Q28341：
你好，我想問下：
英偉達 特斯拉 Unity 雪佛龍
龔成老師︰
你持有股票，不是無質素，都有長線投資價值，適合年青至中年的投資者。
但留意你手上股票，都係風險偏高類別(除了CVX)，只適合年青至中年人士。就算你較年青，都只建議這類股票，佔組合3-4成，以免組合中風險過高。
而Chevron Corp (CVX)，算是商品類股票，質素較中等，不都建議持有太多。
Q28342：
老師，想問美股
SMR, GLNG
龔成老師︰
NuScale Power Corp(SMR)主要開發新的模塊化輕水反應堆核電站，為發電、區域供熱、海水淡化、制氫和其他工藝熱應用。
我自己無仔細研究此股，初步睇都有投資價值。
但佢收入好波動，而且尚處於未有盈利狀況，此類企業就算投資，都只可以小注。
Golar LNG Ltd是一家中游液化天然氣(LNG)公司，主要為LNG的液化、運輸和再氣化提供基礎設施。
其股價波動，同樣未做到收支平衡。初步睇，投資質素較一般。
Q28343：
老師，想問下1810,1830, 2845
龔成老師︰
小米(1810)業績較弱，相信中短期會較一般，其中一個原因是晶片等供應因素，但長遠會慢慢解決的。暫時未見對核心有明顯影響。
長遠仍是有潛力的，佢的產品性價比高，相信在全球好多個國家都會有市場，佢長遠只會進一步增長。此股值得長線持有，但你預佢中短期一定弱。
完美醫療（1830）長遠有發展，本身有一定的質素。
睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。
加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。
總體而言，這股有潛力，但風險略高，只適宜小注。
GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。
持有與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。
此股現價合理區中間。無貨可以現時分注，到有明顯回調才再慢慢加注。
潛力度是有的，但會比較波動，如投資宜慢慢分注，可長線。
Q28344：
成哥，我買左1211、285、1810、916、1177，1177同1810值得加注？
868/968值唔值得持有
龔成老師︰
你所講的股票，都有長線投資價值，適合年青至中年的投資者。
但全部都係潛力股，會令你組合風險太高，就算你係偏年青，長線都要加入一些平穏增長股，去平衡風險。
1177和1810而價合理區較低位置，係可以加注。但留意個股不要高於組合15%。另外，1177行業風險始終係略高，不建議太大注。
至於0868和0968都有投資價值，前者生產及銷售多種玻璃產品，由汽車玻璃、建築玻璃、浮法玻璃（包括超白光伏玻璃）至其他供裝飾及商業用途的玻璃產品。
後者集中光伏玻璃部份，0868會較平穏增長，而0968相對高風險，但都高潛力。
Q28345：
老師，我買咗你的書： 百萬富翁 財務自由行 年報勝經 同埋你個網上課程！
老師我之前咪同你講過 我賣咗層自住樓！ 但係 澳門啲樓 又唔係跌咗好多
而且我又唔想用咁多現金去買一啲咁殘嘅褸 因為我覺得 澳門啲樓價係比之前賭業蓬勃 推高得太誇張， 而且我睇淡澳門 之後嘅前景！
所以我最近睇咗 珠海關口附近 步行15分鐘內嘅 純住宅 大約係209萬人仔！ 七年樓齡 ！ 澳門就租住屋先！ 起碼 手頭上仲有 現金可以 投資股票 唔會畀層樓綁死 曬 ！！！
我想喺珠海置業 起碼到時就算升番 起碼有個地方住 ，唔會畀佢平倉樓市 你覺得呢個方法如何！ 謝謝老師百忙抽空回覆 祝蒸蒸日上 虎虎生威
龔成老師︰
先多謝你的支持!
