Q41151：
你好，想請問我持有以上股票，我需要重整手上股票嗎？謝謝你
（附上組合相片）
龔成老師︰
你手上股票，大部份都有長線投資價值。除左透雲生物(1332)無明顯投資價值，建議沽出。
不過，你有個較大問題，就係唔少買入價都唔平，明顯你對估值唔係太了解。
建議你長線用分注，或者月供模式儲貨，去平衡買貴貨風險。
另外，長線建議加入一點美股，去平衡地區性風險。
以下都是具質素的平穏增長股，適合你年紀，未來可以考慮用佢地作為主力。
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
Q41152：
龔成兄，又係我。
自我實現預言，首先相信自己得，跟著計劃，我的70歲一千萬計劃，續步續步咁行
首先，2月尾出糧還最後一期黑社會破產中介
跟著3月尾出糧後每月有4000蚊剩
5年後50歲破產完結後能該累積到20萬左右緊急備用金，跟著就可以開始每月定期定額9000蚊儲微軟股票，一直儲到70歲
Ai普及化，微軟公司長期一定掂
70歲有錢就是我的自我實現預言
AI普及化，微軟長線（20年）係咪好過巴郡呢？
我睇中佢原因係deepseek推介微軟係咁多科技龍頭股最穩陣，護城河最深，因為全世界都用windows, 我講得啱嗎
龔成老師︰
投資要成功，知識、長線規劃都係好重要，所以你會先計劃好，係一件好事。
不過，科技變得好快，我會建議你唔洗規劃到太仔細，到5年後才再具體落實到時買邊隻股票都未遲。
此期間，最重要係提升知識和累積資金，為將來再投資準備。
另外，我地唔好成個組合，只集中係1,2隻股票身上。
最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。
同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。
Q41153：
你好龔成老師，本人2022年買入以下股票，差不多是兩隻股最高峰期，等了3年多，我需要止蝕嗎？ 還是可以再等作長線投資？ 希望你能夠指導一下，感謝🙏🏻.
長城汽車 買入$28.6 -2000股
新綠色能源 買入$5.57-4000股
龔成老師︰
你唔好用買入價或帳面賺蝕，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。
因為你買入一隻股票之後，買入價已經係一個沉沒成本，唔應該用佢作為考慮因素。反而係佢架長線投資價值，先係最重要。
若果有長線價值，就算而一刻帳面蝕緊，都應該守住先。因為長線佢會增長，慢慢去翻一個較理想的股價水平。相反，如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。
另外，再要分析埋自己持股比重。如果太多，就算有質素，都要減少少平衡風險。
長城汽車（2333）業務不過不失，質素都有D，但不算好強，過往的增長力不算好強，長遠業務發展都可以，但未必是潛力型。這股都有長線投資價值，可以小注投資。
新天綠色能源（0956）本質不差，有一定的增長力，但由於都有一定的負債，考慮到風險因素。
你投資都可以，分注無問題，但由於這企業規模比較細，加上有行業風險，因此唔建議太大注。
總括而言，你2隻股票都有長線投資價值，但質素和風險度原因，2隻都不宜大注。如果佢地佔你組合較大比重，建議減持部份，去平衡風險。
另外，長線你要提升自己投資知識。你跟很多坊間投資者一樣，都係犯左一些共同錯誤，就係買左貴貨。令到自己長線持有優質股，但長線組合依然係輸錢。
其實投資，唔係單單買入隻優質股，之後長線持有，就會出現理想回報。
投資知識(分析股票性質和優質度)、估值能力(定平貴能力)、組合配置/平衡性、年紀/風險承受力等因素，都會影響到長線組合回報效益。
所以，你要努力提升自己投資知識，特別係"估值"和"選股分析"能力。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 5545 7212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212
Q41154：
龔sir,想每月自製收息，可否給我一些意見？
1 - 香港寬頻 (計劃購入)
2 - 未有諗法
3 - 中電 (計劃購入)
4 - 匯豐 (已有)，港燈 (計劃購入)
