Q26081：
老師，買收息股
除浄日前買入著數？
定係之後買平左著數？
龔成老師：
除淨日股價會調整左，即是派息的數。例如除淨日前$10，派息$1，除淨日會變成$9
如果你除淨日後先買入，就無息收。
如果除淨日前買入有息收，但價格就比除淨日後高D。
其實你細心想想，這是一個左手數與右手數的問題，你除淨日前後買都是無分別的。無話邊一個「著數」
因此，除淨日前或後，並不是我地的考慮點。投資者只要該收息股有質素，適合你，現價合理，已可買入。
Q26082：
我有問題想問你，我有睇你既書叫80後千萬富翁，入面內容提到成為專家要發展強項，咁你覺得如果做救生員，可唔可以致富？
另外想問埋如果做amway去建立網絡生意，能唔能夠致富？
龔成老師︰
專家，係其中一個可以致富渠道。但你要確保這門技能，能為你創造長遠收入，而且最好能做到一被動收入。
如果單純救生員，其實比較偏向係普通的受薪人士，單靠人工係好難致富。
但如果你能發展成一盤生意，例如你用你經驗，去開班教人邊做救生員。甚至，你手上一班救生員員工，而你就因應不同機構需要，進行外判服務。這樣的話，就有機會致富。
Amway這類模式，都係可以。但坊間有不時打著傳銷旗號，實質只是龐氏騙局，要小心。
Q26083：
龔SIR, 你好, 經朋友介紹認識你的FB, 我有個問題想請教你很久, 唔知道你可否比些意見我, thanks
我2020大市上才初投資股, 1年嬴左15%, 及後再拎多D 本出來, 至今帳面輸30%,
eg: FUTU 妖股, 在110 - 150 之間游走, 我在這隻嬴過2800USD,用溝淡均價形式買, 及後佢難得跌至120, 入手, 點知一路跌一路溝淡, 至99USD, 入左中國要打擊的名單之後跌到45USD,
當時知道黎緊市道會跌, 我把FUTU 止蝕,42% 輸了7500USD
另外在OMICRON下, 買了醫療 股版塊 #1858 春立, 諗住可以帶動,升 最後都係止蝕取回更多現金
持有PYPL 蝕緊52%( 2500USD) 和 #345 維他奶蝕22% ($8000HKD)
現時調整倉位有30% 收息, 穩定一下, 增加抗跌能力
eg: #3988, #823, #1071, DLR, ARI, RYLD
想問下好唔好將其他PYPL 和上#345 蝕取回現金, 買入一些#2800, #700, #388 ?
現在但求追回失地才有資金去投資，不敢再動用其餘存款
3月中本想在18xxx點時買#2800，又怕會更低，重上22000點都都未跌回
龔成老師：
我地決定加注與否，要睇幾個因素，記住，並不是「拉低平均買入價」為目的。
第一，要分析這股的質素，如果無質素，就再跌都唔加。
第二，這股的類別，如潛力或增長或收息類等，是否與你的財富組合匹配，比例是否適合。
第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。
第四，現價是否有投資價值率，要平，或起碼合理，不能貴。
第五，你要在加注後，仍有現金剩。
記住，重點不是「拉低平均價」，而是組合比例與配置。
富途（FUTU）因監管等因素，中短期會較弱，股價較難大升，要耐心等監管穩定翻，企業適應新的規模，盈利先向上，同時股價先穩定。
在長遠，這股不是無增長力的，但真的要注意業務波動風險。
佢係一家在線經紀公司，提供一站式在線投資服務，騰訊（0700）為股東。該公司通過網上平台提供服務，其中包括香港、中國大陸，以及美國股市的市場數據、交易服務和新聞源。佢以經紀佣金，以及手續費服務的形式產生收入。
這企業雖然有發展，但股價變化大，要留意風險。估值難，只能話勉強算是合理區。這股小注都可以，長線有增長力，一定不建議大注投資。
其實你上述股票，大體上都係有質素。除了Global X Russell 2000 Covered Call(RYLD)這類有衍生工具的ETF，唔建議投資，風險太大。
但你跟好多散戶一樣，都只係諗住賺差價，或者估大市走勢。但正確投資，係應該將焦點放係企業長線質素。只要有質素，就一直去等佢自然升值。
當然，企業估值都好重要。你上面的股票，能蝕這麼多，相信係買入左唔少。
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
我假設你係年青至中年人士，應以增值為主，建議你用「平穏增長股」 + 「潛力股」作組合，去創造一個增值平台。
由於你係初學者，對企業估值，點去定平貴未必太了解。我建議你先利用月供模式，去建立一個股票組合，以減低買貴貨風險。
現在你每月先用5成儲蓄做月供。其餘先儲起，用一邊月供一邊儲蓄的策略。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
Q26084：
Hi Kung Sir,Thx for your detailed reply! Just a few more follow up questions below:
Q1) Thx for pointing out that the stocks that I thought belong to bucket 3 are actually in bucket 2. Then, which stocks belong to bucket 3?
