其實唔係單睇價值，仲要綜合考慮好多因素，例如自己人生階段、企業本質、派息政策、組合平衡性等。
收息股，主要係退休時用來創造被動收入，最好係退休前3-5年開始慢慢部署。在此之前，應該先以具增長力股票，去累積大個退休本金。
(可參考影片︰https://www.youtube.com/watch?v=EAhXyyzBXDY)
<<優質收息股>>
以下是一些值得考慮的收息股，你都可以參考下︰
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
[各類收息股比較] https://www.youtube.com/watch?v=t1VSoLLtpic
[避開"假"收息股方法] https://www.youtube.com/watch?v=3bf4bhV-f-g
<<組合平衡性方面>>
任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。
因此，你要建立一個平衡的投資組合，當中有不同的類別、不同的行業，這是最好的平衡風險方法。個別地區不要高於組合70%，相同行業不可佔組合多於30%，而單一企業不要高過15%。
但盈富(2800)、VOO這類指數基金，則不受企業和行業限制，因為它是一個包含一籃子不同行業的優質股組合。因此，盈富(2800)、VOO就算在組合中佔較大比重，都唔會造成(企業和行業)過度集中性風險。
以下影片都有講組合平衡的重要性和做法，你可以睇下︰
https://www.youtube.com/watch?v=Z9Yglj7eKvA
<<退休配置>>
你到退休時，可以選擇以上收息股，以分注形式慢慢儲貨。
另外，你可以考慮在被動收入組合中，加入一些債券(A級)、年金、定息產品，去令佢更多元化。同時間，保留一定現金，以備不時之需。
目標是5%以上股息率的收息股，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，你可以了解下，並從中選股。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。
長遠你只要將資金平衡配置在不同的收息資產，咁就可以。
Q44054：
龔sir你好，本身不懂投資，只係將資金做港幣定期。該筆定期快將到期，見美金定期利息相對吸引，想請問將該筆資金轉做美金定期穩陣嗎？會不會有太大風險？
謝謝
龔成老師︰
定期，唔係一個理想的增值工具，除非你自問好保守，否則長線建議增值，係用優質股去部署。
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。
但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。
現在你每月先用5成儲蓄做月供。其餘先儲起，用一邊月供一邊儲蓄的策略。
月供方面，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
Q44055：
成sir, 請問 對OSL集團！00863 有什麼看法？
龔成老師︰
OSL集團（0863），於香港從事數字資產平台及區塊鏈相關技術業務。
業務主要包括OSL加密貨幣交易所，交易所為香港最早期合規交易所之一，有一定經營經驗。
收入超過7成來自數字資產交易，即客戶在平台交易費用所得。
不過，佢業務十分波動，始終表現好受加密市場影響。而且，香港合規成本唔細(佢多年來都虧損，到2024年才初見盈利)，同時開放給一般散戶買賣加密貨幣選擇不多，都影響了其盈利空間。
總括而言，此股投資價值係有，但不確定性都好大(包括來自競爭和政策方面)。故投資可以，但只宜小注。
Q44056：
- 老師你好
可以請教一下
你對香港，澳門未來的睇法嗎？
因為有些人認為某些國家不再承認香港國際金融中心
會影響香港未來嗎？
謝謝老師
- 香港財政儲備不停下降, 會見底嗎？會有好轉機會嗎？
你認為最終結果會怎麼樣？
如果香港財政儲備變成零
甚至為負數
會有什麼結果？
謝謝老師
龔成老師︰
- 我自己覺得香港依然會係國際金融中心，但其他方面架發展，就好睇政府長遠規模成點。
而我地在分析時，不要太著重短期情況，而是長期，例如2023年，港股跌到15000點，新股集資極少，成交每日幾百億，外資都不喜歡港股。
到2025年，每日成交2000億，新股集資球第一，恆指上翻25000點，外資也不斷增持港股。
所以，我地最重要從長期角度分析，香港地位無變。
而澳門，問題也是不大，只是短期因中國消費弱，影響了企業收入，但長遠無問題。
- 雖然短期難有轉機，但就算見底，都可以用債來支持（好多好多國家都用這方法，而香港的負債暫時不高，仍有好多空間）。當然不能作為長期手段，最終都要令香港儲備平衡。
相信在幾年後，財政能平衡，因此不用太擔心。
Q44057：
明白，即係龔sir建議自己買返正股唔買呢d基金？
龔成老師︰
唔係唔建議。
不過，你前提係要了解基金投資目標，同埋主要持股(最少要睇頭十大)。
如果你無選股能力，但又睇好個別市場，而類ETF係可以考慮(因為佢係一籃子相關股票，可以減少你選錯個股機會)。
最重要，你要明白自己投資緊乜，同埋當中風險。
Q44058：
Kung sir 請問美股班教搵年報可以係www.sec.gov 搵，但港股年趣就搵吾到！
試過入4/5 位股票編號，再等一陣顯示公司名先click,但係都搵吾到，係咪有其他平台可以搵到？
龔成老師︰
港股年報，係要睇港交所披露易。
https://www1.hkexnews.hk/search/titlesearch.xhtml?lang=zh
輸入股票編號 >>> 標題類別及文件類別 (選"標題類別") >>> 財務報表/環境、社會及管治資料 >>> 年報
Q44059：
老帥早晨，傳巴菲特清倉1211，請問這代表什麼？
龔成老師：
3年前佢已開始不斷賣出，因此不是新消息，市場一早已經預佢會賣晒，因此市場已經完全消化這因素，因此對企業完全無影響。根本不用理會。
正如我3年前所講，有機會是佢自己資金配置，或認為1211增長力減，或政治因素而賣出。
Q44060：
老師，想請問東方錶行是否值得投資的高息股, 還有華晨汽車1114？
我嘅問題係資金不足 況且沒有物業所以每個月都要交租， 所以壓力好大 加上物價上升。
本人將會認購 少許銀色債券。 但最大嘅問題是我每個月都要交租香港嘅租金很貴還要生活， 所以我經常失眠現在是凌晨三時。
積蓄少所以不能夠放太多錢喺高息股 或債券。 若果老師能夠有多些意見畀我就好了。 再次感謝你的幫忙。
龔成老師︰
你是退休人士，這2隻都不太建議。
由於你已退休，目標係以創造被動收入為主(即係收息)。
你可以選擇以下收息股，現價合理。
華晨中國（1114）2021年因未能及時發布全年業績而須停牌，其後完成獨立調查，現時已經正常。
調查結果顯示，華晨中國在保管集團之印章、職責分工、保存記錄及內部審批程序等範疇之企業管治及內部監控體系存在隱憂，又指華晨中國眾多兼任華晨職務並直接向華晨滙報之僱員，忽視集團所建立之企業管治措施及內部監控程序，因而令華晨中國出現未經授權擔保其他額外事宜。
雖然現時已正常，同時佢業務不是劣質類的，但之前停牌都反映管治方面有些問題。
另外，你可以考慮在被動收入組合中，加入一些債券(A級)、年金、定息產品，去令佢更多元化。同時間，保留一定現金，以備不時之需。
目標是5%以上股息率的收息股，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，你可以了解下，並從中選股。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。
長遠你只要將資金平衡配置在不同的收息資產，咁就可以。
不過，如果你係本不足的話，我建議你先從開支著手，睇下有無地方可以減少開支，去平衡而件事。
如果無，唯有看看有無方法，增加收入，之後再投入收息資產。