Q40681：
龔老師，想請教一下，如果想投資美股，但又開唔到美股戶口買VOO，還可以有什麼建議呢？
龔成老師：
其實港股，都有一些追蹤美股指數的ETF，不過手續費就比VOO貴少少。
恒生標普五百（3195），投資目標為追蹤標普500指數之表現的基金。
標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
另外，如果你有美股戶口，建議買（VOO），與（3195）原理一樣，不過管理費較低。但如果你無美股戶口，只有港股戶，就買（3195）都得。
Q40682：
請問點解港燈不是恆指成份股？thX
龔成老師：
因為電能（0006）已經是恆指成份股，而港燈同電能同系，所以恆指在選股上，不想太多重覆類別。
Q40683：
你好龔成老師，請問港幣200萬現金應該點分配同有咩投資建議？40歲，無物業
龔成老師︰
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時40歲去計，可以投資「平穏增長股」和「潛力股」。
除了手上資金，建議你每月都用5成儲蓄做月供，其餘先儲起，用一邊月供一邊儲蓄的策略。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
現時大市大致算在合理區中下部(港股)和上部(美股)，你現有200萬資金(先扣起半年至1年開支，作應急錢後) 可以先投入30-40萬，用"分注"形式，慢慢買貨。餘下資金和每月所儲到的資金，就等大市出現每有回調，才慢慢再加注，然後長線投資。
最後，如果你短期有置業打算，相關資金只宜作低風險投資(如收息股、定期)，以免影響人生規劃。
Q40684：
龔成老師你好，又又又又係我
幾年前我講過想5年內(即2025年前)將手上資金提升到160萬作買樓首期之用。
因為COVID期間減省左好多個人開支，2022年的total asset 已經算有135萬！去到2024年12月現金加股票投資已經超過210萬！再加上2025年會有小量儲蓄保險及債券到期，相信會達到買樓資金。
手頭上大約70%係現金，30%為股票。
1）現金:大約$140萬 （大部分做了定期存款收息）
2）股票組合價值: $72萬（股票蝕錢中。。。）
3）另外儲蓄保險及債券2025年到期可以可以拎到25萬左右。
問題
1）本人35+歲，以上資產分配比例是否合理？
2）現時社會環境不太好，樓市比較悲觀。想問問是否適買樓，還是再觀察？ （本人意向買入大約400萬樓。7成按揭）
如果再觀察，手上現金應該如何投資？（e.g. 美股？港股？美債？債券？貴金屬？）
3）另外，想review 一下手上股票
本人有月供以下股票，但股票感覺未必有長期投資價值，現在已經停供及想逐步變賣
煤氣 平均@$11 總共7手
盈富基金 平均@$24.2 總共8手
港鐵 平均@$34.9 總共5手
領展 平均@$51.2 總共11手
請問變賣方向是否正確？
希望可以得到你意見，十分感激。
祝龔成老師及各位讀者日日開心，天天進步，早日達成財務自由！
龔成老師︰
1) 如果單用年紀計，配置比例有點保守。因為你年紀應以增值為主，持有太多定期，會影響增長力。
不過，考慮到你短共內會置業，所以而部份資金保守D，放定期係合理。
2) 首先，置業由於短期內會進行，相關資金只宜現金或定期去持有。可長線資金，則重點投入具增長力的優質股(美股和港股都得，但要平衡。同埋現時美股唔平，不可進取。)，同時留少少現金，等大市可能出現架明顯回調機會。
至於物業，中國及香港經濟未完全回勇，相信樓市難以大升，但未必會大跌，相信會平穩。
中國政府在2024年9月，推出了多項支持經濟及樓市政策，雖然不會令經濟快速好轉，但有穩定作用，當中也發放了訊息，如果有必要，會再推出支持經濟政策。所以在大方向上，經濟會開始穩定，慢慢向好，但全面回勇就要時間。
同時，中國政府在政策上支持樓市，相信中國樓市不會大跌，而這因素，也會間接影響香港的樓市，令香港樓不會大跌。
另外是高息因素，高息對樓市會不利，這點令2022年-2023年香港樓價大跌原因（因為當時加息很急），到2024年下半年，美國開始進入減息週期，這點會利好香港樓市，因為供樓成本減少。
不過，2025年美國政府換屆，由於新政府推關稅等措施，這點有機會推高美國通賬，而高通賬就會影響美國減息的時間表，有機會推遲減息，維持高息在一段時間，這因素將會令香港樓市增加了不確定性。
至於內地資金買香港樓，相信香港樓的吸引力，未必及過往，因此內地人買香港樓雖然會存有一些需求，但不會太多，也不會大幅推高樓價。
而香港政府推出的吸引人才計劃，在近年的確吸引一些人來香港，因此令租金得到支持，令近年出現一個現象「租金上升，樓價下跌」，引致租金回報率拉高。
