Q46361：
蟹貨的疑問→平時多聽到啲人講投資股票如果是準備作長線就不應太理短期波覆，如果係咁，當見住隻股票一路跌，跌剩30%，咁係咪仲要守落去？
咁其實，咩時候守、咩時候換碼、咩時候止蝕、止賺，有咩因素可以依從？？
龔成老師：
要睇企業質素有無改變，如果企業質素不變，仍是一間長遠有質素有發展的企業，就應該持有。甚至如果跌到便宜價，就可加注。
相反，如果企業質素轉弱，股價下跌要止蝕，將資金轉去其他更有增長力的股票，長遠財富更有利。
Q46362：
老師，想問（1299）友邦保險股，$85 入 而家仍然繼續長線，還是退場？
龔成老師：
友邦保險（1299）不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。你可以持有，但由於佢有投資收入，你預股價都會波動。
因為佢盈利就有少少波動，但這都正常，因為保險公司有投資相關收益，所以這亦會令股價略為波動。
前景方面，正面的，佢保持不同市場的發展，利用本身的品牌去加強新市場業務，而長遠的市場仍有增長潛力。
Q46363：
老師，股市由高位回翻，又黎拜訪下尋求一下安慰😅
龔成老師：
最重要平常心睇股價，集中睇企業，你要問自己，今次的戰事，是否會令到你持有的該企業，出現重大不利情況？例如倒閉？股市有上落好正常，最重要睇長遠，而不是短期。
Q46364：
700係550元入，要唔要再溝貨？
龔成老師：
要睇你持貨比例，如果已多貨不要加。
騰訊（0700）有質素，如果你貨少，現金多，可以等跌多少少加注。
佢業務正好轉中，佢過往受中國政策規管影響，令企業之前的賺錢能力略減，以及企業估值都會略減，不過，政策影響又未到核心性，無令到企業無法賺錢，只是賺錢減少。
同時，見中國政府之後在政策上開始有放鬆，相信中國政府明白騰訊這類企業對經濟有一定的重要性，同時之前規管較嚴，開始調整翻。相信行業最差的時期有已過，之後會慢慢好轉。
這企業長遠仍有質素，有發展力的。佢最有價值的，就是「平台」，這亦是現世代好有發展的資產。
佢業務模式係提供平台，如通訊平台、交易平台、入門網站、遊戲平台等，而收入來源則是其廷伸的服務，如增值服務、網絡廣告、電子商務交易等。
過往的業績理想，又身處長遠有增長的行業，加上擁有重要的資產，即龐大的客戶群，將來發展各業務都有相當的優勢，這都是騰訊值錢的地方。現價合理區中間。
Q46365：
你好 想問 1833 14蚊買 如果中長線投資可以嗎？ 謝謝你解答
龔成老師：
平安好醫生（1833）風險高，但長遠不是無發展力，這類股，小注持貨可以，你可以長線持有。
佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。
平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。
企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。
雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。
因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況。
Q46366：
咁如果隻股票跌左好多，應吾應該斬定坐
龔成老師：
要睇翻股價下跌原因，如果只是一些短期因素，或大市波動，企業的核心優質沒有改變，就不用賣出。
Q46367：
你好阿sir
我本人係投資新手已經開始供股及買入企業股.
另外我想買一啲收息股.例如銀行股.我想問下佢派息嘅意思會係派落我嘅股票戶口是嗎？
龔成老師︰
你睇到派息，是指每持有1股，可以得到的股息。
例如你買左中銀香港(2388)，佢每一手係有500股。
假設佢宣布緊每股派息$1，如果你持有一手(=500股)，咁你銀行戶口就會係派息日，收到$500股息。
(當然，最終到你戶口一般會少於$500，因為銀行會收手續費，但概念方面就係咁。)
如果你想買收息股，以下是一些值得考慮的收息股，你都可以參考下︰
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
[各類收息股比較] https://www.youtube.com/watch?v=t1VSoLLtpic
[避開"假"收息股方法] https://www.youtube.com/watch?v=3bf4bhV-f-g
不過留意，收息股主要係適合近/已退休人士、保守、經驗淺的投資者。
如果你年青，就不要持有太多，以免影響長線增長力。
Q46368：
咁我700$579價位, 同埋9988$172可以跌深啲先撈底
龔成老師︰
我建議你分注加，唔好主觀估佢會跌到幾多
你最好定好，例如每跌10%就加注，咁會較安全。
另外，你0700已經有11%持貨，咁你加注時，再注意比重(唔好加得過急)，長線唔好高於組合15%。
Q46369：
龔sir你好。我是港股班的學生，關於第四堂企業估價，我有問題想問問你。謝謝。
-
附件是我計算小米和地鐵估價的資料。我利用「賑面值估值法」計算出小米合理價是18.1 - 31.6，以及地鐵合理價是36.3 - 43.8，請問我計算正確嗎？
-
我用現金流折現法計算小米合理價，但與上述合理價不同（7.76一定是錯誤的），呀sir可以幫手看看在哪個位置出錯嗎？謝謝。
