Q39061：

龔成老師你好 我本身是一間餐廳的總經理 但早前被工作了多年的公司裁員！現在暫時不想再打工,想出來闖一下,而家還在計劃2個方向

1) 和朋友合作搞寵物用品生意

2) 全職炒股 (但在學習階段)

想問問你有何看法。

另外最近再留意番股市, 之前港股跌2000點, 而我有渣住恒指call輪 \\(到期今年１2 月 ) 想問問意見應該止蝕 定係再觀察再作行動?

龔成老師︰

首先，我地做任何投資(不論是買股票、物業、定係做生意)，都必需先有一定相關知識，才可以進行。

如果你自問對寵物用品生意，已有一定認識和睇法，都可以考慮。

不過你要記住，做生意與打工是兩種模式。

如果你對寵物行業，或做生意，無經驗也沒有太多概念，建議你可以多些尋找相關資料先。到正式做生意時，也不建議投入太多資金，可以試下水溫先。

至於要做到全職投資者。

投資對你而言，不單要係興趣，而且更要成為你強項。若你現時對投資無乜了解，你就要先由一個「基本知識投資者」，慢慢開始提升自己。

你要花大量時間，努力去看相關書籍、睇年報聞、睇新、、上課程，去學習如何分析一隻股票。

到你累積到分析50間企業和長期實戰經驗，你就可以變成一個「有實力的投資者」，以算有做全職投資者的基本條件。

但要突破至最高層次的「真正專業投資者」，已經不單是投資知識的問題，因為要突破，就要擁有很強的分析力、很強的眼光、很強的心理質素。這些要更長時去磨鍊，才會做到。

從你問題的字裡行間，我都幾肯定你係唔識投資。依然係好似一般散戶咁，睇下圖，每日去炒買賺差價。

其實，我地投資一定係長線，你見全世界最成功的投資人巴菲特，都只會做長線投資，唔會短炒。

因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。

所以，我地唔會好似坊間散戶咁，經常要睇住個股價上落。反而係投資前，我地要做較多準備功夫，去分析一間企業質素和平貴度，以制定入市策略。

當買入後，只要佢長線質素無明顯轉壞，我地長線持有，讓其自然增值就可以。

如果你真係決定投資的話，首先唔建議全職做，因為你未有能力。其次，唔好用衍生工具或者槓桿，因為太高風險。

若果你真係想用投資股市，去作為其中一個增值方法，建議先睇左以下2條影片︰

https://www.youtube.com/watch?v=xm1dx0A2Q5k

https://www.youtube.com/watch?v=ZaVTKyodNCg

另外，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q39062：

請問黃金現時係入市時機嗎？

龔成老師：

現時價位較高，你預會較波動，未必是最理想時間，不過，無人知會否下跌，所以，你都可以考慮以小注分注模式投資。我地可以在整個財富組合上，持有一小部分貴金屬，如黃金、白銀。

因為現時用的紙幣不斷發行令其永遠貶值，金銀就會不斷升值，投資者只要投資紙黃金、黃金ETF等，已能簡單地享受到當中的升幅。

同時，當環球出現一些重大事件，如發生一些極罕見但影響極大的不利事件時，就會對全球財富定義造成極大震盪，如大型戰爭、超級天災、大型人為災難等，我們現時所認知的貨幣系統就有可能崩潰，甚至連法律也沒有作用。而人們唯一仍視為有價值的，除了糧食外，就是金銀了。

不過，這類極端事情發生的機會率極低，大量持有金銀令財富組合變得無效率，由於沒有現金流，會損失了當中的機會成本。

因此，投資者只需在財富組合中持有少量已可以，作用就是平衡組合，基本上佔組合的2%-5%已足夠。

Q39063：

龔老師你好！

想請教你，如果我每月以固定金額買美股「輝達」或「微軟」你認為如何？或者老師有冇其它建議？請指教！

龔成老師：

如果每次只是買少少，可以，兩隻股長線都有發展，可以這樣慢慢分注儲貨，不過，現水平始終有點高，所以，只能買少少，減少你在高位買入的風險。

Q39064：

多謝回覆，因為咁既、我供左三年、每月三千、之後以為唔須要再供、原來佢既唔須要係起本金扣手續費、另外呢三年、佢既基金選項係升、但我本金係蝕、經紀回覆要長期供先可以用平均法賺到回報

