Q41141：
你好，龔Sir，您介紹呢只3067，見到2023年冇派息，係咪佢發展唔穩定？相比下，3190係咪會好D？
龔成老師：
安碩恒生科技（3067）是科技股基金，這類企業的目標是增長，而不是派息，所以，基金無問題的。
至於富邦滬深港高股息（3190），是收息基金，都有投資價值的。
簡單來說，兩隻基金都可考慮，現價合理，選那一個，就視乎你的目標。
如果想增值，能承受風險，就3067，想收息風險少D，就3190。
安碩恒生科技（3067），有長線投資價值。
這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。
這基金上落較大，現價合理，但始終較波動，因此，不建議一次過太大注投資。
最好的策略，就是分注，或月供（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。
富邦滬深港高股息（3190）是一隻收息基金，基金之目標為追蹤恒生滬深港（特選企業）高股息率指數（價格回報）之表現。
當中持有不少內地及香港的收息股，如農行、工行、香港電訊、中移動等。可以視為一個收息股的組合。
Q41142：
龔sir，想請問2個問題
1) 現時比亞迪，小米，中芯國際應該買入嗎？本人未持貨！
2) 因為呢幾類股票都唔係收息股，係增長股，而本人未來都係想靠利息支持生活，但就算買入增長股票後，即使增長股有一定嘅增長都好，我又唔會賣出獲利，我應該買唔買入增長股好？
還是我應該係透過增長股組合，去建立豐厚嘅本金，再利用本金去買入收息股作收息用？
3) 龔sir，再想問：我而家開始每個月都用1萬作投資嘅話，
例如：1月開始，但1月我又買入唔到某股票，禁當到2月時，我係應該用2萬買定用番1萬？
再者，如果我好想買入多於1萬嘅股票，該月份我又應唔係應該限制自己嘅1萬資金呢？
龔成老師︰
1) 現時它們已經唔平，你最多只宜小注，去到慢慢儲。到真係有明顯回調，才開始用正常力度去分注儲貨。
2) 你個概念有少少唔清晰。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
例如你預期退休後，每月開支要$1萬(1年即12萬)。再用息率6%計，即係你要本金200萬($12萬 / 6%)，先可以做到財務自由。
因此，我地要以這200萬作為目標，先去透過一些有增長力的股票，去累積這筆資金。
到你退休時，再將這些有增長力股票，換成為收息資產(如收息股、年金、債券等)，去創造你需要的1萬蚊現金流。
其實之前我都有幾條影片，係教財務自由相關的知識，如財自定義、當中知識、財自工具/方法等，你可以睇下︰
https://www.youtube.com/watch?v=T4gSvwW9Htc
https://www.youtube.com/watch?v=dmFIBGxvGYA
https://www.youtube.com/watch?v=xcFti65FaFY
3) 建議你用月供去儲貨，咁可以唔洗一手手買，咁就無你個問題，而且平衡性較好。
Q41143：
可以推薦下依家有咩股可以入手，想盡快翻本
龔成老師︰
首先，你唔好諗住"盡快翻本"。因為投資係長線規劃，我見太多好似你一樣，因為輸左錢，急住追翻回本架讀者，最終都係輸更多錢收場。
其實，只要你用正確方法去投資，同時願意付出時間，做一個數年架投資規劃，長線你係極大機會連本帶利取回來。
記住，財不入急門，而個係好重要架真理！
至於有什麼可長線投資，現時"慢慢分注"儲貨架股票。若你係年青至中年人士，以下都可以考慮。但潛力股風險高，長線不宜佔組合一半以上。
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
Q41144：
老師，好耐冇見啦！我有件事想問下您。我系聽障人士，但系我好想去提升自己。我可唔可以去聽您嘅課呀？聽您嘅課會唔會對我有幫助呢？
