Q43961：
老師，你好 。
現在供樓有點吃力 ，我有3萬在手。想用投資方法去增加收入 。減低負債成本 。希望可以不用賣樓的情況下改變。
希望你能給我一點意見 。謝謝
用股票或基金增加收入，可以嗎 ？
龔成老師︰
坦白講，3萬不算很多，好難會對你供樓有明顯幫助。反而你要供樓，留多些現金在手，在理財上會較穩陣。
因為真正投資，唔係炒炒賣賣，轉個手就賺1,2倍個種模式。
你要明白我地投資股票，其實等同投資一間企業。希望透過其自然增長，以達至財富增值的目的。
所以，我地投資一定係長線，而唔係短期炒賣，去賺差價。由於係長線計劃，你唔好預期佢對你短期財務上，會有任何幫助。
建議你學好正確方法，設定一個較長時間和合理的投資規劃，去為自己財富增值。
建議你儲多少少現金，留一定的備用現金在手，餘下再有資金，就可以穩陣投資，合理增值。
如果你本身係一個初學者，建議你先要做三樣野。
第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《圖解股票小百科》適合初階者的。我Youtube Channel都會不時分享一些投資技巧和知識，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
第二，了解銀行及證券行，去開一個證券戶口，並準備做月供股票。
其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。
第三，將每月的部分資金，去做月供股票，供一些指數ETF，如港股盈富（2800）或美股VOO。對初階投資者來說，月供股票是一個很好的累積財富方法，因為可避免你一次過在高位買入的風險。
原理如同儲錢，不過就不是儲現金，而是儲股票。計劃要長期進行。
另外，盈富、VOO是一個股票組合，適合絕大部分人投資，風險不高，長期儲貨可助你財富平穩增值，記住要長線持有。
當你在做上述三件事的同時，開始學下股票，了解下那些股票適合你自己。上述只同你簡單供盈富、VOO，當你過幾個月，有知識及少少經驗後，就可以利用你手上的資金，其中一部分，去投資股票。
另外，你可以睇下而2條影片，相信對你了解長線投資和複利效應而2個重要概念，會有幫助︰
https://www.youtube.com/watch?v=ZaVTKyodNCg
https://www.youtube.com/watch?v=xm1dx0A2Q5k
Q43962：
請問005，2388，388有近倍利潤，是否可以減半再等機會買回？或是繼續持有收息？感謝🙏
龔成老師：
第一，這3隻都是優質股，大方向，可長線，現時未貴。
第二，如果你貨多，就可以減部分，留部分，如果貨少，不用減。
第三，要記住，賣出後，無人知能否買回。
相信在長遠，0005、2388仍有收息及平穩增長力，而0388長遠也有一定的增長但波動就會比另外兩隻大少少。
Q43963：
龔sir，388港交所我見升左唔少，如果手頭上無貨，目前建議入手嗎？
龔成老師：
港交所（0388）有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。
你可考慮分注，現價未貴，仍合理，不過，短期股價有機會波動。
但要留意，由於這股的盈利會受股市成交影響，因此股價都會有影響。
近年的成交弱，令這股近年股價較一般。到最近，港股成交好轉，這股股價向上。所以，你會見到佢股價十分波動。
投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。
現價合理區中間，分注可以，企業長遠仍有發展力，但短期會較波動，都要留意風險。
Q43964：
早晨老師
9992 泡泡瑪特值得長線投資嗎？
龔成老師：
泡泡瑪特（9992）有質素，企業是一家覆蓋潮流玩具全產業鏈的一體化平台，當中包括藝術家發掘、IP運營、消費者觸達及潮流玩具文化的推廣。
佢算是中國最大且增長最快的潮流玩具公司。合作伙伴中不乏知名品牌，好似迪士尼、HELLO KITTY等等。而產品中，最為人所認識就是"盲盒"，此銷售模式為集團貢獻不少。
不過，佢過往曾經面對中國策方面的風險，這都是潛在風險。
有一點要留意，業務始終是潮流產品類，如果日後熱潮減少，都會對佢的生意有一定影響！
因此，如果這流潮一直能維持，這刻算是合理區較上部，相反，如果這潮流過一段時間後轉弱，這刻就變成明顯貴，到時股價都會大跌，你要明白這風險。因此，如果你睇好，都只建議小注投資好了。
Q43965：
老師你好，想問下136點睇？
仲有425,3888同9633，唔好意思，問得比較多，感謝老師解答
龔成老師︰
0136和0425分別因為風險度高和質素一般，長線不建議投資太多。
農夫山泉（9633）都算質素的。佢是中國包裝飲用水及飲料的龍頭企業，旗下品牌包括農夫山泉、東方樹葉、尖叫等。佢係中國擁有10個區域取水許可證，並在其周邊建立生產基地。
其產品覆蓋包裝飲用水、茶飲料、功能飲料及果汁飲料等類別，多年保持中國包裝飲用水市場佔有率第一的領導地位。
