Q37061：

老師，港股好轉，請問現時適宜強積金每月供番港股基金嗎？

龔成老師：

最重要睇你持貨比例，如果本身較多中國及香港類，就不宜買太多。相反，如果貨不多，可以月供

最重要是建立長期平衡的組合。

強積金的配置並不複雜，首先要注意，強積金是一個超長線投資，因此不宜做中短期炒賣，不用以預測投資市場的走勢去將強積金轉來轉去，除非你很確定，現時的投資市場明顯平，或明顯貴，否則在大部分情況，強積金不用轉來轉去

其實，你只要按你的年齡階段，去進行分配就得，年輕時較進取，到了中年就以平穩作配置，到退休前5-10年基金配置就要趨向保守，為退休做準備。因此，你只要按年齡做好配置，並且因年齡漸增，慢慢將強積金轉為較保守類別就得。

另外，在股票配置的部分，你可以考慮環球股票，又或以中國+美國作為核心，因為這兩在往後10年，都是全球兩個最大的經濟體，你同時持有可以。

其實強積金，著重配置、平衡，不著重炒賣。要考慮長期配置的模式。

Q37062：

龔成老師您好，我依家揸緊阿里巴巴(HK 9988)，當時84.43入，因為公司業績都唔係咁好，到依家共蝕咗700幾蚊了，呢個時候我係咪唔應該繼續揸? 感覺好難搵位放嚟止蝕。🙏🙏

龔成老師：

我地決定止蝕與否的重點，是這企業的質素，如果由有質素變為無質素，我地就要賣出。

阿里（9988）係業務層面，不是無優勢，不少業務處於都有一定的規模，但近年因監管因素，令企業增長慢左，加上近年競爭大左，影響佢賺錢能力。

如果你持貨佔你組合的比例不過多，其實可以持有，你不用太理會短期的股價情況，最重要是長期的發展。除非你貨多要減，否則，可持有。

佢長遠仍有增長力，但就要時間才能回勇。其實佢有發展延伸業務，這都會成為企業增長點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終之前面對內地監管收緊，因此風險度增加左，不過，相信最差的時期已過，同時見到中國政策開始講話重視平台經濟，都信正慢慢好轉。

其實，就算之前政策影響佢賺錢能力，佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

Q37063：

你好 新手開了中銀股票戶口 想投資該怎麼選擇股票？

龔成老師︰

作為一個初學者，建議先集中指數ETF，如港股盈富（2800）或美股VOO。

盈富、VOO是一個股票組合，適合絕大部分人投資，風險不高，長期儲貨可助你財富平穩增值，記住要長線持有。

如果個股，你可考慮一些較穩陣的，例如港交所（0388）、港鐵（0066）、中銀（2388）等。

ETF或個股的儲貨方法，建議先用月供模式進行。

對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

同時，緊記提升自己投資知識。因為長線投資回報，係必然同你架知識水平成正比。

我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q37064：

您好 龔sir 現有以下股票

我應該繼續持有嗎

另外如想購入收息股，應該怎樣選擇，有推介嗎

龔成老師︰

整體而言，你持有架股票都有長線投資價值。

除左電視廣播（0511）近年發展得不太好，投資價值不高。以整間企業的面對大環境，以及佢現時的情況，未見吸引，但你持貨比例不高，長遠不建議加注。

另外，粵海投資（0270）、福壽園（1448）近年的增長力有放緩，不建議持有太多。

此外，你記得我教過，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，我地係做投資選項時，會睇翻你現時人生階段。

你現時組合，主要係「平穏增長股」 + 「潛力股」，適合年青至中年人士。

如果你接近中年，甚至再年長點，或者想保守D，可以加入更多「收息股」，去平衡風險。你可以睇翻你自已年紀和風險承受能力，去做決定。

目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。

最後，留意多3個地方︰

1) 騰訊（0700）、阿里爸爸（9988）、小米（1810）都屬於同一行業，而你整體的比例已經超過行業的上限3成，建議長遠應該減持部分，維持平衡水平，如果你本身是年紀較大的，這類潛力股就不應持有太多，避免組合風險過高。

