Q39021：

龔sir，請問什麼是長線持有，是不理會恆指創新高也繼續持有長線股票？

龔成老師：

長線投資，一般指持有5年以上，最少都持有3年。

其實投資股票的原理，就是買企業，而長線投資，目的就是等企業成長，而成長要時間，所以投資者要耐心才有回報。

至於你話創新高因素，如果恆指或該股價創新高，但佢估值未貴，仍合理，而企業又有質素發展力理想，就可以持有。

不過，如果股價升到新高，到了貴的水平，就有機會賣出。

因此，雖然我鼓勵大家以長線投資，作為大方向，但都有可能中途賣出的。

Q39022：

你好，因早幾年在高位買入股票，想調整一下組合，也想好賣出的計劃。我在尾段因應你的建議也改了。請給我意見。

今年54歲

月入$35080

現金有$1346571.2

單身

有1個自住物業

要養工人

每月儲$15000

现有股票

a 144 共 18000股 平均价$22

b 874 共2000股 $32.65

c 2601共4000股 平均价$32.5

d 2800 共2000股 $23.15

f 9988 共500股 $140.1

g 2318 500股 $63.5

2318 500股 $63

2318 500股 $49.2

2318 500股 $49

2318 500股 $44.95

h 388 100股 $299.6

388 100股 $260.4

388 100股 $349.6

388 100股 $345

388 100股 $338

388 100股 $333

388 100股 $313

388 100股 $286.6

k 2800 (20191004)入2000股 $26.9

2800 (20191205)入500股 26.25

2800 (20200130)入500股 26.6

2800 (20200309) 入500股 25.4

2800 (20201030) 入500股 24.58

2800 (20220224) 入500股 22.96

2800 (20220302) 入500股 22.46

2800 (20220302) 入500股 21.20

2800 (20220302) 入500股 20.36

2800 (20220314) 入500股 19.82

l 66 (20191111) 入500股 $44.3

66 (20200522) 入500股 $38.6

66 (20200707) 入500股 $42

m 3067 (20210511)入1000 $15.82

3067 (20210708)入1000 $15.29

3067 (20210726)入1000 $14.50

3067 (20211206)入1000 $12.15

n 548 (20220828)入2000 $7.07

o 2638 (20230110)入1000 $5.1

2638 (20240402)入4000 $4.91

p 6823 (20230824)入2000 $8.28

q 1810 (20240108)入600 $14.12

r 1830 (20240108)入3000 $3.21

s 285 (20240807)入1500 $28.2

未來的投資方案

1038 $45入2000股

1038 $38入4000股=HK$144000

6823 $8入2000股=HK$16000

6823 $7.5入4000股=HK$30000

2638 $4.6入2000=HK$9200

2638 $4.3入2000=HK$8600

艾司摩爾（ASML）：US$500入8股

US$400入8股

US$300入16股

強生 （JNJ）:

US$140入15股

US$$130入25股

US$120入55股

US$110入55股

標普 (VOO)：

US$300入10股

US$270入15股

US$250入25股

賣出計劃：

2601 600股 $35

2601 600股 $40

2601 600股 $45

2800 1500股 $25

2800 2000股 $27

388 300股 $400

2318 500股 $60

2318 500股 $75

2318 500股 $80

龔成老師︰

其實你唔洗列出買入價，因為佢只係沉沒成本，唔會用黎做投資判斷。只要列出持股，和股數就可以。

你VOO和ASML買入價都係偏低，一係你上調2成。一係你現價先小小注，只後才慢慢等。否則，我驚你好耐都入唔到貨。

當然，你要去到好保守，等到而個價先入都得，但要明白要回到這個水平，可能要較長時間。

至於賣出部份，你比的價位仲係合理區，唔建議沽出。(除非你想自問自己係好保守)