我相信澳門樓市，會平穩及少少向上，當然中短期可能會波動，但不會大跌。同時，考慮現時的樓價與租金回報率，也較難大升。
自住樓我不建議賣出，因爲日後有可能「買唔翻」。不過，你既然已沽出。珠海的物業近關口，雖然往來的時間可能多左，但似乎配合到你的需要，咁都可以。
不過，你要明白內地物業波動性和風險，比澳門物業更高。我地資產追資產(平倉樓市)，最好用同地區物業，咁才會有一致性。
當然，你買珠海物業都係可以，但你要明白佢走勢，有機會跟澳門物業脫節。
Q28346：
你好 想問小米發展電動車 好事定壞事
對股價有無影響 現價值得分注入？
龔成老師︰
小米（1810）整體係潛力的，佢新能車才剛剛起步，所以有好多未知之數，暫時唔會盲目樂觀。
中短期不確定性會因而增加，你預佢會較波動。但長線計，我都會加佢少少分數，因為佢的研發和市場化能力好強。
現價有值博率，如果想投資，可以分注。
Q28347：
老師，剛完成小米企業評估表給你評閱
有三條問題：
- 水牛網的人民幣兌港元滙率是浮動還是固定？
- 估價正確嗎？會過於保守嗎？
- 其實小米造車計劃是否一個明智的選擇？想聽聽老師分析
- 老師 呢排每日都見到國外專家話黎緊美股同環球經濟年尾至下年就會崩潰，搞到我好淆…諗緊係咪應該放咁啲股票揸番現金等經濟差再入便貨(因為我閒餘資金已全入市，冇聽你講留一半資金等大跌市 以上係我既持股一覽，你諗為邊(幾)個持股應該放? 我諗緊雅生活。謝謝老師！
龔成老師︰
-
以我所知，是浮動的。不過，始終係第三方網站，我都唔肯定，但睇落係會浮動。
-
你不如拍照比我睇，我個FB經常都開唔倒同學架檔案。
-
小米（1810）整體係潛力的，佢新能車才剛剛起步，所以有好多未知之數，暫時唔會盲目樂觀。
中短期不確定性會因而增加，你預佢會較波動。但長線計，我都會加佢少少分數，因為佢的研發和市場化能力好強。
- 我地投資唔會估走勢，只會用平貴和優質度去判斷。你持有股票，可以守。但個股長線唔好佔組合15%以上，咁會太集中。
另外，你手上潛力股較多，建議加大翻平穏增長股，去令組合平衡些。
最後，一定要有一定現金係手，去等大跌市機會。
Q28348：
龔sir, 我現在還持有4股阿里巴巴平均價$200及2股騰訊平均價400，其實我需吾需要買出呢？
龔成老師︰
阿里(9988)和騰訊(0700)都是優質股，但因爲政策的風險，中短期會較弱。
現時環球的股市因爲美國加息，中美關係，疫情等不利因素，中短期都會較弱。但只要你持有的是優質的股票，等市場氣氛好轉的時候，企業將會回歸合理的價值。
因此，你的股票有質素，買入價不算太貴，可以長期持有。不過，始終政策風險高左，暫時不宜佔你組合比重太多。若持貨佔組合比重細，可以守。否則，最好沽少少換碼至其他行業股票，去平衡風險。
Q28349：
謝謝老師回覆！現時大市不太穩定，如買入一些平穩增長股或收息股，是否合適的時機？
龔成老師︰
現時大市處於合理的水平，但因爲美國加息，疫情等不利因素，中短期都會波動。
大部分企業都有投資值博率，如果你受手上無貨的話，可以現時少量買入平穩增長股或收息股。
但如果要加注的話，就要考慮以下因素。
第一，這股的類別是否與你的財富組合匹配，比例是否適合。如果你本身的投資目標或風險度不適合持有某一類股，當然不會加注。
第二，你要計算加注後，這股佔你股票組合的比例會否太多，因為同一行業，同一股票，不能佔股票組合的比例太多。
一般來說，持有單一股票的上限為15%，如果這股本身已持有近15%的比例，就不要加注。
第三，你要在加注後，仍要有現金剩，去等大跌市機會。你要視乎自己現時現金的比例，去決定是否加注，以及加注金額多少。
Q28350：
龔成老師你好，本人已經移民加拿大，剛看到你的留言，想請問 VOO 的買入價是否也差不多可以了? 因為近日跌了很多
可以多談一些美加的投資意見嗎？謝謝你
龔成老師︰
如果你月供或分注的話，現時可以慢慢入貨。
美股因爲加息等因素，中短期都會較爲波動，所以買入的話要長線持有，耐心等待成果。
美國是將來重要的經濟體系之一，裏面有好多好的企業可以選擇，例如：蘋果（APPL)，Alphabet Inc.（GOOG），特斯拉（TSLA)等。
如果你唔係太熟美股，建議都係集中VOO這個指數ETF先。進取少少，可以買QQQ。
至於加拿大市場，我無特別研究，暫時沒有意見比到你。不過相信美國都有好多選擇，但要留意稅務的問題。