Q36521：

老師，希望你唔好介意我問呢個問題

你對選擇Local school vs international school 有冇想法可以分享？

某程度上教育都係一種投資，我在苦惱如何為下一代做出正確選擇

龔成老師：

我教班發現香港人有一個特點，就是很少發問。

其實每次我地要鼓勵同學，先有人問野。

其實香港的傳統學校，最大問題就是不鼓勵發問，發問代表你有野唔明才問，這個觀念令好多人，就算自己有野唔明，都不敢問。

但外國的教學很不同，鼓勵人問野，認為問野是啟發。

同時，香港傳統學校，著重背書，講紀律，而外國的，著重創造。

另外，人工智能是一個影響好大的項目，將會取代很多重覆性的工作，例如你打電話去某些機構問野，到了將來，可以全由人工智能答你。

結論是，在10年、20年後，重覆性工作就會不值錢，如果一個人只懂背書，將來的價值就會較低。

最後，我始終不是這方面的專家，叫做比些意見你參考下，建議你同時找更多，在教育方面專家的意見。

Q36522：

想問9868小鵬有無機會返番上$50左右？

龔成老師：

中短期都不易，因為中國電動車市場競爭大左，至於長遠，都有機會，但就要睇佢發展。佢不是無技術的，之前佢獲德國福士汽車（Volkswagen、或稱大眾汽車）入股。

福士將會斥資7億美元購入小鵬4.99%的股權，每股作價15美元，雙方並有意共同開發電動車。兩間企業同意在福士位於合肥的技術中心，開發新的福士品牌電動車，並推出兩款新車，目標2026年上市，新車將會配備小鵬的自動駕駛軟件。

今次入股，反映外國大型車企，對這企業內裡擁有一定的擁技及優勢。同時看好長遠的電動車市場，以及看好這企業。

Q36523：

1) 老師你好，請問呢隻(600196)短揸係咪ok ga ?

2) 另外煤氣 呢2年都值得入市嗎？

新手仔入場，謝謝

龔成老師︰

我想先糾正你一個錯誤的投資觀念，我地投資一定係長線，你見全世界最成功的投資人巴菲特，都只會做長線投資，唔會短炒。

因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。

所以，我地唔會好似坊間散戶咁，經常要睇住個股價上落。反而係投資前，我地要做較多準備功夫，去分析一間企業質素和平貴度，以制定入市策略。

當買入後，只要佢長線質素無明顯轉壞，我地長線持有，讓其自然增值就可以，咁先係正確架投資增值做法。

1) 復星醫藥（2196/600196）本質不差的，佢係一間總部設於上海的中國醫藥健康公司，業務包括製藥、醫療服務以及診斷產品與醫療器械。

同埋睇翻佢的資料，佢的研發持續專注於心血管系統、中樞神經系統、血液系統、代謝及消化系統、抗感染、抗腫瘤等治療領域。其實都有一定的業務優勢。

過往數據顯示，佢業保持發展，生意有穩定增長，不過見佢盈利增長的力度不及生意，這反映佢賺錢能力有所減慢，這點要注意。

現時股價算是合理區，可以分注慢慢儲貨。同時要留意，有時股價會較為波動。

2) 煤氣（0003）近年增長力比過往減少左，但不是無質素的。

雖然近年業務較一般，但煤氣近年在中國的投資，仍是保持進行的，煤氣在中國於2021年擁有的項目有514個，到2022年，則去到624個。

每年都有幾十億，這些投資不會好快就見到收成，但這企業就仍是發展中的，但要時間才能將當中的價值顯現出來。

另外，佢之前取消派紅股，其實對佢無實質影響，因為派紅股只是左手數與右手數的問題，無論對長遠股價，或企業價值，都無影響。

不過，由於過往佢保持相同的股息，在派紅股的情況下，等同於股息增長。今年決定不派紅股，有可能反映管理層認為，企業往後的增長減慢，會對企業有不利。

這股全面回勇仍要時間，近年的賺錢能力及盈利的確有下跌情況，但最近情況已經穩定，整體的企業質素仍有，現時正好轉中，不過增長力比過往減左，現價處合理較下部。如果投資收息及平穩增長，這股可以。

