Q40761：
電能係我買嘅第一隻股。一買就跌，坐足兩年先返家鄉，一到家鄉我就賣，點知賣出就狂升。
當時有人問我既然都返到家鄉點解唔keep。當時真係蠢咗😆當時派息係唔錯
其實我係咪策略有問題？
龔成老師：
其實有一個思維，你同一般散戶都好易犯錯，就是集中在「買入價」。
好多人都會同你一樣，比買入價影響投資決定，但其實，之後的股價發展與你當時的買入價無關！
所以，最重要是從企業的發展分析。
電能實業（0006）佢主要從事投資能源及公用事業相關業務，範圍包括火力及可再生能源發電，輸電和輸油，配電及配氣。
佢除左持有港燈（2638）外，亦有國際業務，如英國、澳洲、新西蘭、中國內地、泰國、荷蘭、葡萄牙、加拿大和美國等能源及公用事業相關業務。
這股是收息股，但增長力就不強，有長線投資價值，適合中低風險類的投資者，投資目標是收息，及有少少增長，而這股的股價也較穩定。
Q40762：
小米在$12買了很少量，之前一直升，想加注，但唔敢加，現快到$40，仍可加注嗎?
龔成老師︰
首先，現價已經唔平，反映左唔少利好因素。
所以，現貨建議持有(因為唔多)。如果你想加注，現價只可以加少少。
其實最主要問題，係你要學好估值。因為如果你識估值，係$12個陣就明小米(1810)係抵買，而唔會只入少少。
而學會估值前，要做好分注規劃。在開始前，先定好總投入金額、分多少注、每升/跌多少就加注之類。而唔係被到見個價變，先再諗，咁係好危險。
所以，小米(1810)你真係好想入，可以加少少注。長線記得提高自己架投資知識，先至有機會承載到更到而類倍升機會。
Q40763：
老師，在現在經濟下轉工，是否適合?
龔成老師︰
好難一概而論，最重點係用長線角度，去考慮份工作(現有/將來)，是否適合自己，是否能夠幫自己達成人生目標。
整體而言，現時經濟環境較一般，最好有新選擇，才考慮離開現有工作，以免長線現金流損耗。
Q40764：
你好，我轉左新工扣左住宿家用之後，人工得返$8000，諗緊扣交通餐費應該儲現金定買一股VOO，想問下你意見？
龔成老師︰
投資初學者，我建議先從月供股票入手。因為你未懂定平貴，月供可以平衡這方面風險。
選股方面，你可以集中在一些指數ETF，例如港股盈富(2800)和美股VOO。佢地係一籃子優質股票，分佈在不同行業，具投資價值外，也能分散風險。到你有一定知識，才考慮加入其他個別股票。
現時你可以用每月先用5成儲蓄做月供，其餘先儲起等機會。當大市出現一定程度的下跌，就可以動用現金去投資，在平宜價加大力度掃貨，然後長線投資。
相信這個模式，雖然唔係最賺錢，但對你這類初學者會係最有利。
但你要留意，上述月供方法，雖然可以幫助你在知識不多情況下，進行有限度的財富增值。但長線財富增值要做得好，必需再加強投資知識，提升選股分析和估值能力。令你可以因應市況平貴，自行制定入市策略。
Q40765：
你好，我收入穩定，每月儲$10000，另外$3000月供基金，想再投資，但0基礎，應如何入手?
龔成老師︰
作為一個初學者，你先要做三樣野。
第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《圖解股票小百科》適合初階者的。
第二，了解銀行及證券行，去開一個證券戶口，並準備做月供股票。
其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。
第三，將每月的部分資金，去做月供股票，供一些指數ETF，如港股盈富（2800）或美股VOO。對初階投資者來說，月供股票是一個很好的累積財富方法，因為可避免你一次過在高位買入的風險。
原理如同儲錢，不過就不是儲現金，而是儲股票。計劃要長期進行。
另外，盈富、VOO是一個股票組合，適合絕大部分人投資，風險不高，長期儲貨可助你財富平穩增值，記住要長線持有。
Q40766：
現在工作沉悶，賺錢有限，想發展副業又怕半途而廢
龔成老師︰
我覺得你先想清楚，自己長線人生目標，而工作係你而個目標度，扮演什麼角色。
之後，再思考現時工作或者工作模式，是否可以幫助你達成目標。
記住，最重點係用長線角度去考慮。如果短期賺錢能力一般，但可以幫到你長遠發展，都應該考慮。
加油，祝新一年心想事成。
Q40767：
老師你好，我手持0003,3067,1373仲有數隻全部低過買入價一大截，應該HOLD定放?
