Q43951：
如果比亞迪再拆股，其實是否對他更加有利？
龔成老師︰
佢最近進行是「改變買賣單位」，將每手500股，改為100股。
如果你話「拆股」，其實純粹係將個已發行股數增大，情況類似10送1類，唔會對佢投資價值有影響。
我建議你睇翻以下Youtube影片，相信會對你有幫助︰
https://www.youtube.com/watch?v=iy_G1yjs0fY
Q43952：
你好龔sir,已關注你很長一段日子，亦有買你嘅書籍，令我獲益良多，感謝。
想請問比亞迪1211及創科0669這兩隻股份那隻潛力及前景較好？但始終資金有限，想入市其中一隻，謝謝給予意見。
龔成老師︰
客氣，書本幫到你就好。
比亞迪（1211）相信短期仍會面對中國車市較一般的情況，短期股價有機會較波動，不過以長遠角度分析，其實近年企業業務發展理想，研發不斷進行，汽車賣得好好，電池技術發展得很好，出口部分理想，企業長遠發展正面。
現時已經成為中國電動車市場的一哥，同時品牌及銷售網絡理想，長遠仍有發展，不過，股價就有少少波動。
現價約在合理區中下，可以分注或月供投資，不過要控制好總投資金額，這股佔整個股票組合，最好在15%以下。
如果本身有貨，可長線，雖然企業最爆炸性增長已過，但長遠仍有發展，但就預佢股價波動，因此，只要持貨不過量，就可以長線持有。
創科（0669）長遠都有質素的。股價由2021高位回落，到近年開始好轉，由於創科的業務與美國樓市都有一定的相關性，因此，過往當市場擔心美國樓市轉弱，就會影響創科的業務及股價。之前美國按揭利率上升，令供樓者的負擔增加，在美國持續加息的前題下，樓市就存有不明朗因素。
到近年，美國開始減息，都令市場對美國樓的信心增加，不過，減息的步伐較慢，以及存有不確定的，都左右這股的發展。投資者最核心分析，仍是企業的發展，但短期股價波動，就會受美國息口及樓市因素響。
整體來說，這企業業務雖然對美國樓有少少敏感，但以長期情況分析，有品牌，有品牌，有銷售網絡，長遠有發展，這股值得長線投資。
股價中短期都會略有波動。現時估值算是合理區中間，長遠質素仍有的，但業務可能會因美國樓而出現波動，所以最好不要一次過大手買入，要分注投資，預期長遠有平穩增長能力。
若然是已經持有的長線投資者，此股可繼續持有作長期投資，但由於仍面對中短期風險，因此都要控制好持股比例。另外，此股的股息不多，收息者不宜。
之前有出佢架分析影片，你都可以睇下︰
https://www.youtube.com/watch?v=rzoqtypYVfQ
Q43953：
老師 想再請教，若果想投資比特幣，直接買比特幣還是投資coinbase風險較低？
龔成老師︰
2者之間，我偏向建議投資比特幣，因為Coinbase佢有業務，長線走勢未必跟幣價一致。
你可以睇翻我一條舊影片，會講多少少Coinbase情況︰
https://www.youtube.com/watch?v=XjtOk6ZwtZE
如果你本身唔熟，又想投資，建議用比特幣ETF。(持有現貨都得，但操作常較複雜。)
以下是部份市場上交易的現貨ETF，不過香港唔係間間證券商行有，你要自己問下。銀行的話，一般都無提供。
<<部份加密貨幣現貨ETF>>
BTC︰3439、3042、3008、IBIT、 FBTC
不過，你要明白由於加密貨幣本身，有沒有真正的價值，如何定義真正的價值，合理價是多少，根本無真正的計算方法。
雖然現時無論應用、定監管都較以往成熟。
但大家要明白，始終成個加密經濟唔算新，大家投資除左關注佢架潛力度之餘，都要明白佢有很大不確定性和波動。
因此，若你決定要投資，必需要明白很高風險。要控制注碼，不宜過份進取。
至於Coinbase Global Inc（COIN）雖然有獨特性，但真正的長期價值有多少，根本好難估。
佢係加密經濟技術供應商，佢從平臺上的交易中產生大量交易費用的凈收入，以區域來講，佢大部分收入來自美國，其次是世界其他地區。
近年BTC和ETH ETF相繼出台，而部份會對佢架託管業務造成正面影響。睇翻現時大部份BTC ETF，都係用佢做託管人。如果未來再有新的加密貨幣ETF要出台，相信集團依然能穏佔一個重要席位。