Q39023：

龔老師妳好, 一直月供緊盈富，暫時蝕緊，請問是否繼續供？

另外，我早年聽朋友建議買入一些股票，紮左好耐、最近升左，蝕小左，想問是否應該放？還是繼續等待

（附圖是組合資料）

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

盈富(2800)是包括幾十間質素不錯上市公司股票的組合，這些股票有升有跌，若你以月供股票，買入的價格就能平均，不用擔心一次過在高位買入的風險。

而你現時依然蝕緊，我估計你係市熱個陣開始供。又或者而1,2年市弱，你自行停供左，令到個表現轉差。否則，就算現時唔賺，應該都唔會蝕得好勁。

至於月供幾時停，只要有質素，我地就應該一直供。除非股價去到好貴，才會考慮下調供款額，甚至停供。

現時盈富算在合理區中下水平，建議你不理價格，一直月供會較好。因為你自己調整出錯，就好大機會影響你長線回報。反而一直供，會對你更有利。

另外，投資最重要是要理性分析，不要只聽別人的意見就去買。朋友給予意見的出發點可能是好，但你自己都要去判斷該股投資價值。

如果連最基金佢點賺錢，行內有乜野優勢都唔知，就不要投資。

萬咖壹聯（1762）質素不太好，投資價值不高。

中國太平(0966)、晶門半導體（2878）質素一般，不適合持貨太多。

保利協鑫能源（3800）過往業務不穩，較受外在環境、資源價格等因素影響，風險高。由於往後仍很難確定企業的盈利情況，加上過往核數師因素，一般的投資者，不太建議投資這股。

小米（1810）京東健康（6618）有質素，可以持有，但就預中短期仍然會有波動。同埋，6618風險度較高，只宜小注。

Q39024：

想知除左小米仲有其他有質素的企業嗎？

龔成老師︰

有質素的企業有好多，港股和美股的市場加埋有幾千間企業，但你要有懂得分析企業的技巧同時按照自己的年齡，風險承受能力和投資目標選擇股票。有質素，唔一定代表適合你。

你可以先考慮一些平穩增值股，因爲平穩增值股適合大部分人。(若你係偏年青和進取，可以再加潛力股。相反，你係年長或偏保守，組合可以再加一些收息股。)

可以從指數基金開始，由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

潛力股和收息股都有好多優秀的企業，不過唔係每個人都適合，建議你要分析你的投資目標，你想潛力股的比例多少？平穩股的比例多少？組合風險程度如何？即是你想設計一個怎樣的投資組合？長期、優質、平衡、適合你。

Q39025：

我有個問題一直想問，既然賺到一百萬，咁之後只要沿用相同既方法就可以賺更多的一百萬，但係股票只會在價值高於本身的價值時才會出售或是有轉換其他更高價值的資產。

咁係唔係即係要再從新開始儲錢，再發掘另一些倍升股，然後長線投資才可以再有另一個百萬？

要怎樣才能短時間，將百萬變成千萬或是更大的資產？

龔成老師︰

首先，企業成長需要時間，如果你好希望喺短時間内財富大幅增值，就有機會會因爲心急投資而做錯決定。

我地投資其實講求一個合理回報，有「股神」之稱的巴菲特平均每年的回報大約20%，我地普通人投資，追求每年的平均回報大約10至15%就已經算理想。

投資要長線先會有豐厚的回報，我地只會在貴的價錢先會賣出股票。

而要賺到另外的一百萬，重新儲錢，等企業股價跌到平或者合理架時候(用新資金)加注。

或者，你係之前個一百萬，有部份股票已經貴，所以你減持左。你都可以用這筆套現出來的(舊)資金，去進行新的財富增值。

「人追資產」的速度遠遠不及「資產追資產」的速度，只要你投資的股票都有質素，用的投資方法正確。長線自然會好似今次一百萬一樣，幫你累積未來架更多一百萬。

Q39026：

請問STM ($29) 及02382 ($57.5)值得買入?