5 - 盈富基金 (已有)，香港寬頻 (計劃購入)
6 - 匯豐 (已有)，恒基 (已有)，煤氣(已有)
7 - 美麗華 (計劃購入)
8 - 領展 (已有)，中國銀行 (已有)，港燈 (計劃購入)
9 - 匯豐 (已有)，恒基 (已有)，煤氣(已有)
10 - 美麗華 (計劃購入)
11 - 盈富基金 (已有)
12 - 匯豐 (已有)， 領展 (已有)
謝謝
龔成老師︰
首先，你唔需要特別去安排到每有派息。你收完，自己再將佢除12個月，派翻比自己用就得。
因為最重要是「股票本身」，而不是因為該股「某個月派息」而買，所以，你不應該這樣設計！
選股重心，應該放係質素上，而唔係派息月份。
另外，你現在才40歲。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時40歲去計，應以增值為主，而唔係去收息(除非你已經有好大筆本金，足夠你創建一個財務自由的被動收入組合)。建議你以投資「平穏增長股」作為目標，會對你較有利。
至於收息股，都可以投資，但就不會只集中在收息股。
匯豐（0005）、領展（0823）、盈富（2800）、中電（0002）都可持有。
另外，如果想收息，可考慮：高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以。
但你最好同時持有一些有增長力的股票。
Q41155：
63歲剛剛失業好想買D好股退休用多謝分亨下，謝謝你
龔成老師︰
首先，失業應先預留足夠現金，支援日常生活。
以你年紀計，其實都要開始為退休組合部署。
這些都是一些優質收息股，現價合理，可以分注慢慢儲貨。
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
另外，你可以考慮在退休的被動收入組合中，加入一些債券(A級)、年金、定息產品，去令佢更多元化。同時間，保留一定現金，以備不時之需。
最後，你可以睇下這2個收息股影片，對你會有幫助︰
[各類收息股比較] https://www.youtube.com/watch?v=t1VSoLLtpic
[避開"假"收息股方法] https://www.youtube.com/watch?v=3bf4bhV-f-g
如果你想了解更多投資知識，或者有些較個人化的問題，歡迎去追蹤我架FB同IG，或者係FB/IG PM問我。
FB：https://www.facebook.com/80shing
Q41156：
龔成老師你好, 希望你能分析我的財務現況，並指教應可如何部署, 因年紀已不輕了。
背景資料
- 女51歲 / 先生53歲 / 兒子19歲 (大學 Y2)
- 現金: $ 500 k
- 我:強積金暫有 $ 570 k & 先生:公積金 暫有 $900 k
- 自住物業: 仍欠 $ 2,600 k
股票 / 現價 / 成本價 / 數量
移卡(9923) / 8.72 / 85.50 / 800
恆大(6666) / 0.76 / 13.94 / 1,000
*以上兩隻絕望的, 請教應該 留定棄*
金沙(1928) / 17.72 / 27.10 / 400
中國生物製藥(1177) / 3.35 / 6.68 / 2,000
阿里巴巴(9988) / 132.10 / 129.70 / 400
ASMPT(522) / 76.25 / 78.02 / 600
小米(1810) / 53.40 / 18.24 / 1,200
債券 (共: $ 370 k)
700 綠債(4252) (年息率2.50%，2025年5月到期)
2,000 銀債(44007) (年息率4.00%，2025年9 月屆滿)
1,000 綠債(4273) (年息率4.75%，2026年10月到期)
年金
2020 年買入HK$ 六十萬, 已全繳付
2020 年買入 傳承計劃 US$ 兩萬, 已全繳付
2020 年買入 (要供20年, 每年供 HK$ 12,000)
疑問
- 請問我以上的 個別持股 應予以買入 / 持有(值得「溝貨」) / 減持 / 賣出？
- 年金部份, 是否恰當 ? 因我與先生 的入息不是太多(每人都是各 兩期多的收入), 所以我才買年金….不知道是否已 做了錯誤的決定…當中兩份仲要係已 全繳了.
