Q41051：
巴巴我2手200元 sir 照等？
1024 尾市以53.45食哂
龔成老師︰
首先，唔好用買入價去作為考慮因素，而係睇企業有無長線發展。9988如果持貨不是太多，可以保留。
另外記住，真正投資唔係賺差價。
我地投資股票，係希望買入一些優質企業，透過佢自然增長，達至財富增值目的。絕對唔係"短炒"，係用儲資產的心態去做。
你試想想，如果用你的方法去投資。港交所(0388)、騰訊(0700)在這麼多年，股價上升100倍時，你的方法能賺到多少？可能連一倍都賺唔到。你怎樣能賺到100倍，就是「唔好賣」。
可能就咁講，你未入咁明。以下2個影片，係講長線投資複利效應的威力，因為好多人都低估左長線投資個種巨額回報，所以建議你睇下。另外，股神巴菲特就係用長線投資，透過複利效應，令巴郡股價表現比美股好100倍，所以唔好低估長線投資的重要性。
[複利故事] https://www.youtube.com/watch?v=ZaVTKyodNCg
[巴郡跑贏美股100倍] https://www.youtube.com/watch?v=xm1dx0A2Q5k
Q41052：
龔老師你好, 我現時月供兩隻股票
1211同939
1211每月5000
939每月4000
下月會多咗流動資金$3000, 想睇吓應該加1隻新嘅股票去月供
老師有冇咩好建議？
如果現在先開始月供小米
會否有點貴及有點遲
龔成老師︰
睇你年紀，因為1211係潛力股，較適合年青和有經驗的投資者。
而0939是收息股，較適合年長和保守投資者。
其實你應該睇翻自己年紀去配置，例如你係年青至中年，就應集中「平穏增長股」 和 「潛力股」。
以下是相關股票，你可以參考下︰
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
至於小米（1810），佢係以手機、智能硬件，以及物聯網為平台的公司，小米專注於互聯網直接銷售產品，近年發展電動車。
雖然發展電動車，投入了較多資金，令風險比過高左，現時的發展情況不差，如果長遠成功，股價可以倍升。
隨著新產品系列推出，小米賺錢能力提高，同時佔據了一定的市場，在中國安卓類手機4,000至5,000元價位，小米出貨量排名第一。
另外有一點值得留意，小米最新的全球及中國大陸MIUI月活用戶數持續增長，達到約6億和1.5億，均創歷史新高，而這部分會慢慢產生更多的將來收入，所以前景又不用睇得太差。
考慮到小米過往的發展，其產品性價比不差，以及研發能力強，佢電動車長遠發展值得期待的。
這股可長線，現價係唔平，預佢股價短期會較為波動。
至於是否入，你可以睇自己持貨量。如果無貨，可以入少少。但有貨，最好等佢有明顯回調。或者長線用月供儲貨，都係可以。
Q41053：
龔sir，經常睇到你文中提到可月供股，請問何為月供股呢？
龔成老師：
簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。
形式就是每月投入相同的金額，買入同一隻或多隻股票，並持續進行。
例如，每月以相同金額$10,000 買入股票A，假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。
總結這三個月，投入了的資金為$30,000，累積股票為1019股，平均買入價為$29.4。
由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。
要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。
月供最重要的一點，是「選股」，如果你無選股能力，就投資ETF。
Q41054：
龔成老師，請問點睇700同9988？
因為美股baba都有上市，我認為會分流左一半資金，唔夠集中，可能限制200蚊以後既升幅？
700股值 比較高，軍工消息未解決。請問老師點睇二隻股？邊隻未來潛力較高？ ：） 多謝老師
龔成老師：
兩隻都是不差的企業，現時未貴，都有長線投資的價值，但就要留意股價波動。
至於美股上市，其實無影響的，始終佢不是市值好細的類別，同埋市場最終仍是睇企業價值。
