Q40361：
龔兄，請問憑你觀察，有錢人同窮人對生活的態度有何差別？
我總係覺得窮人會嫌棄超越佢地認知的事物，例如接觸比較陌生事物，就算呢d野對佢地有利，佢地都會選擇拒絕
龔成老師︰
有錢人同窮人的分別一直是創富類學習者比較感興趣的話題，我之後都會拍片講這兩者的分別，你可以留意我的YOUTUBE 頻道。
http://www.youtube.com/@user-rw4st4yg5v
簡單來講，有錢人無論在思維、行動、面對挫折的態度都是積極的;而窮人因爲害怕失敗，好多野都只停留在想的階段。
你話「窮人會嫌棄超越佢地認知的事物」，呢個係其中一個分別。
人同人之間喺智商上的分別，其實唔大。反而係思維上，個分別就好明顯。
進化的過程，令我地知道人的本性其實偏向安逸同節能（因爲祖先要應付野外的猛獸，平時呀盡量節能）。
所有要耗費能量的事情，我地都會偏向唔做又或者少做，呢個就可以解釋點解你明明想分析一隻股票，但結果走左去打機。
人偏好於處於「舒適區」，而「陌生的事物」屬於「學習區」又或者「恐慌區」，普通人就會偏向逃避，就算明知道事情對自己有利，都唔願意付出。
但有錢人明白呢個道理，有錢人對目標既追求欲望其實好强烈，佢地知道如果要有成就，就一定要放棄某啲野，包括自己既恐懼，所以佢地會為左目標而不惜一切。
我自己都深明呢個道理，所以我訂立左「月入萬多元，5年儲100萬」既目標，一個超越普通人的認知，但又可能實現的目標，而事實上憑住我想成爲有錢人的欲望，最終目標達成。
Q40362：
老師你好，近來有得多消息指內地失業率高企，地產業很差，嚴重內捲。想知內地股票還值得投資嗎？
龔成老師︰
首先，你要記住我地投資，唔係睇住現在或過去發生架事做決定，而係從長線角度去分析判斷。
現時大環境的確唔係咁理想，但長線中國是否會永遠保持這個(低沉的)狀態，是你要思考的地方。
如果你覺得中國經濟唔會永遠一沉不起，那現在相信就是部署(長線投資用的)優質股票架好時機。
Q40363：
阿Sir, 不好意思，打擾了！
想請教如果1810已佔了我所有股票的9%（平均價為每股$15.00持貨），現在已去到35蚊我可以繼續用月供形式買此股嗎？
因我想儲多點貨。但如果現價買，就會拉高此股的平均價。
龔成老師︰
一般計算組合比重，會用現價計。
不過，小米(1810)係近1年爆升，你可以用2年平均值去計，咁會持平D。
至於現價架小米(1810)依然算合理區，但會係較頂架位置，月供係可以，或者你減月供金額都得。
同時，你要先確認佢架組合佔比，任何個股高於組合15%，就不要再加注。
Q40364：
想問吓龔sir, 依家買小米可以嗎？
只是買一手
定買滙豐可收息比較高呢？
龔成老師︰
小米（1810）以手機、智能硬件，以及物聯網為平台的公司，小米專注於互聯網直接銷售產品，近年發展電動車。
雖然發展電動車，投入了較多資金，令風險比過高左，現時的發展情況不差，如果長遠成功，股價可以倍升。
隨著新產品系列推出，小米賺錢能力提高，同時佔據了一定的市場，在中國安卓類手機4,000至5,000元價位，小米出貨量排名第一。
另外有一點值得留意，小米最新的全球及中國大陸MIUI月活用戶數持續增長，達到約6億和1.5億，均創歷史新高，而這部分會慢慢產生更多的將來收入，所以前景又不用睇得太差。
考慮到小米過往的發展，其產品性價比不差，以及研發能力強，佢電動車長遠發展值得期待的。
這股可長線，現價係唔平，預佢股價仍波動。
至於是否入，你可以睇自己持貨量。如果無貨，可以入少少。但有貨，最好等佢有明顯回調。或者長線用月供儲貨，都係可以。
不過，你資金比較少，如果只能買一手(同時你又無貨)，建議等佢有明顯回調先。
另外，會唔會買匯控(0005)收息更好?