另外手續費初期-中期比較貴、之後會平, 如果放蝕5萬拿七萬、唔放要一直供、最後唔知賺定蝕

而操作上、是無基金經紀管理放/入、咁樣我唸股票是不是比基金好？

龔成老師︰

我估你買架係投資相連保險，佢比一般基金成本，可能會仲高。因為除左基金公司會收入費用，保險公司都會。

而且，除左你停供期間會照係本金扣手續費之外，你係指定年期前退休或提款，仲會有一個退休費用會收你，所以你情況的確有點尷尬。

除非隻基金真係好好賺，否則建議你唔好再供，用資金去投資其他項目，甚至指數ETF，長線可能回報會仲好。

Q39065：

Sir想問下如果上唔到堂 有冇Whatapp群可以付費入 我都想搵第一個100萬🙏🙏

龔成老師：

我地無搞Whatapp群組的，因為近期好多群組騙案，所以，除非花好多時間去管理，否則就不要搞，如果不是，擔心有騙徒入侵。

其實我的書，都有提供各種理財知識的，如果太著重貼士，急功，有時可能有反效果。相反，如果你從基本做功，提高理財知識，你長遠財富增值會更理想，也更穩健。

Q39066：

老師好！以目前走勢，打算選一隻收息股長線，0005或0778，你會怎選呢？

龔成老師：

其實作為長線收息股，兩隻都可以，可以同時持有都得。

至於兩隻的特性，你預匯豐（0005）會穩定D，至於置富（0778）股價上落會比匯豐大少少，最主要是現時的租務市場較一般，不過，如果香港租務市場好轉，股價上升的幅度會比匯豐大，因此，好睇你自己的取態。

Q39067：

老師 午安，投資新手 想問應該係銀行定證券行開户口 或是有邊間推介🙏🙏🙏感謝 thanks

龔成老師：

我無特別推介的，其實你方便自己就得。

一般來說，銀行會較穩陣同方便，但收費就較貴，如果證券行，收費較平。

你可上網找下佢地的資料，中銀、匯豐、富途、耀才，都可以。

Q39068：

老師：平保、友幫二選一，哪一優選？

龔成老師：

兩隻都是有質素，可長線的，你預友邦（1299）會優質少少，而平保（2318）雖然風險會高D，但如果業務發展很好，以及中國資產質素明顯改變，升幅將高過1299。因此，要睇你的投資目標。

中國平安（2318）近年表現較弱，從業務上，並不是完全負面的，企業仍有質素的。而另一個影響近年股價因素，是近1、2年的內房及延伸資產問題，會對平保中短期不利影響。

而現時內房問題開始好轉，起碼中國政府表明要穩內地房產，對這部分資金會利好翻。

因為平保除了有企業本身的保險業務，會將浮存金進行投資，因此當中國類資產質素轉弱，都會對這企業的資產質素造成影響。

如果用較長遠的角度分析，平安不是無質素的，但的確要等中國經濟及資產質素較正常，這股表現才會較好。而這股近2年表現較弱，主要受兩大因素影響，第一，業務，第二，資產質素。

平保這類保險公司，會持續收取客戶的保費，這些浮存金就可以進行投資。但由於近年中國類的資產質素轉差，都影響了平保的資產質素，無論是與內房相關，又或同其他行業相關的。

企業回勇仍要時間，如果內房等資產問題無明顯惡化，這企業會慢慢好轉。

長遠來說，企業仍是有質素的、有規模、有品牌，因此發展力仍在。這股長線投資價值依然存在，現價算係合理區中下，但由於短期股價仍波動，因此投資者投資，都要明白這方面的風險。

Q39069：

老師，2628中人壽

手持22000股

平均價 21.7

見差不多回本，應否放售？

因見派息其實相對低

龔成老師：

這股近年增長力減左，但又不是完全無質素，長遠都有基本發展力，但始終業務有點波動，因此，不建議持貨太多，如果現時持貨都佔你組合一定比例%，你可考慮減持10000股。

餘下就長線。

中國人壽（2628）除了保險業務外，也會受投資市場情況影響，中人壽會將浮存金進行投資，因此當中國類資產質素轉弱，都會對這企業的資產質素造成影響。相反，當投資市場好轉，這股也會好轉。

Q39070：

之前買了435和778收息，應吾應該繼續持有呢？

現在啲房地產好似不太好？

龔成老師：

兩隻都可以長線持有，作為收息股。

不過，短期面對香港的地產及租務市場較弱，短期會較一般，但會慢慢好轉的，不過要時間。

因此，你最重要控制持貨不要過多，就無問題。