Q48801：
老師，好多消息話年尾會股災！ 應唔應該趁依家賣晒所有股票避險？
龔成老師：
無人能估到股災時間。
當大家都認為某個股災將會發生，就一定不會發生。
現時科持股的確有點熱炒，因此，出現調整不出奇，但這個調整是明天，明年，還是數年後，無人知。
我地最重做好配置，即是手上有一些現金，但同時，如果你全部100%現金、無貨，假設股市一直升，你又會錯過機會。
所以，最重要平衡做法，有港股、美股、科技股、其他行業股、其他資產，現金，而你持有的只是要優質股，就算股災令股價跌，但企業發展無問題，其實就不用擔心。
Q48802：
龔成 sir:
如果我只留30萬流動現金放在銀行戶口，其他的閒置錢（超過100萬）都放曬係富途牛牛的貨幣基金，等股市低果陣再用自動申贖功能再買股票，這做法合理安全嗎？
我有另外大約120萬已放在股票做長線投資。
龔成老師︰
- 一般來說，貨幣基金都是風險較低，但不代表保本。
由於現時有好多貨幣基金，你要睇清楚該基金的風險度，以及條款。
這類基金一般投資政府債券、大型銀行定存、商業票據等商品，雖然回報不算高，但風險也不高。
貨幣市場基金會面臨的風險包括有：利率突然發生大幅變化、多家公司的信用評等遭下調、公司違約等，都有機會令基金出現虧損。
- 我自己一般係用現金去等，你可以考慮做短線定期。
貨幣基金唔係唔得，但要你明佢唔係近乎零風險。
- 你手上股票，都有長線投資價值。
但0341不建議持有太多。
另外，長線要慢慢加入美股平衡。
Q48803：
請問現價位應該溝嗎? 1858, 現只得入價 1/4，3789 均價 3.8, 5萬股
龔成老師：
春立醫療（1858）投資價值算是中等，如果這股佔你整個組合%不算多，你加少少勉強都得，但不建議加太多，始終不算好高質。
主要從事以自有品牌「春立」研發及產銷植入性骨科醫療器械，產品包括：
（１）標準關節假體產品：主要包括髖關節假體產品及膝關節假體產品，用於治療骨關節炎、類風濕性關節炎
及其他疾病。
（２）定制關節假體產品：分為傳統定制關節假體產品及組配式定制關節假體產品，主要用於治療關節骨折及
其他原因所致的關節損傷或骨缺損。
（３）脊柱產品：包括頸椎前後路固定系統、胸椎固定系統及腰椎固定系統，產品適用於退化性疾病、脊柱疾病、畸形、骨折及其他病理原因所致的背痛。
佢係關節醫療器械技術有一定經驗，受惠於未來人口老化對醫療用品需求、醫療器械納入醫療保障等因素下，此股投資價值算是中等。
Q48804：
3789 均價 3.8, 5萬股, 現價位應溝嗎?
龔成老師：
記住，絕不要以「拉低平均價」作方向。
如果企業質素不好，你再加注，只是投入更多資金入一隻不好的股票。
御佳控股（3789）一般般，生意未算有好大增，盈利波動，加上企業規模細，也未見有獨有優勢，因此投資價值並不高。不建議加注。
建議減持，餘下部分貨守住先，同時要觀察企業發展，如果之後的業務發展都是弱，就要賣出全部。
企業於香港以分包商身分承接樓宇建造及土木工程的板模架設項目。
板模為一種臨時模型，由木板、膠合板、鋼材或鋁製成，用於灌注、定型及支撐混凝土直至其能夠自行支撐以建造永久性樓宇架構。
Q48805：
中信銀行＇恵理集團00806
呢兩隻我持有咗好耐，股數不多，繼續持有定換馬集中番的係我現有香港電訊同港燈嘅收息股不用咁分散好，謝
龔成老師：
先講中信銀行（0998）有質素的，可持有。
佢是收息股，如果你想追求高增長，可考慮減部分轉其他，如果你接受收息及少少增長，這股可持有，長期收息，只要貨不過多無問題。
至於惠理集團（0806）長遠發展力不強，如果你想追求高增長，可考慮減部分轉其他，如果你接受平穩增長，這股可持有，但都不建議持貨太多。可考慮減持，或轉去6823都得。
是一家獨立的價值型資產管理集團，業務集中於大中華地區及亞太地區。集團透過惠理品牌管理多隻認可基金。
質素不是劣質，但又不能稱為好好。
過往賺錢能力中等，但增長力就不強，不過就唔好對股價增長有太大期望。是平穩增長類。
Q48806：
老師，請教你一吓，萬一美國股市泡沫有一天真的開始爆破了，我應該運用怎樣的港股策略去應對？與你一向教的技巧一樣，還是有另一套應對策略？謝謝你
龔成老師：
