Q48301：
英偉達為openAI提供擔保2500億有啲咩睇法？
龔成老師：
英偉達計劃為 OpenAI 提供高達 2,500 億美元（約 1.95 萬億港元）的融資擔保，是全球科技史上罕見的「天文數字」金融操作。
這項計劃旨在協助 OpenAI 租用由軟銀於俄亥俄州開發、容量高達 10 吉瓦（GW）的超級 AI 數據中心。
英偉達提供 2,500 億美元擔保讓 OpenAI 借錢建數據中心，而雙方另外還在洽談高達 3,500 億美元的晶片採購融資。這意味著 OpenAI 借來的錢，最終會流回英偉達口袋買晶片。
因此，當中有不少財技，但這始終會令英偉達的風險增加。
但同時，這是英偉達對抗競爭對手（如AMD、Google、Intel 自研晶片）的招數，黃仁勳的「護城河戰術」升級。
因為這可以鎖定未來十年的需求，透過這筆巨額擔保，英偉達成功把 OpenAI 以及這個全球最大的數據中心生生世世綁定在英偉達的生態（CUDA 及晶片）上。
簡單來講，風險度有所增加，但如果行業長遠發展仍是正面，市場需求大，佢能提高了護城河。
Q48302：
Sir,買劏鋪有咩要注意？
龔成老師：
一般的劏鋪投資價值都好低，所以要好小心選擇，不要以「價格低」為出發點，要以該鋪長遠的價值作出發點，如果確定是死場無發展，就不要買。
要確定將來有發展才可考慮，同時要留意該場的宣傳、定位等，如果過往都做得不好就不要買，總之買劏鋪要小心。
坦白講，一般來說我都不建議買劏鋪，因為大部分都無質素。
Q48303：
我買咗香港年金,想撥一部分去平均法買港股收息,
现年60歲退咗休,請問龔Sir,你建議買哪隻藍籌好呢？
我每月只有2000元月供股票,都唔知算邊隻好？
3110,公用股,還是其他藍籌呢？我決定唔到,😔想請教一吓
龔成老師：
投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。
你可以建立一個收息股的組合，目標是5%以上股息率的收息股，以下可以參考下，例如高息基金（3110）、恆生高息基金（3466）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。
由於收息股股價都會有上落，因此要控制每一隻佔股票組合的比例，不要超過15%，而3110、3466由於是一個組合，比例可比個股高。
3110、3466可以視為收息股的組合中其中一員。這基金可投資的，現價合理，可分注。佢是投資香港大型，派息較高的上市公司。
這是不差的收息組合，但增長力不強。
如果你資金不多，較多分散，可以集中投資ETF：3110、3466。
Q48304：
Hi 龔sir,我想問下你意見，
我唔係本地人，但係係香港做左10年工，攞左永久身分證，同埋前幾年用9成買左樓，但係依家樓價係低過買入價。
我無咩現金，但係有股票。
之後我會去新加坡工作幾年，所以我諗住出租層樓。如果要出租層樓，我需要把按揭成數降到7成或以下，但係我依家無咁多現金。我想問下意見我應該要如何處理我層樓？
應唔應該沽出我現有股票去降低按揭成數？因為我想長揸股票…
龔成老師︰
其實你情況，有少少困局。
所以，好睇你價值觀，同埋思考焦點放邊度。方向大致有3個︰
- 當然係賣股票，放租物業。
但前提係，你覺得個物業好好，十分適合你未來長線居住。
同時，你離開香港時間較長，唔係3-4年，而係7,8年個種。
焦點放係生活，唔非投資增值。
- 若你焦點係做增值，咁你考慮架係機會成本。
因為本身香港你預長線唔會點升，所以長線增值潛力，大機會係優質股佔優。
若你焦點係長線增值，咁你放棄物業，會係較合適。
- 如果只係短時間，例如3年，你又想保留物業，又唔想沽股票。
咁你可以空置佢，當然會蝕潛在租金回報。
但至少，唔洗沽優質股，浪費左長線增值機會。
無一個答案係完美，視乎你考慮重心係邊個位。
Q48305：
Sir, 請問點睇台積電最新業績？
龔成老師：
正面，甚至部分比市場預期好，反映企業增長力不變，長遠正面，但要留意，始終現時市場對相對股有好高期望，所以一般都會預理想，因此好業績不一定會利好短期股價，但最重要是企業長遠正面。
營業收入：達到 402 億美元（約 1.27 兆元新台幣），年增 36%，處於先前財測的最頂端。淨利潤：高達 7,065.6 億元新台幣，同比暴增 77.4%，稀釋後每股盈餘（EPS）為 27.25 元新台幣，創下歷史新高。獲利能力：毛利率飆升至 67.7%，大幅跨過原先預期的 65.5% - 67.5% 區間。
Q48306：
龔Sir，請問年報勝經你哋有冇存貨，我想買嚟睇，坊間好似冇貨。
🙏🙏🙏
我有股票勝經本書，上堂前我睇咗，所以頭幾堂跟得好快。
之後嗰幾堂對我嚟講有啲難，有啲混亂，相信努力溫書之後會有進展。
龔成老師：
以下是訂購實體書
及電子書連結，可以直接同出版社訂，我建議你首先睇頭3本。
《圖解美股小百科》
https://shop.enrichculture.com/products/9789888853267
《圖解股票小百科》
https://www.enrichculture.com/products/9789888599974
《年報勝經》
https://www.enrichculture.com/products/9789888599240
《80後千萬富翁》
https://www.enrichculture.com/products/9789888599608
《千萬富翁致富學問》
https://www.enrichculture.com/products/9789888599738
《38全球倍升股》
