Q26061：
你好呀，想請教下你的閱讀心得。
我已經買了很多你既書學習，由於本人要照顧小朋友，未能可常常閱讀，但當開始閱讀時又忘記之前所讀的資料。
一本書我真係要睇好耐，因為我本身都是一個讀書唔叻冇記性的人，請問有咩方法可以閱讀後又可記得書中的內容呢。感謝抽空回覆！
龔成老師：
第一，你先讀一些入門類的，不要太深，例如《80後百萬富翁》、《股票勝經》等。
第二，你不要急去讀，慢慢讀都可以，最重要是你的得著。
第三，你閱讀時，要有一本筆記，將你讀到有用的部分，重要的部分寫低，另外，要劃書，在書中記錄重點。你現時的情況好適合這方法，你這樣會吸收得更好。
第四，久不久重溫筆記，這是大幅提高記憶的過程。另外，如果生活忙，讀下停下，下次再讀時，最好先快速睇筆記，這樣好有用。
Q26062：
龔Sir，有人話強績金往年中港成分嘅基金跌了不少，所以今年可將係其他基金賺到嘅錢轉去買，依個觀點正確嗎？
其實強績金裡面好多基金我地都唔太清楚裡面買緊啲咩，例如啲平穩增長基金、醫療類基金、北美/中國/歐洲/港股等成分嘅基金，我地應點選擇？
龔成老師：
你最好在強積金，長遠建立一個更平衡的投資組合，同時投資港股及美股，能有效減少風險的集中度，因此這是方向。
我相信中國、美國，都是全球兩個長遠最大經濟體，同時投資會有不差的長期回報。
不過，現時美股不算便宜，就算你美股無貨，都不建議現時一次過大手投資，最好是慢慢轉，例如分2、3次，平衡自己在財富配置的比例。
相反，也不建議完全不投資港股，因為當中仍有有質素的企業，長遠仍有當中的價值，只是有些企業的增長力，比過往減少左，因此只需平衡配置就得。
Q26063：
另外請問，現在我地有無條件利用哩百多萬來達到複息回報既效果呢？
我地唔係因為貪心，想咁快要複息回報，而係因為之前誤信好友投資樓市，令到我地損手達300萬（現時得返百多萬係手）。
所以我地要係哩兩年間，搵返個本返嚟，然後先至可以叫做開始投資儲錢。
嗰百多萬係我地現時僅餘既儲款。。。
龔成老師︰
好，留定位先啦！
投資需要經過自己的分析，小心謹慎行事！
股票投資要長線才見效果，但如果要想在2年間由100萬增值到300萬，回報超過100%，不可以說沒可能，但難度甚大，巴菲特每年的複利回報都只是20%，普通投資者10-15%已經算是理想。
其實100萬都不是一個小的數目，只要你做好資產配置，長遠都是可以爲你的財富增值。
投資不是一定要儲蓄到一筆大的數目才開始，你可以利用月供或分注的的策略，為自己理財創富。
以你40歲，可以選擇一些「平穩增值股」+ 小量「潛力股」作投資目標。
以現時大市合理區狀況，你可以考慮先用100萬的40-50萬「分注」買入以下股票。
由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。
餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
Q26064：
PAYPAL我入了 90 股啫
9988, baba 就勁多
941 都係
Roku, 己經全數斬了！在 16 March 轉了去 Tesla
手上好幾隻美股都漸見起色，唯獨是所有港股一沉不起
似乎香港市場真是 全世界最不值得投資的市場
龔成老師︰
先唔好咁快武斷，作爲全球最大的兩個經濟體系，相信無論美股港股都有值得投資的企業，現時美股處於合理區頂，港股合理區中下，後者值博率較高。
PayPal Holdings Inc (PYPL)正如之前我咁講，佢係有質素，可持有。
Roku，Inc(ROKU)經營電視流媒體平臺，業務有潛力，但同時存有風險。佢唔係全無投資價值，只係風險高，不過你換左碼就算。
特斯拉Tesla, Inc.（TSLA）有質素，增長快，股價上落大，要注意這方面的風險。現價合理區頂至少少貴水平，要留意股價上落大。
中移動（0941）不是無質素的，但增長力不算強，可視佢為收息股，這股有長線投資價值，現價合理。
阿里(9988)是優質股，但因爲政策的風險，中短期會較弱，如果佔比>10% 就要適量減持，否則，風險過於集中。
建議不要將注意力集中在短期的股價上，要留意企業的質素，長遠要設計一個「組合」，要優質，平衡，適合你。
Q26065：
龔成老師，本人33歲, 已婚但未有小朋友, 讀top up degree Marketing 畢業, 機緣巧合下係一間hedge fund 做左Executive Assistant 5年…. 但其實係做老闆個秘書，人工已經盡左啦,
亦無咩進升空間。我完全無金融背景, 日後如果要轉工想搵番相金融工作比較難, 所以我想增值自己, 令自己繼續可以做金融相關的工作。我可以預2年時間俾自己進修, 因為我想
35歲生小朋友。你覺得我讀番個part time degree 好? 考account paper 好?定係去考HKSI 7,8,1好呢?? 定係你有其他建議?
