Q41061：
龔Sir, 你好。想諮詢你一些問題。是咁的：我今年即將踏入40歲，讀緊大學第四年準備暑假畢業，有兩個女兒分別12及13歲，讀緊中一、中二。
現時每月支出：
供樓$16000，還要供25年，暫時放租，就暫住前夫留比我地住的一個單位。
家庭支出約10000，
管理費：$640
年繳儲蓄保險：$40000
每月收入：
兼職：約$2000
租金$7300
贍養費：$8000
目前考慮要不要賣掉間屋？因為我嚟緊畢咗業之後搵嘅工都唔會超過$20000/月。唔知點樣供25年，但如果而家賣咗佢帳面蝕$100萬，又驚住緊果度將來前夫突然收返，我哋就無自己的屋。想老師俾啲意見。謝謝🙏
另外持股方面：
880，5000股，
1177，30000股（目前蝕咗一半）
1810，3000股
3036，3000股
3988，100000股
現金持有：約$60000
金器約值：$100000
龔成老師︰
雖然，你現時居於前夫提供的單位，可以節省了一點支出。但始終你不是單位持有人，長線都會有被收回到風險，故建議你以假設會被收回的情況，去進行長遠規劃。
先講你物業部份︰
一般我地置業，會睇翻物業，是否適合長線居住。同埋長線有信心供得起，咁就可以。
前者，你可以諗下，至少未來10年，是否適合你和2位女兒生活。
後者，當你畢業後有$20000一個月，加埋贍養費，大致可以持平。
而生活收支部份︰
你可以用記帳形式，去審視自己支出，有無可以進一步節省地方。
另外，如果時間許可，睇下可唔可以全職之餘，做一些網上小生意之類，去加大收入。
年繳儲蓄保險，其實增值能力唔太高。如果你只係供左好短時間，建議你考慮取消左佢，來節省生活開支。
但如果供左好耐，建議保留。同時，如果供左1X年或以上，你可以問下保險Agent，有無得停供。以保單內價值，幫你持續供住份單。(但緊記，唔係保單借貸，而個係唔同。)
至於持股和資產方面︰
你手上股票，都有長線投資價值。但澳博（0880）質素已經弱左，長線不宜持有太多。
同時間，你手上潛力股略多(1810,1177,3036)，未來再投資，建議平穏增長股。
以下是一些具投資價值的平穏增長股，你可以參考下︰
指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
另外，你可以考慮將部份持股，換成收息股，去增加被動收入，去減少每月開支壓力。不過，收息股增長力明顯不如潛力股和平穏增長股，會拖慢你財富累積速度。所以，你要自己在"長線財富增值"和"中短期生活壓力"中做個取捨。
收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
現金，我建議保留作應急之用，不要拿去投資。
金器，如果有紀念價值，可以保留。貴金屬主要係對沖黑天鵝事件，不用太多，佔組合2-5%就可以了。
Q41062：
成哥你覺得小米話15年內做到全球車企 top Five可能性大唔大？
如果到時佢一年賣到700萬部車 股價大約升幾多先合理？ 呢個銷量會唔會假設得太樂觀？
同埋想問你覺得 現時睇 小米同比亞迪 邊個啲車吸引啲？
龔成老師︰
小米(1810)係雷軍帶領之下，其實做得唔錯，15年內做到全球車企 top Five，唔係話無可能。
當然，條路好長，當然會有好多困難，有不確定性，所以是有變數的。
但客觀而言，佢新能車交付左1年左右(暫時正面)，其實參考性未算好高，所以要再觀察。
至於佢一年賣到700萬部車，要股價多少先合理，其實要考慮好多因素(如大市、經濟、生產成本、售價等)。所以，我暫時會用翻佢
一年大約24-30萬架去參考，再睇佢未來發展再調整。
暫時計，佢唔平，如果無貨可小注，有貨最好等回調才加。
至於車款，比亞迪(1211)始終選擇較多，市場對佢都係較有信心，故以車而言，整體會較吸引。
我早前Youtube Channel出最新架小米分析影片，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
Q41063：
Kung Sir，我現在39歲，有穩定職業，月入大約$90,000。有一層約4百萬物業自住，但未供完，月供$15000。冇小朋友。但預算可能會有1個小朋友。
