龔Sir，其實呢刻我覺得好迷惘，因為冇乜方向，例如工作，呢份工做左好耐，冇前途，冇升職，每月只係固定出糧，最近有份政府工要interview，而家準備緊
人際關係上處理得唔好，好似搵返以前d舊同學，佢地好多都好忙，忙工作，忙家庭，加上我以前冇搵佢地，而家突然搵佢地，唔知係咪佢地覺得我有野要佢地幫手，所以約出黎食飯都話再約
我出左黎做野10年，儲蓄唔多，搵錢唔多
人際關係差
好似呢10年時間係白過
做人做事都冇乜方向，唔知自己想點，可以點做
想問下我而家可以點做
個案重點：
‧工作10年
‧工作無前途，無升職
‧收入不高，儲錢不多
重點目標：
‧事業與人生方向
‧有打算轉工，有見工
龔成老師分析：
我覺得你首先要調整自己的心態，用積極的心情面對一切的失落。
其實當工作俾唔到你滿足感的時候，也許是一個提示你要尋找新的突破。
每一份工作都有其中的價值，它可以磨練你的能力同時令你發現更多的自己。
你話「呢份工冇前途，冇升職」，而且「做左好耐」，是否代表你其實不滿足於現時的工作情況？
你是否需要更多的挑戰？政府工一向俾人較爲刻板的工作模式，凡事要按規矩，這是否又配合你將來的目標？
如果追蹤開我的人都知道我好鼓勵年輕人創業，這世界並不是每一個人都適合打工，又或者滿足於打工，你需要更多地了解自己。
我建議你多了解自己，自己長遠想怎樣，你想5年後、10年後過怎樣的生活？收入、財富、生活、事業各方面怎樣？
你要問自己，自己做那些事情較喜歡，那些是自己的強項，為了發展事業，是否願意付出。
時間不等人！你要盡快想清楚，有了大方向後，就要訂目標，行動，怎樣發展你的事業對你最有利。
至於人際關係，在你現時需要朋友的時候，發現朋友都有自己的生活，於是你責怪自己以前無多與他們溝通，認爲是自己的問題。
你可能想多了，每個人要走的路都不同，朋友有朋友的人生，你之前忽略朋友是做得不足的地方。
但就算你有跟他們聯系，都不代表關係就會如以往一樣，因爲人會成長。同時，你都唔好假定你朋友一定覺得你有求於佢地，才不回應你，可能佢地真係忙，唔好比負面思維主導自己。
所以，你要做的是增值自己，找到自己想做的事情，而不是沉浸在這種負面的思維中。
加油，只要肯踏出第一步，你就一定可以繼續走下去！
龔成老師簡介
‧ 暢銷書《圖解美股小百科》、《圖解股票小百科》、《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《38全球倍升股》、《大富翁致富藍圖》、《5年買樓4部曲》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《財務自由行》作者
‧ 《經濟一週》理財真人Show 節目擔任致富教練
‧ 曾接受港澳多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 現為全職投資者，擁數千萬財富
‧ 於網上分享投資心得，瀏覽量過百萬，為人氣博客，解答網友理財問題逾30,000條
‧ 《經濟一週》、《華富財經》專欄作家
‧ 擁財務學學士學位
‧ 證券業持牌人士
‧ 投資課程導師，香港及澳門學生人數逾5,000 人
‧ Facebook 專頁「Kung Shing」
若有問題發問，可在fb專頁「龔成」（www.facebook.com/80shing）inbox。