Q38251：

的士牌前景點睇？

龔成老師：

已經同過往的價值不同了，競爭大左，雖然不是完全無價值，但值得投資的程度明顯減少，長遠增長力不足

Q38252：

老師可否介紹現時幾隻增值股及潛力股作參考

龔成老師：

你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

Q38253：

早晨，龔sir，請問現時銀河娛樂（00027）和金沙中國（01928）可以入手嗎？點解近期會係咁跌？

龔成老師：

第一，中國旅客消費力減，市場擔心之後會長期差，所以股價跌，第二，澳門有新規管，都對賭業有少少影響。

長遠來說，佢地都有質素，但中短期仍弱，同時回勇要較耐心。現價投資可以，但建議控制好注碼，始終風險比過往大左，不建議投資太過多。

金沙（1928）有質素，可以長線持有，本身擁有一定的資產及品牌，加上以賭彩加娛樂模式進行，企業有一定的價值，雖然澳門最高速發展年代已過，但相信仍長遠仍有平穩增長的能力。

金沙投資價值仍在，不過就不是高增長股，相信有平穩增長的能力，同時有一定的派息，現價合理底部，分注投資，長線持有，可以。

Q38254：

老師

我想買一些實金 請問買周生生的金粒還是賀利氏的金條比較好 謝謝

龔成老師：

其實無所謂，你方便自己就得。

我自己買實金去金鋪，如周生生、六福之類，買實銀就會買賀利氏的。

你可以比較買賣差價決定。

Q38255：

係呀，唔知呀sir 你有無玩過Apple 個vision pro, 我早幾日去試過，佢而家初代都已經做到咁好，我覺得佢普及係遲早嘅事，因為佢無論配合電腦作為電腦Mon，用嚟打機，睇電視睇電影，甚至將來想買一件傢俬，佢係可以幫你預視件傢俬放喺屋企係咩樣。我相信佢將來嘅應用層面係可以越來越廣泛。

我嘅問題係，可以點樣知道邊啲股票同呢個Vision pro係有關，我可以多啲留意一下，其實例如Nvidia, AMD, TSM呢啲係咪都有做蘋果產品嘅晶片㗎呢？

龔成老師︰

最受影響，一定係台積電(TSM - 提供晶片)和APPLE(AAPL)自己本身。

另外，大立光電（Largan Precision）提供高端光學鏡頭、鴻海精密(Foxconn)做組裝相關、Unity(U)提供VR/AR技術，這些公司都可能係vision pro未來發展中受惠。

不過，vision pro我認同佢功能不差，而且APPLE印象中好似話講過，會用佢去發展埋大健康業務。不過，始終都係新產品，要市場全面接受(現時功能係好，但穿太耐身體體驗都係不理想。)，同埋可以有效益咁生產，都係要時間。

除左TSM叫做比較肯定係受惠者，其餘供應商都會有變數，所以只宜參考。

最後，而個vision pro架潛力係有，但實際會影響到相關企業架收入比重有多少，影響佢地盈利能力又幾多(暫時唔認為會有明顯影響性)，你都要考慮，唔好過份樂觀而造成估值過高。

Q38256：

1) 我個人睇法, 就千其不要投資日 美股, 你會怎樣看？

2) 本來想短炒完美醫療收完息就放, 長線可持有嗎？

龔成老師︰

1) 長線我相信中美係全球最大經濟體，故有投資價值。美股現處於合理區的較中上部，未到貴，尚可以分注儲貨，但不能太進取。

至於日股，我自己無仔細研究。但近年升左唔少，佢本身經濟底子未算好強勁，未必值得投放太多。

2) 永遠我地投資一隻股票，只會用長線作為目標。

短炒我見好多人都係蝕錢收場，股價中短期一定會有波動。而波動架原因可以同企業本質無關，只有長線股價才會反映企業質素，所以優質股一定要長線持有。

你見全球最賺錢架投資人巴菲特，都唔會做短炒，只會係做長線投資。所以，你要改變你投資方法，唔好再做短炒，並以長線投資優質股為目標，會對你較好。

至於，完美醫療（1830）因經濟差，消費力弱，影響左佢的賺錢能力，雖然核心無改變，但你預佢短期仍一般，這股不建議持貨過多，適度持有就得。如果你貨不過多，可守，但不要加注了。

