Q39351：

老師，請問一下03416AGX國指俻兌？謝謝！

龔成老師：

ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。

由於這ETF運作，並不是無風險，加上這ETF較新，未知佢做成點，所以，如果你睇好，可以小注投資，但不建議太大注。

Q39352：

龔sir ，請問1918現價值得入巿？長線投資如何？ 謝謝🙏🏻

龔成老師：

融創中國（1918）有一定風險。

這企業始終負債過高，現時市場預期樓市見底好轉，如果順利當然對企業有利，但如果過程反覆，這股的負債超高，面對少少不利因素，股價都可以十分波動。

因此，如果能承受較高風險，投資這股不是不可，因為不是完全無質素，但要明白背後的風險，同時明白這一定會令股價較波動，自己最好控制注碼，小注好了，短期可以上落好大，要中長線投資，等行業及企業好轉。

Q39353：

早晨 請問老師EL可買嗎？

龔成老師：

雅詩蘭黛 Estee Lauder Companies, Inc. （EL）。

雅詩蘭黛是全球高端美容市場的領導者，業務涉及護膚（佔2022年銷售額的56%）、彩妝（26%）、香水（14%）和護發（4%）等類別，旗下擁有Estee Lauder、Clinique、M.A.C、La Mer、Jo Malone London、Aveda、Bobbi Brown和Origins等暢銷品牌。

公司在150多個國家開展業務，26%的收入來自美洲，43%來自歐洲、中東和非洲（包括旅遊零售），31%來自亞太地區。雅詩蘭黛通過百貨商店、心和香水店銷售產品。旅遊零售店、多品牌美容專賣店、品牌專賣獨立店、電子商務等。

業務大致穩定，生意與盈利都不差。這企業質素都有，不過近年的業務增長有減慢情況，考慮到最新業務，推算企業現時在合理，但由於市盈率仍偏高，只宜小注分注投資，不是大手時候。

Q39354：

請問年末美國再減息會否再利好收息股？謝謝

龔成老師：

方向是利好的，第一，融資成本減，對企業有利，第二，減息對市場要求回報會減，所以收息股股價利好。當然，這是大方向，具體仍要睇減息力度，以及該收息股自己的業務與派息情況。

Q39355：

龔Sir,在現金流量表中，相信對股價有最大影響嘅係經營活動現金流，雖然另外兩個都有影響但企業主要表現都係靠佢自身經營產業

龔成老師：

對，在現金流量表中，最大影響是經營部分。至於投資及融資，則可以幫投資者了解企業發展及現金流走向

Q39356：

老師覺得 417 如何呢？因為見老師多數推介六福同周大福？thx

龔成老師：

417質素當然不及六福同周大福，所以，考慮翻六福同周大福較好。

Q39357：

龔 sir 你好呀，經過一年多嘅儲錢和投資，我而家都叫做有少少成績，但係有啲地方仲係好迷惘，希望得到你既指點

我現在月入都係20,000多啲，參考咗你嘅研究，我而家每個月可以儲到一萬蚊，股票市值大約有32萬，現金大約儲到35萬

有股票如下

2800-3000股 平均價 20.01

比亞迪電子1000股 平均價26

建設銀行3000股 平均價 5.16

粵海投資6000股 平均價 9.46

阿里巴巴260股（月供1000元中） 平均價94

南方恒生科技 4000股 平均價3.45

領展房地產 470股 平均價40

比亞迪 60股平均價 233

比亞迪我還有月供1000

美股有蘋果台積電Tesla ，VOO，BRK.B ,西方石油和Nike

美股市值大約八萬蚊

由於我想儲多啲現金，所以我而家月供只有$2000,我年紀我呢個投資組合算唔算平衡？

希望老師你可以俾多啲意見我

龔成老師︰

持股上，全部都有長線投資價值，同時適合你年紀。

但係粵海投資(0270)近年弱左，雖然都有長線投資價值，但就不宜持有太多。

另外，月供方面我建議你每月用5成儲蓄，即$5000做月供。其餘先儲起，用一邊月供一邊儲蓄的策略。

餘下每月$5000的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

月供目標，除了現時月供的1211和9988，建議再加入每月$3000在平穏增長股上，去令月供組合更平衡。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

最後，現時港股算係合理區中下部，你現金水平有點高。建議你考慮用多10萬左右，去分注入多少少優質股，作長線持有。

Q39358：

唔知道你會唔會免費答問題 我照問左先🙏

想問一隻美股收息股ABR (Abor Realty Trust)