在投資價值方面，過往香港樓市的租金回報率不高，一般只有2%、3%，投資價值不大，加上近幾年按揭利率高，加上長遠樓價難以倍升，令之前香港樓的投資價值，並不高。
到現時，由於租金回報率有上升情況，香港樓的投資價值，由之前較低吸引力，到現時投資價值為中等，但樓市不會象過往般倍升。
相信樓市在長遠計，因供求關係，較難大跌，不過，也不會有大升的情況出現。樓市始終有一定的需求，令樓價較難大跌。
不過，近年移民的確令需求略為減少，加上政府加大力度找地起樓，所以現時，供求已到達平衡狀態（過往由於供不應求，令樓價倍升）。
長遠計，樓價會平穩，不是倍升，不會好似過往般倍升，而是平穩，同時，由於需求大，要大跌也不易。
因此，香港樓作為自住的價值仍在，現時的樓價，已由過往的貴，回落合理水平，中短期雖然會因經濟及利率因素而波動，但相信不會大跌，但也未有條件大升，以穩定為主。長遠來說，暫時睇未必會大跌，最多只會平穩加少少向上。
香港樓的投資價值，算是中等。而自住則可以考慮，現時樓價合理，最重要是考慮自己的負擔能力。
3) 你手上架股票，依然有長線投資價值，加上現時佢地都係合理區較低位置，故唔建議變賣。但煤氣(0003)和領展(0823)係弱左，長線不宜持有太多。
未來時間，可以加入一些美股平衡。以下是一些適合你年紀的股票，可以作為長線持有或月供目標︰
[平穩增值股]
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
[潛力股]
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。
Q40685：
想請教ASML估值：
合理PE：26-36
EPS: 28
估值：728-1008
以上估值合理嗎？
另外，如果我想搵佢合理PE range，應該系用行業PE做比較？如果系，我應該用Cannon & Nikon 作為分析對象嗎？
我最迷惘的一部分是我應該用什麼公司跟ASML做比較，從而找出合理的PE範圍
謝謝
龔成老師︰
你個EPS有少少高，至少打個9折會好D。
至於行內PE值，其實係無，因為根本無類近的對手。Cannon & Nikon，同ASML技術水平差太遠。所以，ASML係無對手可以用來比較。
你分析重點，主要係佢架技術是否保持領先，同埋晶片業架需求。
另外要留意，deepseek對ASML架影響，暫時我相信係會有負面影響。
因為長線對高端晶片架需求，有機會出現下滑，變相對ASML機台需求減少。
不過，影響幅度暫時好難預測，因為deepseek成件事仲好新，當中技術仲有好多不確定性，有機會出現。
Q40686：
Sir，自從上次同你講轉工之後，最後過唔到3個月試用期，轉左另一份工，做左年半，但同同事關係麻麻，我屬於中層，既要同上司溝通，下面要管理下屬
我係第一次做中層，上層壓落黎既野我要跟住做，但下層又唔聽order，變相我夾住係中間，吃力不討好，好多時下層既野要我落手落腳做，所以每日返工都好辛苦，同公司反映人手唔夠，加人工既問題，每次都係拖字缺，係度耍我
同屋企人關係有時麻麻，我係屋企最細個個，對上兩個家姐都結哂婚搬哂出去住，最近其中一個家姐仲細屋搬大屋，但我出黎做野十年都仲未儲到錢買樓，仲要痴住阿爸阿媽住，阿爸阿媽雖然冇講d咩
但都會睇得出佢地擔心我，我未結婚又冇拍拖，又未買樓，冇比較冇傷害，有時佢地問我儲到幾多錢，我都冇好明確咁話比佢地知，求其講個數比佢地聽
佢地再追問，我就有d勞氣，話佢地好煩，唔好理咁多，我又冇問佢地借錢，每個月準時比家用，跟住大家就吵架
我明佢地關心我，但我就唔想佢地理我咁多野
但同時我又明白，佢地咁煩既原因係我冇兩個家姐咁叻可以買到樓，到而家都仲痴住佢地住
所以我都好怕留係屋企，有時聽到阿爸阿媽為左雞毛蒜皮既事都吵一餐就越想快d搵地方搬出去住但又搵得唔多
有時覺得呢個世界無論係人際關係，職場，冇公平可言，邊個搵得錢多，邊個權力大d，職位高d，講既就係道理，冇錢冇權冇地位就註定比叻既人恰
龔成老師︰
我都明白，做中層係一個吃力不討好架位置，好考你架溝通和管理能力。特別係近年經濟弱，話語權更加少左。
你要明白，我地做好多野，唔一定要同人比較，因為每個人都係獨特，無人會想法、目標、生活模式完全一樣。只要唔好影響倒人，咁就可以。
至於財富，的確係而個資本主義架社會，係會影響一個人架話語權。
所以，我地一定程度，都要努力去令自己掌握更多財富，增加自己架話語權，去掌握自己架人生。所以，點解我成日叫人學好投資。因為佢就係可以幫你增升財富，搶翻自己架話語權。同埋，佢係你自己架知識，無人搶倒。就算你轉再多架工作，只要每月有錢儲到，就可以應用而個技術幫自己財富增值。
當然，我唔會認為財富金錢代表一切。但如果你想過一D自己想過架生活，財富的確有佢架影響性。
至於你架快樂和成就，係唔需要同人比。有人要住大屋先滿足，有人只要每星期食個好食架晚餐，已經好滿意，所以唔洗去比。