業務上，的確有吸引力的，同時有一定的品牌價值，因此企業質素與發展正面，財務數據不差，生意與盈利都有理想增長。
不過，近年的業務增長力略有減慢，同時都會受中國經濟因素影響，因此要注意風險度。現價合理上部。
現價分注投資好了，這股適合長線的。
金山軟件（3888）主要從事遊戲研發及提供網絡遊戲、手機遊戲及休閒遊戲服務；提供雲存儲及雲計算服務；設計、研發及銷售推廣辦公軟件產品及服務。
企業本身的業務有質素，發展力有，但面對近年中國大環境，監管因素，行業賺錢能力減，影響了企業業務情況。雖然短期的增長力仍不強，但企業開始適應了新的大環境。
長遠來說，企業發展力仍有，但增長力有機會比過往略有減少，加上大環境的不確定性比過往增加，因此，投資這股仍可以，但就要控制好注碼，明白當中的風險，而現水平大約在合理區中上。
如果投資者風險承受能力不高，就不建議投資這股，如果能承受風險，睇好這股長遠發展，可考慮小注。
Q43966：
成SIR又話咁快同你分享好消息啦！！
-
不用一年時間達成第2個100萬，比第1個100萬快左5倍有多
-
靠投資組合賺到50萬
另外想請教下意見，話說上年同你分享左份工作環境不如意，所以祼辭左，用左半年抖下 佛系揾工(依家個境真係差 冇以前咁多OFFER) 同老公整結緍啲事 一路番下PT 一路睇書 學投資 試好多野 養寵物 學咖啡等 覺得好享受依家咁自由生活 好開心 比起番全職 覺得呢刻就係我理想生活！老公狀況係月入30K UP 小家庭開支基本唔洗擔憂 黎緊結緍都草夠一筆錢
我有考慮要唔要半全職專注學習投資理財 一邊番PT 有時組合收息都COVER到基本生活 同埋發覺當時祼辭後我多左時間專注投資 冇被用公司啲同事影響情緒 反而會自然留意多左啲投資
當時用公司退休金放埋入組合，依家睇戈筆錢回報都有一倍以上 但缺點係比唔到家用(我係希望比 媽養大我地唔容易) 依家咁狀態比唔到家用 但我真係好享受依家生活！所以好糾結 如果番全職草資金投資快啲加可以固定比家用 但就係你所說出賣時間換錢 一定冇依家咁享受 會拼博工作多啲 希望你比下意見 謝謝
加上唔番全職中要頂受住老一輩傳統觀念 覺得要番番份工最好
龔成老師︰
恭喜你，因為本金大左，所以增值效率會愈來愈高。
至於你架人生模式，其實無一個標準答案。但你要明白，當你想得到多一件事，就必然有多一樣架付出。
最重要，係你問自己，過10年後是希望過什麼樣的生活，從而規劃好今天的行動。
加油!!!
Q43967：
老師請問美國中長期債券2.5%和4.75%。買得過嗎？thanks
龔成老師︰
只要係A級債券，都可以考慮(例如國債)。
不過，你還年青，應該先以增值為主。先累積大個本金，到有足夠本錢或者退休，才慢慢換成收息資產，咁會較好。
另外要留意，投資債券，如果中途賣出，二手市場的價格有機會比你買入時的價格低，你要明這風險。所以投資較長年期債券，要考慮好自己的資金情況。
Q43968：
老師老師請教目前成本8X 買入，是否可以再加碼至平均買入價100左右，然後長期持有？
龔成老師：
我地決定加注與否，要睇幾個因素，記住，並不是「拉低平均買入價」為目的。
第一，要分析這股的質素，如果無質素，就再跌都唔加。
第二，這股的類別，如潛力或增長或收息類等，是否與你的財富組合匹配，比例是否適合。
第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。
第四，現價是否有投資價值率，要平，或起碼合理，不能貴。
第五，你要在加注後，仍有現金剩。
記住，重點不是「拉低平均價」，而是組合比例與配置。
Q43969：
龔sir, 9880越升越有，都未有盈利，點解佢係咁升？
謝謝！！
龔成老師：
因為這企業市場集中在「將來價值」，而不是當刻。
因此，就算這刻未有盈利，但當市場認為業務發展理想，收入不斷增加，之後會慢慢開始有盈利，市場都會給予一定的估值。
不過，這估值就會變得較為不實在，風險也會較高。
優必選（9880）主要從事智能服務機器人及智能服務機器人解決方案的設計、生產、商業化、銷售及營銷以及研發。這是其中一間，有一定實力的機械人相關公司。
企業長遠有發展力，不過，行業都有一定風險，始終較新興，財務數據也不算好強。投資暫時只宜小注。
產品在不同程度上配備了感知、交互、分析及處理人類指令及外部環境（如建圖、溫度測量及人臉識別）的智能功能，範圍涵蓋消費級機器人及電器，針對教育、物流及其他行業定制的企業級智能服務機器人及智能服務機器人解決方案。
業務雖然有發展力，但生意波動大，風險較高。暫時只建議小注投資，同時，一定要明白風險，低風險者不宜。
Q43970：
你好呀老師阿sir
我係一個初級投資者.只是做了一些定期.之前我喺youtube問過你.關於你嘅書籍.可否推薦一本
我因為只做了定期.同埋一些基本嘅儲蓄戶口嘅錢.
我想問下阿sir你可否推薦一本關於你寫作.嘅書籍.我去買.
因為你真係好正能量
龔成老師：
你可以睇《80後千萬富翁》，以及《圖解股票小百科》，都是適合你的！
加油，理財是一個長期過程，要保持知識進步！