Q49001：
巴郡有意買入日本🇯🇵三菱商事及其他商事等股票，成哥有咩睇法？
龔成老師：
巴郡新任執行長阿貝爾在東京明確表示，巴郡正考慮進一步提高對這五大商社的持股比例，並計劃長期持有「數十年」，甚至探討在全球開展聯合投資與併購。
目前巴郡在這些商社的持股已全數超過 10%，總持股價值已從最初的 138 億美元暴增至約 420 億美元。相信這動作有以下幾點：
-
完美的「無風險」低成本套利（完美利用日圓利差）巴郡買日股最絕的一招是「用日圓買日圓資產」。低成本借貸：巴郡並沒有動用自家的美元現金，而是在日本發行低利率的「日圓公司債」來籌集資金。
-
商社本質是「全能型護城河」與「另類指數基金」日本五大商社的業務與一般貿易公司不同，它們本質上是控制了全球及日本底層資源供應鏈的「超級財閥投資控股公司」。
-
日本公司治理改革的受益者。過去幾年，東京證交所強力推動企業治理改革，強制要求市賬率低於 1 倍的公司提出改善股東回報的計劃，提高股東價值。
相信巴郡是睇好日本長遠的發展，以及一些會受惠的企業。
Q49002：
龔老師你好，我想報美股投資班，但身處外國，請問有什麼方法可上課，如網課或翻看課堂錄影？請回覆，謝謝老師🙏🏻🙏🏻
龔成老師：
暫時只有實體班，唔會開網上課程。
因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。
你暫時可以睇我的書先。
如果日後搞網上課程，你可以再留意。
Q49003：
Sir，Crdo 可以長期持有嗎
龔成老師：
第一，只宜小注，第二，要持續觀察業務發展，才可長線。
Credo Technology Group Holding Ltd - Ordinary Shares（CRDO）致力於為數據基礎設施市場開發連接解決方案和產品。
其產品包括集成電路、主動電纜和 SerDes 芯片。
企業的業務近年發展不差，生意有一定增長，不過，企業估值較高，市盈率長期處較高水平，只要增長力略有減慢，股價都會出現調整，投資者要留意相關風險。
投資只宜小注，股價上落大。
Q49004：
老師，請問你點睇AI security, 例如 OKTA? 先謝
龔成老師︰
AI security，相信會係其中一個值得關注的範疇。
但我自己，未開始重點研究佢住，所以先答你OKTA部份。
Okta Inc (OKTA)是一家美國的身份與存取管理(IAM)公司，總部位於舊金山。
業務是提供雲端身份驗證與安全解決方案，核心產品包括單一登入（Single Sign-On）、多因素驗證（MFA）、API安全與客戶身份管理，廣泛應用於企業與政府機構。
此股有質素，收入和盈利能力，都持續改善。但賺錢能力，依然未算好高，總體質素算中等。
但佢以往，都曾經出現過安全事故。如果再出現，或會對股價，造成明顯影響。
現價有少少貴，最好等有回調，才慢慢儲貨。同時要控制注碼，不要佔組合太高比重。
佢是一家專注於身份和訪問管理的雲原生安全公司。
我無仔細研究此股，初步睇都有投資價值。收入過去增長都理想，但問題是未做到收支平衡，依然是燒錢階段，故不確定性較大。
因此，你若看好此股，投資都可以，但只宜小注。
Q49005：
阿sir 其實我有個問題一直諗唔通應該點處理？😔 假設我有2百萬現金，但需要還俾人，而我本身已經有層樓供完，我應該用現金還清俾人好吖定係再攞層樓去加按將加按筆錢還俾人呢？
因為我覺得如果將現有嗰2百萬去投資穩陣嘅ETF或者阿Sir介紹比較優質嘅派息股票，有冇機會慳到銀行還按揭嘅利息呢？但問銀行借錢就好似長期有個負債咁樣，我覺得好難諗，唔知應該點處理好，我想聽吓阿Sir你嘅專業意見同分析🙏🏼🙏🏼
都係嗰句你有時間先回覆我
唔急的
唔好意思成日都煩住你，你冇時間可以唔覆我㗎，真係成日問你嘢我都覺得好唔好意思😔🙏🏼
