Q26691：

多謝老師8堂股票班，今次獲益良量多係投資mentality and discipline, 真係無其他地方我能學到，以前完全唔識，你講嘅一般散户特性，我一一做晒！好欣賞老師那團火!

十年後成為千萬富翁的人上！

龔成老師：

我的書和課程，只係給你一些助力和方向。真正能夠令你生活和人生觀有咁大改變的人，不是我，而是你自己。

你應該多謝自己，願意去學習，願意去開闊自己思維和視野。

雖然堂已經上完，但唔係一個終結，相反應該是一個開始。你要開始將堂上學到的知識，去實戰上運用，為自己舖蓋未來致富之路。

緊記，投資係要多練習和不斷增進新知識，才會做得更好，加油!!!

Q26692：

早晨 龔sir 1448福壽園剛更新了股息政策及漸進地提高分紅比率 請問你點睇呢？ 現價係什麼區間呢 謝謝

龔成老師：

福壽園（1448）更新股息政策以提高分紅比例，增派息率至不低於35%，漸升至逾60%。

該集團指，上市近9年來，營業收入年均複合增長率18%以上，新併入項目已見成效，整體盈利能力良好，現金流水平穩健，認為應採用多種融資手段以提升資金使用效率。

而且已從單一墓地經營商成為殯葬綜合服務商，從一個地方企業成為分支機構遍布全國46座城市，並基於對未來發展前景的良好預期，在綜合考慮經營情況、盈利水平、經營性現金流和發展戰略等因素基礎上提高分紅比例。

我相信這政策，反映兩個情況，第一，佢業務穩定，已經做好風險管理等動做，同時考慮不同的經營環境都有一定的賺錢能力，預期現金流強，因此派息將穩定。

第二，由於政策等風險因素，發展力可能略減，管理層過往不斷利用資金收購同業及土地，但現時政策略有調整，資金慢慢將增加派息，反映企業增長力略減。將會由水桶1，轉為水桶1-2。質素仍在，但增長力略減。

Q26693：

想問我26歲買中電會唔會太保守

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

至於中電，是收息股，對你來說的確較保守，但如果你本身較低風險，以及投資較初階，中電不是不能考慮的。

Q26694：

Sir 你好, 我唔係好睇得明美股 可唔可以請教一下

我買2手TSLA 用660usd買入

但我明明見到佢升到670, 但點解都會顯示虧損緊？

龔成老師︰

相信是個報價版面，同你買賣個版面有時間差導致。因為每間證券行系統，都有可能有時間差，或一些程式等因素，其實你不用太理會短期股價。

特斯拉Tesla, Inc.（TSLA）有質素，增長快，但股價上落大，要注意這方面的風險。

此股估值相對較難，最簡單的方法，就是投資時小心控制注碼，最好以小注分注的模式進行，同時，要控制好總投資金額。

有貨可長線持有，你預現價是合理區中間至中上，要留意股價上落大。

Q26695：

阿sir，想問埋堅尼地城嘉輝花園作為上車盤你評價如何？

另外，如果嘉輝花園同黃竹坑金寶花園2個屋苑比較，那個較有投資價值/潛力

（自住上車樓）

謝謝指教

龔成老師︰

最重要都是睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。

另外，你再要審視其升值潛力，未來地區上、交通上、生活等等的配套發展，才去下一個結論，咁會較好。

你是買樓自住，最重要是「供得起」以及單位長遠是否可以應付「至少10-20年以上的生活需求」。

兩個樓盤的樓齡接近，都是有潛力的地段，潛力度會係嘉輝花園高少少。始終港島地段。

交通上，2個都算近地鐵站。但生活配售，嘉輝花園會好少少，金寶花園周邊都主要係學校。

2者呎價都是差不多，你可以按照自己的需求，去作出選擇。

Q26696：

請問2018 的持有價值

踢出藍籌係核心因素不利嗎

hsbc 都可以長期收息

請問對巴菲特買hp 有咩看法

龔成老師︰

瑞聲科技（2018）之前業績較弱，又發出盈警，顯示增長力減弱。

瑞聲的主要技術來自於聲學，但消費者對於聲音的追求不大，企業的發展就變得有限。

但長遠不是無質素的，本身有一定的規模與技術，但增長力不是好強，只能視為平穩增長類別，投資不建議太多。

踢出恆指成份股，對佢中短期股價會有影響。但並不影響到佢本身質素，故不建議用這個因素，去做買賣判斷。

滙豐（0005）有質素，但比以往弱大。你唔好預佢有明顯增長，用來收息係可以，但就要控制注碼。

惠普(HPQ)公司是一家為企業和消費者提供計算系統，印刷設備和打印器材的全球領先供應商。

此股有一定規模和質素，睇翻佢呢幾年生意額都有穩定增長，有一定的優質度。

巴菲特選取的股票一定有其優勢，相信佢睇好集團長線發展，和覺得現價都合理，所以投資。

Q26697：

想問下你會唔會開星期六班?