-
同樣地我用現金流折現法計算地鐵合理價，得出答案是$42.22，與賑面值估值法的答案差不多。請問我用現金流折現法計算地鐵合理價的方法正確嗎？
-
我同樣地睇好人工智能市場，但因未完全掌握選股，所以有意入注3067安碩科技指數，以分散風險慢慢儲貨。請問3067是否一定要用市盈率估值法？它又會否能像2800盈富基金一樣，P/E 10以下就算是便宜區，可以入貨？但我上網找不到像盈富基金一樣，顯示出3067的每月市盈率，可以如何可以找到這些資料呢？
最後，上你堂獲益良多，亦多謝你成日Overtime落堂，講哂資料先走哈哈～芽辛苦哂～
龔成老師︰
- 估值接近，不過留意，我地長線仲會因應佢未來發展，去作出一些調整。
1810︰其實可以高1-2成。因為佢智能車、具身智能和全生態發展，係具有潛力，有機會令佢盈利能力提升。
0066︰反而要下調1-2成，會較穏當。因為佢物業部份，預計未來幾年都較一般。而租務部份，預計中短期都較弱，所以估佢續約方面架新租金變動，都會偏負面。
你總體估值係合理，反映你已經掌握到估值架基本技巧。
未來你經驗再多D，同時對企業有更深了解，就要嘗試加入一些"未來"架元素，去令估值更能反映佢地未來架價值。
-
其實現金流折現法，比較適用於業務好穏定架企業。小米而類潛力股，不太適用。因為只要一粒數偏差少少，個結果已經可以錯得好緊要。
-
雖然0066你架估值係合理，但計算方法錯左。
我地唔係用"純利"計，而係用"自由現金流"去計。而0066佢資金開支好大，自由現金流近年都係負數。
同埋佢物業部份好波動，現金流係好唔穏定，所以不適合用這方法去估值。
- 如果係ETF，你就睇邊類。好以3067、2800而D增長類ETF，可以用PE值。
但因為佢係一籃子股票，你好難隻隻去睇。
簡單少少架方法，你睇前十大持股，睇下佢地平貴度，就大致掌握倒隻ETF架平貴水平。
Q46370：
龔sir你好，有關注你一段時間，本人30歲，可以投入50萬左右，月入平均30K。沒有股票經驗，過往係主要以儲錢及做銀行定期做理財，今年開始想放棄做銀行定期投入美股市場，想請教幾個問題：
-
現在進場美股需要看好時機？還是越早開始越好？
-
本人投資理財風格偏向75-80%用來做長線投資（長揸），例如買ETF。20-25%用作投資中等風險趁後生能夠承擔風險搵錢。
-
目前股票知識不足，只對VOO類型的ETF，AI發展有關行業有投資興趣（例如NVDA、MSFT、光能源、電能源類），是否應該開拓更多行業產業用作長揸？
步入30對未來感到焦慮，想開始踏出投資理財這一步，如龔sir有時間回覆，感激不盡。
龔成老師︰
- 你經驗淺，唔識估值。建議每月儲蓄，一半做月供。另一半儲起，等大跌市機會。
50萬本金，先用25-30萬分注入市，其餘都係等機會。
目的，係透過平均成本買入法，去平衡你買貴貨風險。
- 我自己全部都係長線，我唔建議做短炒，因為中短期走勢好難估。
長線股價，才會完整反映企業質素。
以你30歲年紀，策略上，你可以考慮「平穏增長股」和「潛力股」。
選股上，你可以留意一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可留意潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以自己了解下，再決定是否從中選股。同埋，佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
以下是有關"平穏增長股"和"潛力股"教學分享的影片，你可以參考下︰
https://www.youtube.com/watch?v=YJdE6xyUXS0
https://www.youtube.com/watch?v=u0ADUWkikhU
- 其實初學者，未識選股，指數ETF係一個唔錯架選擇。
因為指數ETF係一籃子不同行業架組合，具放散風險能力。就算當中個別股票出問題，對成個ETF都唔會有嚴重影響。
例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800），都係指數ETF類別。這些ETF有質素，適合一般投資者選擇。
若你未有定平貴能力，可以用月供或者分注模式去儲貨(唔好一次過，用盡資金去入市)，去平衡買貴貨風險。
如果想知多少少指數ETF係乜，可以睇翻我之前架Youtube影片︰
https://www.youtube.com/watch?v=nBr4tCJ__oY
- 最後，緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
(當中不少影片，係用來幫讀者提升投資和財務知識，所以無時間性，幾年後再睇依然有用。如果你係想提升自己投資知識，建議你抽時間，睇翻舊影片去為自己增值。)
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，課程可以更直接幫你提升"選股 + 估值"等最核心的投資知識。每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 5545 7212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212