之前佢比fbi 查 股價跌左 我望完啲新聞都唔太清楚咩事 安全起見就放左

但fbi 查左咁耐 佢股價都冇跌反升左好多🤔

究竟應唔應該再買番？

同埋我都唔係好明究竟fbi 點解要查佢

龔成老師︰

我而度答讀者問題，係唔會收錢。但由於提問者眾多，故你要預等數天，才會回覆到你。

Arbor Realty Trust (ABR)是一家房地產投資信託公司，業務主要投資於多戶、單戶租賃和商業房地產市場的結構性融資資產組合。

我自己無研究開而隻股票，初步睇佢投資價值唔係無，不過收入和盈利都波動，而且有每況愈下架情況。

所以，就算你睇好佢，都係小注好了。

Q39359：

您好 龔成

我前2年 轉左工作後 因收入唔穩定，就停左月供 388，2800，700。

另外我持有既股票當中 係呢4年已經lost 30%. 咁樣係咪已經代表好多？ 我應止損嗎？

持有股票包括：

股票/ 虧損

66/ -25%

388/ -27%

700/ +26%

788/ -15%

823/ -37%

1448/ -47%

2800/ -15%

3067/ -47%

3319/ -91%

9988/ -63%

1177/ -22%

1876/ -63%

當中只有700 係正數，我已經唔識點處理或入平貨去溝。

9988 要唔要繼續投資？

係咪需要解決某啲股票？

月供應否繼續？

想請教一下我應該點做 同埋您會點評價呢個投資組合🙏🏻

謝謝您！

龔成老師︰

其實你第一件事，要學會如何分析投資。

跌幅大，唔代表一定係你策略有問題，可能係大環境影響。跌幅少，唔一定係你選擇正確，可能只係運氣。

所以，你要了解現時架狀況，是自身技巧問題，還是大環境所致。

過去幾年，全球受到通漲、戰爭等因素影響，令好多優質股都跌唔少。所以，你有一定跌幅，都正常。

不過，如果你中途做好分注投資，去拉平均個買入價，整體跌幅應該會較少，這個是要未來調整的地方。

從質素上計，上述股票都依然值得持有，但要留意以下幾點︰

1) 持股量太多，建議長線集中係10隻左右，會較易定期審視佢地架質素變化。

2) 你現時組合明顯偏重晒係港股，建議你未來加入一些美股，令整個組合變得更平衡。

但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

3) 月供可以繼續，但建議都係集中最多10隻以內。

Q39360：

Hello 見龔sir您講收息股 想問吓您點睇太古地產(1972)同中信國際電訊(1883)？最近心郁郁想轉啲定期買收息股 謝謝

龔成老師︰

太古地產（1972）雖然短期較一般，但長遠仍有質素的。太古地產是香港及中國的綜合地產發展商、業主及營運商。簡單來說分做三個部分：物業投資、物業買賣、酒店投資。

這企業現時持有的物業組合，包括香港太古坊、太古廣場及太古城中心。中國內地方面，公司在北京、廣州、成都及上海擁有六個已投入營運的大型商業發展項目。集團在香港、印度尼西亞、越南及泰國的住宅市場均擁有業務，在美國邁阿密亦有土地儲備。太古酒店在香港、中國內地及美國發展及管理酒店。

由於美元強，再加上全球地緣政治和經濟不明朗，以及中國經濟轉弱，來港旅客消費模式改變等因素影響，疫情後的復甦仍然慢。

相信在短期，這企業仍面對一個較一般的零售環境，因此財務數據及股價都未必太強。

長遠來說，太古地產持有的商場始終有質素，不過，自由行的消費模式有所改變，相信商場要回到過往輝煌年代，要較長時間。

有投資者這刻對中國及香港市道較擔心，因此對這企業看法負面。雖然短期這企業未必強，但長遠的價值仍在，無論是持有的物業有一定質素，以及當中的發展大計，這企業目標是在2032年前將中國內地的總樓面面積增加一倍。

雖然短期因中國及香港情況令業務一般，但企業長遠，仍是有發展的，但並不是高增長模式，而現時在合理區較下部。

中信國際電訊（1883）由於業績較弱，影響了股價，在最新的中期業績，盈利比上年度下跌37%。

管理層表示，外部環境多種因素變化，部分客戶做出了相應的業務調整，國際電信業務中的信息服務收入對比相應期間有較大減少。同時，因應經濟發展環境中的複雜性、嚴峻性、不確定性不斷上升，傳統電信業務領域面對的挑戰增多、困難加大，公司在繼續鞏固傳統電信業務的同時，努力拓展業務，加快轉型發展。

就管理層上述所講，反映企業面對較不利的環境，相信這情況短期仍持續，如果分析中信國際電訊的長期業務情況，企業並不是完全無質素的，但現時面對的情況，風險度的確比過往增加。

這股投資不是不可，但考慮到環境及風險因素比過往增加，因此要控制注碼。如果本身有貨，就要睇持貨是否過多，如果不過多，可以持有，始終這股業務本身都不差，同時有一的現金流，因此控制持貨比例是重點。

如果你想投資收息的話，建議你長遠可以建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。

你講個2隻唔係唔投資得，但作為收息股的話，佢地質素無我講架咁高。你投資佢地都可以，但小注好了。