Q40741：
龔sir你好，想請教置業嘅問題。
小弟今年28歲，有股票價值$90萬，持有小米/港交所/比亞迪/中銀，同埋現金數萬。我來緊4年諗住讀書（借錢讀），會無收入。
我有女朋友，26歳，佢月入$41k（會跳pt)，佢有股票$15萬+現金$75萬。兩人加埋有$180萬
我哋最近想置業，睇啱將軍澳單位，筆值預$550萬，首期連裝修預大約$110萬。
我之前有睇龔sir嘅書，深明複利效應嘅威利。宜家猶豫緊：
（以下不考慮未來工作收入）
情況A：
今年買樓，扣除首期裝修費$110萬後，儲蓄剩返$70萬。假設投資年回報10%，5年後儲蓄有$120萬。
情況B
5年後讀完書先買樓，現時儲蓄$180萬同樣假設投資年回報10%，5年後有$290萬。再買上面單位，預期呢5年樓價無大波動，首期裝修費都係$110萬，仲剩$180萬
如果情況B，我哋5年後會多$60萬儲蓄。而呢5年我哋會租屋住，費用由女朋友承擔（未來工作收入）。
情況A會損失咗投資現有儲蓄嘅機會成本。呢幾年工作由0到$100萬要好耐，但再double上就好快。煩惱緊要唔要等筆錢滾多幾年先買樓好。篇幅有啲長，有勞龔sir解答
龔成老師︰
資金由$0到$100萬，需要好長時間，因爲無複利息，但如果透過投資，由$100萬到$200萬，時間就可以縮短好多。
明白你想盡量利用「複利效應」來倍大自己既投資回報，不過，人生有時候都要講時機。
你問題的取捨是應該現在買樓，還是儲多些少錢再買，你可以從以下幾個方面考慮：
1.現實住屋的迫切性：如果你無住屋的迫切性，可以等一個你認爲更爲合適既時機再出手，但會面對樓價可能上升既風險，到時你資金可能未必足夠。
2.你儲錢本身的目的：錢人人都希望有更多，但問題係你點解要儲錢，係希望改善生活，定還是單純希望戶口有多些餘額？推遲買樓既計劃，可能因爲投資等因素會令你銀行既結餘增加（同時都可能減少，因爲投資都有風險），令你買樓既計劃無辦法如期實現。但如果你儲錢最初既目標係想置業，現時樓價合理，點解唔行動，而要面對將來樓價升跌既風險？
3.同女朋友是否已經計劃好，畢竟要一個人負擔全部租金，對方是否真的願意；同時對方既工作是否穩定，能否支持你整個讀書時段？萬一有意外，有無PLAN C?
任何投資都會牽涉機會成本，但要睇翻你既目標，現時樓價合理，買樓之後，你的資金仍然充裕，如果儲錢為置業，現時可以行動。
假設現時不買，也不是不可以，但就要面對未來樓價升跌既風險，你置業既計劃不知道什麽時候能夠實現，這點自己衡量。
總括而言，你要將生活放係第一，投資放係第二，一切考慮從生活行先。
之後，如果置業無迫切性，就唔建議咁重動用大量資金，畢竟你本錢唔多，而且仲有4年不工作，充裕的現金流動性會係首要。
緊記，讀書期間生活和置業資金，唔好作高風險投資，以減少對實際生活上的不確定性風險。
Q40742：
成哥 想問下隻港鐵 宜家長線收息如何？
龔成老師：
可以，但都要控制好注碼。
港鐵（0066）有一定的獨特性，不過，近年的增長力略減。佢是全港唯一的鐵路營運商，加上政府會比佢地產方面的優勢，因此可長線投資。其中有4個因素影響這股的盈利能力及股價。
第一，香港車務營運收入，近年港鐵加價的能力比過往弱左，分析近年一些調整票價條款，例如會加入賣樓收益作為影響加價的其中一個因素，令港鐵在這方面的賺錢能力，比過往年代略減。
第二，港鐵其中一個收入來源，就是租金收入，雖然短期一般，但中長期都會慢慢好轉的，整體市道長遠也會好轉，因此長遠這部分仍有價值。
第三，地產因素，長遠仍是一個有價值的部分。
第四，維修成本。近年港鐵的事故增加，與鐵路老化有關，因此這方面的維修成本將會不斷增加，影響了賺錢能力。
長遠來說，只要香港市道，以及地產市道好轉，就會自然對這企業有利。港鐵始終有一定的獨特性，因此整體的質素仍在，但增長力不及過往年代，只是收息及平穩增長型的股票，現時股價合理區底部。
Q40743：
成哥，另外想問吓紫金礦業前景 ？我見到佢都幾跟黃金走勢，貿易戰黃金有避險嘅作用。
龔成老師：
紫金礦業（2899）佢主要從事黃金及其他礦產資源的勘探、採礦、生產、冶煉及銷售。
但你要留意番，雖然這類資源股雖有投資價值，但只算中等。
原因是這樣，資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。
而金價都上升了好多，所以，現價水平，可以小注，不宜大手。
Q40744：
老師，你有無用AI做估值？
龔成老師︰
祝你新年快樂，心想事成!!!