最近，我建議加強投資概念和相關知識，對你長線投資回報會有正面幫助。

你可以多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q36524：

隻0388跑輸大巿好多

龔成老師︰

港交所（0388）短期的確弱，但長遠又不是無質素的。

獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。

但要留意，由於這股的盈利會受股市成交影響，因此股價都會有影響。而近年的成交弱，會對這股中短期股價有不利影響。

不過，只要投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。

因此，就算近一年港股成交較少影響港交所盈利，投資者不用擔心這股無價值，因為週期的因素，成交好轉是時間問題，只要投資者耐心就得，不過短期可能較一般。

Q36525：

老師 之前聽你講港交所有前景，所以係$241嘅時候入左

呢幾日見佢跌到差唔多跌破幾年前嘅最低位 跌幅 比恆指更大 令我好擔心佢會跌破支持位 請問我應該繼續持有嗎？

龔成老師：

你預佢短期仍弱，短期仍會出現這類波動問題，但我地最重要是睇企業長線，而不是短期股價，而今天佢的狀態，與之前分析時完全無變（無是短期業務弱，長遠慢慢好轉）。因此，只要你持貨不過多，以及最初都打算長線，其實可以守。

Q36526：

龔老師，想問問好耐以前8.x買了香港寬頻作收息之用，但而家呢隻股越來越差，請問有咩建議，換碼還是等私有化

龔成老師：

香港寬頻（1310）主要在香港提供固定電訊網絡服務及國際電訊服務，以及產品銷售。

業務發展不過不失，中短期較一般，之後會好翻D。

整體來說，長線投資仍可，但只當收息，增長力唔算強，這股不是無質素的，但又唔值得持有太多，只能用普普通通形容這股。

不過，佢又未到劣質類。

你可以減訊分，餘下再等佢業務及股市好翻D，希望過1、2年上翻多少少，到時再決定是否賣出，但要上翻$8就有難度。

Q36527：

咁可以再請問老師多一樣 為什麼來香港上市的公司會愈來愈少呢 是不是因為香港已永久失去了一些先天優勢?🙏🏼

龔成老師：

因為港股近幾年股市不斷向下，現時估值處於較低水平。

當市場估值較低，一間企業來上市時集資的數目會減少，因此並不是理想的上市時機，因此，很多公司都會等，而不會在這刻上市。

所有野的關鍵，都要等港股好轉翻，而港股，就要睇中國、香港的經濟，始終現時經濟不太好，因此你預短期仍弱，但經濟有週期的，因此仍會慢慢好轉。

Q36528：

老師，銀娛發生咩事….？

之前$48有貨 應該點做好..？🙏

龔成老師：

市場擔心旅客增長及消費力減，相信對佢短期股價有影響，始終中國經濟現時較一般，不過最重要睇長線，長遠的發展仍是正面，只是要耐心少少。銀娛（0027）有質素有發展，可以長線持有。

佢本身擁有一定的資產及品牌，加上以賭彩加娛樂模式進行，企業有一定的價值，雖然澳門最高速發展年代已過，但相信仍長遠仍有發展力。佢是6間賭企業，較有發展及優質較強的一間。

銀娛投資價值仍在，不過就不是高增長股，相信有平穩增長的能力，只要你持貨不過多，其實仍可守，但就要耐心少少。

Q36529：

龔成老師，想請教你🙏🏻

2021年的學生，之後因為經濟差咗，所以停咗供股同埋買股票。但是發現自己儲唔到現金，因為好容易就會想用錢。2024開始想重新出發，希望可以達到自己嘅目標。

之前成日亂使錢，所以手上現金10萬。27歲就快28歲。

龔成老師：

如果可以的話，你盡快開始儲蓄計劃，你年輕，要好好把握財富累積期，可以的話，儲50%收入！最起碼都儲30%！你這年紀好關鍵！

有機會是你上我的堂已太耐，所以無左理財的決心，我好希望你年輕，有更大決心做好佢！

Q36530：

883 中海油升到 19 元，還值得揸嗎？

已揸咗三年。

龔成老師：

中國海洋石油（0883）有質素的，如果你貨不太多，就長線。但如果你多貨想減少少，可以減少少，但都建議留部分作長線。

不過要留意，這企業的業務情況，以及股價，都與油價有一定的相關性，投資者要明白這點，近年油價受戰事等因素影響，出現較波動的情況，如果戰事長期持續，甚至進一步擴散，將會令油價進一步向上，或長期在高位維持。相反，如果戰事好轉，局勢轉勢穩定，就會令油價下跌。

而要準確預測到戰事、油價走勢，並不容易，所以投資者不能太過主觀。而中海油中短期的股價，也會存有一定的波動性。

因此，你最重要是控制持貨比例，只要貨不過多，就可以持有，長線。