Q49411：
可以問下，IBIT如何
龔成老師：
比特幣ETF（IBIT），是由貝萊德（BlackRock）旗下的 iShares 所發行的「比特幣現貨 ETF」。
IBIT 是一隻「現貨」ETF，基金背後由真正的實體比特幣作支撐（由 Coinbase Prime 負責冷儲存託管），能緊貼比特幣的即時市場價格現貨走勢，而不像期權或期貨 ETF（如 BITO）需要承受合約轉倉的隱性成本。
睇翻過往的表現，這ETF能有效追蹤到比特幣的價格，如果你睇好比特幣，可考慮這ETF作為間接投資的工具。不過，比特幣始終風險較高，要留意這點。
Q49412：
龔成老師
其實如何分析939現價是合理價？
龔成老師：
首先，買入股票就是買一間企業，每間企業都有當中的價值，最基本的概念，一間企業由業務價值與資產價值組成。要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。
簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。
例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。
如果要深入計算，基本上要好仔細的研究企業，要分析好多財務數據用比率，先至有較完整的答案。
如果要簡單D，其實對內銀股來說，利用股息率是其中一個方法。當然，最好配合其他方法進行。
Q49413：
老師，有那些收息股較好？
龔成老師：
投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。
你可以建立一個收息股的組合，目標是5%以上股息率的收息股，以下可以參考下，例如高息基金（3110）、恆生高息基金（3466）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。
由於收息股股價都會有上落，因此要控制每一隻佔股票組合的比例，不要超過15%，而3110、3466由於是一個組合，比例可比個股高。
3110、3466可以視為收息股的組合中其中一員。這基金可投資的，現價合理，可分注。佢是投資香港大型，派息較高的上市公司。
這是不差的收息組合，但增長力不強。
Q49414：
請問10幾年之前，買入（2828恆生國企指數）買入價$120元，現在還持有，可否一部份轉去3110 ／3466基金？謝謝老師！
龔成老師：
可以，3110/3466是收息基金，其實可以令你組合更平衡，加上近年部分收息股表現理想。你可考慮減一半2828，轉去3110/3466。
Q49415：
Uuuu 13.9入。現在10.73。100股。
有賺錢但係咁跌？
龔成老師：
Energy Fuels Inc（UUUU）是一家礦業開發公司，從事鈾和釩資產的勘探和評估。由於財務數據仍一般，所以股價上落一定大，投資只宜小注。
它還運營 Nichols Ranch、Alta Mesa 和 White Mesa Mill 項目。該公司由 George E. L. Glasier 和 John David Mason 創立於 1987 年 6 月 24 日，總部位於科羅拉多州 Lakewood。
生意波動，盈利不穩，市場近期對行業有炒作，但未能確定企業是否好有獨有優勢，以及企業估值。所以，只宜小注持貨。
Q49416：
龔Sir, 白銀期貨主連 (2612), 我見依隻同白銀ETF-iShares SLV入場費差不多，應該點選擇呢？2612寫係期貨，我又唔太識。。
龔成老師：
「白銀期貨主連 (2612)」是證券行提供「2026 年 12 月到期的白銀期貨合約」，即是你要買賣期貨，風險較高，同時有一定槓杆。
如果你睇好銀，我會建議你買實貨白銀，或SLV。
Q49417：
我係你2022年6月的學生, 唔知第幾期了,因為當初遇到您得到啟蒙, 呢4年我由戶口現金曾經接近不到4個0, 連投資戶口都未識開, 之後不斷在理財知識上增值, 同有時睇到你D 鼓勵posts, keep 住啲動力, 終於到了第一個1球！
並超過了, 過程不易 放棄過好多娛樂,外遊, 同物質, 仲有維持生活的各種開支負擔, 不過起碼終於堅持到自己4年幾接近5年前, 對自己嘅承諾！
