Q37111：

第一次問問題，請問以你嘅個人睇法，451 仲可唔可以繼續持有？

龔成老師：

協鑫新能源（0451）主要從事光伏電站之開發、建設、經營及管理。過往盈利十分波動，股價上落大，高風險類，過往市場往往炒作多過實際。

始終風險較高，加上質素不太好，會建議賣出。就算不全部賣，都建議減持。

Q37112：

老師

請問你的書籍在香港哪個書局可以買到？

龔成老師：

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的16本書：

《80後百萬富翁》（第10版）

《80後2百萬富翁》（第5版）

《80後3百萬富翁》（第3版）

《財務自由行》（第8版）

《大富翁致富藍圖》（第5版）

《50優質潛力股》（第4版）

《50穩健收息股》（第3版）

《50值博倍升股》（第3版）

《股票勝經》（第6版）

《選股勝經》（第2版）

《年報勝經》（第2版）

《5年買樓4部曲》（第2版）

《80後千萬富翁》（第2版）

《千萬富翁致富學問》（第1版）

《38全球倍升股》（第1版）

《圖解股票小百科》（第1版）

你可首先睇：

《圖解股票小百科》

《80後千萬富翁》

《財務自由行》

之後再睇其他。

Q37113：

龔成老師你好，請問今年建行939沒有顯示不派中期息是否會比上年多呢？（我持有3手,之前收息1000左右）

另外，如果以上年情況，請問是否要在2/8/2023後賣才可以收到息呢？因為我打算賣左佢，不過沒有急切性的,謝謝你

龔成老師：

建行（0939）在過往多年，一向都不派中期息，集中一次過派末期息的。

2023年：末期息人民幣 0.389

2024年：末期息人民幣 0.4

以上年的情況，佢除淨日是2023年7月6日，只要你戶口在2023年7月5日有貨，就會有息收。

Q37114：

龔成老師你好，美高梅中國（2282）前景如何？眼見股價升左好多，佢而家中場客源很多，而家股價可買入嗎？

龔成老師：

美高梅（2282）都有質素有發展，可以長線持有，雖然不是高增長類，但長遠都有基本增長的能力。

美高梅主要在大中華地區從事娛樂場博彩渡假村開發，並擁有及經營澳門美高梅及美獅美高梅等娛樂場。

自由行在澳門最高速增長年代已過，但往後仍有基本增長的能力，而短期會受中國經濟等因素影響，但只是一些短期波動，因此這企業長遠仍是有發展的。

疫情期間這股股價大跌，股價之後由低位反彈多倍，不過，由於之前便宜，所以就算股價已升倍計上升，也不貴。

現時估值屬合理水平，有長線投資價值，但投資者就要留意這股股價較為波動，這方面風險會有少少高，投資時要控制好注碼，不宜過份大注。

Q37115：

龔sir , 想請你分析一下airbnb。現價入合理嗎？

龔成老師：

Airbnb, Inc.（ABNB）是風險類潛力股。

佢成立於2008年，是世界上最大的在線住宿旅行社，也提供精品酒店和體驗預訂服務。愛彼迎的平台在2021年提供了600萬個活躍的住宿信息。

該公司的400萬主機的信息分布在220個國家和10萬個城鎮。2020年，53%的收入來自北美地區，30%來自歐洲/中東/非洲，10%來自亞太地區，7%來自拉丁美洲(2021年第四季度收益發布時並未提供2021年)。在線預訂的交易費用佔其全部收入。

業務雖然有發展，但仍處於虧損狀態，企業風險較高。

這股較難定義平貴，只能說，這股小注投資好了，發展力不是無，但投資要明白風險。

Q37116：

阿sir 你好，想問下我近期在27.45 入左10000股2018 ，但佢之後一跌就2元，有時一日又升1元。點解既呢？

龔成老師：

股價短期上落，是由於資金向、買賣供求、市場情緒等因素，因此是正常的，你要習慣平常心面對這種短期的波動。

而我地最重要，是長期持有企業，等企業成長。

瑞聲科技（2018）早幾年較弱，但又不是完全無質素的，近期有好轉情況。

之前智能手機市場較為一般，下游手機廠商持續去庫存，對這企業聲學業務帶來一定負面影響，管理層表示，由於與同海外客戶的多年緊密合作，才能保持了市場份額。反映這企業為了保持生意及市場份額，減價去保持這情況，同時反映市場競爭加大，管理層不得不這樣做，最終令企業盈利減少。