龔成老師︰

STMicroelectronics N.V.(STM)是一家瑞士的半導體公司。

該公司設計、開發、製造和銷售一系列產品，包括用於模擬、數字和混合信號應用的離散和標準商品組件，以及特定應用的集成電路（ASIC）。該公司的部門包括汽車和離散部門（ADG）、模擬部門、MEMS和傳感器部門（AMS）以及微控制器和數字集成電路部門（MDG）。

我未仔細分析此股，初步睇佢營業額同盈利增長都理想，具有投資價值。你的買入價錢合理，可長線。

舜宇光學科技（2382）有一定的質素，過往手機市場高增長，令佢鏡頭業務受惠不少，但近年手機增速開始減慢，你預佢增長力會變得較平穏。不過，手機市場又開始向好。

在長遠，無論是手機鏡頭，又或是各種鏡頭方面的應用，只會愈來愈廣泛，前景正面，不過，中短期可能會有少少波動。

你的買入價錢合理，這股需要耐性等收成，但就預期中短期仍然會有波動。

Q39027：

大師，如果有少量現金想投資2601或966，邊隻較值博？

龔成老師︰

中國太保（2601)和中國太平（0966）2間都有質素，現價計值博率都係相若。但整體質素計﹐會係0966好一點。

不過，如果你係想長線投資保險行業，我比較建議你選擇平安(2318)和AIA(1299)，佢地質素會相對優勝。

現價依然在合理區，可分注。

Q39028：

你好龔老師，我2021年第一次買股票想幫小朋友儲錢，問過你比左以下呢d(小米見你話fb話有潛質自己加),我一路放係度無理，近日再睇有以下問題：

1.長線既意思我應該放到幾時？

2.我見270負數特別大，應該點做？

3.我現有股票需要再調整？

4.銀行顯示括號內(-9.42k) 是否意思（-$9042）😭😭？

5.另外K1010 買左$40000，可放或留？

麻煩晒你

00270 1000 (-9.42k)

1810 800 (-1.63k)

1972 400 (-1.44k)

2800 1000 (-110)

03067 700 (+5.07k)

龔成老師︰

1) 一般情況，會係等到隻股票貴，或者核心質素轉弱，才會減持。

但如果係幫小朋友儲，只要質素無大變，可以等佢成年後才決定。

2) 佢本質係弱左，但依然有長線投資價值，若持有比重不高，可以守住先。

3) 可以考慮加入美股，如你對美股無認識，建議用指數ETF-VOO做月供或分注。但現時美股唔平，唔洗急，可以長線慢慢去部署。

4) 應該係

5) 你是指綠債？

如果綠債，你可以保留，是一個穏陣的低風險投資。

Q39029：

老師你好，在看內房年報時遇到一個問題，就是找不到它們未發展的地塊在資產負債表的哪一欄。

可以請教例如754合生的年報，流動資產有發展中及已落成物業，待發展物業就不斷提到面積是16.13百萬平方米，但在資產負債表就找不到這些物業或地塊現時賬面估值是多少，我覺得這很重要因為會影響我判斷沽出的價格，希望老師能幫忙看一下，謝謝

龔成老師︰

在內房企業的年報中，未發展的地一般不會單獨列出於資產負債表中。它們通常被歸類為「土地儲備」或「物業發展中資產」的一部分。

而這部份價值，一般會放係「發展中及已落成物業」、「發展中物業」、「投資物業」之類地方，但具體要睇翻附註。

Q39030：

老師，到我報喜啦😆多得呢次港股升浪，我終於達到人生第一個流動資金100萬，當天第一次見到呢個數字！

感受竟然沒當初訂目標時預計咁興奮開心，非常平靜，可能自己要求高了，加上100萬只係一個小數目，落街求其問一個人都會有，但我開心既係開始做到老師既理念同埋個方法步驟🙏估唔到我咁屎都可以做到🤣

之前我工作很多年都係keep住得20-30萬，當我決心運用你的理念，一些財務技巧，竟然在不長的時間（約兩年）快速咁增值到100萬，但我不是賭錢🤣是投資返黎，相信只要繼續努力，在自己承擔到的風險下，穩定地爭取合理的回報。

第二第三個100萬都可以拿下🙏多謝你老師！

進階班我覺得自己會唔明，黎緊報多次基礎班報答你🤣當見下偶像都好😂祝老師身體健康，繼續達到不同的目標🎯桃李滿門，夢想成真！

希望不久將來，財富到達200萬再同你報喜！感激老師！

龔成老師︰

好，恭喜你，達成一個目標。

當有左首個100萬，因為本金大左，未來增值效果會更加理想。

但緊記要保持學習，長線先至可以保障你持續成功。

加油!!! 期待你下一個好消息!!!