我自己暫時無用AI做估值，但都會研究下AI會對分析有什麼幫助。
AI我相信有當中的價值，但不要盡信，始終人工智能以過往數據為核心，對忽然出現的特別事件，能否有理性的反應，未知，這點是我較擔心的。
Q40745：
龔sir ，想問
2252 微創機械人
293 國泰航空
呢兩隻你點樣睇前景？
龔成老師︰
微創機器人（2252）是有風險有潛力股。低風險者絕對不適合。
這企業是一家手術機器人公司，致力於設計、開發及商業化手術機器人，以協助外科醫生完成複雜的外科手術。現正開發其核心產品圖邁腔鏡手術機器人在泌尿外科手術上的應用。
佢擁有與圖邁有關的兩項重大專利，即機械臂與傳動機構以及手術器械。三款旗艦產品，即圖邁、蜻蜓眼三維電子腹腔內窺鏡及鴻鵠骨科手術機器人，均已被納入國家藥監局的創新醫療器械特別審查程序。
佢現時於上海有一個研發中心，新加坡有一個研發中心。
過去市場比佢估值數百億，現算就算調整左，都未算平。雖然此股有前景，同時收入都有增長，但依然未有盈利創造出來。
所以，這股算是有潛力有風險類，前景都不差，但投資要控制注碼。始終估值難，同不確定性高，故不能大注。
國泰（0293）經歷完疫情後，業務好轉，但要留意，這企業整體質素不是最高之列。
現時全球環境已正常，業績可見數據不差。這企業也過了最差的時間，雖然全面好轉仍要時間，加上香港及中國都面對一些經濟不確定性，但國泰面對的整個大環境，情況仍是正在向好。
不過投資者要留意一點，這企業整體的質素，只是中等，並不是最高質素的類別，同時，也不是高增長企業。
就算分析疫情前的數據，國泰本身的賺錢能力，只是不過不失，未到很好賺，加上當中面對各種風險，如全球經流、競爭、油價等，翻查過往多年情況，油價對佢成本影響好大，令佢盈利十分波動，就算佢利用對沖，都唔算好成功，反而試過因對沖而蝕大錢。
另外，航空業對經濟週期較敏感，收入不穩，因此，這股整體的質素只是中等。
隨著全球大環境好轉，疫情過去，的確會利好這股，但經濟存有不確定性，加上這企業本身的質素只是中等，結論就是，這企業不是無投資價值，但只是中等
投資者就算對這股有興趣，也不建議投資太多，現價是合理的，相信長遠有平穩增長能力，但就要留意全球經濟對這股股價都會有影響。
Q40746：
我都覺得有錢先可以講野大聲d
有錢係親戚朋友面前先會得到尊重, 冇錢咩都唔係
雖然好市繪但好現實, 錢真係可以解決世界上99%問題, 所以我而家目標係盡快買樓
我最近再睇多次5樓買樓4部曲, 你話如果買800萬以上既樓首先要買左細價樓先，300幾尺左右
但我想問下細價樓係咪要私樓, 因為我有諗過如果買居屋，將來想樓換樓會唔會好難放
我心儀係將軍澳區既富寧花園，但樓齡都35年，到我有能力既時候，可能差唔多40年，如果樓換樓，咁高樓齡既居屋會唔會好難放
我有屋企人住緊，暫時未聽過有大維修，喉管都算良好，未有經常出現漏水
同埋sir想問你平時睇開咩節目係關於財經，股票或樓市評論分析係比較正確或中肯
龔成老師︰
其實"尊重"唔係用錢來衡量，如果你用錢來衡量，會睇少左好多重要野。
情況就好似投資，你唔會只係單單見倒一隻股票現價去到好高，就會覺得佢好正，一定要買。
反而，你係睇佢潛力(內在)。就算而一刻個股價弱(個人︰即係未好有錢)，但只要佢係有發展、有抱負、有努力付出，最終都會成為一隻優質股，只係現階段未係股價(個人︰財富數字)上展現才來而已。
所以，"錢"係有用，但唔係用佢而一刻架數量，去到衡量一個人架高低和價值。
至於置業，其實800萬唔係一個硬標準。主要意思係，如果你終極dream house個價唔平，而家未買得起。可以用"資產追資產"的策略，先用"細物業"，再儲錢去買"大物業"，或者直接用優質股去做增值，去直接買"大物業"，都係可以，睇你自己人生規劃。