我係想讀一D … 令我之後方面搵倒工, 同埋學多D股票投資知識。
請你俾D意見我AR~ THX
龔成老師︰
你首先要了解市場的需求，看是否真的一定要讀書，比如，如果你想做會計師就一定要考相關的牌照先可以執業。
但如果你只是想做金融相關的工作，可能有工商管理相關的經驗就可以。
所以，你要首先找到將來的發展方向再去進修會較好，否則，你進修完，其實未必找到相關職業或根本不需要，就得不嘗失。
如果你真的決定讀書，我比較會建議part time 讀，雖然辛苦小小，但這是最有效利用時間的方法。
我個人覺得讀學位對股票的掌握幫助不大，好多時候投資講的都是心態以及經驗。
如果你對這方面有興趣，可以先睇我架《80後千萬富翁》、《財務自由行》和《股票勝經》，都適合初學者。
之後，你有時間，可以再睇埋《選股勝經》和《年報勝經》，對增加股票投資知識會有幫助。
Q26066：
龔老師，我又有個問題問你啦！話說我媽咪有一層租者置其屋，未賣，想賣因為樓齡都有30年，差唔多可能要夾錢維修，估計都要夾唔少錢，而我地又無住、所以想賣，估計賣到250萬或以上。
同時，我同爸爸媽媽一齊租緊村屋，每個月都$13000租金支出。
想問，如果我地考慮賣左宜家層樓，再用一半錢做首期，買一層約500至600期村屋，我負責繼續供（我月薪約$50000）
你點睇？
有咁嘅諗法係覺得租屋係幫手供樓
唔該哂
我想講 我有想你講 搵下其他嘅marketing work, and I found my dream job，同時都繼續緊自己嘅business
多謝你
龔成老師︰
你的「租者置其屋」放置不用，其實是一種浪費，如果現時有住屋的需要，建議長遠還是置業比較好。
買自住樓，最重要是「供得起」，第二就係個物業長線配合到你的生活，現時你住村屋，相信將來住村屋或者同區的單位比較合適。
現時的樓價處於合理區偏貴的水平，但因爲供求的問題，樓價長遠大跌的可能性不大，只要你有足夠的首期，其實就可以開始物色合適的單位。
另外，你留意買村屋有好有壞的，好處是村屋除了呎價較低外，實用率一般達9成，比較實用。而且，適合飼養寵物或值物人士。
但村屋要注意的事項比較多，村屋不設入伙紙，只有滿意紙，而買入前要確保有滿意紙（因為不少村屋是個別業主自己興建，質素存有疑問，是否有滿意紙都未知）。
同時，村屋可能涉及丁權、地契等複雜問題，甚至有過路費、業權、僭建等問題，買入前一定要了解清楚。
此外，連天台或花園的村屋，要清楚是否入契。
至於按揭方面會較低，一般 60%至 85%不等，成數不及一般的住宅物業，買入前要預較多首期，更由於成交疏落，銀行估值可能會較低，買入前一定要做估值，而按揭年期最高為25年。
至於工作方面，恭喜你找到自己想做的工作，要好好做，盼望在下次來信可以收到你更多好的消息！
Q26067：
老師，我打算停供0003，原有的就暫時持有，但如果碎股要賣可以怎樣？另外追加月供270和2388各$3000，但2388今天出了業績，好像一般般。想請教下你的意見
龔成老師︰
如果流通性大的股票，碎股不難賣出，但時間上可能會慢小小，銀行通常會先賣一手手的股票先；煤氣（0003）流通性大，你可以連同一手手的股票一齊賣就可以。
煤氣（0003）取消派紅股，有可能反映管理層認為，企業往後的增長減慢，會對企業有少少不利，但長遠仍有發展，若佔組合不是太多，可持有。
中銀香港（2388）係本地銀行股裡面，是較有質素的一隻，有長線投資價值。中銀2021年業績，股東應占溢利為229.7億港元 按年减少13.3%
主要是由於利息收入下跌，"客戶貸款、存放銀行等"都出現較明顯下調，或許是受疫情和經濟影響。
但我地投資係睇長線，而且未來加息，都會提升這部份收入，故中銀仍然有長線的投資價值，可以視為平穩增長股，適合照月供。
粵海投資（0270）正面的，這企業有多個業務，同時都處於賺錢的狀態，整體不錯。
不過，供港東江水部份，賺錢能力已經比以往弱左。整體而言，集團業務依然係算穩定，預期維持平穏發展，故有長遠投資價值，月供係可以。