現金大約120萬 ,應該點樣樣投資，先至可以喺五年內達到10,000,000目標。
龔成老師︰
以全球靠投資致富既巴菲特爲例，佢每年投資平均回報係2X%。所以，我地一般投資者，所追求每年平均合理回報係大約10-15%。
因此，如果你想以透過投資，將120萬5年内變成$1000萬，有很大難度。
如果你無其他特別方
法(例如做生意之類)，我建議你從合理角度出發，用投資去進行增值。
你39歲，建議你用「平穏增長股」 + 「潛力股」作組合，去創造一個增值平台。
你$120萬本金，5年賺取10%的平均回報，5年之後大概就是係194萬。
所以，建議你除了用現有資金，都用每月5成儲蓄做月供。其餘一半儲蓄就先儲起，用一邊月供一邊儲蓄的策略。
平穩增值股︰
指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
潛力股︰
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。
現時大市大致算在合理區中下部(港股)和上部(美股)，你現有120萬資金可以先投入30-40芽萬，用"分注"形式，慢慢買貨。餘下資金和每月所儲到的資金，就等大市每有回調才慢慢加注，然後長線投資。
除了透過以上月供方法，去累積資產外。同時間，你要去努力增進投資知識，來提升你財富增值效果。你要多讀投資相關書本、年報，新聞和報讀相關課程。
書本上，你可首先睇：
《圖解股票小百科》
《圖解美股小百科》
《80後千萬富翁》
《財務自由行》
之後再睇其他。
我YOUTUBE CHANNEL都會不時分享一些投資技巧和知識，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
Q41064：
大師你好, 我現時持有這些垃圾股票：
390中國中鐵10000股
買入價$7=$70000
現價$3.79=$37900
2038富智康30000股
買入價$1.385=$41550
現價$0.92=$27600
6837海通證券1600股（停牌）
買入價$23.15=$37040
現價$6.45=$10320
我應該繼續keep住嗎？
謝謝大師解答
龔成老師︰
中國中鐵（0390），本質算是不過不失，但近年略有轉弱。
預佢的增長力在之後，都唔算好強。睇翻佢的業務同財務數據，生意同盈利都處於穩定狀態，但增長力唔算強。
所以長線睇，算有有投資價值，但增長只是平穩。佢過往股價曾在2015年大升大跌，這只是炒一帶一路，但之後回復原狀，因為這因素只能為佢帶來平穩增長，而不是高速增長。之後同樣只是上上落落，近年股價再次轉弱。
現價合理，但這類股又唔值得佔組合比例太多。
富智康集團（2038）不差的，但長遠只是平穩增長型，未必是高增長類
佢主要向客戶提供有關手機生產的全線製造服務，主要客戶包括國際品牌手機委託設備製造商。集團主要在亞洲、歐洲及美洲經營業務。
當然，佢本身都有一定的技術。不過以過往的業務情況睇，賺錢能力唔算高，而且多年虧損，投資價值只算是一般。
現價算是合理，但長遠增長力不強，因此未必值得大注投資。
海通證券（6837）業務有：證券及期貨經紀、資產管理、自營交易、投資銀行、直接投資、管理本部及其他分部、融資租賃、海外經營分部。
業務主要地是中國，增長力唔算強，同時盈利略有波動，始終行業都會受投資市場上落因素影響。
現價合理，但你預佢都會有波動風險，長線投資價值都有但不是高增長類。
(2月5日為最後一個交易日。現金選擇權實施完成及公司終止上市後，股東持有的A股、H股股票，將依換股比例分別轉換為國泰君安(2611)吸收合併所發行的A股股票及H股股票。)
整體而言，你手上股票雖然有投資價值，但唔係好高，明顯你選股能力上不太理想，建議你長線要加強自己知識。
因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q41065：
龔成老師 幫我分析3738那個股票怎麼樣？
龔成老師︰
阜博集團（3738）是較高風險類。
業務是線上視頻內容保護服務供應商，客戶包括七大全球電影公司、電視網絡公司及其他內容擁有者。