同時，騰訊（0700）和阿里爸爸（9988）整體超過個股的上限15%，建議長遠要適量減持，避免風險過於集中。

2) 一個100萬以下的組合，不建議你持有超過10隻股票，否則難於管理。

3) 你的組合集中在港股，長遠可以考慮加入美股來建立更爲平衡的組合，如果不懂選股的話，可以考慮先從指數型基金開始，例如（VOO)或（QQQ），這是分別追蹤標普500指數的ETF或 納斯達克100指數的ETF，適合美股投資初學者。

Q37065：

我160 萬流動資金，準備買樓，是否時機

因生了女兒，住地方細

龔成老師︰

因為你是買樓自住，係實際生活需要。

自住物業的話，最重要係佢適合自己長期生活需要(講緊未來10-20年)。同埋長線有信心供得起，咁就可以。

好多人會將投資因素，放埋落自住物業度考慮。我唔會話錯，但其實未必有太大架必要。因為自住物業，就算佢升定跌，一般人都因為咁去輕易沽出佢架物業(除非你長線可能因為家庭需要，會打算再換樓，咁就另計)。

即係話，個物業價格變化，好多時只係影響緊你架心理，而非實質。

反而，你供款出問題，就真係有機會影響你持有物業架狀態。或者佢已經唔適合你居住，先至有機會去進行換樓。所以，"生活需要"同"供款能力"，永遠先係自住樓優先考慮重點。

