Q48501：
龔sir你好，我55歲剛決定退休，有一層供滿未補地價既居屋住緊，手上有約1000萬，其中100萬係MPF，200萬買了份儲蓄保，150萬長做美元定期，其他既做哂港元定期
而我每年使費大約25-30萬左右，請問可以點再分配唔同既組合最適合?
現在既環境，可以投放部份去美股/港收息股長放唔理保本收息嗎? 謝謝
龔成老師：
你退休始終無收入，所以以穩陣為主。
當然，我地可以在風險與回報間取衡，而不是全部做定期（我相信你仍可以有一定比例做定期，但不用全部）。
你將部分資金買收息股是可以，但由於美股收息要比30%稅，所以港股較好。
其實，你可以將這資金，分成5部分。
第一，建立一個收息股的組合，目標是5%以上股息率的收息股，例如高息基金（3110）、恒生高息股ETF（3466）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110、3466可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
這是不差的收息組合，但增長力不強。
留意，買收息股都要慢慢分注買，不要一次過大手。
第二，投資債券，你可以選擇A評級的債券，年期較長都可以，但利息卻不高。你可以到銀行問問。
第三，投資年金，你可以睇睇，這是適合你的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。
你可以將資金，平衡地分配在上述的項目上，對你來說是最好平衡風險，同時有穩定的現金流。如果你風險承受能力不高，或對上述投資工具認識不多，就建議較多繼續做定期。
Q48502：
龔老師早晨! 我feel到公司將會cut人.....如果真可能會突然冇左收入! 好唔好買恒生高息股3466每月收住息先頂一段時間?
龔成老師：
你首先要留一定現金在手，起碼6個月開支的備用現金。
餘下的資金，就以進行投資，如果你想創造現金流，的確可以買一些收息型ETF，3466可以的，但你都要明白，佢短期價格都會有波動，最好是長線投資。
恒生高息股30指數ETF（3466）是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。
此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。
不過，大家要記住，選擇收息股最重要係質素，唔係一年派幾多次息。如果你係要每月收息，其實將全年股息集埋，自己再分配成12份就可以。
至於此ETF，行業有工業、地產、能源、金融、公用、必需性消費等。持股包括偉易達（0303）、裕元集團（0551）、國泰航空（0293）、恒安國際（1044）、嘉里建設（0683）、電訊盈科（0008）、恒隆地產（0101）、中國光大銀行（6818）等這些股票都有質素，適合長線收息。
此股可作收息之用，現價合理，可分注儲貨。
Q48503：
早晨龔成老師！
想問以下股票，還可持有嗎？
因見已比前買入跌了 30-60%🙏
#968
#3319
#3067
Thank you
龔成老師︰
首先你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
而三隻股票，長線投資價值係有，但留意︰
-
968和3067風險度較高，以你年紀，長線不宜持有太多
-
我唔知你邊隻跌60%，如果係早期持有3319，都無法子。
但如果係3067或968，你就要思考下，點解平均成本價會咁高。
- 雅生活服務（3319）質素已比過往明顯轉差，佢受到中國的內房市場影響，近年業務持續轉弱，雖然本身從事物業管理的風險較地產發展為低，但由於物管都受房地產市場影響，加上這企業受母公司弱的因素影響，影響了近年的業務，以及股價表現。
由於中短期內房仍弱，加上母公司弱的因素，所以短期這企業仍未會強，質素下跌，同時風險度提高，回勇要較長時間。
企業近年業務轉弱，盈利有一定的下跌，除了受行業情況影響，行業的資金問題也是其中一個因素，例如企業有部分應收賬出現壞賬的可能性提高，主要由於中國地產市場情況，客戶面臨資金壓力。
企業面對行業不景，股價可以大跌，但如果好轉，股價可以有倍計上升，因此投資者要小心衡量，這股是否適合自己。從大方向上，現時不太建議這股。
Q48504：
老師！7709可以入？
龔成老師：
不建議。
如果你睇好海力士，買翻正股仲好。
南方東英SK海力士每日槓桿(2x)產品(7709)，投資目標是提供 SK海力士(韓交所：000660)每日表現的兩倍 (2x) 投資回報。