同時你在分析時，應該集中分析企業的長遠發展，整體情況。
騰訊（0700）的穩健度會比9988高少少。
0700業務正好轉中，佢過往受中國政策規管影響，令企業之前的賺錢能力略減，以及企業估值都會略減，不過，政策影響又未到核心性，無令到企業無法賺錢，只是賺錢減少。
同時，見中國政府之後在政策上開始有放鬆，相信中國政府明白騰訊這類企業對經濟有一定的重要性，同時之前規管較嚴，開始調整翻。相信行業最差的時期有已過，之後會慢慢好轉。
這企業長遠仍有質素，有發展力的。佢最有價值的，就是「平台」，這亦是現世代好有發展的資產。
佢業務模式係提供平台，如通訊平台、交易平台、入門網站、遊戲平台等，而收入來源則是其廷伸的服務，如增值服務、網絡廣告、電子商務交易等。
過往的業績理想，又身處長遠有增長的行業，加上擁有重要的資產，即龐大的客戶群，將來發展各業務都有相當的優勢，這都是騰訊值錢的地方。現價合理區中間，分注可以。
★5月美股班
★7月港股班
【環球美股實戰班】
日期：2025年5月2, 9, 16, 23, 30日，6月6, 13, 20日（逢星期五）。時間：1900-2200
地點：灣仔
費用：$8800
股票班舊生優惠價：$6800
了解及報名：https://www.80shing.com/register.php?id=6
第一堂：投資美股基本功
第二堂：美股新手策略及財富配置
第三堂：環球產品實戰應用
第四堂：美國經濟分析與潛力行業
第五堂：美股最佳買賣時機與估值
第六堂：多種美股選股技巧
第七堂：美股財務數據與年報分析
第八堂：潛力美股與實戰
【投資倍升股課程】(港股基礎班)
日期：2025年7月4, 11, 18, 25日，8月1, 8, 15, 22日(逢星期五)。時間：1900-2200
地點：灣仔
費用：$8800
了解及報名：https://www.80shing.com/register.php?id=1
第一課：投資與股票基本功
第二課：投資策略與行業分析
第三課：穩健股及收息股投資術
第四課：買賣時機與估算合理價
第五課：企業估值模式
第六課：選股秘技
第七課：分析年報技巧
第八課：特質類倍升股與潛力股
**附加資料：合共超過240分鐘的溫習影片
Q41055：
老師，想問下我係完全無乜投資知識，上你既投資班會否跟唔上？
龔成老師：
其實我有分基礎班及進階班，只要你上基礎班，就能跟到。
基礎班適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。
每一課有兩份筆記比你，並有指引，要你在一星期內找那些資料，溫那些內容，做功課等。
每一堂更有一個附加的網上影片，是大約30分鐘的重點重溫片，可比你在家溫習。另外，每一堂都有簡單功課要你做，並有附加影片解說答案。
只要你跟著去完成，就能掌握整個課程所學。到你讀完後，你能自己選股、投資時機、配置、評估平貴，在投資上已掌握了一定的知識。
而我5月舉行的美股班，7月舉行的港股班，都是基礎班，適合你的。
Q41056：
Sir, 請問SOFI有咩睇法?
龔成老師：
SoFi Technologies Inc（SOFI）係一家以會員為中心的數字金融服務公司。
呢間公司允許會員借貸、儲蓄、消費、投資和保護他們的資金，佢開發了金融服務平台，為會員提供滿足他們金融需求的產品。
SoFi運營三個業務部門：貸款部門、金融服務部門和技術平台部門，部門提供多種貸款產品，如學生貸款、個人貸款和住房貸款。
佢的金融服務部門提供金融服務解決方案，包括SoFi Money、SoFi Invest、SoFi Credit Card和SoFi Relay產品的現金管理和投資服務，當中的技術平台部門經營技術平台服務Galileo和清算經紀服務Apex。該公司的移動應用程序可在iOS和安卓上使用。
業務增長力雖然都有，會員增長理想，但睇翻過往的財務數據，又未見好強的增長，相信去到較好賺的情況仍要時間，當然，潛力度都有的，但以現時的平貴度分析，投資值博率未算好高，基本來說，小注投資可以。
Q41057：
晚安龔Sir，請問什麼ETF？請指教謝謝，有評估人不買科技股現超買可換買ETF來買
龔成老師：