龔成老師︰
首先，你手上持股都有長線投資價值(不計3333)。
不過，以你年紀計，雖然可以做增值，但同時不能過於進取。但你手上的股票，都係潛力股(除了1928)，好明顯係風險過高。
所以，未來時間要加入更多平穏增長股，並以之作為主力，才算健康。
同時，長線建議加入美股，去平衡地區性風險。
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
至於年金和債券，主要係收息，增長力弱，比較適合將/已退休人士。對你們而言，係有少少過於保守。建議這部份，暫時不要再加大投入，先以加大平穏增長股比重，作為中短期核心。
Q41157：
老師，我早前高位入咗美股特斯和coin base 兩隻股票，而家日日見佢跌得好多，應該繼續持有和會否有能力近家鄉？謝謝
龔成老師︰
首先，2隻股票都有長線投資價值。但同樣是高風險的潛力股，所以會好波動。
如果只係佔你組合一個不高的比重，同時你又未近退休之年，係可以守。
Coinbase Global Inc（COIN）雖然有獨特性，但真正的長期價值有多少，根本好難估。
佢係加密經濟技術供應商，佢從平臺上的交易中產生大量交易費用的凈收入，以區域來講，佢大部分收入來自美國，其次是世界其他地區。
近年BTC和ETH ETF相繼出台，而部份會對佢架託管業務造成正面影響。睇翻現時大部份BTC ETF，都係用佢做託管人。如果未來再有新的加密貨幣ETF要出台，相信集團依然能穏佔一個重要席位。
不過，大家要留意一點。以往好多人投資Coinbase(COIN)，會視之為投資加密貨幣的替代品。但隨著BTC和ETH的ETF出現，佢而個替代品架功能，可以算係完結左。
未來佢架投資價值，就要完全睇翻佢業務和市場發展。
至於它的業務價值，要分析就要睇翻虛擬貨幣長遠發展。
近期BTC和ETH都升左唔少，主要係受到新任美國總統將會由較支持加密貨幣的Donald Trump出任所影響。不過，大家要明白佢雖然係選舉架時候，講左好多對加密經濟正面的說話。但何時落實、如何落實、甚至會唔會真係落實，依然係有一定變數，所以不要因為近期加密貨幣大升，就過份進取。
始終成個加密經濟好新(雖然已經比多年前成熟)，而Coinbase整體發展依然有不確定性。
同時，以本質來說，虛擬貨幣是人為創造出來的，絕對不是「資產」，有沒有真正的價值，如何定義真正的價值，未知，亦令COIN的價值，變成未知數。
長遠的價值，取決於「有多少人用」，如果長遠好多人用，的確可能有高價值。但如果無人用虛擬貨幣，這公司都無價值。
因為分析長遠是否好多人用，是非常困難，因此，當中存有相當的風險，當然，潛力同樣都大。
你若睇好加密經濟發展，可以投資。但你要明白成個加密經濟仲係好新，故未來發展的不確定性相當之高。
投資時，緊記要控制注碼，只能投放一個輸左都唔會明顯影響組合的比重，並以數倍增長作為目標去長線持有，咁就可以了。
以下是COIN分析影片，建議你睇翻，去具體了解翻Coinbase架業務和加密經濟發展︰
https://www.youtube.com/watch?v=XjtOk6ZwtZE
Tesla近期有熱炒成份，現時的確不便宜，這刻投資值博率不算高。
就算業務能有不差增長，都已經在合理區頂部，要留意股價上落大。
如果業務不如預期增長，現價就貴了。
特斯拉Tesla, Inc.（TSLA）長遠有發展，但股價上落大，要注意這方面的風險。
佢成立於2003年，總部位於加州，是一家垂直整合的可持續能源公司，以及製造與銷售電動車。
Tesla銷售用於發電的太陽能電池板和太陽能屋頂，以及用於住宅和商業地產（包括公用事業）固定存儲的電池。特斯拉擁有多款車型，包括豪華、中型轎車和SUV汽車。
Tesla是全球最大的電動車製造商，全球電動車銷量第一位，以現時這企業擁有的技術與優勢，領導地位將會持續。企業過往發展速度十分快，憑藉其主打車型「Model S」、「Model X」、「 Model 3」、「Model Y」，帶領Tesla發展成為電動車王者。
佢有一定的質素及潛力，但不是無風險的，第一，電動車始終是較新興行業，業務始終有不確定性，第二，Tesla估值有時會偏貴，第三，Tesla過往股價甚為波動。
因此，這企業不是不可投資，但投資者要注意風險，最簡單的方法，就是投資時小心控制注碼，最好以小注分注的模式進行，同時，要控制好總投資金額。
Q41158：
你好 成哥！
我有流動資金100,000 ，請問點睇首程控股 ？長線發展睇好嗎？
龔成老師︰
首先，我地唔好成個組合，只集中係1,2隻股票身上。
