你好龔成老師，我是投資新手，剛剛睇完你兩本著作，有以下問題，希望你可以解答一下。謝謝
-
你本書有提到就算係優質股都唔可以過貴買入，但如何去釐定呢隻股價格過高? 如何才算底位/合理水平? 可以具體d用一隻股票做例子嗎?
-
係芸芸眾多股票下，如何去開始選擇優質股? 有不同種類股票、甚至企業環境都差不多? 唔通每一隻都去分析?
你亦有提到你20年前曾經買入電訊盈科（唔知有無記錯)，最後輸左錢，而令你重新學習股票知識，如果以你現在經驗，回到當時去分析，你仍然會買入呢隻股票嗎？
如果我睇我會覺得行業有前景，最錯可能係主事人李生。
-
係你其中一本書有提到，你為何會選擇比亞迪呢隻股，你有些貨是$12買入，你點做到？
-
有d咩平台，可以了解更多有關企業資訊同前境?
-
呢個係十分重要的問題，就是......你幾時會開班? 會適合一d對股票冇乜認識的人嗎？ 一般會教d咩?
個案重點：
‧股票初學者
重點目標：
‧股票估值
‧選股票的技巧
‧大戶入股的資訊
‧平臺了解股票資料
龔成老師分析：
1）首先你要明白，「價格」與「價值」是不同的兩回事，價格是每天波動的股價，這只是一個成交價，而價值則是企業的價值，由於計算企業價值，要花較長時間去解釋，就算是我的股票班，都要花5小時去講述，所以好難在這裡三言兩語講到。
簡單來講，企業價值由資產價值及業務價值組成，我地會分析企業的生意、盈利、賺錢能力、前景、資產負債等，從而計算出企業的價值。
2）如果而家要買，不會買電盈（0008），因為佢在負債方面，而不合符我的指標。佢在當年的負債極高，以我現時的選股指標，是唔過關的，就算佢而家好左少少，但仍是無過關的。
我地選股時，會以企業的業務本質、行業結構、產品、財務數據去考慮。我股票班都會講5種選股方法的，利用有系統的方法，在2000間上市公司裡選股，是較易選股真正的優質股。
3）當然大部分傳媒都有講，而港交所規定，當持有選過這公司股票5%就要公布的，因此港交所的通告都有。
要講我點解入比亞迪（1211），真的有排講，你可以睇《80後2百萬富翁》，我用左幾千字去講的。
4）一般的財經網站，企業年報（我主要睇企業年報，你可以上港交所下載）。
5）我每幾月都會開一次班的。股票班（基礎班）適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。
每一課有兩份筆記比你，並有指引，要你在一星期內找那些資料，溫那些內容，做功課等。
每一堂更有一個附加的網上影片，是大約30分鐘的重點重溫片，可比你在家溫習。另外，每一堂都有簡單功課要你做，並有附加影片解說答案。
只要你跟著去完成，就能掌握整個課程所學。到你讀完後，你能自己選股、投資時機、配置、評估平貴，在投資上已掌握了一定的知識。
另外，你上課之前，多睇理財、股票類的書（例如睇《股票勝經》、《圖解股票小百科》這書），留意一下財經新聞，到時就較易跟到。
聲明：上述資料只是分析，只供學術性質，並不構成任何投資建議或邀約，投資者在投資前，請自行花時間了解，進行獨立分析。
龔成老師簡介
‧ 暢銷書《圖解美股小百科》、《圖解股票小百科》、《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《38全球倍升股》、《大富翁致富藍圖》、《5年買樓4部曲》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《財務自由行》作者
‧ 《經濟一週》理財真人Show 節目擔任致富教練
‧ 曾接受港澳多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 現為全職投資者，擁數千萬財富
‧ 於網上分享投資心得，瀏覽量過百萬，為人氣博客，解答網友理財問題逾30,000條
‧ 《經濟一週》、《華富財經》專欄作家
‧ 擁財務學學士學位
‧ 證券業持牌人士
‧ 投資課程導師，香港及澳門學生人數逾5,000 人
‧ Facebook 專頁「Kung Shing」
若有問題發問，可在fb專頁「龔成」（www.facebook.com/80shing）inbox。