補充少少 ，2百萬只係我部份嘅現金，就算我真係一次過還清俾人，我都仲有錢可以投資嘅
咁我應該點處理？
龔成老師︰
分2部份答你︰
<<是否再借錢>>
我明白你想法，是想留更多現金增值。
同時，你相信"按息成本"和"投資回報"之間，存在明顯息差。
但你要明白，借貸投資係高風險。因為"投資回報"部份，係唔保證。而"按息成本"，郤是必然發生，所以係有機會造成不利。
而且，"加按"你仲要考慮生活現金流問題。
因為投資回報(那怕係股息)，都唔會每個月出現。但借貨和按息，就要每月清還。所以，生活現金流，都係你要考慮架地方。
<<是否先還錢>>
這個看你息口高低，如果係好低息，你可以考慮保留全部/部份，去先做投資，再慢慢還比人。
但如果息高，或者你想穏陣D(畢竟你還完錢，都仲有錢做增值)，咁你可以先還清負債，都係可以。
Q49006：
Hello老師你好呀 有件事麻煩你幫我睇一睇， 有啲緊急⋯
就係我已經喺我而家間公司遞咗信9月25號呢就係最後最後一日嘅Working day，跟住我而家嘅人工呢，大概就係$16700,
每個月嘅兼職呢就大概500-1000,跟住呢，租金加埋啲所有使費呢大概一個月要$6000支出，
現金10萬，股票戶口2萬多現金，準備買股票又未買
另外有10萬蚊澳門幣嘅美金做緊定期, 明年一月份到期都係10幾萬澳門幣
跟住又60幾萬股票
因為我九月尾呢就開始冇嘢做就冇收入㗎啦，得返兼職500-1000左右，我諗緊如果我冇嘢做之後呢
我係打算攞我澳門幣戶口嗰啲錢轉去美金戶口，跟住再等佢匯率高就再由美金戶口嘅錢轉返為澳門幣戶口
一次大概賺$200一次 冇乜風險
請問老師你覺得呢個方法好唔好啊？
請問你有咩其他嘅方法比較穩陣得黎又賺錢㗎？唔該晒你。
龔成老師︰
其實，主要係匯價風險，同時時間差問題。
因為無人知，幾時先到你目標匯價。
而你將會轉成"待業"狀態，所以建議你，保留至少半年生活費(具體，你視乎自己情況)﹐作為應急之用。
至於股票，你手上已經有60萬。
我建議你22萬優先用於生活，應對待業時洗費。
除非大市有好明顯調整，又或者你已經找到穏定新工作，否則這22萬暫時不要用於投資(部份做短期定期，係可以)。
Q49007：
龔成老師晚上好，如果我係屬於短線投資者，有無邊隻股推薦下，值得去觀察同投資。
龔成老師︰
無，我唔建議做短炒。
我20年前，都是短炒者，技術分析者，用左幾年，輸足幾年，之後長線投資，就開始不斷賺錢。
其實我當時，用左幾年時間去學分析技術，我當時不斷睇書、上堂學短炒，但最後都是輸，可能是我能力不足吧。
但我之後做銀行同證券行，見大部分輸錢的客，都是偏向短炒的。
當然，你問我有無人贏錢，是有的。但就我觀察，長線投資贏錢的人，比短炒的較多。
另外，如果你分析全球真正賺錢的投資者、經金經理，佢地都無人短炒，都是長線投資的，巴菲特都是反對短炒的，佢都唔用技術分析。
因此，我相信長線投資，是真正助我地贏錢的方法。
以下是一些有關長線投資的分享，你可以睇下︰
[長線投資] https://www.youtube.com/watch?v=33GHTSF8rjU
[長線投資] https://www.youtube.com/watch?v=9BhH0XciOJ0
[複利故事] https://www.youtube.com/watch?v=ZaVTKyodNCg
Q49008：
多謝你解釋得咁詳細🙏我見現價VOO都算可以 我想就咁成手買低位入係咪平D 但我新手係咪月供比較好
令外你12月果個港股班係咪新手班 我0知識到時會唔會聽唔明
龔成老師︰
- Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，加上現時已經唔平，不建議一次過大手買入。最好的方法慢慢分注，或以類似月供模式進行(尤其對新手，月供係可以平衡買貴貨風險，會係較穏當做法)，長線持有，這是一個最好的投資策略。
以下是有關VOO的Youtube影片，你都可以睇下︰
https://www.youtube.com/watch?v=RnYZQlSG8qA
- 12月係股票（基礎班），適合新手報讀。
適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。
每一課有兩份筆記比你，並有指引，要你在一星期內找那些資料，溫那些內容，做功課等。
每一堂更有一個附加的網上影片，是大約30分鐘的重點重溫片，可比你在家溫習。另外，每一堂都有簡單功課要你做，並有附加影片解說答案。
只要你跟著去完成，就能掌握整個課程所學。到你讀完後，你能自己選股、投資時機、配置、評估平貴，在投資上已掌握了一定的知識。
另外，你上課之前，多睇理財、股票類的書，留意一下財經新聞，到時就較易跟到。
【港股班~香港】
日期：2026年11月25日，12月2, 9, 16, 23, 30日，2027年1月6, 13日(逢星期三)。
時間：1900-2200
地點：灣仔
暫時優惠價：$8800
了解及報名：https://www.80shing.com/register.php?id=1
(報名whatsapp 55457212)
Q49009：
早晨 老師 想問問939 and 2388現價貴嗎？ 🙏🏿🙇🏽♂️😆謝謝你
龔成老師：
兩隻都未貴，但始終不算平，所以不是大手，買入要分注。
建行（0939）本身質素不差，有一定的規模，在全球都有網絡，本身不會無質素的。
集團是一家中國综合性大型國有商業銀行，總部設在北京，提供個人銀行業務、公司銀行業務、投資理財等的金融服務。
銀行為客戶提供個人銀行業務、公司銀行業務、投資理財等全面的金融服務。在基金、租賃、信託、保險、期貨、養老金、投行等多個行業擁有子公司，境外機構覆蓋30個國家和地區，擁有各級境外機構200餘家。
前景有的，但由於都有一定規模，因此不是高增長類。
雖然長遠不差，可視為收息，及有基本增長力的股息，現水平可投資，現時股價合理，只要不投資過多就無問題。
中銀香港（2388）長遠有質素，是收息及平穩增長類的股票。
這股近年業務持續好轉，除了反映香港及其他地區經濟開始好轉外，這企業由於有不少按揭部分，現時香港樓市穩定，也對這股有支持。
在中長期，經濟會持續好轉，樓市會穩定，因此，這企業仍正面。
銀行業雖然無過往咁好賺，但整體的質素不差。此股適合較穩健型、長線型的投資者，無論是平穩增長還是收息，都是可取的，現價合理中上，分注投資，長線持有可以。
Q49010：
2648有投資價值？
龔成老師：
安井食品（2648）是中國速凍食品行業的龍頭企業，致力於在家庭、餐廳及外出用餐等多種消費場景中提供食品。
根據資料，按2024年收入計，集團是中國最大的速凍食品公司，市場份額為6.6%。2024年，集團在中國速凍調製食品市場排名第一，市場份額為13.8%；在中國速凍菜餚製品市場排名第一，市場份額為5%；在中國速凍麵米製品市場排名第四，市場份額為3.2%。
集團開發了涵蓋三大品類的多樣化產品組合：速凍調製食品、速凍菜餚製品及速凍麵米製品。集團建立了以旗艦品牌「安井」為核心，輔以自有品牌「凍品先生」及「安井小廚」，連同集團戰略性收購的品牌「洪湖誘惑」、「柳伍」、「功夫食品」等共同組成的品牌組合。
截至2024年12月31日，集團已運營12個國內生產基地和一個海外生產基地。集團的客戶主要是經銷商、KA客戶、特通直營公司、新零售平台及個人終端客戶。
其實業務發展都有的，但增長力未必好強，加上新股上市較難分析，所以暫時只建議小注投資。