Q46371：
龔城老師你好，本人有10萬流動資金想入市，可否請教一下你？
我係一個三小孩全職媽，想用10萬蚊買幾隻股票做長線投資。請問老師手上持有咩股票？ 我參考下再入市。 1810 同 2594 係我近3個月有留意住的股票，他們都在合理價低位嗎？
謝謝你賜教，感激不盡
龔成老師︰
2594??你打錯號碼吧。
小米（1810）短期股價仍會較一般，小米品牌轉弱及近期汽車多事故。
如果投資者預期佢好快上翻，坦白講，比較難。
小米要建立品牌不是短期事，要比時間佢，不過，佢有能力處理佢的汽車問題、安全問題、品牌問題。
長遠發展仍是正常，不過可能要比多少少間佢。大家見佢過往造車，3年時間可以由零開始成功，反映企業發展強，現時面對較弱的環境，但可以好轉。
不過，預佢股價上落大d，回勇要時間。有貨者，其實可持有，只要貨不過多就得，無貨者，現價也可以分注投資。
1810，你可以考慮，但佢係潛力股，波動大。同埋，我估你無乜投資經驗，故潛力股佔小注好了。
其實，如果你對個股無特別睇法，或者投資經驗好一般，可以買指數ETF。
因為指數ETF係一籃子不同行業架組合，具放散風險能力。就算當中個別股票出問題，對成個ETF都唔會有嚴重影響。
例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800），都係指數ETF類別。這些ETF有質素，適合一般投資者選擇。
若你未有定平貴能力，可以用月供或者分注模式去儲貨(唔好一次過，用盡資金去入市)，去平衡買貴貨風險。
如果想知多少少指數ETF係乜，可以睇翻我之前架Youtube影片︰
https://www.youtube.com/watch?v=nBr4tCJ__oY
Q46372：
早晨阿sir，3690，2382兩者比較邊只較好？
龔成老師：
坦白講，兩隻的賺錢能力近年都有向下情況，不要對短期有太大期望。
有機會舜宇光學科技（2382）略好，但你預佢好難去翻過往最強時機。佢仍有質素，但賺錢能力比過年代減少，企業整體的評分及增長力，比過往年代，有所減少。投資都要控制好注碼。
過往手機市場高增長，令佢鏡頭業務受惠不少，但近年手機增速開始減慢，預佢增長力會變得較平穏。
集團在行內的技術優勢，出現減少的情況，雖然都在行內前排位置，但其他企業正努力追上，令舜宇的競爭優勢減少，賺錢能力曾經有明顯下跌，到近一年才略為好轉（未回到過往最強情況）。
在長遠，無論是手機鏡頭，又或是各種鏡頭方面的應用，並不是無發展，不過，中短期可能會有少少波動，加上這企業的賺錢能力比過往有所減少，所以投資都要控制注碼。
這股可以長線投資，現時約在合理區中下，如果有興趣，都可投資，但建議控制好注碼。
Q46373：
我想問下3918，值得投資嗎？
成哥 吾該
龔成老師：
金界控股（3918）經過疫情後，業務有一定的影響，同時回勇的力度較慢。
金界過往的旅客都較多是中國旅客，因此當中國經濟與旅遊業有點弱，都會對這企業有影響，雖然整體質素不算核心地改變，但都有少少減弱情況。加上這企業始終是新興市場，投資者要明白新興市場的風險，小心控制注碼。
集團主要業務為管理及經營柬埔寨首都金邊持牌賭場，獲柬埔寨政府發出賭場牌照授權經營該賭場，於2065年屆滿，至2035年有獨家經營權。
金界於1995年開始經營博彩業務，可利用賭場牌照全年在指定範圍內24小時經營賭場業務，且並無賭場所在位置、賭場規模、賭場經營地區、賭桌數目及博彩種類的限制。
賭場業務於陸上酒店娛樂城ＮａｇａＷｏｒｌｄ，鄰近金邊Ｓｉｓｏｗａｔｈ碼頭的河畔地區，提供博彩、娛樂及康樂設施。加上持續發展酒店群、娛樂場所及公寓等。
但要留意，始終位於新興市場，股價較為波動。
現時企業身處的柬埔寨市場旅遊業，正慢慢復蘇，但面對中國經濟情況，回勇力度較慢，同時投資者要明白，企業在新興市場，風險較高，這股只宜小注投資。
Q46374：
Hi 龔成老師 我阿里巴巴已經持有五年均價183有四股，但係一路都未上返家鄉
之前最高升過$180但係以為會再升所以未有賣，但係依家跌到得返130幾，想問仲有冇機會上返180或者更高呢？
龔成老師：
阿里（9988）仍有機會上翻去，現時要睇你持貨佔你整個股票組合的比例，如果無出現過多情況，就無問題。只要耐心少少等佢鄒轉就得。
係業務層面，有不少優勢，部分業務處有規模，也處領先位置，加上人工智能等技術不斷進步，都利好整體企業長遠發展。
數年前因監管因素，令企業增長慢左，加上近年競爭大左，影響佢賺錢能力。到近年，業務持續好轉。企業長遠仍有增長力，有發展延伸業務，都會成為企業增長點。
以企業的長期發展計，這股有質素，有長線投資的價值。