仲有件事好令我煩惱，我依家資金唔系好充足，您有冇咩攢錢嘅好辦法呀，可唔可以指點我一下，點樣先可以攢到100萬呢？
目前我冇工作，正在帶BB
我過去持有嘅月供股票：匯豐（0005），友邦保險（1299），今年1月買既小米（1810）
後來停止月供股票：港交所（0388）、盈富（2800），呢些股仲在，未沽出。
仲有一點點🤏資金用黎炒股賺小小錢
你睇睇行嗎可否給於建議？
依家手頭嘅股票入面，邊一隻適合沽出呀？然後繼續用月供嘅方式嚟做長線投資，期望可以獲得穩健嘅收益，可唔可以畀啲建議我呀？🥹
老師，我一直關注您的觀點。我考慮採用 “平穩增長股” 與 “潛力股” 各佔一半的組合配置方式。關於股票投資計劃，我打算恢復對港交所（0388）、盈富基金（2800）、小米集團（1810）的月供。想請教一下，除了這幾只股票，其餘的股票是否都應該沽出呢？
每個月供4000
龔成老師︰
你可以照去上我堂，因為Note除了有powerpoint都會有文字版，講述課堂中重點內容。每堂都有半小時YT影片，去幫你溫習。唔明，可以再在此發問。
當然，你一直係度問，都可以。
但始終課程足足24小時，其實你係無可能係度完全學會所有知識。
所以，當你上實體班時，要睇你能否聽到少少，或睇口型，去大致明白我所講述的。
不過，你現時沒有工作，如果資金不是多，建議先將投資放第二，資金優先處理好生活部份。畢竟投資係一個長線規劃，講緊最少數年，所以唔會幫到你解決短期財務問題。
至於開源節流方法︰
開源) 做兼職、做網上小生意，其實好睇你專長
節流) 記下每天所有支出，盡力刪去不必要部份
我自己以前，都係用這2個模式，去到地獄式儲錢。
至於投資方面，留意以下幾點︰
1) 持股有質素，可保留，唔洗沽。
2) 月供唔好供下停下，我地月供只會係去到好貴，才會考慮下調供款額，甚至停供。如果你本身定平貴能力不高，我建議你不理價格，一直月供會較好。因為你自己調整出錯，就好大機會影響你長線回報。反而一直供，會對你更有利。
3) 唔好短炒，因為短期股價受好多因素影響，不少因素係跟該隻股票無關，所以好難沽，風險好高，唔好再用而個方法。
4) 未來月供方面，你可以照供0388,2800,1810。另外建議供多隻VOO，去平衡地區性風險。大約每隻$1000就可以。
學習上，除左可以睇我寫架書，例如《圖解股票小百科》、《圖解美股小百科》、《80後千萬富翁》和《財務自由行》，都適合初學者。
另外，我Youtube Channel都會不時分享一些投資技巧和知識(現時已配有字幕)，你都可以睇下，對你會有幫助。
記住，你唔好只睇最新或近期影片。因為我有唔少教學影片，係比同學增值用。就算幾年後睇，同樣有用。所以，建議有時間都可以睇翻舊影片，去做知識增值。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
Q41145：
Sir 其實目前1448的發展如何？
龔成老師︰
福壽園（1448）係中國最大的殯儀企業，有一定的規模，而針對的是高端市場，企業本質不錯。但存有監管風險。
由於行業處增長的市場，而新競爭者要入行不易，因此對原有企業有利，故福壽園是優質的企業。
要留意，福壽園產品較高端，因此會較受經濟因素、市民消費能力影響，如果中國經濟較一般，會對對其銷售有所影響。
以長期角度分析，福壽園的行業護城河強，加上有品牌優勢，因此仍有一定的質素。
另一點要留意監管。中國政府表示，要完善基本殯葬公共服務、強化公益導向作為修訂重點，內容提及為整治殯葬商品和服務價格虛高亂象。簡單來說，就是政府知道行業的透明度低，企業處於高毛利狀態，想加強對價格的規管。由於福壽園產品較高端，影響相對較少。
當然，現時的股價已反映了這些不利因素。
另外，近年管理層更新股息政策以提高分紅比例，增派息率至不低於35%，漸升至逾60%。企業將會由水桶1，轉為水桶1-2。質素仍在，但增長力略減。