And when should I start to move my bucket 2 to bucket 3, e.g. when I retire?
Q2) I forgot if I've missed this concept in class. May I know how to see if a stock is in a reasonable price range, expense or cheap?
Is it looking at the PE ratio as mentioned in class 6 in last summer class?
Q3) How to define 值博率 and what is considered high?Thx!
龔成老師：
- 水桶3，主要係一些收息股，佢地業務和派息都穏定，可以為你退休後生活，提供現金流的支援。以下都是一些收息股，你到退休前5年左右，就慢慢加大組合比重。到退休時，應100%為水桶3。
目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。
- PE RATIO係其中一個，會係較常用。但我地唔會只用單一個指標，去判斷一間企業平貴。
你要視乎企業本質，例如佢未有盈利，可能就要用PS RATIO或者EDITDA等去估值。
另外，你上堂應該有印象，PE平貴度，不同企業會有所不同。所以，你唔好單單睇個PE高低，就覺得佢係平，或者貴。要睇埋佢業務性質，如果係較高潛力，合理值就會比高D。
我建議你再溫一次課程，因為係度無可能重新完整咁講解一次，實在太長。
- 從企業質素、平貴度去定義。例如現時香港樓租金回報率低，相比之下，股市只在合理區中下部，不少收息股股息，都明顯比收租多。這時候，投資優質股的值博率，我地就會視作較高。
Q26085：
龔成老師你好，本人及太太47歲，小朋友14歲，家庭總收入大約7萬，扣除供樓，每月儲蓄約2萬。
現有資產：股票150萬，現金70萬，內地物業60萬。
本人剛置業，每月供款2萬3千元，30年還款期。
1）請問以上的資產，怎樣組合才可為退休生活作準備？
2）請問現在的股票組合怎樣？
00941、01171、01313、02628、02777
感謝！
龔成老師：
- 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
你47歲，應以增值為主，建議你用「平穏增長股」作組合，去創造一個增值平台。
現在你每月先用5成儲蓄，即$10000做月供。其餘先儲起，用一邊月供一邊儲蓄的策略。
至於餘下70萬現金和每月一半儲蓄，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
- 你持股質素上，都算有。但要留意中國人壽(2628)質素無收往咁強，不宜持有太多。
富力地產（2777）質素只係中等，佢負債好高，有一定風險。
業務上是有質素的，但佢本身負債高，相信會對佢有一定的影響，股價會因此較為波動。
內地樓市放緩，加上負債問題，你預佢中短期都會一般。此投資可以，但宜小注。
另外，我建議你唔好只係得這5隻股票，可以將部份換碼至上述平穏增長股。長線組合大約10隻左右，咁會較理想。
Q26086：
龔老師，我有關下列股票是否買入，請給予我寶貴的意見
水桶2：平安保險（2318）、恒基（12）
若2選1,哪隻較為平穏，有增長，可以買入？
水桶3：中移動（941）、中石化（386）
是否都穏定性收息股，可以買入。
3110（恒生高息股）若跌每8%，是否可以適宜買入。
龔成老師：
如果你係中年人士，以上股票都係合適，而且都有長線投資價值。
水桶2︰2隻都有質素，優質度和現價水平都接近，你可以睇翻自己取向，覺得內地保險，定香港房地產發展會D，去決定入邊隻。
水桶3︰中移動（941）相對較穏定，而中石化（386）風險度較高，不宜持有太多。