要比，就同過去架自己比，睇下自己係唔係進步緊。記住，唔好將令自己快樂架權利，交左去別人架手上。
加油！！！
Q40687：
你好龔sir,想問一下6823, 0008是否可以長揸，不停增加。
本人38歲會計經理，月入5萬，現金有50萬,月存5000元，想不停買入增加利息被動收入，想問一下這兩股票。现在有6823 10萬左右股票，想不斷增加，謝謝🙏🙏🙏🙏
10萬元6823*
龔成老師︰
首先，我唔太建議你現階段就以收息作為重心，你可以買收息股，但不用佔比例過多。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時38歲去計，應先做好財富增值。
6823和0008都是收息股類，增長力較弱。以你年紀計，不建議持有太多。
未來投資策略上，你可以投資「平穏增長股」和「潛力股」。你每月5成儲蓄，即是用$2500做月供，其餘先儲起，用一邊月供一邊儲蓄的策略。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
現時大市大致算在合理區中下部(港股)和上部(美股)，你現有50萬資金可以先投入一半，用"分注"形式，慢慢買貨。餘下一半和每月所儲到的資金，就等大市出現一定程度的下跌，才大力度掃貨，然後長線投資。
不過，你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
因此，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
Q40688：
您好 龔先生 首先新年快樂 身體健康：）
問題：
夫婦2人 ，我是自僱人士，35歲 經營小生意
月入大概15-20萬一個月
先生37歲 每個月固定9萬一個月
現有2小孩，一個剛出世，一個2歲
大家現金儲備大概350萬左右
還有一層2019年買入780萬的物業自住中，還有20多年還款日期🙏🏻
因為環境偏細，及為將來小朋友升學問題，所以最近以3萬元租了一個單位，2公婆未有投資經驗，該如何處理手上資產用以提升更加多額外收入？
謝謝你
龔成老師︰
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時35歲去計，應以增值為主。
策略上，你可以投資「平穏增長股」和「潛力股」。除了手上資金，建議你都用每月5成儲蓄做月供，其餘先儲起，用一邊月供一邊儲蓄的策略。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
現時大市大致算在合理區中下部(港股)和上部(美股)，你現有資金可以先投入30-40萬，用"分注"形式，慢慢買貨。餘下資金和每月所儲到的資金，就等大市出每有明顯回調，才慢慢加注，然後長線投資。
但係動用手上350萬資金前，建議先扣起部份資金，作以下用途，之後才用作投資之用︰
1) 半年至一年開支，作為應急錢。
2) 如果你短期內要換屋，這部份資金都不宜投資，因為投資是數年至十年以上的規模。
3) 如果你生意長線係正面，建議預留更多資金於你自身事業上。因為一盤生意發展得好，長線回報係可以高過買優質股。不過，咁唔代表你唔洗買優質股。只係投資由財富增值主力，變成分散財富風險的作用。
最後，緊記提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q40689：
龔老師，將近退休，400萬如何分配好？
龔成老師︰
你可以將這$400萬，分成5部分。
第一部分投資收息股，你可以建立一個收息股組合，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，大多有5%股息
你平衡的投資這些股，除了可以得到穩健的收息收，同時可有效的分散風險。
第二，投資債券，你可以選擇A評級的債券，年期較長都可以，但利息卻不高。你可以到銀行問問。
第三，投資年金，你可以睇睇，這是適合你們的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。
你可以將$400萬資金，平衡地分配在上述的項目上，對你來說是最好平衡風險，同時有穩定的現金流。
Q40690：
0548出咗個消息
話收入低40至60%
所以有點擔心會繼續跌
龔成老師︰
其實佢主要大幅下跌原因，係以下3個因素。由於部份影響唔係長期性，所以未來時間佢架表現，未必如2024年咁弱。
不過，我地都要持續觀察，睇下部份影響會唔會係持續拖垮佢架表現。
一是2023年度本集團因參股企業聯合置地開發的梅林關更新項目商品房交付確認了投資收益，預計2024年度該投資收益大幅減少；
二是受年內經營項目所在地區不利天氣、節假日免費、專項維修費用增加等因素影響，經營利潤有所減少；
三是根據公司初步測算，計提了存貨及應收款項等資產的減值。