簡單來說，這企業整體質素仍在，但增長力會略減，同時投資者要明白政策風險，所以投資都要控制注碼。
現時約合理區較低位置，此股長遠發展仍然存在，但中短期面對風險，最重要控制注碼，不建議投資太多。
遲少少我會YT再仔細講，你可以留意。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
Q41146：
你好龔sir，剛剛從兩孩子銀行戶口取出16萬。
想為他們買一些潛力股長線投資，眼見近日的比亞迪及小米不斷爆升，請問何時入手比較理想？或有其他選擇呢？
另外我有1177，但眼見近年發展一般，賣出好嗎？
多謝龔sir百忙中抽時間回覆🙏🏻🙏🏻☺️❤️
PS：多謝龔sir教導，我戶口仍持有1211($49.5) 及1810($15.257)長線發展
龔成老師︰
小朋友由於可投資時間長，策略上十分簡單。你可以儲盈富(2800)，佢係包括數十間質素不錯上市公司股票的組合，有一定增長力。
若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。
另外，你可以考慮埋美股指數ETF，令組合分散風險能力更高。VOO和QQQ，前者追蹤標普500，算平穏增長型，類似盈富。QQQ追蹤納斯達克100指數，風險會較高，風險度近似3067。
操作上，建議你用月供模式儲貨。每月大約用一半儲蓄，去做月供，餘下一半就先儲起，去等大跌市機會。如果你覺得太複雜，可以每月全部儲蓄都做月供，都係可以。
中生製藥（1177）長遠有發展。不過，市場其中一樣擔心是中國政府的採購政策，影響企業賺錢能力。
自從帶量採購政策開始，部分中標藥物降價幅度可以超過五成，對相關企業影響不少，令中生製近年的股價較弱。另一方面，中國政策近年鼓勵藥企發展創新藥，而過往不少藥企都以發展坊製藥為主，故此對不少藥企有所影響。
雖然這些行業政策的改變，影響了企業的賺錢能力，不過，行業同時進行汰弱留強，所以長遠對一些較有實力的企業來說，不一定是壞事。而中生製藥，是中國藥企中，其中一間較具研發能力的，而經過近年的投資期，特別是部分創新藥陸續進入收成期，這股將慢慢好轉。
部分創新藥，開始為中生製貢獻不少收入，同時增長快速，加上近年投入大量資金研發，考慮到這企業過往能不斷推出新產品及擁有的研發能力，相信之後能保持推出具有競爭力的產品。
投資這類醫藥股，投資者要集中睇長遠前景，而不是短期情況。
這企業短期仍受中國政策等因素影響，但長遠，企業仍是擁有一定的研發能力，長遠仍是有發展的。
要留意，始終醫藥企業有風險的，投資者要考慮自己的風險承受能力，控制注碼，如果你投資後不能承受股價波動風險，就不建議投資這股，同時，要控制佔組合比例不宜過多。同時要耐心持有，等企業收成。現價算是合理區底部。
之前我有出過影片分析佢，你可以睇翻︰
https://www.youtube.com/watch?v=zvHAyP77Pss
Q41147：
想問下如巴菲特不在 對Brk.b 會有可影響？
龔成老師：
可能回報略減，始終無人會勁過佢。
不過，巴郡仍會有價值投資，你可以視為「價值投資型基金 」，長遠仍會好過一般大市。所以我自己，都會繼續長線。
Q41148：
老師請問點睇輝達，仍然持有好？謝謝意見
龔成老師：
英偉達公司NVIDIA (NVDA)有質素。仍是前景正面，只是近年股價升好多，估值較貴，所以就算現時業績好，股價都無太大向上，就是之前超前反映，現現估值會合理翻D。
這股是《38全球倍升股》的其中一隻，長遠發展正面，有長線投資的價值。
佢是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。
其業務可應用層面，都相當廣泛，投資係可以，當然，回翻少少先買會更有投資值博率，至於現價，算是合理區較上部，可小注投資，等跌再加，但股價波動，或者用月供儲貨，會比較好。