但係我發覺近半年在買入的股票上,投資上開始有少許迷惘, 因為開始發覺不知道如何再可將其穩持向上, 有種停停滯不前嘅感覺, 我中美兩邊都有持有, 但係唔知點樣可再突破 令資產再增值上去, 希望嚟緊你嘅講座, 到時候可以對自己有新嘅啟悟. 藉此再次多謝您的啟蒙呀❤️加油💪🏻
龔成老師：
先恭喜你完成目標！
同時，可以令你啟動「財富累積」，這個好重要。
有時在累積過程，有困難，有停滯，呢個係正常，我累積財富頭10年，更試過由幾百萬，跌到得翻幾十萬，最重要方向正確，保持儲蓄、投資、用正確方法投資。
我相信你聽完講座後，會有更清晰的方向，到時見！
Q49418：
Sir~我上星期第一次去了上環孖沙街金城買了一舊1 公斤賀利士白銀約一萬七千港元 旦佢叫我俾曬錢先羅比我 之後我check 完舊野正常後簽紙 我之後叫她 （女人 約50 多歲）羅我剛買的白銀去磅重 佢話 好少人會磅 之後磅完 達標我 羅反舊白銀走
1.我想問我下次等 佢羅件白銀比我我check 完磅完 我先比錢及簽紙 可行嗎？
2.如果佢吾肯 我就吾買去旺角分店買 你點睇？
- 正常D人點交收？
Thx🙏🏼🙏🏼
龔成老師：
1）可以
2）其實都得
3）由於間店好多年，加上賀利士是標準化產品，一般都無問題。所以好多人，未必會磅，只要在有信譽的店，買有品牌（如架利士）產品，其實一手比錢，一手比貨就得，未必個個會磅，始終銀價不算好貴，所以有時差少少都無問題。
不過，如果買金就一定會計到好準。
Q49419：
阿里穿左前底104.2，但日線圖呈長下影線的十字星，且大戶買貨比率52%可見有人趁低吸納，是否不算太差？
龔成老師：
相信短期仍一般，但長遠不是完全無風發展，但要明白佢當前面對的情況。
阿里（9988）你預短期一般，始終市場競爭大，但佢係業務層面，不是無優勢的，部分業務處有規模，也處領先位置，加上人工智能等技術不斷進步，都利好整體企業長遠發展。
不過，市場競爭加大，加上資本開支數目，都令企業風險度增加，所以投資都要控制好注碼。
數年前因監管因素，令企業增長慢左，加上近年競爭大左，影響佢賺錢能力。到近年，業務持續好轉。企業長遠仍有增長力，有發展延伸業務，都會成為企業增長點。特別是雲業務，增長快速，將會成為企業不一個增長動力。
以企業的長期發展計，這股有質素，有長線投資的價值。不過，市場競爭大，賺錢能力受壓，也是一些不利因素，所以投資都要控制好注碼。
部分技術都不差，再加上人工智能技術，會有利好企業長遠展，因此，長遠正面，但資本開支成為風險。
Q49420：
龔sir唔好意思又有問題想問吓你，未來AI大趨勢你話要選擇啲行業關鍵位置嘅公司咁（03308）中際旭創 算唔算係關鍵位置其中之一 值唔值得分住長期持有 ？
仲有個問題想問問 關於 完美醫療（01830） 小弟兩蚊買入 持有到呢加 想聽吓阿Sir意見，依家仲值唔值得加住或者清倉 thank you sir🙏🙏
龔成老師︰
- 中際旭創（3308）為全球領先的光互連解決方案提供商，其光互連解決方案通過光纖傳輸數據，在日益複雜且數據密集型的雲端和AI基礎設施中，實現服務器、交換機及其他網絡設備之間的高速、節能及低延遲的連接。
集團的主要產品為光模塊，可通過實現電信號與光信號的相互轉換來傳輸海量數據。集團在全系列高速光模塊細分領域均處於領先地位，包括400G、800G及1.6T。
跟據資料，集團自2021年起連續五年是全球收入規模最大的光互連解決方案提供商，2025年佔整體光互連解決方案市場的21.2%，並進一步提升了在高速數通光互連解決方案市場的領先地位，同年佔據28.1%的市場份額。
集團服務全球大多數頭部雲服務廠商及AI計算解決方案提供商，其大部分收入源自美國。
企業都有質素，佢作為全球領先的光模塊龍頭及英偉達算力供應鏈的核心成員，近年隨着AI算力增長，其財務數據也理想，近年生意與盈利都明顯增長。
要要留意，現時估值並不便宜，市盈率處較高水平，企業往後要保持高增長才能支持現價，如果投資，暫時只建議小注。
- 完美醫療（1830）生意受經濟、市道等因素影響，都有少少敏感，由於部分消費者轉到其他地區尋找性價比更高產品，對這企業有不利情況，賺錢能力有所少。簡單來說，企業不是完全無質素，但投資價值減少，可投資金額都要減。這股不建議持貨太多。
另外，這股因為經濟、市場競爭等因素，令佢中短期業務未必好強。
長遠發展力中等，現金流強、派息高是優點，但同時面對賺錢能力減少，本身有貨，宜減部分。如果無貨，現水平合理，但暫時只建議小注投資。