Q39481：

早晨龔sir, 我係2018年星光行上課嘅舊生, Long time no see， 願老師一齊安好 🥰🥰

老師，有啲資產問題想請教下, 希望老師有時間，請老師回覆 🙏🏻🙏🏻

我的資產及背景：

45歲已婚2囡 (小四及小一)

兩層樓，1層賺(藍田麗港城) 1層蝕(油塘海傲灣)

手頭資金大概450萬

2025有計劃移民澳洲

當年好感恩聽了老師分析比亞迪嘅潛力, 當年以49.5入了2手，依家已經翻倍增, 衷心感謝老師嘅教導及欣賞老師精準嘅眼光。幾次我想賣都冇賣出1211, 請問1211幾時係收割好時機？

依家有澳洲僱主會擔保我到澳洲工作, 順便會同我一家搞移民。月薪大概港幣$42,000, 老公在港收入年過百萬, 但暫時未知老公去向可internal transfer抑或在澳洲要找新工作, 預計收入都會大幅減少, 澳洲賺得多交稅又會多

流動資金大概有港幣450萬 (唔賣樓的話)

到了澳洲都打算會買樓自住

出年過澳洲應該要賣比亞迪

手頭上450萬都係要靠賣股票賣基金取強積金加現金先湊到450萬

依家兩女利是錢儲咗十幾萬

依家咁高又唔敢高追買比亞迪

兩女利是錢點可以幫佢哋繼續增長呢？

除此之外，之前有月供股票小米，1177，2800

兩年前見個市好動盪，我就停咗月供股票了

之前買落700, 3067, AIA, 港鐵, 福壽園等

我都繼續長揸冇放到的

依家冇再買任何新股票

最後香港兩層樓好頭痕，唔知點做決定

賺果層想留做祖屋，第時回流返港有地方住

依家有租客租緊因為加按過一次

所以租金回報就level咗無profit

但叫做有人幫我供樓

如果賣出take home大概賺到150萬

蝕嗰層好難賣得出，市場難搵人接貨

下月租期啱啱一年都唔知同租客繼續簽約定點如果繼續租出，之後連租約賣蝕得更多

如果唔租出每月又要攞萬幾銀出來供樓

老師，請問我依家點做好，十分煩惱 🥲

唔好意思🙏🏻🙏🏻一次過問了咁多問題 🙏🏻🙏🏻

願龔Sir繼續旗開得勝，桃李滿門 🥰🥰👍🏻👍🏻

唔好意思, 太長篇🙏🏻🙏🏻

打擾老師了 🙏🏻🙏🏻

龔成老師︰

1) 大前提，你係唔係已經打算長線係澳洲定居，定係到時去左再睇情況，可能回留香港，2者情況可以好大分別。

不過點都好，你要記住永遠都係生活行先，之後先到投資增值。

所以，你要睇翻自己現時過去定居，要多少資金(包括置業、至少1,2年生活費、仲有其他移居上架雜費等等)，來決定手上資產要沽出多少。

2) 物業方面，人在異地其實較難打理，建議你至少沽出一個。一方面令資金更鬆動，另一方面都令你資產唔會太過集中係物業類(香港2個、澳洲將來1個，加埋有3個)，而造成過度集中性風險。

至於賣邊個，主要睇佢長線投資價值，同埋生活配置，而唔係睇而一刻架賺蝕。例如你長線打算留賺果層做祖屋，咁你都可以選擇保留這一間。

3) 小朋友由於很年輕，可投資時間長，策略上十分簡單。你可以儲盈富(2800)，佢係包括數十間質素不錯上市公司股票的組合，有一定增長力。

若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。

另外，你可以考慮埋美股指數ETF，令組合分散風險能力更高。VOO和QQQ，前者追蹤標普500，算平穏增長型，類似盈富。QQQ追蹤納斯達克100指數，風險會較高，風險度近似3067。

操作上，建議你除左分注投入手上(小朋友)架資金外，可以用月供模式儲貨。每月大約用一半儲蓄，去做月供，餘下一半就先儲起，去等大跌市機會。如果你覺得太複雜，可以每月全部儲蓄都做月供，都係可以。