3110（恒生高息股）現時息率已到6%以上，已可以首注。之後你可以每跌8%，就再加一注。
Q26087：
你好，龔sir。想請求有關兩類投機及投資問題。
1：首先，想問賺息差的實際操作問題。明白是向銀行借底息外幣，買入高息外幣，再賺息差。因為我依然只停留向銀行賺息，只係定期。
所以，我想問，假如我向銀行借日元（以加好似好平）（假設要還1%利息），我利用日元換美元做定期（假設3%回報），那麼我還日元時就能賺2%息差。
請問我這個理解是否正確？還是有其他解讀？
另外，還想問有時聽到央行負利率或0息，那麼當我借這類外幣會有什麼影響嗎？
2：想問有關凶宅問題，睇完老師本書已有一定概念。但我有真實case想請教。假設1至10樓，1層8伙呈「井」字設計，當中10樓東北向是凶宅。
現在放盤是9樓西南向單位，想問如該單位景觀一流，是否值得入手？因為睇完老師本書後，同層或樓上樓下盡可能避免。但以上case，想問凶宅影響有多大？
另外想問避免上下層，那麼有無一個大眾或銀行標準是指幾多層先叫穩陣？即是相同case，8樓或7樓是否無影響，因為發現銀行估價都有估到。
題外話，發現該凶宅單位銀行估價係有估到的，都唔平。不問經紀真的不知。
2個問題有點長。感謝龔sir耐心解答。
龔成老師：
- 日元雖然一直係低利率，但唔代表往後都一樣。
不過，我自己本身唔建議投資外幣，因為佢唔係資產類，純粹係政府借據。
我一般所講賺息差，會係在股市好平宜時，借入貨金購買一些相當平宜的股票，例如收息股。
由於在平宜區，再下跌空間有限，令到賺息蝕價機會較細，長線就有較大機會從借貸投資中獲益。
- 其實好難講，因為佢發現的是什麼CASE，都會有影響。一般會係同層和上下有問題。
以你個個單位計，應該不太受影響。但你可以睇翻銀行估值，佢會唔會特別平，甚至不估值，你就大概可以意識到，個單位有無受到事件影響。
如果佢估值係合理，咁受影響機會就較細。
Q26088：
Hi老師，你話要長期持有優質股，咁我知平穩增值股就要長期持有，但好既潛力股係咪都係同樣道理，分注入貨，長期持有以達到自然增長的objective??
龔成老師：
對，原理都是一樣，但就要留意，股價上落會較大，因此要睇翻投資者風險承受能力，同時，最好分注時股價相隔遠少少，以及控制總投資金額。
分注投資潛力股，等同如持績投資，買入一間潛力企業，投資者最好耐心等企業成長。
Q26089：
謝謝呀sir 回覆 但目前來看 一兩年要升回42是否有難道？
龔成老師︰
比亞迪電子(0285)係有質素，但1,2年較難講，始終唔係一個長時間，中間有更多不確定因素。
不過長線的話，只要經濟全面向好，我相信可以到翻而個位。
Q26090：
多謝阿sir答得好詳細。想問多少少general關於投資strategy既問題。
其實明白投資要分注，想問如果決定一隻股分幾多注?每注又點決定幾大?
因為美股可以散d咁買，我會定左跌10%就入一注，每月橫行就加少少咁。呢個strategy岩唔岩? 但如港股一手入場費咁貴，又應如何制定strategy?
同埋港股美股都有玩，最理想有冇話個倉揸幾多隻股票?我一直控制住單一股唔會佔成個倉over 15%。太少股票又驚風險唔夠分散，太多股票又會太散好似ETF咁，麻煩阿sir指點下thx!
龔成老師︰
一隻股票分幾多注沒有標準的答案，大概調整10-15%就可以考慮加注，當然前提是優質的股票。至於每注幾大就要視乎你有的現金數目，加完注後最好有現金剩。
只要是合理區和平宜區都可以加注。如果覺得港股成本貴，可以用月供的策略。簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。
形式就是每月投入相同的金額，買入同一隻或多隻股票，並持續進行。
一個100萬以下的組合最好維持在股票數目8-10隻，這樣風險可以分散，又便於管理。同埋，你有投資港股美股，記住個別地區唔好佔高於7成，否則都會有過於集中問題。
單一股票維持在15%以下合適，但一些潛力股或風險度較高的股票，適宜維持在10%以下，避免風險過高。