Q29211：

我有留意騰訊同港交所 但見從11月起已反彈近一半 像這樣的情況是否應再等等

龔成老師︰

你這個想法，有少少是估走勢，咁係唔正確。

我地之會用平貴度做策略，這2隻股票都有投資價值，現價都合理。

如果你係無貨，我建議先小注，之後等情況再慢慢加注，而唔係去估佢個價點走。

Q29212：

老師、想問700派3690碎股點樣買賣、如果湊夠一手是點樣、唔該晒

龔成老師：

由於3690都是一隻流通量高的股價，你到時就算持有碎股，也不用太過擔心，你到時如果想放，只要以碎股模式賣出就得（比市場價低少少就賣到），如果你網上處理唔到，就打比銀行或證券行叫佢同你賣，好簡單，不用擔心。

Q29213：

235中策請問前景如何？是妖股嗎？

龔成老師：

中策集團（0235）質素唔太好。

佢主要從事投資證券、金屬礦物及產品及電子組件貿易、放債及證券經紀業務。

睇翻過往的業務情況，非常波動，生意上落大，有時大賺有時大蝕，風險高。加上企業規模不大，投資價值不高。

這股股價有時會大升，但可能只是中短期業務與消息，長遠未必一定利好。

Q29214：

龔sir 請問 1417 浦江中國點分析？

龔成老師：

浦江中國（1417）規模細，無乜獨特優勢，業務普通，近年盈利轉弱，無乜投資價值。

佢於上海、安徽、浙江、湖北及湖南等地提供物業管理服務（如客戶服務、保安服務、清潔及園藝服務，以及工程、維修及保養服務）及相關增值服務（如工作場所解決方案及設施設計服務、財務管理、能源管理諮詢服務、提供相關數據及資訊，及物業諮詢服務），並專注於非住宅物業市場。

企業發展力不強，投資價值不高。

Q29215：

龔成我之前唔識買股票，所以跟人買了建行939以為有得收息，而且銀行股，以為很穩定，當時5、7入，現在4、5反而蝕了很多~傷心，想問呢個939會否穩定返架

龔成老師：

建行（0939）本身質素不差，有一定的規模，在全球都有網絡，本身不會無質素的。你不用太擔心，可以收住息先，不過回勇就要多少少時間。

始終這股增長力不算強，只是一隻收息股，唔好對股價有太大期望。

前景不過不失，中短期會因中國經濟有影響，銀行業的賺錢能力不及從前，加上壞賬因素，都會令佢中短期弱。而長遠，會慢慢穩定的。只要你貨不過多，可守住先。

Q29216：

龔sir,想問下美股Rblx大約幾錢算係平宜區？

龔成老師：

Roblox Corp (RBLX)是一家科技技術公司，專注於打造共同體驗的3D創意平台，供用戶參與和生成遊戲娛樂內容。令用戶除了享受當中遊戲外，也可以成為創建這個遊戲社區的一份子。

而且，集團平台Roblox Studio更提供教學和工具，幫助初級開發者，去創建屬於自己的遊戲，長線有利於平台發展。

業務性質，算係幾特別，有值得關注的地方。近期此股已經因為元宇宙的憧憬，而被炒起不少。不過，元宇宙成件事仲係好新，未來發展成點，無人知。所以要進行估值，十分難，因此，好難講到話幾錢是平。

但睇翻佢現時財務數據，依然係未做到收支平衡。加上集團才剛上市不算好耐，不確定性偏高。

從業務上分析，都有佢投資價值。但投資時，不要太進取，小注好了。

Q29217：

請問有冇邊隻美股新能源較高投資價值？

龔成老師︰

我新能源部份，美股方面無深入研究，因為新能源會睇好中國多少少，反而美股傳統能源，你可留意西方石油 Occidental Petroleum Corporation（OXY）有質素。

Occidental Petroleum Corp係一家獨立的石油勘探和生產公司，業務遍及美國，拉丁美洲和中東該公司報告的探明淨儲量為29億桶石油當量，淨產量平均為每日1306千桶石油當量，比例為74％的石油和天然氣液體以及26％的天然氣。

全球對能源的需求，對佢長遠有利，佢業務持續增長，現金流強勁，質素有，長遠前景正面。唯一擔心是近期戰事令油價上升，令這股上升，之後如果油價回落會影響股價。

現價可初步推算為合理區較上部，長線投資雖然有，但投資策略最好是分注。

Q29218：

龔sir 月供股票有邊隻推介？388係咪其一？

龔成老師︰

港交所(0388)是一隻典型的優質股，可以月供。

其實月供，除了要選擇的是優質的股票，同時因應自已的財政狀況、風險承受能力、年齡、負擔、要求回報等，從而確認那一類股票較適合自已。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

如果你年青，可以「平穩增值股」+「潛力股」。中年人士，可以較集中翻係「平穏增長股」。當你已近退休之年，就應集中在「收息股」，去創造平穏現金流。你可以睇翻自已年紀，去作出配置。

Q29219：

老師，我近日入左快手1024，這股有質素嗎？

龔成老師︰

快手（1024）係全球數一數二大的直播平台，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。

同時，快手科技已建立了穩定的用戶，在全球已佔據了重要的位置，企業有優勢，預期會有一定的發展。

雖然擁有一定的優勢，但這類企業的不確定性高，風險度都會稍高，投資的時候要控制注意碼，只適宜小注。

Q29220：

阿sir我想問下你當年由打工仔轉做自僱，係咪都諗左好耐？

最近有一份工請左我，係房協度做，人工比之前個份高接近20%，一個月後返工，但我冇好開心好期待，因為我最後都係想入返政府度做，而呢份工只係純粹加左人工我先去做，因

為前景人工福利等等始終冇政府咁好，我去做既原因係之前in政府工，未有結果，唔知請唔請，係等緊既時間我先去做

同埋係而家公司做左4年幾，慣左，同d同事相處ok，工作唔太忙，但黎緊份工就會比而家份工忙，加上唔知同新同事夾唔夾

之前冇其他工請就話想轉個環境，到而家有工請，可以轉環境，就唔捨得，係舒適圈太耐

我都明要跳出舒適圈，人一慣就有惰性，但而家有機會跳，但我就有d驚，唔習慣等等

其實呢d唔舒適，係咪一段時間就會冇左？

龔成老師︰

要跳出舒適區，有掙扎是好正常的事情。

我當年由打工轉做自僱都曾經經過一段時間的掙扎，因爲我做銀行已經有10年，而且我本身是一個穩陣派，好少衝動行事。

我在自僱之前其實已經創業，我知道我發展的事業有前景，比我打工賺多好多，於是，我決心最後辭職。

而事實證明，我當初的決定沒有錯。

我覺得你與我當時最大的不同，是你害怕改變，同時又怕自己做錯決定，但我當時好肯定自己的轉變是有好處的。

你現時處於一個舒適的環境，但你想改變，你要問自己你想改變的決心有多大。

選擇工作其實要配合自己的志向以及前景，如果你覺得合適，爲何不嘗試？

當然，工作是否與你期望的一樣，無人知道，但最重要是你明白自己的目標，不要選擇了新的工作之後就懷念之前的工作，這是不可取的。

如果你轉工之後一切順利，我相信這種不舒服的感覺好快過去。