ETF是交易所買賣基金，是一個集體投資的模式，原理是每個小投資者，夾錢比基金，ETF一般會追蹤一些資產及主題的。
每一個ETF都有不同的主題，投資股票、地產、商品、衍生工具等。又會投資不同的地區，環球、中國、美國、新興市場等。
例如追蹤一些股票指數、某國家股票指數、某行業的指數、或一些主題，甚至追蹤商品，如黃金價格。
由於在交易所上市，因此買賣方便，同時手續費較低，對初階者來說，比起投資單一股票，ETF有分散風險的效果，同時不用自己選股。
至於該ETF是否有投資價值，就要睇每一隻個別的情況，有部分不差，但也有部分不好。
在選擇基金時，第一，要了解該ETF追蹤的項目，是否你自己睇好，例如新興市場？該市場是否你都睇好？又例如投資某行業主題，你自己是否睇好。
在香港上市的ETF有超過100隻，有部分成交較少，就有機會令買賣差價較闊。投資者宜選自己睇好的指數或主題的ETF。
如果你想買科技股的ETF，可考慮恆生科指基金（3067），佢波動會比單一隻科技股低，但都要留意，佢都會有風險的，因此投資都要控制好注碼。
Q41058：
龔老師，請問788中國鐵塔10股合拼1股，好還是不好呢？前景又如何呢？應該繼續揸住嗎？
龔成老師：
中國鐵塔（0788）10合1，只是令股價數字大D，好睇D，無話特別好或不好，因為對企業本身的價值，無影響。
所以，這因素不用理會。
從業務本質分析，企業近年發展不算差，不過股價就較為一般，始終市場之前對這股的期望及估值都較高，近年增長力不如市場預期（雖然都有基本增長），但都令股價較難大升。
加上企業的ROE處於低水平，雖然近年有所增長，但現時仍然只有4.5%，是一個較低的水平，因此市場給予這企業的估值都不會太高。
以現時企業的業務情況，雖然有發展，但增長力不強，所以股價也只是平穩增長類，投資者最好以收息及平穩增長角度，去理解這股。
這企業雖然增長力不強，但不是完全無質素，企業始終中國的3大電訊巨頭，都是佢的主要客戶，以及大股東，當5G發展及電訊相關需求持續增加，企業都會受惠，因此不是負面。
現時算是合理價，長遠算有基本發展力。不過，潛力度不算強，但相信之後受惠行業發展，有收息及平穩增長的能力。
Q41059：
龔成老師: 早晨！請問長和（00001）和香港中華煤氣(00003)，應該繼續持有還是放棄好？我已經買了很久很久！請幫忙，謝謝🙏🏻
龔成老師：
兩隻的增長力的確減弱左，但業務又不是完全無質素，如果你貨多，可考慮減部分，留部分。
相信中國及香港好轉，會慢慢令佢業務好轉的，不過要時間，同時不是高增長類。
長和（0001），仍有質素的，這股長線持有，唔需要太理會中短期股價上落。
由於地產市道弱，相信佢中短期仍會較一般，不過，長遠會慢慢好轉。
但這股並不是高增長，收息及少少增長力。
煤氣（0003）增長力比過往減少左，但不是無質素的。
雖然近年業務較一般，但煤氣近年在中國的投資，仍是保持進行的，數年前，煤氣在中國於擁有的項目有500個，到現時，大約700個。
每年都有幾十億，這些投資不會好快就見到收成，但這企業就仍是發展中的，但要時間才能將當中的價值顯現出來。
Q41060：
早晨 老師，
我係crypto 持有者大約3-4年前開始投資， 上年都買入美股Coin 我睇好crypto 既前景， 我睇左你之前介紹coinbase YouTube 片， 我本身持貨佔美股20% ， 而美股同港股比例大約2:8
Coin 平均價係$200
你認為現時股價係咩在平？ 另外係買入coin 時你建議係月供 定係 見低位買入？ 有咩投訴策略
另外，介唔介意問下你手持coin 比例大約係幾多 同買入價
龔成老師︰
其實Coinbase(COIN)要做估值唔易，雖然近年加密經濟發展得好快，但其實真係比較普及化，都係近而2年。
所以，無論係COIN自己公司本身，定係成個加密經濟架發展，依然有好多變數會出現。
只能說，長線投資價值係有，但唔好過份進取，持有太多。同時，用分注模式慢慢去儲，去平衡價格波動問題，再等佢慢慢成本，咁就可以。
至於持貨量，我唔建議你參考我，因為每個人風險承受力和對不同企/行業看法，點都有落差，所以你最好因應翻自己能力和看法去調整，大方向係唔建議大注，始終佢係高潛力和高風險。