Q38691：

老師，隻SIRI你點睇？

龔成老師：

Sirius XM Holdings Inc.（SIRI）天狼星XM控股有限公司。

主要由兩家公司組成:天狼星XM和Pandora。天狼星XM通過其兩個衛星廣播網絡傳輸音樂、脫口秀、體育和新聞，主要面向支付訂閱費的車內消費者。

該公司的收音機已經預裝在美國和加拿大的各種輕型車輛上。

該公司於2019年2月通過全股票交易收購了Pandora Media。Pandora是一個流媒體音樂平台，通過一個強大且不斷增長的播客庫，提供廣告支持的廣播選項和付費點播服務。Liberty Media通過Liberty Sirius XM Group的追蹤股票持有天狼星XM 84%的股份。

業務不過不失，雖然生意算有基本增長，但盈利較波動，同時增長力不算好強，要留意，股價波動較大，加上市值不算好大，令風險較高。整體投資價值只是中等，如睇好，小注投資好了。

Q38692：

hello 龔sir 1909火炭 我均價0.862 買咗48000股

想請問係咪應該放？宜家已經蝕咗36000

我見佢最近都係跌 而且景況麻麻

龔成老師：

火岩控股（1909）近年業務風險大左，財務數據也有轉弱情況，加上核數師有「保留」意見，又停過牌，因此唔太建議投資。同埋要留意，中國政府的監管風險，是最大風險。

要留意三大風險，第一，佢行業是一些變化較大的類別，始終市場變化可以較大。

第二，中國政府的監管風險，是最大風險。

第三，股價上落大，估值難，風險高。整體來說，唔太建議投資這股。

因此，你不要再加注，同時，當股價有反彈時，就要減持。這股長遠要全部賣出。

Q38693：

老師，想請教下長期持有者會吾會在股票受情緒化影響下被推高而選擇獲利部份？例如近期的TSLA就好明顯受情緒化被推高

龔成老師︰

其實唔少散戶，都會受到市場資訊或者短期價格波動，做出一些不理性的決定。

因為好多時，佢地根本唔知道隻股票真正架價值，係去到邊個位置。

所以，我地投資一隻股票時，一定要做好分析和估值。

當發現股價真係異常地貴，又或者企業長線核心質素開始出問題，我地先會做減持而個動作，去平衡風險。

Q38694：

龔Sir,你教導，買股票要平衡，大約持有10至15隻股票，並長期持有。

但問題就是，市場不斷會有新投資機會，舊的股票或還未有足夠增長，又不想賣掉，如果再買入新股票，持有的股票將會越來越多，應如何處理？

龔成老師︰

其實10至15隻股票，係一個粗略架建議。因為好多讀者未必有投資經驗，要佢地定期審視大量股票，係有難度。

但如果你本身有一定分析能力和經驗，其實你可以持有多D，只要自己有能力定期去睇住佢地質素變化，咁就可以。

同埋，持有10至15隻股票意思，唔係只係可以持有咁多隻，而係建議"集中"係10至15隻股票身上。

所以，如果其他股票只係好少量，其實問題不大。

你要明白，這個不是一個"硬"性指引，只係用來比一些投資經驗淺架朋友，有個指標參考。

但有一點你要留意，如果本身你持股好多，而你又有新股票想投資，其實應該重新分析你原本持有股票，質素有無改變，如果有變，就可能要考慮賣出。

總之整個大方向，以你「怎樣令將來財富最大化、最平衡」作核心，不要被「過去」影響。

Q38695：

微創醫療853與微創機械人2252，2選1選邊隻，現價在咩區間，可以投資嗎？

還是將資金各份1半2隻都買入😂？有咩風險？

龔成老師︰

兩隻都是高風險類，當然，如果業務成功，也可以好有潛力，但失敗，可以大跌。我兩隻都無持貨。先分析這2隻股票︰

微創醫療（0853）業務有增長力，但估值難，現價貴。

佢業務主要專注於治療血管疾病及病變的微創介入產品。亦銷售極其細小的顱內支架、用於促進腦血管血液流量的靈活支架以及外科手術中使用的覆膜支架。

前景是有的，本身業務都增長快速，長遠有佢潛力係度。問題主要是收入增長快，但現時尚未做到收支平衡。如果要準確的估值好難，現時只能用較多「預測」去進行。但這企業要預測發展並不容易。

佢之後的生意增加，慢慢成本減，當然會令佢盈利有理想增長。但如果相反，成本一直維持高企，將會令估值縮減。

此股不確定性高，投資可以，但只能好小注。

初步分析，現價並不便宜，但有潛力。真的有危有機，如投資，小注好了。

微創機器人（2252）是有風險有潛力的股。低風險者絕對不適合。

這企業是一家手術機器人公司，致力於設計、開發及商業化手術機器人，以協助外科醫生完成複雜的外科手術。現正開發其核心產品圖邁腔鏡手術機器人在泌尿外科手術上的應用。

佢擁有與圖邁有關的兩項重大專利，即機械臂與傳動機構以及手術器械。三款旗艦產品，即圖邁、蜻蜓眼三維電子腹腔內窺鏡及鴻鵠骨科手術機器人，均已被納入國家藥監局的創新醫療器械特別審查程序。