最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。
同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。
首程控股(0697)主要在中國從事停車場經營管理，以及私募基金管理業務。
佢由過往鋼材製造、礦物開採及加工業務，轉型至現時業務。其業務會比較波動，甚至出現過虧損。
整體質素只屬一般，見佢最近有盈利改善的情況，不過投資價值暫時所見，不算很高。
如果你唔係太識選股，或者投資經驗好一般，建議你先用分注模式，去慢慢儲指數ETF，例如2800和VOO。
因為指數ETF係一籃子不同行業架組合，具放散風險能力。就算當中個別股票出問題，對成個ETF都唔會有嚴重影響。
例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800），都係指數ETF類別。這些ETF有質素，適合一般投資者選擇。
若你未有定平貴能力，可以用月供或者分注模式去儲貨，去平衡買貴貨風險。
如果想知多少少，VOO或者指數ETF係乜，可以睇翻我之前架Youtube影片︰
https://www.youtube.com/watch?v=RnYZQlSG8qA
而你點解會睇中而隻股票，相信你係因為見倒佢近期大升。如果係咁，我相信你投資經驗應該好一般。
緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q41159：
老師你好，想請教你一些問題？
本人30歲，早幾年都有投資幾隻股票，但中間有資金周轉就賣晒所有股票。依家資金鬆動啲，但唔多，所以都想收息+有點潛力嘅股。請問收息6823&2638可以嗎？另外有潛力的股可以推薦嗎？ 謝謝老師
龔成老師︰
首先，收息股一般都係業務好穏定架行業，唔會有潛力。而有潛力架股票，公司都會預留資金作業務發展，所以一般都唔會點派息。
我建議你因應自己年紀，去做選擇會較理想。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時30歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。
策略上，你可以投資「平穏增長股」和「潛力股」。你每月5成儲蓄做月供，其餘先儲起，用一邊月供一邊儲蓄的策略。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
餘下的另一半現金，我地就等機會，當大市出現較大回調，就加大力度掃貨，然後作長線投資。
不過，你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
Q41160：
Hi 龔成老師
你好，本人40歲育有一子約4歲，夫婦收入約$60000，自置物業還有約320萬左右按揭貸款。流動現金約50萬，另持有以下股票：
410 20000股（平均價約$3.5）
1398 20000 股 （忘記）
3328 20000股 （平均價約6.6）
3988 40000股 （平均價約$5.1）
0005 1600股 （平均價約$52）
604 20000股 （平均價約$3.2）
817 2000股（平均價約$3）
想請教一下龔成老師投資方向及如何部署。有想過用流動現金買美國國債收息。
另外自置物業買入價約600萬，現時估價應$450-480萬，因樓齡都差不多42年，有考慮應否去換樓齡比較新既樓。想請教老師睇法。
感謝幫忙解答
龔成老師︰
首先，你手上股票都有投資價值。但0410和0817質素較一般，長線不宜持有太多。
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
你40歲，應以增值為主，建議你用「平穏增長股」 + 「潛力股」作組合(以平穏增長股作主力)，去創造一個增值平台。
你現時手上，主要都係收息股，佢地增長力唔會好明顯。除非你自問係好保守，否則建議長線將大部份持股，慢慢轉去具增長力股票，會對你長線更有利。
以下是適合你的優質股︰
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。
至於物業，其實好睇是否適合你長線居住。若不適合，加上已有一定樓齡，長線開始規劃轉換更適合長線居住的物業，都係可以。
記住，思考自住物業時，最重要係以是否適合自己長期生活需要(講緊未來10-20年)。同埋長線有信心供得起，作為大方向。