Q41231：
想問下，當我有一定財富後，點錢生錢
龔成老師︰
其實唔一定要有一定財富，先可以錢先錢。
只要你每個月有一定儲蓄，已經可以儲優質股去錢生錢。
至於方法，你可以參考下以下影片，去了解邊類股票適合自己，同埋點配置︰
https://www.youtube.com/watch?v=7Vu3VKKQrLk
Q41232：
我跟太太月儲13000
1211 $4000
1810 $2000
2800 $2000
1177 $1000
這樣可以嗎
同問我住左東涌的屋苑
今年樓齡22年
我由一房想搬兩房
請問我應該簡同屋苑
還是等過幾年東涌發展的新樓呢？
龔成老師︰
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。
但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。
比亞迪（1211）、小米（1810）、中生(1177)都是潛力股，現時明顯佔你總體組合比重偏多，長遠建議你增加多平穩增長股的比例，去平衡整體的組合。當中以1211、1810質素較高。
平穩增值股︰
指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
同時，"長遠"你可以考慮加入美股，令組合的地區性分布更平衡，如果不懂選股，可以先考慮指數型基金，例如追蹤標普500指數的（VOO）等。
至於買樓自住，其實好個人化。只要能夠配合你個人的生活需求就可以。例如：有些人喜歡住鬧市，方便翻工放工；有些人喜歡寧靜的郊區，因此，每個人的需求都唔同。
所以，最好個物業係可以配合到你長線生活需要，講緊唔係未來1,2年，係未來10-20年。同埋，長線自己有信心供得起，才算理想。
所以你要考慮的是兩房是否已經滿足你長遠的住屋需求，將來有無換樓的打算或機會。
但要留意，高樓齡的樓，我地會比較擔心兩個問題︰
第一是按揭的年期，因為銀行會因應該物業年期而影響批出按揭的年期，你要轉手(賣出舊物業 或 買入新同屋苑物業)的話，都可能會有負面影響。當然，22年不算舊。但如果你未來仲有機會要換樓，就要思考這個問題。
第二是維修，當物業較舊時，持續維修的成本將會較高，這點不得不注意。
不過，就算是買入新樓，都有地方要注意。早幾年新樓樓市定價偏貴，但現時已經回落到合理水平。不過，近年新盤開價都比較波動，有些一手樓定價都會比市價略高。因此，就算買入新樓，都要配合同區樓價、租金回報、附近交通配套、將來發展等來為物業做估值分析，避免買貴貨。
Q41233：
龔Sir你好
好鍾意你講既我地買股票唔係買股票，係買果間公司既潛力，真係當頭棒喝！
- 想問下用咩方法去判斷我係時候要放呢隻股票呢？
- 2186 之前盲舂舂咁入左，依家得番一半 我4.5入 依家應唔應該止蝕？
- 1830 當收息股可以嗎？
- 黎緊會筆小錢 大約5-6萬 想買1,2隻股票可以平穩增長/高風險小小，請問有冇介紹？
感謝回答, 願身體健康！
龔成老師︰
1) 我地只會在該隻股票核心質素明顯轉差，或者去到好貴，才會減持。
如果你無分析股票和估值能力，可以用"升一倍、沽一半"，先收回成本，餘下長線持用作為策略。
2) 首先你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
綠葉製藥（2186）主要銷售腫瘤科、心血管系統以及消化與代謝三個領域的新藥品，基本上都係有市場的。
但近年佢質素的確有少少轉弱，但相信最差時間已過。不過，這股本身的風險較高，唔建議投資得太多。
現價合理區，如果小注可以的，但要長線持有。
3) 不建議，因為佢業務不確定性大，不是理想收息股。
完美醫療（1830）的業績，生意與盈利都出現下跌，明顯受香港消費弱情況，不過大致都是市場預期的事。
至於企業質素，其實無特別改變，不過，現時的經濟環境，你預中短期仍是較一般，要耐心等經濟好轉（簡單來說，是經濟週期問題，不是企業優勢下跌問題）。