佢現時於上海有一個研發中心，新加坡有一個研發中心。

過去市場比佢估值數百億，現算就算調整左，都未算平。雖然此股有前景，同時收入都有增長，但依然未有盈利創造出來。

所以，這股算是有潛力有風險類，前景都不差，但投資要控制注碼。始終估值難，同不確定性高，故不能大注。

其實2隻整體質素和風險差唔多，你可以分開資金平衡投資係而2隻股票。

不過，我粗略睇翻你已往情況，見你都好偏向係D高風險架潛力股度。

你要明白，佢地風險唔細，長線潛力股不要佔組合一半以上。若你投資經驗淺，更要進一步下調比重。

因為潛力股發展理想，當然會明顯跑贏大市。相反，佢地都會有較大幅度架回調，故要小心。

Q38696：

老師, 近日聽到上市公司想私有化的消息, 究竟什麼是私有化？ 為什麼上市公司會開始想私有化？

如果一間公司進行私有化究？

究竟對小股東有咩影響要注意啲咩

龔成老師：

私有化，即是由一間上市公司，變成一個不上市的公司，股票由公眾持有，變成私人持有。

如果一間企業，認為上市已無作用，又或現時股價太過低，就有機會向市場收購翻D股票，變成私人持有。

對小股東來說，就要睇到時的開價是否吸引，以及自己的投資目標，如果認為佢開價不吸引，可投反對票，就有機會令私有化不成功。

Q38697：

貝萊德環球系統高息派息基金，應該繼續持有還是投資收息股

龔成老師︰

初步睇你架基金都有投資價值，如果你係年青至中年人士，這些都可以考慮。

不過，你要明白佢架高息，並唔係保證。

其實一般情況，我地係選擇基金時︰

第一，要了解該基金投資的項目，是否你自己睇好，例如新興市場？該市場是否你都睇好？又例如投資某國的房地產，你自己是否睇好。

如果是一般的股票基金，你最少要知道佢10大持股，確定這些股票是有質素，才好考慮是否值得投資。另外，要了解主要持有資產的風險度，整個基金的風險度、投資策略，是否與你的投資目標配合。

另外，你可睇佢過往的回報，是否跑贏大市，如果是，才有投資價值。

另一方面，除了傳統的基金外，交易所上市基金（ETF）都是一個選擇。如果兩者的表現差不多，就應該選ETF，因為管理費一般較低，但如果該傳統基金表現較好，或你較睇好，或無ETF作替代，你就應該選該傳統基金。

Q38698：

龔sir, 本人在上過你的倍升股課程後嘗試閱讀年報，但覺得主席報告書、管理層討論及分析已有不少篇章，想起還要看公司網頁便頭大了，有什麼令看相關資料不那麼費勁呢？

龔成老師︰

其實可以集中分析重點，例如年報裡，用5分鐘去了解管理層討論，分析重點。

至於3大報表，可以集中分析一些重點，例如損益表，就可以睇「收入」、「毛利」、「盈利」，其實這些技巧課程都有教的。

另外，有些財經網，如富途的APP，有時會有業績資料的重點，都可參考。

但坦白講，睇重點只是無方法中的方法，不是最好。

因為最理想，當然是花時間睇整份年報，始終投資的錢是自己的，投入前一定要小心了解企業。

報告書、管理層討論，這2個部份，係年報架重中之重，如果有時間，就仔細睇。如果你要知道一間企業發生乜野事，一定要睇晒而2個部份，無得慳。

其實，分析一間企業，絕對唔係一件可以小時間完成架事。特別係分析一D本身你無認識架行業，你要去分析架資訊就更加多。

不過，如果你將時間拆翻開，再同長線回報去比較，會發現係值得。

而且，當你熟左一間公司架情況，係之後再更新佢新一年年報架時候，就會無咁費時。

Q38699：

但老師，我$36/35/33買入0285，見佢再繼續下滑，心態有點差了，又想低追再入、又怕再不停跌

龔成老師：

1）你要處理好自己的心態，平常心面對短期波動，這是正常的。

2）你要預早預設好計劃，不應見步行步。

3）如果你投入金額已到了佔你整個股票組合的15%，就不要再加。

4）這股長遠正面，建議你減少睇股價，多睇企業業務層面。

Q38700：

龔sir☀️想問問，想買美債收息

買隻美股TLT好唔好？

龔成老師：

雖然都可以，但原理有點不同。

直接買美債，可以持有至到期，就會收到本金。至於這些債券的基金，由於沒有到期日，所以，如果你日後想賣出，就要賣給二手市場，這樣就會出現價格波動的風險。

iShares 20+ Year Treasury Bond ETF（TLT）是一個追蹤長年期美國國債的基金。

基金旨在追蹤ICE U.S. Treasury 20+ Year Bond Index的投資表現，該指數由美國國債所組成，剩餘期限超過二十年。

當美國加息時，這基金持有的債券價格就會跌，令基金下跌。當進入減息週期時，這基金就會上升。

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。