Q38257：

其實我心目中係打算買入中移動或者領展，我每月可以投資1萬，打算係持續十年或以上，只係我唔知道實際操作應該係點算做。

應該係銀行用月供功能，定我草夠一手既錢就買入，收到利息又點樣可以好似書本中咁解釋，完全放返落隻股票內，我係諗唔明呢一個位置

龔成老師︰

如果你唔識定平貴度，建議用月供。

因爲月供會每月幫你買入股票，基本上你花在管理的時間好少，同時能夠幫你平均價格的成本，避免買貴貨風險。

你自己草夠一手的入場費再買入都可以，不夠呢個好考驗你本身的自律能力。所以，如果你是長線投資的話，月供一般會較好和簡單。

至於每次收到股息，你儲埋到一定數目，就自己再入貨，咁就可以做到複利效果。

不過留意翻，中移動（0941）、領展（0823）是有質素的企業，不過中移動增長力不算強。領展會好少少，有平穏增長，但都唔算高。

如果你年輕，想追求財富增值的話，此2股不宜持有太多。

另外，我建議你唔好只供2隻股票，最好多幾隻不同行業，去分散風險。

Q38258：

老師，想問6862

龔成老師：

海底撈（6862）之前受疫情影響，加上中國經濟及消費力等因素，影響了股價表現，但其實，企業的發展並不是完全無的，但回勇仍要時間。

營業額由2019年的266億，增至2023年的414億人民幣，生意已經比疫情前更理想，至於盈利方面，2019年賺23億，到疫情期間，曾經出現40億的虧損，到了2023年，盈利回升至45億水平，反映企業不景期已經過去。

雖然市場仍擔心中國經濟及消費力，影響了企業的發展，但這企業整體的賺錢能力，仍然保持水平，純利率在2019年為8%，最新已上升到10%，反映賺錢能力沒有下跌。

因此，就算近年中國經濟增長減慢，這企業的業務也有發展，最多只是增長力減慢。不過有一點要留意，過往市場給予這企業過高的估值，市盈率經常達到50倍以上的不合理水平，到目前，市盈率比過往回落了不少，但未算平，只是一個較合理的水平。

長遠來說，這股仍有質素的，這企業「海底撈」品牌經營火鍋店及外賣業務，火鍋菜單由鍋底、醬汁蘸料以及在鍋底烹飪的食材三個主要部分組成，可點單鍋、鴛鴦或四宮格鍋底組合，餐廳提供多種調料及食材，以及供應小吃、酒和飲品。中國有很多分店，以及外國都有。

企業有規模，有品牌，整體正面，但由於已有一定的規模，企業要再高增長並不易，因此，往後的發展是基本增長模式，而不是高增長，股價增長力也未必能高速增長，除非企業有較大突破。

現時股價在合理區中下，如果投資者對這股有興趣，都可分注投資，長線持有。但就要控制好投資金額。

Q38259：

龔sir, 請問1177 最近出了業績, 佢啲狀況如何? 我手上持有貨, 謝謝

龔成老師：

中國生物製藥（1177）業績不差，相信最差時期已過，不過，中國行業大環境始終一般，全面回勇仍要時間，你有貨，只要不過多，可持有。

中國生物製藥公布，截至２０２４年６月３０日止中期純利３０﹒１７億元人民幣，按年升１﹒４倍；每股基本盈利１６﹒３９分人民幣；派發中期息３港仙，按年增加５０％。

期內收入１５８﹒７４億元人民幣，升１１﹒１％。期內研發費用佔收入比率１６﹒２％，按年下跌０﹒１個百分點。創新產品收入６１﹒３億元人民幣，按年增長１４﹒８％，佔收入３８﹒６％，按年上升１﹒２個百分點。

Q38260：

請問老師，如果二選一，會選擇電能 定長江基建？

龔成老師：

電能（0006）偏向收息，至於長建（1038）則有基本增長及收息的能力。

兩隻都是優質股，現價都可投資。

如果你想穩陣少少就電能。