4) 持股方面，都有長線投資價值。但如果你係需要沽出用作移民資金，建議現時就要分段慢慢沽貨，去平衡價格波動風險。

5) 比亞迪(1211)雖然潛力度略不及以前（因為已升左好多倍），但依然有一定發展空間，我自己唔建議減持住，除非你需要這些資金去移民用。

6) 最後，記住月供係一個長線計劃，唔好中間自行停供，因為咁係會嚴重影響佢長線回報效益。特別係好多人鐘意市差就停供，咁係好錯。因為而個時候，反而可以用同樣成本，買倒更多架股數。除非你發現佢核心質素轉差，否則不要隨意停供。

Q39482：

你好 龔sir ，想問下2505現價適合買入嗎？有無潛力？

龔成老師：

瑞豐動力（2025）主要於中國從事設計、開發、生產及銷售汽車發動機的缸體、缸蓋以及若干缸體部件。

缸體是汽車發動機的主要裝置，是燃料燃燒的地方，其為汽缸及周圍相關裝置（如冷卻劑通道、進氣及排氣通道以及曲軸箱）提供空間。

過往業務不過不失，但就未見有明顯增長，也未見有特別獨有優勢。

暫時睇，投資價值未算特別吸引。

Q39483：

老師 2800目前回升少少 不過仍然蝕緊 應否溝貨？或可否一直持有？

另外目前仲適宜入手個股嗎？請問有無邊啲具質素可目前購入？謝謝老師🙏🏻

龔成老師：

盈富（2800）這是一個「平衡組合的工具」，當中有80隻成份股，對股票組合有平衡作用。

盈富當然不是高增長的項目，但要在低風險情況下，要求有基本回報，這基金是適合的。

只要你持貨不過多，盈富是可以持有的。

至於是否加注，重點不是拉低平均價，而是你本身的持貨比例及投資目標，如果本身已有一定貨就不要加。相信長遠，中國濟慢慢好轉的情況下，仍有基本增長力。

但如果本身貨不多，可加，但你要明白這只是平穩增長類， 不是高增長類。

至於個股，如果你有資金，可以考慮，現時港股值博率會高少少，而美股，如果你完全無貨，長遠都要加入，但現水平只宜小注。

你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

Q39484：

美股GDX現價可入嗎？

龔成老師：

VanEck黃金礦業ETF(GDX)以複製成份股的方式來追蹤AMEX Gold Miners index(GDMNTR)的績效表現。

AMEX Gold Miners index這個指數包括了在美國證券交易所上市的主要金礦公司的股票。

10大持股當中，包括Newmont(NEM)、Angico Eagle Mines(AEM)、Barrick Gold Corp.(GOLD)等企業。

你要明白此股所追蹤是金礦股，而唔係黃金現貨，故表現有機會同黃金價格不一致。

如果你想直接追黃金升跌，反而可考慮黃金ETF、紙黃金、實金。

GDX這ETF現時處於合理區域的較上部，投資價值是有，但同時都有一定波動性，故不要佔比太多，同時要分注，始終金價現水平較高，所以出現短期波動不出奇的。

Q39485：

龔Sir 你好，我2011年開始月供股票，但因股價下跌和心理因素未夠，2012年就停止。現在我想重新月供，一方面想溝貨，另一方面手上有現金可繼續買股票。

我47歲，想收息又賺錢。以下係我股票組合，想聽下你意見，睇下邊啲股票應該停供或賣出，仲有我想加番潛力股。圖片是組合資料

謝謝

龔成老師︰

係教你調整組合之前，我想先調整你投資架心態。

1) 月供係一個長線計劃，記住唔好因為個市波動就停左。因為咁係影響平衡價格效果，大大影片最終回報表現。我地只會係隻股票核心質素出問題，先者去到好貴，先會停供。

2) 溝貨，好多人係因為見個股跌，諗住溝到佢成本平D，易D返家鄉，而個都係十分錯架做法。

3) 我建議你睇翻以下Youtube影片，對你理解溝貨而件事(作用和風險)，會有實際幫助。

https://www.youtube.com/watch?v=5yu9jrvfGX4

至於現時組合︰

1) 以你47歲年紀，應以平穏增長股為主。你手上架股票，大體上都適合。