由於企業並不是完全無質素的，始終在行業都有技術，而近年這企業生意有好轉情情況，令業務開始穩定。

只要你持貨不過多，可長線。不過不建議持貨太過多。

Q37117：

講問阿Sir有否用信用卡，如沒有，會否為生活帶來不便呢？謝謝！

龔成老師：

我以前就完全無用，不過近10年都有用，原因是某些交易一定要用信用卡，例如網上購物等。

我現時的做法是，除非一定要用信用卡才能處理到這項交易，否則不用，同時，交易後會自己記錄低，以減少自己花錢多左。

Q37118：

早晨，成哥，有野想請教

我幾年前高位買左隻京東健康，而家跌到去得$30左右，我蝕左大約80%，我想問下，如果我想再放錢入去，拉到接近平均價之後放出，係唔係一個減小損失既辦法？

另外有咩方法可以計算到，我要買幾多股之後才可以接近現股價, 好似付出太多

龔成老師︰

首先我要糾正你的一個錯誤的觀念：以「拉低平均買入價」為目的，我地會視爲「溝貨」。

「溝貨」在投資上是不可取的行爲。

投資前，要首先決定要投資的金額，不要因爲想返回買入價就越跌越買，在投資上十分危險。

你要分清"溝貨"與"分注"的分別。溝貨是愈跌愈入，同時不理企業質素，不理自己的設定金額，盲目去入。分注則是「一早定好買入策略，一早定好本金總數，並以有策略的模式進行」。

而你架做法，就係"溝貨"。

表面上，你好似拉低左個平衡買入價，感覺會令佢易D回到成本價格水平。

但你只要拉闊個畫面，其實你係將更多資金，投入單一股票，去拉高晒成個組合架風險。

而好多時，而隻股票本身就質素弱，或者風險高，最終令到散戶輸得更深。而個就係好多散戶架盲點，記得要避免。

如果企業本身無質素，你這樣的行爲，更加會為投資組合帶來災難性的影響。

京東健康（6618）是有風險，有潛力類，不宜大注。長遠仍有質素，這股可長線。

其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

質素上，京東健康是有的。但由於估值難，不確定性大，有貨的話，只建議小注持有。

Q37119：

龔成老師，雖然長住上海冇辦法嚟上堂，睇書又未睇得切 成為專業投資者。但琴晚凌晨已經聽咗你voo嗰集。

頭先再同先生商量，佢已經同意我每月1號當儲蓄買入voo。

非常感謝老師。

我是在2008年輸曬在匯豐藍籌80萬， 仲要最高位入貨，揸咗兩年，最後渣都冇， 自此一路唔夠膽買股票。

今次預備購入voo， 是我們夫婦08年後，到現在第一次再入市。

非常感謝龔老師

龔成老師︰

明白好多人面對股票輸過錢之後，都會有有恐懼的心態。

但無論係投資定係人生，我地要從錯誤中學習，之後再站起來。檢討失敗的原因後，修正好再前進。否則，投資的虧損就變得無意義。

滙豐（0005）不是無質素的股票，長遠而言，增長力有限，但作爲收息的一員，其實都可以。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

投資指數型基金相對個股而言，風險度會較低，因為具分散風險能力。只要你長線投資，相信月供能幫你慢慢累積資產。

不過，你記住係長線，即係3-5年或以上。因為佢現價都唔算平，所以中短期你預都有機會波動，但長線係無問題。

另外，建議你長線都加少少盈富(2800)，唔好集中晒係個別地區，咁會較穏當。

希望你從新踏出的第一步後，會成爲你將來成功投資的開始。

你最重要「建立長期的組合」，要港股+美股，有ETF，有優質股，長線持有，並以分注模式買入。

Q37120：

老師 唔好意思再問 我養住幾隻年老同有病貓貓 所以參加唔到你課程 希望見諒

問題係 byd我有一手 42蚊買 之前見過高位二百幾蚊 無賣 中間落百幾 而家又上番二百幾 要賣嗎 定期而家都3-4厘 賣左攞妮做定期？定有機會再上？

對唔住老師 我好大部份錢都攞去幫貓狗 無參加你課程sorry

慚愧要你睇我問題。。。

龔成老師︰

無問題，這裡Inbox設立目的，不是針對已付費上堂架讀者。而係希望同所有人交流，雖然Inbox無可能好似課程咁，教倒大家全套致富投資技巧。但至少希望幫到大家，唔會係投資路上"走錯路"。

講翻你架問題，其實不論投資比亞迪(1211)，還是所有股票。只要有質素，我地都會長線持有，唔會因為短期波動，就去沽貨。

而幾時會沽貨? 我地當發現佢長線核心質素變差，或者股票異常地貴，先至會做減持。

但現時比亞迪(1211)都無出現而2個狀況，所以你可以持有。

最後，雖然你暫時上唔倒我堂，但唔好因為咁，就比學習停左。

我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

祝你同你架小毛孩，健健康康!!!