Q37191：

龔成老師, 我先生想向你請教，光是這知退稅，10200÷每年60000，這個每年有17%，但這個未計基金升跌，他的收入每月十萬。

我們打算每月用5千， 再次投入股票市場。

現在他正考慮到底要把5000 每月投放在 政府扣税金， 每年減多一萬， 這個mpf ，

還是獨立另外再買 不參與政府這個plan？

兩者哪一個 會比較利人更高呢？

🙈 呢條數我哋唔係好識計， 怕自己諗漏嘢 ，

計錯數股票不夠在行，所以真係要請教老師幫忙。

圖中是我的資料。

龔成老師︰

這個問題，好睇你投資能力。

因為政府扣稅，係一個保證架回報。但同一筆錢(即你每年存入去年金架錢)，只係得一次扣稅，之後就會鎖死係MPF度。

而MPF本身佢架基金都有一定收費，你都有睇過我Youtube講VOO個個影片，你應該知道長線架少少收費，可以令自己最終收益有很大落差，所以會係你一個考慮點。

而另外自己去投資優質股，這筆資金可以享有複息效應，每年都可以不斷升增，同時無任何費用(除左買賣個陣，同埋一年一次架存倉費，個度應該唔係好多錢)。但最終收益多寡，甚至會唔會倒轉變成虧損，就睇你個人投資能力。

所以，而個問題唔會有一個100%肯定架答案，你要因應自己能力和風險取態去做決定。

Q37192：

我純碎不是收股息，只是想在除淨前以高位賣出，假若買入價低，甘我便可以賺取差價，以高於股息。

所以只想平均注以價格較低位買入

龔成老師︰

其實無分別，用以下例子講解，表面上你可以賺左$1架差價(因為$20賣，再$19買翻)。

但其實因為你早賣左，變相放棄左應有架$1股息收入(即係你一方面賺左$1差價，同時失去左$1股息)，只是你不自知。

[假設除淨日 - 5月21日]

5月20日賣出收益︰股價$20 + 股息$0

5月21日賣出收益︰股價$19 + 股息$1

另外，股價除左受除淨日影響外，仲有好多因素。簡單咁講，除淨後最終股價，未必一定比除淨前平。

Q37193：

謝謝龔sir 抽空回答，保險嘅派息基金你有聽過嗎

龔成老師︰

其實要睇翻佢實際計劃具體係點，因為佢可能只係稱為"派息基金"，實際操作同坊間個D派息基金(背後買賣債券)係唔同。

同埋，你要留意多一點，保險公司賣架基金保險產品，好多時係保險同基金公司都分別收取你費用，所以費用率唔輕。

除非隻基金扣除費用後，係長線跑贏大市，否則就未必值得投資。

Q37194：

你好，龔sir，我現時持有：

823 70.10@120

1810 17.77@600

3067 14.99@1000

3759 11.34@200

6690 28.72@400

每月供$1000（已停供）：

823 @323

1177@875

1810@218

1928@35

2800@236

現時持續月供$1000（823）

請問以現時市況，這個投資組合仍然適合嗎？有沒有需要減持或者暫停月供？

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你30歲，應以增值為主，建議你用「平穏增長股」 + 「潛力股」作組合，去創造一個增值平台。