除左0270質素弱左，同埋2866本身較受週期影響，長線都不宜持有太多。

2) 建議你長線最好集中係10隻左右，會較易於定期審視佢地架質素變化。

3) 你現時組合明顯偏重晒係港股，建議你未來加入一些美股，令整個組合變得更平衡。

但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

Q39486：

如何睇保證儲蓄保險

龔成老師︰

其實"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

Q39487：

老師，請問交通銀行值得投資嗎？

見佢跌咗落嚟。

龔成老師：

可以的。交通銀行（3328）本身質素不差，有一定的規模，在全球都有網絡。雖然規模不及4大內銀，但整體的質素並不差。

不過，這股增長力不算強，只是一隻收息股，現價投資可以，因為在合理價，不要對股價有太大期望。

前景不過不失，中短期會因中國經濟有影響，銀行業的賺錢能力不及從前，加上壞賬因素，中短期只是一般，長遠則會好轉，並穩定。

投資者可視為收息股，以及有少少增長能力，現時股息率都有一定水平，估值在合理中下水平，投資者可分注投，作長期收息，以及有基本增長的能力。

Q39488：

sir, 大新銀行值得投資嗎？

龔成老師：

大新銀行集團（2356）由大新金融（0440）分拆上市。集團持有四間銀行附屬機構，包括大新銀行、豐明銀行、澳門商業銀行及大新銀行（中國），透過分布於香港、澳門及中國合共約數十間分行之分行網絡提供銀行及金融服務一所證券交易公司，及與ＳＧ Ｈａｍｂｒｏｓ Ｂａｎｋ合資經營離岸私人銀行業務。

佢之主要銀行附屬機構大新銀行為重慶銀行策略性股東。重慶銀行為中國西部之城市重慶市之主要城市商業銀行，營運包括逾百間分行之分行網絡。佢主要經營業務概述如下：

（１）個人銀行業務包括接受個人客戶存款、住宅樓宇按揭、私人貸款、透支和信用卡服務、保險業務的銷售和投資服務。

（２）商業銀行業務包括接受存款、貸款、營運資金融資及貿易融資，其存款來源及融資客戶主要是工商業及機構性客戶，亦包括機械、汽車及運輸的租購及租賃。

（３）財資業務主要包括外滙服務、中央貸存現金管理、利率風險管理、證券投資管理及集團整體之資金運用管理。

近年業務發展一般般，生意無增長力，盈利能力不強。整體的質素只是一般，投資收息都可以，但不要對股價有太大期望，同時不值得投資太多。

Q39489：

龔成 想問問如果我現在有10萬現金 應該如何入市？

最入門買咩？

龔成老師︰

現時大市(港股)處於合理區的底部，算有投資直博率。

未來幾個月聯儲局將會減息，有機會利好香港股市。不過中港的經濟未完全復蘇，未來港股仍然存在一定的不確定性。

如果你本身沒有持股，同時又無話特別睇好邊隻個股。你可以考慮先動用一半資金，去分注買入指型基金，美股如（VOO)，港股如盈富（2800）。餘下一半，等再有明顯回調才加注。

但如果你本身已經持有一定數量的股票，就建議可以先持有現金，等機會，這樣現金與股票的比例才會更爲平衡。

Q39490：

龔sir, 請問12，285兩者比較，邊隻較取勝，可以什麽價位入，謝謝你

龔成老師：

比亞迪電子（0285）潛力會大D，但風險度，股價波動性，都會比0012較大。所以投資都要控制風險。

285這股正面的，佢是比亞迪股份（1211）的子公司，現時業務已涵蓋智能手機、平板電腦、新能源汽車、智能家居、無人機、物聯網、機器人等多元化的市場領域等。

由於母公司比亞迪股份（1211）業務主要為新能源汽車，因此，比亞迪電子（0285）部分業務都會與新能源車有關，當1211增長理想時，都會帶動0285。

比亞迪電子近年發展正面，在部分領域處全球領先位置，每年現金流理想，同時每年投入大量資金作研發，以保持業務發展，以及技術的領先，因此長遠發展正面。

現時股價大約處合理區中下，如果之前有貨，可以長線持有，只要貨不過多就無問題，由於股價波動，現價如果想買入要分注，同時要控制好注碼。