https://www.enrichculture.com/products/9789888599851
《股票勝經》
https://www.enrichculture.com/products/9789888395767
《選股勝經》
https://www.enrichculture.com/products/9789888395927
《50優質潛力股》
https://www.enrichculture.com/products/9789888599363
《50值博倍升股》
https://www.enrichculture.com/products/9789888599004
《50穩健收息股》
https://www.enrichculture.com/products/9789888395958
《5年買樓4部曲》
https://www.enrichculture.com/products/9789888599448
《大富翁致富藍圖》
https://www.enrichculture.com/products/9789888395545
Q48307：
龔sir：中国政府債券基金一匯豐，可投資嗎？
龔成老師：
我未仔細睇，所以只能比你一些初步的建議，這隻由滙豐發行的「中國政府當地債券基金，相信是可以投資的，但它只符合「低違約風險」，卻不等於「本金絕對安全」。
雖然這隻基金底層買的全部是中國財政部發行的國債和政策性銀行債券（違約機會極低），但因為它是基金，它依然存在讓您虧損本金的市場風險。
Q48308：
Sir想問一下1133 1072 兩隻比較 謝謝
龔成老師：
你預哈爾濱電氣（1133）風險度較高，但如果發展理想，有機會增長力比1072大。
1133都有質素，近年業務持續向好，生意不斷增加，盈利上升。不過，近年股價上升較多，現水平都擔心股價波動風險，只宜小注。
佢由中國製造大型發電設備歷史最悠久的製造商—哈爾濱電氣集團及其所屬原哈爾濱電機廠、哈爾濱鍋爐廠、哈爾濱汽輪機廠重組而成。
佢係中國國內規模最大的發電設備製造商之一，其主要業務包括：
（１）火電主機設備：單機容量最大達１０００ＭＷ之鍋爐、汽輪機及汽輪發電機，重型燃氣輪機及聯合循環成套設備，中國之最大清潔煤燃燒設備製造基地、ＣＦＢ、ＰＦＢＣ等。
（２）水電主機設備：單機容量最大達８００ＭＷ級之水力發電機組。
（３）核電主機設備：核電廠核島及常規島設備。
（４）其他產品：電站配套輔機、工業鍋爐、工業汽輪機、控制設備、交流電機、直流電機、電站閥門、壓力容器及軸流風機等。
考慮近年股價上升較多，現水平都擔心股價波動風險，只宜小注。
東方電氣（1072）從事發電設備製造與銷售業務，主要產品包括水輪發電機組、汽輪發電機、風力發電機組、電站汽輪機和電站鍋爐以及燃氣輪機等。
業務過往不過不失，增長力不強，不過近年增長加快，但賺錢能力未算很強。
以賺錢能力及發展計，現價在合理區中上部，投資價值都有，但不建議太大注。
Q48309：
吖sir！我想將香港股票轉入其他市場 ，唔再買港股，我想問如果我嘅股票組合
VWRA 70%
VAGU 20%
IGLN 10%
呢三隻係咪愛爾蘭註冊嘅股票
以上組合月供持續10年或以上, 咁以上嘅組合配搭，你覺得比例合唔合當，搵唔穩陣？好唔好？
還有阿sir你知唔知盈透證券, 係咪可以開聯名戶口？ 佢係咪可以買到我以上呢三隻股票？ 因為富途牛牛唔支持買呢三隻股票！
咁買以上三隻股票, 係唔係就可以做到避開買美股帶有遺產稅嘅問題？
龔成老師：
雖然港股近年增長力較一般，但又不是完全無價值，你可考慮留少部分，大部分轉其他，這樣會較為平衡。
至論上述組合，都是有質素，可長線，而佢地都在倫敦證券交易所（LSE）上市、愛爾蘭註冊（Ireland-domiciled）的投資工具，同時，可以不用比遺產稅！
例如Vanguard FTSE All-World UCITS ETF（VWRA），是一款由 Vanguard（先鋒集團）發行的全球股票型 ETF。
這ETF最主要的特色是累積型（Accumulating）設計，即自動將股息重新投入，適合追求複利增長的長期投資者，持有股數：約3800隻股票，分散風險能力強。
至於主要持股類別，以大型股與中型股為主，包括科技、醫療保健、金融與消費品等多元產業。
由於VWRA 註冊於愛爾蘭，相比於美國版的 VT，其美股部分的股息預扣稅通常為 15%（而非 30%），具有更佳的稅務效率。
你都可以分注買入，長線儲貨，雖然現價不算平，但只是慢慢分注買，就無問題。
因此，你3隻用10年月供模式，可以的。
至於盈透證券開聯名戶口，我就不清楚了。
Q48310：
老師Intel，Intc 高位已經跌咗三成現價買入可以嗎？
龔成老師：
可以，但不代表一定是安全價，始終佢業務仍有波動，賺錢能力市場仍要觀察，投資小注是可以。
Intel Corp英特爾公司（INTC）幾年前發展較一般，企業過往擁有的強大優勢有所減少，但自從2025年美國政府入股、加上英偉達入股，成為轉變因素，加上市場對CPU需求重新睇好，令佢加翻分，有機會好轉。
這企業從事產品和技術的設計和製造，包括數據中心部門（DCG）、物聯網部門（IOTG）、Mobileye部門、可編程解決方案部門（PSG）。
這企業領導半導體行業幾十年，但在最近幾年開始面對更大的競爭，這企業正大力投資在技術層面，期望能保持企業過往擁有的優勢。
企業不是完全無技術，由於面對的競爭比過往加大，企業不確定性會增加，但由於入股因素，將會有利企業發展，因此，發展相信會正面，但不確定性會比過往增加，加上近年股價動，暫時只建議小注。