因為見你多數開平日班

龔成老師：

我間中都會開星期六班的，通常一年開1、2次，星期六下午時間。

下次應該在2023年年頭。

你或者可以預早留位，只要whatsapp 55457212我同事，打「留位星期六班」就得。我地有具體資料就會 whatsapp。

Q26698：

Sir, 916 現價合理嗎？未有貨。

龔成老師：

龍源電力（0916）有質素，這股有長線投資的價值。

佢係中國發展風力發電業務，收入大部分來自銷售風電場及火電廠所發的電力，而有關電力銷售主要倚賴淨售電量及上網電價。

旗下客戶為風電場及火電廠連網的各地方電網公司。

過往業務發展不差，生意與盈利保持增長，不過股價就有少少波動，現價合理區中間至中上，但就要留意股價上落風險。這股可長線。

Q26699：

你好呀龔成。我在投資方面沒有經驗，可以請教你一下關於收息基金嗎？請問安聯收益及增長基金現時值得入嗎？或跌到哪個位值得入？或者你有較穩健的收息基金推介嗎？

非常感謝你的時間和耐心

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

如果你係年青至中年人士，我建議先做好增值部份。收息資產，可以等較年長才加入。

至於基金，由於佢會有一定費用，變相拖低你回報。如果你係唔適選股，可以先從一些指數ETF著數。佢地都係一籃子優質企業的組合，適合初學者。

你現時無投資知識和經驗，對企業估值，點去定平貴未必會太了解。所以你先利用月供模式，去做增值，可以減低買貴貨風險，對你而言會較理想。

策略上，你你每月5成儲蓄做月供。其餘先儲起，用一邊月供一邊儲蓄的策略。

餘下的另一半現金，我地就等大跌市機會，或者等你有較多投資知識才動用，咁會較穏當。

我建議你要多讀投資相關書本、年報，新聞和報讀相關課程。書本上，你可以睇我寫架《80後千萬富翁》、《財務自由行》和《股票勝經》，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q26700：

龔成老師你好:本人拜讀了老師你幾本著作，十分認同你嘅投資理念。我今年44歲，為左小朋友將來，決定一家四口今年8月中移民英國，已經將自住物業賣左，

計埋共有1200萬cash，手上另有市值~50萬股票如下:

蒙牛集團 2319 6000股@$19

中海物業 2669 1333股@$8

中信銀行 998 1200股@$5.86

綠色債券 4252 400股@$100

iBond 4246 300股@$100

中國銀行 3988 12100 股@$3

太古地產 1972 1000股@$18.88

建滔積層板 1888 1000股@$7.73

建設銀行 939 10000股

中國海外 688 4000股@$19

中國國航 753 4000股@$2.98

工商銀行 1398 2000股@3.07

民生銀行 1988 800股@$9.08

中國中冶 1618 1000股@$6.34

四環醫藥 460 2000股@$4.6

中國中鐵 390 1000股@$5.25

可否分析以上股票有冇邊啲質數不良要先賣掉？

另外到英國預計只有我一個人全職工作。我先會預留150-200萬頭2年英國生活費，剩下的1000萬到安定左會在當地買樓自住(~500-600萬)。

但因為買樓是2年後嘅事，是否應該將呢啲錢買公司直債，或是繼續投放股票市場收息作被動收入？應該點樣分配投資？

另外現在盛行嘅保費融資又是否適合作一啲長遠投資？

篇幅較長，望老師能指點一下

萬分感謝

龔成老師︰

如果你預期你到英國後，長線收入大不如前，想利用現有資金，去創造被動收入支援生活。你可以用收息股和債券作組合，但債券必需係A級水平(你手上債券都可以持有)，才好考慮。

相反，你預都會慢慢發展翻自己事業，其實你年紀不算太大，我會比較建議你安頓好後，投資以增值為主要目標。

你持有股票，普遍質素上都唔係十分高，但都有投資價值，你可以持有。

但中國國航（0753）、中國中鐵(0390)、四環醫藥（0460）質素較弱，長線不要持有太多。

不過，你持有隻數太多，建議你維持集中在10隻左右，會較為理想。

未來時間，你可以跟你本身計劃去進行。至於投資那類股票，就視乎你本身計劃。主要靠被動收入生活，就集中收息股。若會再發展事業，就平穏增長股和潛力股。

現時大市只在合理區，你扣除頭2年生活費和置業資金後，可先用一半，以分注模式慢慢儲貨。餘下一半，就等大跌市才加大力度入貨，並長線持有。

Premium Financing(保單融資)，其實就係透過借貸，去以槓桿形式放大回報。相比傳統儲蓄保險，佢增長潛力會相對較大，同時風險會相對較高。

若保單實際回報，係多於貸款利息，投保人自然會因為槓桿操作，而令回報放大左。

但由於保單本身，好多時回報和利率都係不保證。再加上貸款利息，多為浮息。在低息環境，固然會受惠。但進入加息週期，利潤將進一步被蠶食。

因此，用保單融資去投保，係有一定風險。

其實係財富增值上，最好集中係優質資產上(如物業、優質股)。

「保險」只係一種產品，主要係用作防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但最好係一些較傳統儲蓄保單，而非這類有槓桿性質的產品。

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。