至於長遠，完美醫療仍會發展的，但佢的生意都會受經濟、市道等因素影響，都有少少敏感。企業本身有一定的技術、優勢等因素，同時不斷將香港的業務模式複製到其他海外地區，我見佢加強了發展其他地方，因此發展力都有。
以香港現時面對的經濟環境，以行業來說，差不多可以話佢是賺錢能力是最好的一間，有不少同業都虧損，而佢只是盈利略有下跌。因此，當經濟好轉時，佢有機會取得更多的市場份。
這股有長線投資價值，但短期會較一般，要耐心等好轉。如果本身有貨，就長線持有，當然，貨不能過多。如果無貨，已經可以開始分注買，現水平已在合理區底部。
以下是1830分析影片，你都可以睇翻︰
https://www.youtube.com/watch?v=sNMcYTpnSus
4) 以下是一些具增長力的優質股，如果你係年青至中年人士，係適合。你可以參考下，之後分注入。相反，你接近退休之年的話，就應集中收息股，非以下股票。
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
Q41234：
現時可入手？
龔成老師：
長和（0001）有質素的，這股長線持有。
但你預佢現時股價，已反映了賣資產等因素，所以之後會去翻業務基本面，由於地產市道弱，相信佢中短期仍會較一般，不過，長遠會慢慢好轉。
但這股並不是高增長，收息及少少增長力。現價合理，未貴，始終佢資產都有價值的。
Q41235：
Sir, 小米初步叫貴？還是在合理區上部?
龔成老師：
去到合理區頂部，不過，如果之後業績好，就慢慢會去翻合理區中間，但始終這刻，投資值博率不算高，所以就算買，也只宜小注，等明顯回落先加
再問：
龔成 龔 sir, 何解 之後業績好， 反而去返 合理區中間 ？
龔成老師：
你誤會了。我當佢合理價是$30-$55，現時$55就是合理區頂。
如果業績好，估值調高，例如升至$40-$65，相同是$50，就變成合理。
Q41236：
請問 136 仲有機會上3 位數嗎
龔成老師：
中國儒意（0136）？？？這股無乜可能上到3位數。這股風險高，唔建議投資。
現時企業盈利不多，之前市值極高，只是市場對「前景」有無限幻想，有時炒作會升好多，但跌都可以好勁，之後就是因為資金問題而下跌，因為佢的發展，是極要資金去支持，因為佢自己未能有正數的經營活動現金流。
Q41237：
美股澳門開班嗎？
龔成老師：
今年未必有。
相信在2026年，會在澳門舉辦美股班、港股班！
你或者可以預早留位，whatsapp 852-55457212，打「留位澳門班」就得。我地有具體資料就會 whatsapp，你可到時先決定報唔報，無所謂。
Q41238：
老師，我持有3988，5.48買入，繼續持有還是沽出？今期派息為什麼只有0.1208？以前是0.2幾的
龔成老師：
因為佢改變左派息方法，由過往一年派一年，改為一年派兩次，而每一次會派少D。中行（3988）由於內地經濟無過往年代咁強，股價增長力不強，不過，作為收息股，仍是不差的。你持有無問題的，只要貨不過多就得。
近年中國的經濟及內房負債問題，令到市場擔心，內銀的壞賬問題，並影響之後的派息。
其實，內銀的壞賬問題也不是今天的事，股價在估值方面，已經反映了相關因素，同時由於中行規模大，以及過往壞賬控制算是不過不失。
以長期及整體的角度分析，中行本身質素不差，有一定的規模，在全球都有網絡，本身不會無質素的。
不過，這股增長力不算強，只是一隻收息股，現價投資可以，因為在合理價區較下部，但不要對股價有太大期望。
Q41239：
成哥：有一說法股市領先樓市，依家港股開始進入牛市，會唔會帶動樓市向上？
龔成老師：
雖然有時會如此，因為股市流動性較高，如果資金流入及經濟好，的確會較樓市行先。不過，有時兩者的情況會不一樣。你要留意，現時股市上升，較多是中國科技類，與香港經濟有關的股票，其實無乜上升的，所以，樓市是否向上仍要觀察。
Q41240：
好奇問問，什麼原因令股價升
龔成老師：
短期是因為供求、資金流入，例如多人買，以更高的價位買，就會升，背後及長期原因，主要是企業質素的向上，盈利多左，價值向上。