小米（1810）、安碩恒生科技(3067)、中生（1177）都屬於潛力股，有質素，但就要留意中短期仍然會有波動，你持貨不打算多，可以守住先。

康龍化成（3759）近年業務較波動，如果投資，暫時只建議小注持有。

海爾智家（6690）、盈富（2800）、金沙（1928）、領展（0823）都屬於平穩增值股，有質素，可以持有。

你的組合基本上有質素，可以持有，但由於近年港股因爲加息等一連串不利因素導致股市有調整，但隨住疫情過去，股市慢慢好轉，相信估值會慢慢回升。

不過，我建議你月供唔好只集中一隻，最好多分幾隻去分散風險。若只能供一隻，咁建議供指數ETF。

最後，你現時組合明顯偏重晒係港股，建議你未來加入一些美股，令整個組合變得更平衡。

但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

Q37195：

315算不算優質收息股？

龔成老師︰

數碼通電訊（0315）主要為香港及澳門的通訊服務供應商，提供話音、多媒體及流動寬頻服務，並同時為家居及商務市場提供固網光纖寬頻服務。

業務穩定，但增長力不強，不要對增長方面及股價上升有太大期望，作為收息股，可以，現價合理，不過不建議投資太過多。

Q37196：

老師早晨，我是小白，買左中銀香港，想請問派息係點樣計的？係按每股計還是按每手計？幾耐派一次？感謝老師🙏

龔成老師：

末期息港元 1.145，以每股計，如果你持有1000股，就能收息$1145。這次末期息除淨日為2024年7月2日，派息日為2024年7月15日，即是你6月28日收市戶口要有貨，先有息收。

Q37197：

早晨，sir, 想請問早年入左交通銀行，非常高價入，差唔多虧左一半超過5年，早幾日突然急上，差5/6%便到家鄉

考慮緊好唔好蝕D放咗佢換馬，工行或者建行，但呢兩隻近日也升返好多，尤其建行，因為覺得呢兩隻穩陣好多

好過交通，咁多年一沉不起，如果除淨前放，交通收唔到息，換馬又好似太高價，但又想 甩咗隻交通，應該點做

龔成老師：

你最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

交通銀行（3328）你預佢長遠收息，可以，但增長力就不強，如果你本身的目標都打算長期收息，只要貨不過多可持有。

如果你擔心或貨多，都可以減部分，轉工行及建行。

不過有一點要留意，內銀股合共佔你整個股票組合的比例，都不能過多。

Q37198：

龔老師，您好，想請教一下，投資VOO還是SPLG較好？又，投資QQQ還是QQQM較好？

龔成老師：

VOO與SPLG選擇：

Vanguard S&P 500 ETF（VOO）管理費較低。

就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

QQQ與QQQM選擇：

Invesco QQQ Trust（QQQ）較正路。

佢是追蹤美股納指的ETF，長遠有潛力，是最簡單投資美股潛力股的工具。

美國的納斯達克指數，當中在多間大型的國際非金融上市公司，成份股以市值作基礎，並以一些規則平衡較大市值股份造成的影響。這些企業潛力較高，但風險都會較高。

如Alphabet、亞馬遜、英特爾、Netflix等，都是全球最大型的科技類公司。

長遠有一定的潛力，但要留意，指數較為波動，現價已在合理區較上部，不建議這刻大手投資，最好的方法，就是月供或分注小注投資，長線持有。

Q37199：

多謝回覆，你真是一個老實人,我也是的

我現念住用$8+萬香港年金,$2o+萬儲蓄基金,

另外$二十萬,玩股票,餘下三十萬生活費在這幾年拉,

間中做下兼職,到65,取政府長生津,

哈哈

間中又去上堂拉

老師, 其實香港年金, 是否可購買？？

因朋友說好, 但另有人說吾抵？

我也難決定

龔成老師︰

其實作為一個將退休人士，我一般建議可以將資金，分成5部分。

第一部分投資收息股，你可以建立一個收息股組合，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。

你可以將資金，平衡地分配在上述的項目上，對你來說是最好平衡風險，同時有穩定的現金流。

至於香港年金，係一個可行的選擇。不過，唔建議集中晒係佢度，最好平衡分配係上述項目，咁會較穏當。

Q37200：

老師，ARKK我係117哥陣買入, 而家跌到咁應該放定可以睇定D先? 佢仲會唔會升番上去?

龔成老師：

第一，你預佢風險高，因此要睇你的風險承受能力。

第二，這基金不宜持貨太多，如果貨多宜減。

第三，這基金較難分析質素，因為這基金核心是人，而不是基金。

ARK Innovation ETF(ARKK)主要投資一些創新性產品和服務的基金，是一隻潛力與風險並存的ETF。

主要持股包括潛力股，如TESLA、ZOOM、COINBASE、UNITY等等。

此基金有一定不確定性，要精準地估值係好難。

由於基金是主動型基金，當中的組合會改變，同時好睇基金經理的投資策略，因此，不單是考慮當中的資產，同時考慮「基金經理」。

簡單來說，如果你明白基金風險，持貨不多，而你又信基金經理，就繼續持有。

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。