如果用"細物業"去追"中物業"，咁個細物業一定要有質素，至少同大市同步，否則你換樓架時候，就會變相成本高左。
而我平時睇資訊，都係睇新聞、財經平台。你要記住，唔好預市場一定比中肯資訊你(雖然有機會係有)。你要學識自己，點從資訊當中，抽到有用的"訊息"，排除主觀的"意見"。
之後，再用"訊息"和自己的"知識，去做客觀分析，最後作出一個理性的投資決定，這個好多時是一個勝負關鍵。
Q40747：
感覺納指好似跌極都未跌穿2萬點，反而成日拉返上去，想又破新高😓
龔成老師：
絕對不要估頂！
連巴菲特都話自己無法估頂，我地投資者，最重要會睇翻企業發展及估值，做好投資策略。
坦白講，納指的確不便宜，現時不是大手時機，不過，如果當中的企業業務持續有增長，股價真的可以再升。
當然，如果業績不如預期，股價就會下跌。
你如果完全無貨，可以買一些較優質、估值無咁貴的，小注，之後等跌先正式加注，好過你永遠等。
Q40748：
主持人，我想問一個問題，在電視上，好多股評人到節目完結時，要申報以上有無持股，都話無持有，何解，咁近城隍廟都唔求番支好簽比自己。
龔成老師：
有時就算睇好一間公司，都會等一個適合的時機才買，同埋，有時所講述的，是大眾有興趣的股票，而自己就未必適合。
例如我自己會買潛力股，因為我承受風險度較強，但就沒有收息股，因為收息股適合退休者，當我分析收息股時，都會有不少低風險者有興趣，但其實我自己興趣不大的，所以，有時在講述不同股票時，如果該股票無貨，不一定是自己不睇好，可能只是不適合。
Q40749：
老師，想請問 1729 匯聚科技 睇法，thanks !
龔成老師：
匯聚科技（1729）主要按ＣＭＳ（合約製造服務）基準按照客戶提供的規格及設計，從事生產電線組件。電線組件為一個包含一條或以上電線的裝置。
表面被銅線或光纖包著，而末端則接駁連接器；連接器與其他電線或設備互相連接，及用作發送傳感器信號及傳遞有關操作的信息。
佢的電線組件產品可按傳輸媒介，分為銅製電線組件及光纖電線組件兩類。電線組件可應用於電訊、數據中心、工業設備及醫療設備。
佢將電線組件出售予約20個國家及地區的客戶，包括中國內地、美國、歐洲及香港。
過往生意與盈利都有增長，但盈利有時都會略有波動，業務獨特性未算強，整體不過不失，如果投資，不是不可，但不能太大注，長遠發展力，中等。
Q40750：
老師你好，我跟朋友買入商湯，請問呢隻應繼續揸住嗎？還是某個位放？🥹🙏
龔成老師：
商湯是正路的，不過風險都有少少高，所以，如果你承受風險力不強，就減持，或貨多都要賣。
商湯集團（0020）業務都有發展，但要留意政治風險。同時業務都有一定的風險。
佢係一家專注於計算機視覺軟件的人工智能軟件公司。根據報告，佢為亞洲最大的人工智能軟件公司，市場份額為中國最大的計算機視覺軟件提供商。
軟件平台的客戶數量合計已超過2400家，同時還賦能了超過4.5億部手機及200多款手機應用程序。集團並擁有8,000多項人工智能專利及專利申請。
佢專有的人工智能基礎設施SenseCore，佢已開發超過22,000個用於不同應用的商用人工智能模型，涉及多個垂直行業，已於智慧商業、智慧城市、智慧生活及智能汽車領域取得市場領先地位，服務商業空間管理、住宅物業管理、城市管理、製造、基礎設施、交通、移動設備及應用、醫療及汽車。
長遠來說，佢的技術應用將會更多，有發展力。
不過，美國已對佢進行打壓，相信之後仍會面對一定的政治風險，這對投資者來說都是一個較大的不確定因素。
因此，這股都有長線投資價值，但由於政治風險，因此不建議投資太多。