不過，大家要留意一點。以往好多人投資Coinbase(COIN)，會視之為投資加密貨幣的替代品。但隨著BTC和ETH的ETF出現，佢而個替代品架功能，可以算係完結左。
未來佢架投資價值，就要完全睇翻佢業務和市場發展。
至於它的業務價值，要分析就要睇翻虛擬貨幣長遠發展。
近年佢都開始加大業務範疇，去令收益更多元化。此外，穏定幣應用愈來愈普及，都會對佢架收入有所幫助(因為Circle會有分成比佢)。
再加上，美國對加密經濟政策漸漸明朗化，都係利好佢發展架原因。
不過，大家要明白佢收入來自業務表現，所以長線股價走勢未必一定會同幣價一樣(有機會更高，或更低)。
同埋，始終成個加密經濟好新(雖然已經比多年前成熟)，但本質來說，虛擬貨幣是人為創造出來的，絕對不是「資產」，有沒有真正的價值，如何定義真正的價值，未知。
長遠的價值，取決於「有多少人用」，如果長遠好多人用，的確可能有高價值。但如果無人用虛擬貨幣，這公司都無價值。
因為分析長遠是否好多人用，是非常困難，因此，當中存有相當的風險，當然，潛力同樣都大。
你若睇好加密經濟發展，可以投資。但你要明白成個加密經濟仲係好新，故未來發展的不確定性相當之高。
投資時，緊記要控制注碼，只能投放一個輸左都唔會明顯影響組合的比重，之後長線持有，咁就可以了。
你可以睇這個影片，有講及穏定幣和COIN相關知識︰
https://www.youtube.com/watch?v=3d7yq2EP4IM
Q43954：
你好，老師！
我發現在越來越多人會買保險，
我想問吓如果買1299友邦保險，是否有投資價值？ 謝謝
龔成老師︰
友邦保險（1299）長遠仍不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。
不過盈利就有少少波動，但這都正常，因為保險公司有投資相關收益，所以這亦會令股價略為波動。
前景方面，正面的，佢保持不同市場的發展，利用本身的品牌去加強新市場業務，而長遠的市場仍有增長潛力。
這股有長線投資價值，現價就處合理區中上至頂部，長線持有無問題。
以下是1299分析教學影片，有興趣可以睇下︰
https://www.youtube.com/watch?v=BXfl_6iXAPM
Q43955：
老師您好！想請教下UNH, 前排跌到好勁時溝到260，巴郡一話買就開始升上去，我見依家350左右其實仲係合理價，配置上應該要加倉嗎？其實我係幾想再入的
謝謝老師
龔成老師︰
聯合健康 UnitedHealth Group Incorporated（UNH）有質素，但雖然近年受成本等因素，令賺錢能力略減，但長遠會慢慢好轉。企業仍有發展力，不過，就未必是高增長類。
聯合健康集團是全球最大的私人健康保險公司之一，為全球5000萬名成員提供醫療福利，其中包括2021年底美國以外的500萬名成員。
作為雇主贊助、自我指導和政府支持的保險計劃的領導者，聯合健康在管理醫療方面取得了巨大的規模。
過往業務發展不差，生意與盈利都有理想增長，但並不是高增長類，業務長遠正面，有規模，現價算是合理區中間，但由於近年的賺錢能力略有下跌，令股價波動增長，所以投資都要控制好注碼，這股長線持有都可以。
至於你持有的股票，都有長線投資價值和增長力。若你是年青至中年人士，係適合。
但長線建議你"慢慢"加大美股比重，去平衡地區性風險。個別地區，長線不宜高於組合7成。
Q43956：
怎解66冇升勢？
龔成老師：
港鐵（0066）有一定的獨特性，不過，近年的增長力略減。由於以下4個因素近年都較弱，影響了升勢。
第一，香港車務營運收入，近年港鐵加價的能力比過往弱左，分析近年一些調整票價條款，例如會加入賣樓收益作為影響加價的其中一個因素，令港鐵在這方面的賺錢能力，比過往年代略減。
第二，港鐵其中一個收入來源，就是租金收入，雖然短期一般，但中長期都會慢慢好轉的，整體市道長遠也會好轉，因此長遠這部分仍有價值。
第三，地產因素，長遠仍是一個有價值的部分。
第四，維修成本。近年港鐵的事故增加，與鐵路老化有關，因此這方面的維修成本將會不斷增加，影響了賺錢能力。
長遠來說，只要香港市道，以及地產市道好轉，就會自然對這企業有利。港鐵始終有一定的獨特性，因此整體的質素仍在，但增長力不及過往年代，只是收息及平穩增長型的股票，現時股價合理區底部。
Q43957：
龔生，點睇美股WRD?