過往一直虧損，近年開始有錢賺，業務增長加快，不過，本身的獨特性不是好強，規模未算好大，因此，未見佢有好確定的優勢。
潛力度有的，不過就存有較有不確定性，這類股只適合小注投資。
Q41066：
老師好，重貨持有領展幾年了， 未有起色，請問怎樣換馬較合適？ 謝謝
龔成老師：
你預短期仍弱，回勇要時間，如果作為收息股仍可以，長遠則有收息及基本增長力，不是高增長類。至於是否轉，如果你持貨多，可以減部分，轉其他有增長力的股，這樣你的組合會較平衡。
Q41067：
龔sir你好
想問下3190係咩股票
見佢好高息
如果收息用值得買嗎？
龔成老師：
富邦滬深港高股息（3190）是一隻收息基金，基金之目標為追蹤恒生滬深港（特選企業）高股息率指數（價格回報）之表現。
當中持有不少內地及香港的收息股，如農行、工行、香港電訊、中移動等。可以視為一個收息股的組合。
現價合理，股息不差的，可分注投資，只要持貨不過多就無問題。不過都要記住，佢股價都有上落的。
Q41068：
龔Sir 請問可否詳細分析590業務現況及面對咩嘢風險？幾時會好轉！唔該！
龔成老師：
六福（0590）有質素的，佢是香港及中國主要珠寶零售商之一。集團主要從事各類黃鉑金首飾、黃金飾品及珠寶首飾之採購、設計、批發、商標授權及零售業務。現時面對最大風險是中國消費力較弱，始終佢產品不是便宜，所以，企業也受中國消費市道影響，回勇仍要時間，因此要耐心。
佢有一定的品牌，以及有一定的銷售網絡。現時在六福的佈局中，無論是自營店還是品牌店，二三四線城市仍佔不少。在長遠的品牌建立中，會漸漸受惠於中國二三四線城市的發展消費力增強，故中國部分仍是其中增長力所在。當然，這不是中短期會出現的事，要等中國經濟好轉。
策略方面，現時雖然疫情已過，但自由行未算強，加上中國經濟有不確定性，都是不明朗因素，不過，投資者應該以長期角度分析，綜合分析，六福仍是一間有質素的企業。
現時在合理區較下部，可以分注投資，但不是大手時候。這股買入後可長線，等企業進一步發展，以及市道全面向好。
Q41069：
龔sir，你好，我而家上緊初階班，你提到如果隻股冇質素應該要止蝕，想問下隻 融創中國（1918）仲有冇質素？ 我喺高位$4.6入咗20000股，跌到個幾，近期只係微升返少少，應唔應該止蝕？謝謝🙏🏻
龔成老師：
融創中國（1918）有一定風險。
這企業始終負債過高，現時市場預期樓市見底好轉，如果順利當然對企業有利，但如果過程反覆，這股的負債超高，面對少少不利因素，股價都可以十分波動。
所以，現時的關鍵是你持貨佔組合%，以及你的風險承受能力。如果貨多，及你風險承受能力不高，宜減持。
相反，你可以守，而守不是等升少少，而是博行業明顯好轉，博佢股價倍升。
但你要明白背後的風險，同時明白這一定會令股價較波動。
Q41070：
老師請教一下
1800成本 9元
2628 成本 21元
坐左好耐，如何是好？
龔成老師：
中國交通建設（1800）本身不是無質素，但又未去到好好，算是中等類別，但增長力不強。市場會擔心企業的可持續發展，擔心生意無過往咁好。
過去幾年收入的確維持增長，但你再仔細去睇佢財務數據。
你會發現，多年收入維持增長的同時，盈利整體係出現倒退的情況，反映佢賺錢能力係弱左。
而且佢本身負債高是扣分的地方，因此估值不會高(所以PE一直偏低，反映出市場對佢評價較一般。)，股價都反映了相關風險。
你預這股長遠都可以平穩增長，但不是高增長類，可能要較長時間先上到你價位。如果你想高增長，可考慮減部分，留部分，轉其他。
中國人壽（2628）近年表現較弱，到最近股價開始回勇，但仍然波動，主要是受投資市場情況影響，始終這企業的盈利，都會因投資市場而有變化的。
從業務上，近幾年增長有減慢情況，而另一個影響近年股價因素，是近1、2年的中國負債、內房、及延伸資產問題，會對中人壽短期不利影響。
到近期，中國政策想令樓市回穩，這點將會這好中人壽。
因為中人壽除了有企業本身的保險業務，會將浮存金進行投資，因此當中國類資產質素轉弱，都會對這企業的資產質素造成影響。現時每年投資收益約有1800億人民幣，當這部分的波動較大，就會對企業盈利有一定程度的影響。
如果用較長遠的角度分析，中人壽都有質素的，如果中國經濟及資產質素進一步好轉，這股表現才會更好。
這股可以守，只要貨不是過多就得。