SK海力士(韓交所：000660)本身，是一家韓國半導體公司，全球第二大記憶體晶片供應商，主要產品包括DRAM和NAND 快閃記憶體。
此股有投資價值，不過佢係屬於潛力股，即係風險度高架股票，故會較波動，本身不宜大注。
而7709因為有槓桿，令佢本身已經高架風險，再進一步倍大，所以不太建議以此作為投資目標，若睇好，應選擇分注買無槓桿的正股。
Q48505：
成哥你好，終於下定決心要做好自己wealth profolio, 現時持有以下股票
0388: 300股
0066: 1000股
2880: 2000股
VOO: 10股
QQQM: 5股
未來可以會分注買入XLV，Google，中國海洋石油，唔知依個投資組合算唔算平衡？ (本人34歲，流動資金有80-100 萬，現投資大約30萬左右)
龔成老師︰
(2880？？ 我估你打錯字，係2800)
可以，這些股票都適合你年紀。長線做到港股美股平衡，咁就可以。
資金方面，可以慢慢入，分注咁儲。
同時，最少留半年至一年應急資金，咁會更穏當。
在長遠大方向上，你可以持續加注到VOO、2800、QQQM。VOO是核心，之後到2800，再之後到QQQM。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，現價也不便宜，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
至於XLV都可長線。
而Google，中國海洋石油都是優質股，比例上，GOOG可以多過883。
Alphabet Inc.（GOOG）長遠有發展。佢係一家控股公司，互聯網媒體巨頭谷歌是其全資子公司。
谷歌的其他收入來自應用程序的銷售， Google Play，YouTube，以及雲服務費和其他許可收入。Chromebooks、Pixel智能手機和智能家居產品（包括Nest和Google Home）等硬件的銷售也為谷歌的其他收入作出了貢獻，Alphabet仲有自動駕駛汽車（Waymo）等。
Google本身在全球的地位已經十分強，加上人工智能技術在當中的應用及延伸發展，將會對這企業更有利，而這企業本身在人工智能領域是不差的。
整體企業有質素，現價大終在合理區中上，不過要留意股價波動，投資要控制好注碼，前景不差。相信能有一定的增長力，而人工智能發展對佢有利。
Q48506：
老師你好，我有以下股票，但跌了很多，不知如何是好。求指教
(7709)1000股@$121
(6869)1000股@$201
(1888)3000股@$85/2000股@$42.48
(2631)1000股@$102.2
不知是早前板塊炒得過份熱烈，還是已經玩完。
現在應該止蝕還是繼續持有等待？老師常説如果股票有實力，短期股價波動都不怕，是嗎？
龔成老師︰
- 首先你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
- 你持有股票，都具有長線投資價值。
但2631較一般，長線不宜持有太多。
7709有槓桿，風險太高，唔好再用，建議買正股SKHY。
- 你跟很多坊間投資者一樣，都係犯左一些共同錯誤，就係買左貴貨(鐘意係市場熱炒、升好多、人人討論架時候買，而個錯誤好致命。)。令到自己長線持有優質股，但長線組合依然係輸錢。
其實投資，唔係單單買入隻優質股，之後長線持有，就會出現理想回報。
投資知識(分析股票性質和優質度)、估值能力(定平貴能力)、組合配置/平衡性、年紀/風險承受力等因素，都會影響到長線組合回報效益。
在你學會更多知識前，可以先用供或分注模式去儲貨，透過平均成本買入法，去減少買貴貨風險。
長線，你要努力提升自己投資知識，特別係"估值"和"選股分析"能力。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 5545 7212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212
Q48507：
想請教吓老師點解銀行會升得咁好？
以前完全唔覺㖭
龔成老師︰
第一，壞賬等問題有改善。
第二，息差闊左，特別當美國之前加息會有利這方面情況。
第三，樓市穩定，其實只要樓價下是大跌，負資產問題就不會嚴重，而香港有好多銀行在按揭業務都多，所以都有影響。
第四，不少銀行，佢地的業績的確改善中，派息不斷增加，例如匯豐，你可以睇翻佢近5年、差不多每年派息增加，這就會令估值得以向上。