龔成老師：
文遠知行 WeRide Inc（WRD）都有發展力。
這企業成立於2017年，總部位於大陸廣東，公司主要致力於開發Level 2到Level 4的自動駕駛技術，已與雷諾日產三菱聯盟、廣汽集團、宇通集團及Bosch等公司成立戰略夥伴關係。
公司產品應用在智慧出行、智慧環衛及智慧貨運，目前的產品有自動駕駛計程車Robotaxi、自動駕駛巴士Robobus、自動駕駛貨車Robovan、自動駕駛環衛車Robosweeper及高階智慧駕駛系統Advanced Driver-Assistance System等；在大陸及阿聯酋已運營有自動駕駛計程車服務據點。
行業長遠有一定的發展力，但始終行業較新，發展與技術變化都可以很快，因此，這企業可以有一定的發展力，也可以面對很大的競爭，存有不確定性，這點也令股價十分波動。
如果睇好這企業，小注投資可以，最重要明白當中的風險。
Q43958：
請問9698 值得繼續持有嗎?
$32 買入價的
龔成老師：
萬國數據（9698）業務有一定的發展，但本身都有一定風險。你可長線投資，但就要控制好注碼。
佢的業務為開發及營運數據中心，根據佢公司提供的資料，佢係全中國最大的運營商網絡中立數據中心服務提供商，市場份額約2成。
現時主要通過GDS上海、GDS北京及其子公司進行該等業務。GDS北京及GDS上海各自持有經營業務所需的互聯網 數據中心牌照。
佢提供託管和管理服務，包括創新和獨特的託管雲價值主張，機房面積為266,260平方米，有一定的規模。
見佢生意有一定的增長，行業前景正面，只是這股業務本身較波動。所以你如果7持貨不算多，可長線。
Q43959：
問UNH如何？
龔成老師：
聯合健康 UnitedHealth Group Incorporated（UNH）有質素，雖然近年受成本等因素，令賺錢能力略減，但長遠會慢慢好轉。企業仍有發展力，不過，就未必是高增長類。
聯合健康集團是全球最大的私人健康保險公司之一，為全球5000萬名成員提供醫療福利，其中包括2021年底美國以外的500萬名成員。
作為雇主贊助、自我指導和政府支持的保險計劃的領導者，聯合健康在管理醫療方面取得了巨大的規模。
過往業務發展不差，生意與盈利都有理想增長，但並不是高增長類，業務長遠正面，有規模，現價算是合理區中下，但由於近年的賺錢能力略有下跌，令股價波動增長，所以投資都要控制好注碼，這股長線持有都可以。
Q43960：
成哥, 其實點解美國經濟數據又唔係特別好, 又多人失業, 又有關稅問題, 但係道指都係咁高呢, 係咪因為科技股撐住個市, 同埋所有負面因素帶尼GA影響未完全顯現出尼呢?
龔成老師：
美股最近上升，有兩個主要因素，第一，美國將會減息，而減息力度比數個月前市場預期大，由於減息令企業融資成本減少，利好企業，所以對股市正面。
第二，科技企業財務數據不差，而這些企業對全球經濟貢獻不斷增大，令這些股票受支持，利好整體美股。