【龔成問答信箱】（Q49051-Q49060）

Q49051：

龚成老师你好

本人44岁， 在马来西亚从事餐饮行业,

太太42岁， 月收入6000, 3个孩子分别10,11,12岁

目前月收入3万

现有资产：

房产

7间住宅房产估值890万，银行负债580万， 每月租金收入17800, 银行供款31500, 自掏腰包13500 供款

公积金 40万 ， 年派息5.25% 左右

按我的工资， 每月缴纳6900 （公司+个人一共23%）

保险

全家月供1万左右

本人人寿保障400万，疾病100万，意外500万，医疗卡500万年限额 ， 太太和孩子分别有年限额300万医疗卡

股票

港股有建行，中海油，小米 大约40万港币

马股有马银行，大众银行，CIMB银行， Focus Point 眼镜集团 大约 马币42万

打算现在开始每月定时投入3万作为股票投资，1.5万买入马股， 另外1.5万 = 3万 买入港股 长达16年 （60岁半退休） 建立价值1000万马币的退休基金

请问有什么适合的优质股票可以建议？

港股部分期望50% 高息股，50% 进取股

#以上收入与资产以马币计算，除了港股部分已经列出是港币价值

龔成老師︰

大致理解你情況。

但我自己較主力係香港、中國和美國市場，因為我相信它們會是未來10年的重心。

所以，馬來西亞樓和股市，我無特別研究，但我會給核心概念你，好讓你作為參考。

1. 當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時44歲去計，應以增值為主。

策略上，你可以考慮「平穏增長股」和「潛力股」。

現在你每月先用5成儲蓄做月供。其餘先儲起，用一邊月供一邊儲蓄的策略。

選股上，你可以留意一些平穩增長股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、英偉達（NVDA）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

以下是有關"平穏增長股"和"潛力股"教學分享的影片，你可以參考下︰

https://www.youtube.com/watch?v=5bQc6sWIie8

https://www.youtube.com/watch?v=Vq_g4uQ4VMI

(當然，你都可以加入馬股做月供，但大方向這些股票一定要優質，同時係增長類，才算適合你。)

2. 財富配置︰

你成個財富紅合，太多物業，這會令單一資產類太集中，造成風險。

再加上，租金回報率不高。你放租同時，還要額外花錢去還貸款，即等同於負現金流，不理想。

除非你分析過，知識這些物業未來升值潛力很高(樓價和/或租金)，否則你長線持有它們，相信弊多於利。

再說，從財富組合平衡性而言，都不理想。

建議你把較弱物業，慢慢轉成優質股，相信長線會更有利。

3. 我不知道你從事飲食業，是打工，還是創業。

(若是創業) 如果你本身個生意長線發展係好，其實個回報可以跑贏優質股，所以你手上架資金應該優先留比生意部份。

而投資優質股目的，就會由"增值"，變成"分散風險"。

令到你收入來源唔會過於依賴生意部份，使你整個財富組合變得更穏當、更平衡。

Q49052：

老師你好，雖然唔係睇咗你好耐，但覺得你真係好無私，又有耐性解答大家嘅問題，先多謝你先。今次寫嚟都希望老師可以解答我嘅問題，唔好意思問題比較多，麻煩哂。

我今年43歲，單身，自住一間居屋已供完 (綠表，所以冇得再按套現金)，而家份新工月入8.5萬。平時唔算多洗費，都係去旅行多，所以攤均平均每月支出2萬左右。

我以前一路冇做任何投資，因為家人好沉迷。係幾年前先醒覺，買少少嘢，我而家持有：

1. 現金4.5M

2. 定期: 14萬人民幣, 10萬美金

3. 剛供完1份5年嘅Qdap

4. 股票:

(A) 幾年前買落一路坐緊艇嘅:

中國平安 $68.3 1000股

友邦保險 $91.8 400股

金沙 $17.1 1200股

阿里巴巴 $186 300股

安碩ETF $14.08 400股

(B) 另外呢排買/暫時未每蝕嘅:

比亞迪 $76.25 100股

小米 $26.46 400股

2800 $22.5 4000股

(C) 剛開始月供美股，會每月買3股，即用HKD 1.7萬左右

VOO $698 2.9股, 會每月買2至3股

QQQ $710 1.8股, 會每2個月買1股

Q1 我以前一路都冇做投資，而家想追番，好想快啲退休/財務自由, 我應該點樣善用我嘅資金？我而家嘅月供美股plan好唔好？應否再買多啲？

Q2 for (A) 幾年前買落一路坐緊艇嘅股票，雖然我唔係等佢哋啲錢開飯，同埋老師話要睇長線，要睇間公司有冇質素。但咁多年都未返到家鄉。我應該點？一路等？

Q3 我見坊間有啲certificate of deposit會offer fixed coupon rate, 比定期息率更高, and it's guaranteed 所以係保本。但點解好似冇咩人買？老師建唔建議買？