龔成老師︰
你唔好用買入價或帳面賺蝕，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。
因為你買入一隻股票之後，買入價已經係一個沉沒成本，唔應該用佢作為考慮因素。反而係佢架長線投資價值，先係最重要。
若果有長線價值，就算而一刻帳面蝕緊，都應該守住先。因為長線佢會增長，慢慢去翻一個較理想的股價水平。相反，如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。
另外，再要分析埋自己持股比重。如果太多，就算有質素，都要減少少平衡風險。
至於你手上持股，都有長線投資價值。但煤氣(0003)近年弱左，長線不宜持有過多。
Q40768：
成哥，我現在剛剛買左二手樓，用盡積蓄 之後又準備結婚 之後財產分配都好迷茫 唔知點做好
龔成老師︰
大方向，記住係生活優先，投資第二。
資金先重點解決生活部份，如果你準備結婚，相關支出應以現金或定期去持有。
到將來每月有資金剩，才慢慢月供去累積優質股。同埋，係投資的同時，保留半年至一年開支作為應急錢，以備不時之需。
Q40769：
其實之前已經買入置富5.6十萬股，宜家想溝貨等3.8入，想平均價去到4.7之後賣返出去，可以嗎？
想問點解工商銀行TTM同LFY相差咁大
龔成老師︰
我唔建議你有而個溝貨想法，首先你持有收息股，係為左收息，創造被動收入支援退休生活，而唔係做財富增值。
所以，個重心係佢派息穏唔穏定，如果係穏定，就算股價點變，其實係影響唔到你。
即係等於你買左間自住樓，只要間屋適合長住，你唔會因為今日個落價跌左2%，就去沽左佢。跟住預佢聽日升，又買翻。你要攪清楚每類資產持有目的，才好決定行動。
另外，你投資架概念都有問題。
你要明白"溝貨"與"分注"的分別。
"分注"即係本身預左一個資金上限，再去因應佢平貴度，慢慢加注入去。這是預先有計劃，去按股價變化去進行。
而"溝貨"﹐即係見佢跌就不斷入貨，純粹只係希望盲目咁拉低平均個價。覺得之要平均價跌，未來平手離場機會就會大左。"溝貨"係好多散戶鐘意用架策略，不過溝貨唔單只唔會幫到你更易平手，反而係增加緊你組合風險。因為一邊拉低平均成本價的同時，你手上架股票比重都增加緊。而這類股票好多時，只會愈跌愈深，令散戶愈加注，愈輸錢。
我建議你睇翻以下Youtube影片，對你理解溝貨而件事(作用和風險)，對你未來投資會有好實際架幫助。
https://www.youtube.com/watch?v=5yu9jrvfGX4
至於手上置富(0778)，你可以持有照收息，並長線持有(唔係平手就沽)。而是否加注，就睇你佔組合比重，個股不宜高於組合15%。
最後，工行(1398)點解TTM同LFY相差咁大，相信佢TTM係只用左2024年中期息計(末期息未公布，即係只有半年數據，但LFY則是2023年全年數據。)，所以有明顯落差。
Q40770：
老師你好，想請教一下，謝謝你
希望你新年快樂，身體健康
Q1:1177 生物製藥 我想問哩隻股票靜左幾年，但其實業績好，龍頭股，你點睇？我5點幾買入，買了20000股，跌左近4成，唔知加唔加注好。
Q2︰想你比少少意見我，對於現在組合
823:3000股 50左右蚊
1038:2000股 36蚊
1177:20000股 5.8蚊
6823:10000股 8蚊
270: 12000股 8蚊
939:17000股 3.4蚊
941:500股 45蚊
仲有
19萬債券
22萬4.625%美債
25萬 貨幣基金
現金15萬左右
想加注66 港鐵見佢現價低，派息穩定，值博嗎？
我今年33歲。
美股就想月供VOO，策略係每月見佢跌就買。
我目標係收息達至財務自由，依家每年可儲40萬，股息現時一年有8萬
龔成老師︰
Q1)中生製藥（1177）長遠有發展。不過，市場其中一樣擔心是中國政府的採購政策，影響企業賺錢能力。
自從帶量採購政策開始，部分中標藥物降價幅度可以超過五成，對相關企業影響不少，令中生製近年的股價較弱。另一方面，中國政策近年鼓勵藥企發展創新藥，而過往不少藥企都以發展坊製藥為主，故此對不少藥企有所影響。
雖然這些行業政策的改變，影響了企業的賺錢能力，不過，行業同時進行汰弱留強，所以長遠對一些較有實力的企業來說，不一定是壞事。而中生製藥，是中國藥企中，其中一間較具研發能力的，而經過近年的投資期，特別是部分創新藥陸續進入收成期，這股將慢慢好轉。
部分創新藥，開始為中生製貢獻不少收入，同時增長快速，加上近年投入大量資金研發，考慮到這企業過往能不斷推出新產品及擁有的研發能力，相信之後能保持推出具有競爭力的產品。
投資這類醫藥股，投資者要集中睇長遠前景，而不是短期情況。
這企業短期仍受中國政策等因素影響，但長遠，企業仍是擁有一定的研發能力，長遠仍是有發展的。
要留意，始終醫藥企業有風險的，投資者要考慮自己的風險承受能力，控制注碼，同時，要控制佔組合比例不宜過多，現時以你組合情況暫不建議加注，同時要耐心持有，等企業收成。
之前我有出過影片分析佢，你可以睇翻︰
https://www.youtube.com/watch?v=zvHAyP77Pss
Q2) 首先，你要記住成套財自架人生規劃大方向。
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
所以你33歲，你應以增值為主。建議你用「平穏增長股」 + 「潛力股」作組合，去創造一個增值平台。
你持有的組合中，貨幣基金、債券、香港電訊（6823）、建行（0939）、中移動（0941）都屬於收息類，增長力有限，長遠會拖低組合的回報，可以考慮換成其他平穩增值股或潛力股。
你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
港鐵（0066）屬於平穩增值股，同時有質素，現價合理，可以分注買入；Vanguard標普500指數ETF〈VOO〉，是追蹤標普500指數的ETF，有質素，組合中加入美股會令你整體組合更爲平衡。
總括而言，你現時整體的組合偏向較爲保守，可以爲你產生現金流，但增長能力不足，會令到你達到投資目標的時間會較長。建議你未來時間，可以慢慢分注買入潛力股的投資工具，同時都瞭解這些工具的特性，長遠可以建立更爲合適的組合。