Q46162：
老師,如果我有一筆錢想入3110做退休長期現金流,我現在分幾多個月平均入會比較安全呢？
龔成老師：
如果要效果較好，減少一次過高位買入風險，可考慮用36個月去分注買入，甚至更長。
GX恒生高股息率（3110），是一個投資收息股的基金，追蹤恆生高股息率指數之表現。這指數投資一些在香港上市，大型的企業，加上要有一定的派息的上市公司。
基金有50隻成份股，以下是基金部分持股：
中國海洋石油（0883）、中國神華（1088）、中國宏橋（1378）、中石油（0857）、中煤能源（1898）、電訊盈科（0008）等。
這基金雖然收息組合，但增長力不強。
另外，由於基金持股集中在中國企業，投資者不能只持有這基金，最好視為收息股的其中一員，如果投資者低風險，宜同時持有其他的低風險、收息工具。現時算是合理區中間，可以分注投資，長線持有。
Q46163：
老師, 請問2388同0388那隻適合長期持有?
龔成老師：
兩隻都是不差的股票，如果想收息較穩陣就2388，如果想增值多D就0388，你預388會波動少少，但如果股市成交向上，佢股價上升力度較多。
Q46164：
龔Sir想問一下首程控股697的投資價值如何？3319現價與價值相比，算有投資價值嗎？
龔成老師：
697好過3319。
首程控股（0697）主要在中國從事停車場經營管理，以及私募基金管理業務。
另外，都有一些機器人業務，佢所屬首程資本旗下附屬公司所管理的北京機器人基金，最近就投資杭州雲深處科技。
公司稱，此次投資將為雲深處科技在產品研發、商業場景拓展、團隊建設等方面提供更大動能，進一步擴大其在四足機器人領域的領先優勢，並加快其人形機器人、輪足機器人等新產品的商業化落地。
但現時機器人業務佔這公司比例不算多，加上這部分業務較新興，最終有多少盈利貢獻未知。
整體質素只屬一般，見佢最近有盈利改善的情況，有可能會向好的，如果控制注碼不是不可投資。但始終要留意轉型企業都有一定的不確定性，現時的業務，不過不失，但未見好強增長力。
Q46165：
Hi Mr Kung
請問月供2388 or 3988 比較理想？
不用1定最高派息
主要想穩定增長又有息收下
即係
如果有時回調少少
可以安慰自己本身股票有派息甘
有少少想美股KO
呢種啱我
請問港股有冇好像KO 呢種穩定增長型？
謝謝您
請問
2628 或2318適合月供長線持有嗎？
龔成老師︰
- 全退休，就3988
但你半退休，想進取D(風險都較高)2388，保守D3988。
同埋記住，收息股焦點唔係股價，而係佢有無穏定派息。
只要佢派息穏定，就算股價升跌，都唔會沽。所以，股價只係心理因素，唔會影響你持有與否。
-
KO可以，係平穏增長型。
-
內險股，2318較適合月供，總體質素會比2628好。
Q46166：
老師. 買咗3067有5年，現在股價跑輸恆指，值唔值得投資？
龔成老師：
原因是5年前科技股在熱炒，所以當回落也較大，要上翻去也要較長時間，所以並不是當中企業有問題，只是2021年是貴的位置。
你現時的貨，只要貨不是過多，可持有，但建議同時，可以將之後的資金，投資盈富（2800）、標指基金（VOO），但你不要一次過買，因為現時不便宜，要分注慢慢儲貨，將買入價平均，以年計去儲貨。
Q46167：
龔sir, 有130萬現金，不急用，想購買收息股，有咩推薦。謝謝！
龔sir 都可以建議，購買股票組合，0 股票經驗
龔成老師：
如果無投資經驗，建議你投資一些指數ETF，或收息股，都適合，另外要留意，由於你未能掌握買賣時機，建議你用分注模式慢慢買貨，不要一次過大手，現金要慢慢動改用，同時$130萬，只宜買部分，要留一半或以上現金，遲D等你多些投資知識及經驗才動用。
首先，你可以建立一個收息股的組合，目標是5%以上股息率的收息股，以下可以參考下，例如高息基金（3110）、恆生高息基金（3466）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。
由於收息股股價都會有上落，因此要控制每一隻佔股票組合的比例，不要超過15%，而3110、3466由於是一個組合，比例可比個股高。
3110、3466可以視為收息股的組合中其中一員。這基金可投資的，現價合理，可分注。佢是投資香港大型，派息較高的上市公司。
這是不差的收息組合，但增長力不強。
另外，你可考慮一些大型指數基金，例如盈富（2800）、美股標指基金（VOO），長期慢慢儲貨。
Q46168：
Sir早晨, 之前睇你本5年買樓書嘅區域分析，話粉嶺果邊樓價升值潛力不算大，但係本書都好幾年前出，見到最近政府大力發展北部都會區，請問你對果區睇法會唔會有咩改變？謝謝
另外想請問下點睇0697首程？
龔成老師：
北都對粉嶺有利有弊，所以未能成為明顯加分的理由。
利好因素是打造新的商業區，當人們一向都會在商業區周邊住，所以這是利好因素，如果發展得好，周邊地區樓價受惠，而這項目都不是無發展力的。
至於利淡因素，就是供應多，北都將會提供大量住宅供應，加上北都的發展會更配合國內，因此日後在一些定位甚至法規上，可能會否配合國內，而樓價也有機會受國內影響，考慮國內樓明顯比香港平，因此，樓價也未必能大升。
綜合這些因素，北都對粉嶺的影響，最多只能加分，未必能成為大升因素。
Q46169：
龔老師！新手想請教吓你，
而家美國同伊朗預備打仗，
加上加徵關稅，會否對股票市場有影響呢？
如果我係持有VOO,係咪仍然都係穩健呢？
龔成老師︰
一定會有影響。
戰爭︰
你要睇佢發展到乜野程度，打幾耐，好難一概而論。
但點都會對VOO有負面影響，再加上佢現時唔平，所以會好波動。
關稅︰
重點唔係佢加左幾多，而係判決令市場多左一個新架"變數"。
上年架關稅，市場已經習慣左。
但判決令到新關稅出現，而且新關稅只係可以維持150日，之後會點，無人知。
關稅本來係特朗普，用來同其他國家談判架主要籌碼。將來會用乜野做新籌碼，無人知。
所以，大市會變得更波動。
但暫時所見，VOO依然有長線投資價值。但現價唔平，不宜過份進取。
如果你好擔心打仗而類極端風險，可以加注黃金/白銀。但唔好一次過入，慢慢分注入，同埋佔組合不宜高於2-5%。
Q46170：
龔sir，請問有些已經除咗牌的，還有價值嗎？還是當癈紙處理？
龔成老師：
好大機會是癈紙，但不是全部的，因為除牌不是倒閉，企業有機會仍在，但要賣出就較難，可能要大股東出價收，或有平台比你賣先得。你可以問翻你持有該股的銀行/證券行，睇下佢地有無資料。
Q46171：
想問Nvidia 現190應否加倉，thank you!
龔成老師：
要睇你貨多唔多，佢好少大跌，如果加注現價少少都得，平就唔平，但勉強合理，長遠發展正面。但如果你貨多，就不要急