至於未來樓市走勢，我預唔會大升，或者大跌。

現時香港樓市已經從高位回落，處於合理區的中間，但短期較一般，始終中國及香港經濟未完全回勇。但相信未必大跌，最多少少調整。

另外是高息因素，高息對樓市會不利，這就近1、2年樓價回落較多的原因。不過，這個因素基本上已反映，加上香港買樓需求仍大，相信不會大跌。

而香港減息的力度未必及美國，而且本身大環境經濟都弱。所以，我預期未來樓市都唔會大升。

因此，香港樓作為自住的價值仍在，中短期不會大跌，也不會大升，以穩定為主。自住的話可以考慮，最重要是自己的負擔水平。投資價值，就只是一般，未見好吸引的水平。

Q37066：

老師，請問現價計us:shop，港股:IGG,邊隻值搏率較高，感激萬分

龔成老師︰

Shopify（SHOP）是風險類股，有危有機。

佢主要為中小型企業提供電子商務平台。 該公司分為兩個部分：訂閱解決方案和商戶解決方案。

訂閱解決方案部分允許Shopify商家在各種平台上開展電子商務，包括公司的網站，實體店，快閃店，信息亭，社交網絡（Facebook）和亞馬遜。

商家解決方案是該平台的附加產品，可促進電子商務，包括Shopify Payments，Shopify Shipping和Shopify Capital。

生意增長快，但業務本質較波動，因此風險較高，而最難的地方在估值，較難確定現價平貴度。投資這股不是不可，但就要小心控制注碼，企業發展力都有的。

IGG（0799）有風險的類別。

雖然佢財務數據不差，但業務本質的不確定性大，軟件及遊戲都是變他較大的行業，同時受政策等因素影響。這種不確定性可以令企業好勁或好弱，因此你要明白這點。

佢股價上落大是正常的，如果你投資要明白這點，就算長遠企業價值向上，都要明白股價波動。這股不是無質素，但由於有風險，因此唔建議大注，持貨不算多就無問題。

兩隻都是風險較高的企業，如果將投資值博率，Shopify（SHOP）會好小小，但在財富分配的角度，不建議大注，同時控制注碼。

Q37067：

我希望將來有可以學識你推介比我的書，你都講得啱，要找到自己發展方向才轉工，轉工要背付好大成本，每次見到龔sir 教我的，比的意見比我，真係獲益良多

我明白人工低，一定要學識買股票買基金才能把金錢最大化，不過我無咁叻投資頭腦，我而家有睇你比我的YouTube ,學到好多野

工作規劃有一些書推介比我睇，等我睇下可以睇下自己應循什麼方向去轉工，因為我真係好想睇下有什麼工作適合我做，而我又應付到

想睇下一些工作規劃幫我自己應循什麼方向轉工，我真係好想睇一些工作規劃，要學習下如何轉工

之前我試過轉工，人工的而且確比而家份工高人工好多，點知做唔店個份工，應付唔到個份工，迫住要辭職，所以而家不敢亂轉工

龔成老師︰

選擇工作的書，我就無推介。

但我建議你可以試多D，或者向有唔同工作經驗架朋友，或者前輩了解下，從中再思考自己的去向。

其實選擇工作，都需要累積經驗。當有一定經驗，就可以做出更理想的判斷。

而經驗那裡來? 可以從自己、朋友、或者前輩身上獲得。

最後，選擇工作架時候，人工固然重要。但更重要係一個長線規劃，有一對自己成長有好處架工作地方。

例如，而份工現時人工唔高，但累積倒架經驗，可以幫你將來自已做生意，或者轉份更理想架工作。咁而個時候，我地都應該要考慮。

記住，投資同選擇工作，都要以長線角度去分析。同時唔好人買你買(或者人做你做)，要選擇只適合自己的方向，才是理想做法。

加油!!!

Q37068：

老師，有問題想請教一下您，請問如何在眾多股票中尋找高增長潛力股

因為我是20歲的年青人，想盡快令資金增長

龔成老師︰

其實要找高增長潛力股，係要做一個詳細架分析，慢慢從過千隻股票中，進行初步篩選。之後，再進行較深入架分析。

過程比較複雜，好難三言兩語就講到，就算在我的股票班，都要講5小時。裡面仲會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

在你未能掌握太多投資知識前，我建議你先用月供模式去儲貨，以平衡買貴貨風險。

以你現時20歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你可以投資「平穏增長股」和「潛力股」。雖然你年輕，但不建議只集中投資高增長的潛力股，長遠應該建立一個平衡組合。

你可以用一邊月供一邊儲蓄的策略，將儲蓄的一半儲起，其餘的就等待機會。。

選股上，你可以考慮平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

等你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

我明白你想趁年輕盡快做到財富增值，但財富的累積需要時間，同時需要掌握一定的知識。

建議你除了透過以上月供方法，去累積資產外。同時間要去努力增進投資知識，來提升你財富增值效果。你要多讀投資相關書本、年報，新聞和報讀相關課程。

書本上，你可以睇我寫的新作《圖解股票小百科》以及《80後千萬富翁》、《財務自由行》，都適合初學者。

我YOUTUBE CHANNEL都會不時分享一些投資技巧和知識，你都可以睇下。

http://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q37069：

你好成哥

因為之前啲股票已放了 因為在沒有工作下放了 但現在有工作想在買或者月供一些 唔知成哥有咩可以介紹俾我

我每月可以用大約2-3千月供 我想問下1211 0005 0066 6823 1928如果要月供想問下成哥那幾隻好 唔該🙏成哥

龔成老師︰

其實投資應該以長線為主，同時理財是一個財務配置的過程。

我會建議投資者在投資之前先做好防守的部分(特別係如果新工作唔係做左好耐，依然未穏定的話。)，再考慮進攻，你在投資前應該先預留6-12個月的開支，這就可以避免在非不必要的情況下賣出股票。

你現時工作尚未穩定，同時月供可用資金不多，建議可以先集中在指數型基金，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

你所講架比亞迪（1211）、滙豐（0005）、港鐵（0006、）金沙（1928）、香港電訊（6823）都是有質素的企業，都可以月供。但由於你資金不多，建議先集中月供指數ETF。

當然，如果你想在這5股裡選股，可以考慮你的風險度及投資目標，0005、0006、6823偏向收息，風險較低，而1928就收息及平穩增長，1211風險會高D而潛力會較D。

另外，長遠來說，你可以慢慢建立一個更全面的組合。

以下係一些都適合你年紀架優質股，你可以參考下，到將來資金較充裕時，可以加入月供組合。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。

Q37070：

我有個想法，想請教下例如futu apps為例當中槓桿利息相對較低，從而使用槓桿買入建行收息，因股價波幅咁多年都係咁上下，變相埋可以利息-槓桿利息，最後賺取息差？咁樣是否可行？感激

龔成老師︰

首先，使用槓桿會令整體的投資風險增加，如果你本身唔係有一定技巧，不建議咁做。

此外，唔好完全用過去表現，去到衡量一隻企業架將來，因為佢係可以變。

銀行業本身風險唔細，加上內地近年經濟都好波動。表面上，你架想法係可以低風險，去放大收息水平。但實際上，長遠係唔係咁樣，我自己有少少保留。

你要做都可以，但要明白當中架風險。