Q4 另外仲有啲高息債券，門檻20萬美金，擺幾年，年利率有4，5%，好似幾好咁。不過金額咁大，其實穩唔穩陣？老師建唔建議買？

Q5 unit trust 你又點睇？係咪好似同股票差唔多 (因為有升，有跌，有派息)？老師建唔建議買？

Q6 我諗過買多層樓收租，但如我用自己名買第2層，啲稅好費，又要俾好多首期，而我又用唔到屋企人名買。老師覺得我過幾年再儲多啲錢時，應唔應該買第2層樓？

Q7 我已供完1份Qdap, 老師覺得應該開多1份Qdap, 定係轉供Tvc (我mpf都係買美股的)?

Q8 定係老師覺得我有冇其他投資適合做，去善用嚟緊筆錢，可以快啲退休/財務自由呢？

Thanks a lot!!!!

龔成老師：

1. 當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時43歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你可以考慮「平穏增長股」和「潛力股」。現在你每月先用5成儲蓄做月供。其餘先儲起，用一邊月供一邊儲蓄的策略。

選股上，你可以留意一些平穩增長股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、英偉達（NVDA）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

現時大市大致算在合理區中間 (港股)和中上部(美股)，你現有450萬資金可以先投入40-50萬，用"分注"形式，慢慢買貨。餘下本金和每月所儲到的資金，就等大市出現一定程度的下跌，才慢慢加注，然後長線投資。

(緊記投資前，要預留半年至一年生活費，作為應金資金，這才算穏當。)

以下是有關"平穏增長股"和"潛力股"教學分享的影片，你可以參考下︰

https://www.youtube.com/watch?v=5bQc6sWIie8

https://www.youtube.com/watch?v=Vq_g4uQ4VMI

2. 你要明白一個概念，我地持有一隻股票與否，關鍵位是企業質素、前景，不要被買入價影響。

因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。

如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。

(你ABC架持股，都有長線投資價值，可以守。但以後要留意買入價，如果不會估值，就分注或月供入市。)

你可以睇下以下影片，會對你有幫助︰

https://www.youtube.com/watch?v=5yu9jrvfGX4

3. 你年紀，唔適合買定息產品(包括年金)。

唔係話無投資價值，但增值能力偏弱，持有太多會對你不利。

4. 參考3)答案

5. 會有一定收費，除非佢長線可以明顯跑贏大市，否則不值。

6. 我自己預期未來香港樓市，只會係平穏發展，唔大升，同時唔會大跌架格局(唔會好似過去20年咁一直升)。

所以，現時投資物業，我唔太建議。

但如果將來你財富水平高左，唔想太集中股票，咁你都可以買物業，去分散風險。

但從投資增值角度，物業只係次選。

7. 參考3)答案

8. 先集中優質股就可以。

Q49053：

龔成老師，請問美股 Fastly (FSLY)是否值得留意？質素如何？現價可以考慮嘛？謝謝老師分析分享

龔成老師：

Fastly Inc（FSLY）是較高風險類別，佢運營著一個內容交付網絡（CDN），這對於實體提供更快，更可靠的在線內容是必不可少的。

Fastly的策略與傳統CDN有所不同，傳統CDN專注於在盡可能多的位置定位服務器以存儲用戶最常使用的文件副本。Fastly的網站數量遠少於傳統CDN，但它將服務器安置在網絡最密集的數據中心。

它不僅僅存儲靜態內容，還允許其客戶在其平台上進行編程，從而實現邊緣計算並更好地服務於CDN通常無法很好地服務的更具動態性的內容。

坦白講，業務較難分析，雖然有增長，但未能肯定長遠的應用層面，只見股價上落大，投資價值暫時一般。除非你好睇好相關技術，否則不建議。

Q49054：

龔成sir，可否分析一下九興控股1836？ 見佢MorningStar有5星評分，股息率有成11-12%，但見啲財務資料有啲數據好似跌緊。

尼隻股票值唔值得長線持有？尼個時段買入，會唔會賺息蝕價

龔成老師：

九興控股（1836）主要從事設計、開發及製造鞋履產品。

客戶包括全球領先運動品牌及休閒鞋履公司，分別為Hoka One One、Nike、OOFOS、Saucony、Under Armour、Johnson & Murphy、Merrell、Sperry、Teva、Timberland、UGG及Vionic，以及領先的時尚鞋履品牌，如Cole Haan、Everlane、Kate Spade、Michael Kors及Tory Burch等。