你的年紀仍然有增長力，建議你根據自己的理財目標，財務狀況等建立一個「長期」的組合。
你可以加入一些潛力股，去提升組合增長力。例如安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845）、三星FANG ETF（2814）、安碩納指一百（2834）。如果有投資美股，可投資QQQ。但佢地波動性和風險會較高，你要自己平衡。
現時安碩恒生科技(3067)、騰訊（0700）、阿里（9988）、中生製藥（1177）、小米（1810）、舜宇光學（2382）都有投資值博率，算是合理區中間以下區域，而安碩納指一百（2834）、QQQ算在合理區中上，都可分注投資。
但由於潛力股有一定波動性，你投資經驗較淺，暫時不宜持有太多，大約3成好了。到你累積到較多經驗，才慢慢將比重提升至5成。
Q26068：
老師你好，小米的經調整淨利潤，其實係調整左啲乜嘢呢？
龔成老師︰
經調整後淨利潤剔除了不能夠反應公司真實經營情況的例外因素，使得投資者和公衆能夠真實的審視公司的經營狀況。
小米(1810)經調整淨利潤有五方面。
第一，以股份為基礎的薪酬；
第二，投資公允值變動淨值，即是公司投資的資產價值變動。
第三，收購所得無形資產攤銷；
第四，基金投資者的金融負債價值變動；
第五，非國際財務報告準則調整對所得稅的影響。
加入這些數字後﹐會有少少似經營現金流。但唔係每間企業"經調整後淨利潤"，都一定係這些原素。你要自己去附註部份睇清楚。
我地分析企業時，主要會用GAAP的純利和經營現金流等去睇，這個"經調整後淨利潤"可視為輔助。
Q26069：
1：老師：岩岩望到你出比亞迪業績不過不失，合理價120左右，我買左a股比亞迪260平均價左右，算唔算買貴左好多，不過我係諗住唔係好理佢，長線睇市值應值幾多？
因為唔係好識比亞迪估值模型
繼續第1題：如果我再分注，應該再落注既價位最好係幾多？
龔成老師︰
是買貴左小小，但又未到好貴。由於比亞迪長期都處於較貴的水平，現價約在略貴水平。大約去翻$200以下先月供會較好，如果真的好想買入，或現價小注月供好了。始終現價投資風險高，回翻先考慮正式買入。
現有持貨，可長線，但預佢股價波動。
如果唔夠貨，而又想買入，只建議小注月供，其實最好落多D先月供較好，但如果真的好想儲貨，同時現金足，現價以小注模式去月供，都可以的。
又或者可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。
由於近期不少車股被炒起，此股現價略貴。無貨可以現時入少少，到有明顯回調才再慢慢加注。
潛力度是有的，但會比較波動，如投資宜慢慢分注，可長線。
比亞迪（1211）係潛力股，業務發展理想，但股價上落會較大，有危有機，投資要注意風險。
佢研發不斷進行，汽車賣得好好，電池技術發展得很好，行業前景良好，企業長遠發展正面。
長遠市值好難估算，因爲企業仍然在發展，但這是優質的股票，值得長線投資。
Q26070：
老師，我而家持有以下股票，想知道咁樣嘅組合啱唔啱
0001 2手@60 6
1177 4手@5 2
1810 3手@20 0.8
0868 2手@19
1088 3手@21
2382 1手@130
0337 2手@1.5
龔成老師︰
當我地進行投資增值時，係會因應自已的財政狀況、風險承受能力、年齡、負擔、要求回報等，從而確認那一類股票較適合自已，無絕對的答案。
但首要的重點是股票的質素，中生（1177），小米（1810），舜宇（2382），信義玻璃（0868）是有質素的潛力股，但風險度較高，不建議持有過多。
綠地香港（0337），中國神華（1088）質素中等，不適宜投資太多。
長和（0001）有質素的，這股長線持有。
建議你根據自己的投資目標，你想潛力股的比例多少？平穩股的比例多少？組合風險程度如果？去設計一個投資組合？長期、優質、平衡、適合你。