首先，現時未算明顯有泡沫，當然，部分股有時有炒作，所以估值較高，只要不買這類股就得。
現時科持股的確有點熱炒，因此，出現調整不出奇，但這個調整是明天，明年，還是數年後，無人知。
我地最重做好配置，即是手上有一些現金，但同時，如果你全部100%現金、無貨，假設股市一直升，你又會錯過機會。
所以，最重要平衡做法，有港股、美股、科技股、其他行業股、其他資產，現金，而你持有的只是要優質股，就算股災令股價跌，但企業發展無問題，其實就不用擔心。
最重要是，你不要在熱炒期，才100%買入這類熱炒股！
Q48807：
老師， 如果打算3-5年辭職退休， 是否應該開始逐漸把全部資產轉為收息現金流工具？ 謝謝您😊
龔成老師：
對呀，因為投資市場總有波動，如果到退休前一年才轉，但不幸到時資產價大跌，就好大獲。
你用3-5年去轉，適合，可以避開了一些投資市不景期，更彈性去轉資產。逐漸轉就得。
Q48808：
老師 想問下美股lonQ QBTS. RGTI. QUBT 邊個比較好少少？
我初步分析好似QBTS比較好少少 我知道呢係虧損緊 但慢慢開開始收窄
龔成老師︰
- 首先，成個行業尚未明顯商業化，所以邊間都好，個不確定性都好大。
同埋，佢地雖然同屬量子計算公司，但背後業務和(研發方向的)技術，都有唔同。
所以，你要先攪清楚"好"，是指什麼?
‧現時財務數據好?
‧現時變現能力好?
‧發展狀況好?
‧研發中技術潛力好?
因為無一間，係一面倒好晒。
QBTS，會係初期商業化較有優勢。因為佢有量子退火技術，而且已經商業化，係目前唯一大規模提供量子退火系統公司。
其實，如果你唔清楚量子運算行業，或者純睇好量子計算，我覺得你買ETF，會較穏當，因為而個範疇係幾複雜。
- 量子電腦，相信會係未來10年一個重要架技術和投資主題。但佢發展仲好新，距離全面商業化，相信仲有一段時間。所以，投資不確定性好高。
業務模式，真係只單純做量子電腦架概念股，雖然可投資(如IonQ、RGTI、QBTS、QUBT)，但風險唔細，只能小小注。
其次，一些有其他核心業務，量子電腦只係其中部份架公司，如GOOGLE,IBM。投資佢地，雖然無咁直接，但風險就較細。
另外，一些支援量子計算架公司，好似Nvidia(NVDA)，都係可以考慮之列。
最後，可以考慮相關ETF︰
Defiance Quantum ETF (QTUM)是於NASDAQ上市的主題型ETF，專注於量子計算與人工智慧相關產業。
IonQ、RGTI、QBTS、Google、IBM、Nvidia等架概念股，都在組合之中。
但佢唔係單純投資量子電腦，佢係AI方面比重較高，你要留意這點。
此ETF有一定潛力和風險，投資時宜用分注去儲貨，去平衡風險。
之前都有影片分析量子計算行業，你可以睇翻︰
https://www.youtube.com/watch?v=Wp1v81mE65A
Q48809：
明白老師，謝謝您🙏🏻
另外小米出左業績，佢哋都好多挑戰要面對，長遠嚟講，老師覺得小米解唔解決到佢哋手頭嘅問題🙏🏻
我有啲諗，小米會唔會長遠嚟講唔夠個世界追
龔成老師︰
我無水晶球，比唔倒個100%答案你。
其實，每間企業都有不確定性，視乎你了解後，覺得是否值得押注。
小米(1810)長線架發展價值，主要係佢現存客戶基礎 + 愈來愈闊架產品生態圈 + 自建AI(連接全生態的大腦)。
去到最完美架發展，就係佢會成為你生活(近乎)每一步也不可缺少的品牌。
就算唔到，我估計都會係市場，取得一定市佔。
所以，我會視佢為優質潛力股。
Q48810：
最近傳緊AI會泡沫市會大跌，你怎麼看啊？
龔成老師︰
其實泡沫，很大程度是你預期一件事，可以技術和賺錢能力，提升到一個點。
令到股價大幅向著這個樂觀方向，不停上升。
但最終，技術和賺錢能力明顯不似預期，才會出現。
簡單咁講，就係不理性期望，令股價大升。最終，被現實刺破。
現時AI股係升唔少，但總體尚在合理區中上部。而AI技術，係有落地應用，所以明顯泡沫又未算有。
不過，市場有好多不明朗因素存在，係有機會令AI股和美股，出現較大波動。
同埋，AI股仲有一D問題要面對，所以點解要大家分注，係有原因。
你可以睇番影片，都有講泡沫問題。
https://www.youtube.com/watch?v=bI-hBqfQEyE