加上以往市場集中晒係AI股，而家轉向銀行股。
Q48508：
你好 老師
我係投資新手 想嘗試長線投資 主要想抗通漲 儲蓄退休金
想問下如果我計劃分散投資：
30% VOO
15% QQQ
25% BSV
10% IJH
10% VGT
5% XLU
5% GLD
見近排QQQ 跌得好勁 應否注資
我只計劃每個月用$10000 分散投資 買各個碎股
老師請指教 謝謝
龔成老師︰
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
假設你係年青至中年人士，你可以先留意「平穏增長股」 + 「潛力股」的組合。如果你係偏年青，比例大約可以去到各一半。
你現時組合，算係偏向適合年青至中年的配置。
但留意，唔好集中晒美股，長線要港美股平衡，單一地區唔好佔組合7成以上。
我會建議你加翻少少港股，例如盈富（2800）都得。
而你現時投資的，在大方向無問題。
QQQ你預波動少少，加注要慢慢，不要太急加，要分注加。
IJH（S&P MidCap 400 Index），你要明白佢風險會高少少，不建議太多。
VGT同QQQ都是科技類，你要明白這點。
由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。
以下有一些方向性建議可參考：
現在你每月先用5成儲蓄，即$5000做月供。其餘先儲起，用一邊月供一邊儲蓄的策略。
月供方面，你可以參考一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可留意下潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，再決定是否從中選股。同埋，佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
以下是有關"平穏增長股"和"潛力股"教學分享的影片，你可以參考下︰
https://www.youtube.com/watch?v=5bQc6sWIie8
https://www.youtube.com/watch?v=Vq_g4uQ4VMI
至於QQQ，近期係跌唔少，但唔係平。
如果你無貨，又未近退休年紀，你可以加少少，但唔好太進取。
Q48509：
成sir你好，我想儲一筆錢俾小朋友將來留學用，我每個月有3000用來儲蓄，你覺得我應該供那一隻股票較多好？謝謝你
龔成老師︰
小朋友由於可投資時間長，策略上十分簡單。你可以儲盈富(2800)，佢係包括數十間質素不錯上市公司股票的組合，有一定增長力。
若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。
另外，你可以考慮埋美股指數ETF，令組合分散風險能力更高。VOO和QQQ，前者追蹤標普500，算平穏增長型，類似盈富。QQQ追蹤納斯達克100指數，風險會較高，風險度近似3067。
操作上，建議你用月供模式儲貨。每月大約用一半儲蓄，去做月供，餘下一半就先儲起，去等大跌市機會。如果你覺得太複雜，可以每月全部儲蓄都做月供，都係可以。
以下是2800和VOO的簡介影片，你可以睇下︰
https://www.youtube.com/watch?v=nBr4tCJ__oY
Q48510：
老師早晨，想問吓3145 華夏亞洲高息股可以用作長線收息股嗎？它好像是每月派息，但不知道會否亦合用本金當利息派？先謝謝🙏
龔成老師：
睇翻過往派息，都是利用收到股票利息派息，沒有動用本金。華夏亞洲高息股ETF（3145）的投資目標為追踪彭博亞太高股息４０淨回報指數之表現，是一個追蹤亞太區（日本除外）市場中股息收益率最高、且符合特定篩選條件的40家大型和中型公司股票表現的股票指數。
指數成分：由亞太區（日本除外）市場中40隻高股息股票組成。主要投資於亞洲（包括香港、台灣、韓國、印度、東南亞等，日本除外）的高收益股票。
成份股有：大聯大控股 (WPG) (台灣)、華碩電腦 (ASUS) (台灣)、印尼人民銀行 (Bank Rakyat Indonesia) (印尼)、PTT Exploration & Production (泰國)、文曄科技 (WT Microelectronics) (台灣)、港股有：中遠海能（1138）、中國宏橋（1378）、兗礦能源（1171），康師傅控股（0322）。
因此，都可以視為一個高息股的組合，可考慮用慢慢分注模式進行，相信都有長線投資，收息的價值，但都要控制翻總投資金額。