從平貴度計，匯控(0005)值搏率係較高。不過，你要睇埋自己人生階段。
小米(1810)係潛力股，適合較年，追求財富增長人士。而匯控(0005)係收息股，適合較年長(或保守投資者)，追求穏定現金流人士。
你可以因應自己情況和投資取態，去作出決定。
Q40365：
龔sir 小米升咁高 入唔入好呢 聽講應會繼續上🤣🤣
英偉達仲有少少貨 不過都高位 應擺定走呢
龔成老師︰
小米(1810)現水平唔平，只宜小小注買入，等跌先正式加。
這刻並不是理想的買入時機，不過，無人知股價會否回落，所以，你可以用兩手準備方法，如果完全無貨，現價小小注買入。
企業長遠仍有發展，當刻已反映了不少利好消息。
至於英偉達(NVDA)情況類近，雖然佢長線係有發展，但增長未必有以往咁勁，加上現價都唔平，故股價有機會受壓。
如果你持貨多，可以沽少少。但你現時持貨只係少少，偏向建議保留作長線投資。
Q40366：
老師，想請教美股GRAB是否是優質股？與UBER相比，邊個更有投資價值？多謝！
龔成老師︰
Grab Holdings Limited（GRAB）係新加坡的叫車平台巨擘，其服務的國家集中在東南亞包括新加坡、馬來西亞、泰國、印尼、越南、菲律賓、柬埔寨以及緬甸。
最初，這間公司僅提供網路叫車服務，後來衍伸到現在擁有食物及雜貨配送、行動電子支付，甚至還有保險商品及投資項目等不同產業相關業務。
發展雖然快速，但業務仍是十分波動，這股算是有危有機類，股價會十分波動，加上市場較新興，如果睇好這類股，只宜小注投資。買入後等企業成長。
Uber Technologies, Inc.（UBER）是有風險有潛力類。
Uber係一家技術提供商，可以將乘客與司機、食客與餐館和食品配送服務提供商，托運人與承運人之間進行匹配。
該公司的需求匹配技術平台最終可以用於其他產品和服務，如自動駕駛、無人機交付和Uber Elevate，正如公司所稱，它提供“空中拼車”。優步科技總部設位於舊金山，業務遍及63個國家，擁有超過1.1億用戶每月至少訂購一次乘車或訂餐。
我相信佢前景正面，業務有增長力，不過，生意波動加上未有盈利，都是風險因素，而最難的地方在估值，令投資風險不少，我好難講現價平貴度，只能說，這股風險較高，但不是無前景，而投資金額一定要小心控制。
整體質素，會係UBER較高。不過，你要明白2隻都係風險高架股票。就算Uber係質素較高，也不代表可以重注。而類有危有機架股票，只宜小注。
Q40367：
保障形保險，是否每個月要比一筆錢去供？
龔成老師︰
保費供款方法，一般係每月、每半年、或者每年供，視乎你買架時候點選擇。
另外，醫療保險計劃有好多款，有部份係要一直供，有部份係供一定年期就唔洗供。
建議你找一個可信的保險Agent，去幫你具體規劃，會最穏當。
Q40368：
老師，我係2022購入物業， 本想作投資但而家估價跌左好多..唯有繼續放租..真心後悔當時買左...山頂價
龔成老師︰
我建議你向前看，因為始終過去決定已經發生左。
由於我預未來香港樓市，主要都係平穏發展，唔會大升，都唔會大跌。
所以，整體投資價值唔係好高。如果你本身唔打算用佢，作為自住物業的話。
我建議長線都要找機會沽出，因為佢好多單位都係較細。如果單位呎數少於300呎，其實連一個基本家庭架需要都做唔到，長線投資價值會較弱。
相反，如果你自住係可以，咁其實跌價只係心理問題。只要你供得起，其實唔會有太大實質影響。
Q40369：
老師，本人37歲想問下現在月供VOO 可以嗎？
一般你會建議用人工百分之幾月供VOO呢？
謝謝🙏
龔成老師：
大方向是可以，不過，你的組合不能只有VOO，宜同時有其他類的資產。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
至於供多少，如果你每月能儲到$10000，就可以供$5000，其他資金可投資其他資產或股票。長期進行。
到你接近退休前10年，才做一些調整。
Q40370：
龔成老師您好呀！我自2021 年開始每個月用5000 月供緊領展（2000蚊），盈富（2000 蚊）同中電（1000 蚊）請問你覺得現階段，仍可繼續呢個組合嗎？有冇需要換啲股呢，請指教
龔成老師︰
你持有架股票，都有長線投資價值。若你係中年人士，這個組合係合適。不過，你要睇翻佢地佔你組合比例，投入資金，如果已買較多，就可停一停，原有貨持有，而將新資金供其他，以建立一個更平衡的組合。
不過，領展(0823)質素無以往咁強，長線唔建議佔組合太多(建議月供最多$1000好了)，如果貨夠就停。這企業回勇要時間，但不是無質素的。
至於盈富$2000，無問題。
中電都有質素，可供，但就要睇你投入了多少資金，去睇下是否要減月供金額。
另外，長線建議你都要慢慢加D美股，去平衡地區性風險。
若果你係較年青的話，建議加D潛力股，去提升組合架增長力。同時記得，月供之餘都要留少少錢，等有明顯回調時，可以入貨。
以下是一些具質素架平穩增值股和潛力股，適合月供用，你可以參考下︰
平穩增值股︰
指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
潛力股︰
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
不過，你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
因此，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 55457212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212