佢都有投資價值，但你預佢增長力唔強，主要都係收下息。另外都要留意，之後派息多少，會受盈利所影響。

投資價值都有，現價合理，只要不太大注就可以。

Q49055：

我嗰隻中升881 跌咗好多，好唔好睇長線啦，定係止說賣咗佢啊？

龔成老師：

中升控股（0881）質素一般，近年行業情況令賺錢能力受壓，你可考慮減持。

佢經營的經銷店，獲授權銷售單一汽車品牌產品的經銷店，業務包括整車銷售、零部件、服務等。

佢售後業務提供零部件、汽車用品、維修及保養服務、汽車美容服務、以及其他與汽車相關的產品及服務，包括二手車交易服務、汽車租賃、汽車保險、汽車融資及汽車上牌服務。

經銷店經營多品牌的汽車銷售組合，包括（Ｍｅｒｃｅｄｅｓ－Ｂｅｎｚ）、（Ｌｅｘｕｓ）、（Ａｕｄｉ），以及豐田（Ｔｏｙｏｔａ）、日產（Ｎｉｓｓａｎ）、本田（Ｈｏｎｄａ）及通用（ＧＭ）等。

企業獨有優勢不算強，加上近年中國車市競爭大，企業賺錢能力受壓，投資價值算是一般。

Q49056：

有說股價若下跌10%應止蝕離場，但亦有說若股票穩健則不用理短期波幅，我$57.8買入2318中國平安，現跌了幾%，請問該止蝕走嗎？

龔成老師：

其實止蝕的關鍵位，不是睇「跌了幾多%」，而是企業質素有無改變，因為一般的市況波動，往往都有10%，如果你單憑這點止蝕，就有機會只是波動市已賣，之後上翻但已無貨。

中國平安（2318）有質素，由於平保這類保險公司，會持續收取客戶的保費，這些浮存金就可以進行投資，所以投資，而投資市場波動都會對佢有影響。

長遠來說，企業仍是有質素的、有規模、有品牌，因此發展力仍在。只要你貨不是過多，可持有。

Q49057：

龔先生 晚安 中國財政部注資幾千億落國有銀行同保險業 對持有相關股票者的利益“ 股息”會否受損？

龔成老師：

短期有少少影響，長遠影響不大，首先，在公司賺取總利潤不變的情況下，利潤和股息會被更多股份瓜分，形成每股盈利（EPS）與每股股息（DPS）的稀釋。

相反，長期來看，這反而穩固了國有大行和保險股能夠「持續派高息」的能力，所以小股東影響不大。

Q49058：

龔sir你好，我有個問題想問，我$41有四萬股1810小米，已佔組合18%，我唔再溝貨情況下，當低位買4000股，然後升兩蚊放返4000股，不斷用這個方法來拉低平均買入價，用這個方法可行嗎？🙏🙏

因為我見佢在$24—$28呢個區間来回好多次了

龔成老師︰

不建議，無人知，未來時間一直係這區間行走。

同時，你也不要開始有這種想法，因為咁樣你會好快心思思，成日想短炒，咁就會出事。

其實，短期走勢受好多因素影響，有D仲要唔關企業事，所以短炒風險唔細。

其實，你現時持有18%已夠，不用特別做其他操作，長線持有就得。

你可以睇下這影片，會對你有幫助︰

https://www.youtube.com/watch?v=9BhH0XciOJ0

Q49059：

我覺得理想汽车而家值博率高、可加注嗎

龔成老師︰

這股只宜小注，如果你本身有貨，不建議加。

理想汽車（2015）是中國新能源汽車製造商，業務主要是設計、研發、製造和銷售豪華智能電動汽車。於2015年成立，2019年11月開始量產首款車型理想ONE。

不過，業務、賺錢能力、財務數據，仍有較大的不確定性，令市場對其估值有較大的分歧，令股價波動較大。

中國電動車市場短期的挑戰大，車企減價等因素影響了行業的賺錢能力，在市場競爭加大的情況下，有些較弱的企業可會被淘汰，長遠來說，就會留下較有實力的車企，理想是其中一間。而這個淘汰過程，是行業發展的正常過程。

長遠來說，全球電動車市場，中國電動車市場，將保持一定的增長，而有實力的車企，前景不是無，由於這股風險度增加，所以暫時只宜小注持貨。

Q49060：

早晨龔sir.

我想問：阿sir係如何判斷一隻股票或公司未來係有機會係大勢？

始終分析公司主要單靠過往十年或五年財務數據，年報。都是單靠過往資料，以估算未來。

如何分析到將來既眼光？靠新聞？靠消息？感覺有點困難。謝謝老師。

龔成老師：

第一，要睇整個大環境、行業發展情況。

你要柝解5年後、10年後，整個大環境會變成怎樣，同時，那些技術、產品應用會較多。

第二，你要分析企業的優勢，比起對手有那些獨有地方，財務數據怎樣，企業的護城河程度去到邊。

我地不會靠消息，主要是不斷睇資料，巴菲特表示，他每天閱讀約500頁的資料，包括：企業年報、報紙、行業雜誌與商業評論、商業傳記與歷史書。

我地就是不斷憑這些資料，去作出對大環境、企業的認識及推判。