Q41149：
老師認為恆基平會係咩價位？
龔成老師︰
恒基地產（0012）近年的表現較一般，主要受香港地產市道、租務市場，以及外圍加息因素影響，雖然企業的增長力比過往年代的確有減少，但企業的質素仍在。但預佢長遠不是高增長類。
其實，企業仍持有好多有價值資產，例如恆基用$500億投得中環海濱商業地，從長遠計中環獨特性強，長遠始終有一定質素。加上佢是全港最多農地的發展商，都是長遠有價值的資產。
香港地產行業，最好賺的年代已經過去。恆基整體的質素仍在，但不是高增長類，只是收息及平穩增長型。現水平合理，有收息及平穩增長的作用。
要去到平，你預跌多2成才開始平。
Q41150：
老師你好！本人本月高位入手了3690美團⋯之後突然大跌有點慌，請問有沒有機會上返170以上呢？是否應長線有？
另外請問3416，美股YMAX及TSLP這類收息股也應否長線持有？希望得到意見⋯謝謝！
龔成老師︰
首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
美團（3690）是中國領先的生活服務電子商務平台，利用科技連接消費者和商家，提供服務以滿足人們日常有關食的需求，並進一步擴展至多種生活和旅遊服務。
業務上是互相有關連，因為美團利用外賣平台去建立客戶群，再延伸銷售到旅遊相關及新業務類別。
外賣業務，相信仍有中速增長，雖然不是很賺錢的業務，但隨著進一步擴展市場，增加規模效益，提高賺錢能力，盈利情況將進一步改善，同時，將為另外其他業務提供客源。
酒店旅遊業務，隨著外賣業務進一步發展，加上美團進一步發展整個生活平台服務，再配合長遠中國的旅遊行業發展及人民消費力提高，這部分的賺錢能力會更加明顯。
新業務方面，美團過往不斷加大這方面的投入，想進一步強化「生活圈平台」的定位。但近年管理層表示，會更理性去發展而部份，故長線有機會令成本效益提高。
整體來說，美團有一定質素。美團現時建立的生活化平台，仍要時間等其發展得更好，長遠發展力仍在。
但由於業務較波動，雖然近期數據不差，但始終未算完全穩定，以及面對政策風險，投資者較好的策略，就是控制注碼，不建議一次過大注投資，可以用小注慢慢分注的模式進行，就能有效減少一次過在高位買入的風險。投資後要明白短期股價可以有較大上落，要耐心持有，等企業成長。現水平大約在合理區較上的位置。
之前我都有出Youtube影片講過，可以睇翻︰
https://www.youtube.com/watch?v=EeO52GcHgxM
長線我相信會上翻$170，不過你講過你自己年紀唔細。
其實投資，除左要買優質股，仲要睇埋人生階段。如果你已經接近退休之年，美團（3690）而類潛力股，唔係太適合你。
因為佢地不確定性大，如果發展好，當然增長理想。但如果發展不似預期，可以跌好多。當佢真係跌得勁，而你又就退休，就未必有足夠時間去追翻損失。
所以，如果你係近退休架年紀，建議集中係收息股和平穏增長股，這些風險度較低的股票，會較為穏當。
ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
由於這ETF運作，並不是無風險，加上這ETF較新，未知佢做成點，所以，如果你睇好，可以小注投資，但不建議太大注。
至於美股，由於香港人買要交30%股息稅，故不建議用美股去收息。
以下是一些具質素收息股，你可以參考下︰
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
你可以睇翻以下Youtube影片，相信會對你有幫助︰
[各類收息股比較] https://www.youtube.com/watch?v=t1VSoLLtpic
[避開"假"收息股方法] https://www.youtube.com/watch?v=3bf4bhV-f-g