這企業不少技術都不差，再加上人工智能技術，會有利好企業長遠展，因此，長遠正面。
Q46375：
點解巴菲特認為，戰爭不應持有現金同黃金？
龔成老師：
因為戰事往往令股價出現短期下跌，但一般人會擔心風險而只懂持有現金，以為這是最安全，但就錯過了優質股股價下跌，但長遠仍會向上的投資機會。
至於金，其實巴菲特建議買股票多過買金，這在過往幾十年都是這樣講，而佢投資回報的確比黃金高，因為股票增長較快，我建該買少少金作為財富就得，不用買太多多
Q46376：
老師，想問下如果定期有50萬到期，但定期利息現時都係得2.x%，現時可以投資d咩會比較適合呢，多謝你既解答
龔成老師：
要你投資目標，風險承受能力。
定期低息，但好處是保本。
其他工具如股票，回報較高，但就有風險。
你可以按自己情況，決定是否投資些投資工具。
我以下假設你目標想收息，風險不算太高，可考慮以下幾種工具，可將資金分配。
第一，建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
這是不差的收息組合，但增長力不強。
第二，投資債券，你可以選擇A評級的債券，年期較長都可以，但利息卻不高。你可以到銀行問問。
第三，投資年金，你可以睇睇，這是適合你的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。
你可以將$50萬資金，平衡地分配在上述的項目上，對你來說是最好平衡風險，同時有穩定的現金流。
Q46377：
AI 要用好多電力，請問邊隻可以長線？
我今日買咗小小981 長線🌷
請問AI 長線 香港 首選9880 優必選？
龔成老師：
981可以，人工智能發展都會對佢有利，這股控制持貨就得。
至於電力，可留意：中廣核電力（1816）主要從事發電及電力銷售，以及核電項目及非核清潔能源項目的建設、運營及管理。
佢主要於中國從事核能發電業務，包括運營及管理核電站、銷售電力、管理及監督核電站的工程建設，以及向工程公司提供相關技術及維修服務。
發展力都有，但股價近年都上升不少，反映了利好因素，現價分注可以，但不是大手。算是合理區較上部。
優必選（9880），佢會用機械人，以及人工知智能都有關。不過風險較高。
9880有發展力，佢主要從事智能服務機器人及智能服務機器人解決方案的設計、生產、商業化、銷售及營銷以及研發。這是其中一間，有一定實力的機械人相關公司。
企業長遠有發展力，不過，行業都有一定風險，始終較新興，財務數據也不算好強。投資暫時只宜小注。
產品在不同程度上配備了感知、交互、分析及處理人類指令及外部環境（如建圖、溫度測量及人臉識別）的智能功能，範圍涵蓋消費級機器人及電器，針對教育、物流及其他行業定制的企業級智能服務機器人及智能服務機器人解決方案。
業務雖然有發展力，但生意波動大，風險較高。暫時只建議小注投資，同時，一定要明白風險，低風險者不宜。
Q46378：
如果想買金價股可以揀邊隻？
龔成老師：
其實要睇翻你的目的及方向。
你是睇好黃金？睇好金礦股發展？黃金零售股？
如果睇好黃金，其實買實金、金ETF最好。
如果睇好金礦股，較正路是：1818、2259、1787。
不過要留意，金礦股有營運槓杆，金價升時佢升較多，跌也會跌較多。
Q46379：
請問1359 現價可入嗎？值博率高嗎
龔成老師：
中國信達（1359）質素中等。
睇翻佢前身，係中國信達資產管理公司，係在中國成立的國有金融企業。集團的主要業務如下：
（１）不良資產經營：收購及受託管理、投資及處置金融及非金融機構的不良資產經營、債轉股資產經營、破產管理、發行金融債券等。
（２）投資及資產管理：自有資金投資、資產管理（私募股權基金）、資產及項目評估、財務顧問及諮詢、房地產及實業投資。
（３）金融服務：對外投資；證券及期貨買賣、信託、融資租賃、基金管理、保險。
由於資產質素較一般，除非中國經濟較強勁，否則，業務有一定的風險。
投資不是不可，但唔建議投資太多。可以投資收息，但要控制注碼。
Q46380：
為何9988近來不斷下跌？什麼時候可加？
龔成老師：
市況弱，之前升太多，之前炒佢人工智能技術但未見具體成績。
阿里（9988）係業務層面，其實仍有不少優勢，部分業務處有規模，也處領先位置，加上人工智能等技術不斷進步，都利好整體企業長遠發展。
數年前因監管因素，令企業增長慢左，加上近年競爭大左，影響佢賺錢能力。到近年，業務持續好轉。企業長遠仍有增長力，有發展延伸業務，都會成為企業增長點。
以企業的長期發展計，這股有質素，有長線投資的價值。
這企業不少技術都不差，再加上人工智能技術，會有利好企業長遠展，因此，長遠正面。
現時合理區中下，分注投資可以，買入後可長線，但短期有機會較波動。