Q40701：
我想鼓勵我嘅小朋友，去跟你學習投資，但現在都未成年，你覺得什麼年紀開始上你的課堂會較容易明白及適合？
因為我又擔心他學懂了走去投機唔係去投資，所以我尋找老師的心態也是很重要的。
龔成老師：
我相信上中學是可以的，就算當中有部分不明白，起碼明白理財的重要，以及我都會帶出正面、成功、堅持，這些因素。
至於投機，其實不少人都會經歷，我自己都是，但試過、輸過，先會明白，有時經歷都是學習的一部分，年輕時失敗好過年紀大先失敗！
Q40702：
龔sir想問下你，如果要投資美股，有冇咩好建議呀？
因為我從未投資美股
龔成老師：
最入門是Vanguard S&P 500 ETF（VOO）。
就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
另外，我5月有全新課程，美股班。
【環球美股實戰班】2025年5月班（第1期）
課程分8堂，每堂3小時（共24小時）
日期：2025年5月2,9,16,23,30日，6月6,13,20日（逢星期五）
時間：1900-2200
地點：灣仔
費用：$8800
股票班舊生優惠價：$6800
（**舊生必須提供上次課程的付款證明。請於這次入數報名後，同時whatsapp今次與上次付款證明）
第一堂：投資美股基本功
第二堂：美股新手策略及財富配置
第三堂：環球產品實戰應用
第四堂：美國經濟分析與潛力行業
第五堂：美股最佳買賣時機與估值
第六堂：多種美股選股技巧
第七堂：美股財務數據與年報分析
第八堂：潛力美股與實戰
了解及報名：https://www.80shing.com/register.php?id=6
這是全新課程，核心內容是美股投資技巧，課程以實戰為主，利用多種選股法及掌握大趨勢，尋找潛力美股，並教學員利用經濟數據、企業財務數據、年報，分析大環境及企業情況，判斷買賣時機及制定入市策略。
Q40703：
英偉達還有機會升5-10倍嗎？謝謝，現價算合理嗎？
龔成老師：
這企業長遠發展仍是正面，但要升5-10倍，就要實質業務有更大的增長先得。
始終近年已升左10倍計，現時已經成為全球市值頭3位的企業，可見其巨大程度，現時股價已反映了不少利好及前景因素，因此，中短期要倍升不易。
至於長遠，就要睇實質業務能否進一步上升。
現水平已在合理區頂部。
Q40704：
老師～新年好，多年前匯豐我$80買入，已經持貨好多年，近日回升返，請問是否仍可keep?
龔成老師：
要睇你的兩個因素，第一，你本身想收息還是增長，如果收息，這股長遠仍可以，但如果想增長，這股潛力度就不算高，可考慮減部分轉其他。
第二，要睇你的持貨，如果持貨太多，都建議減部分，留部分。
匯控（0005）最差時期已經過去，業務正好轉。
不過，銀行業的賺錢能力比過往減左，因此不能視為增長股，但當經濟好轉，始終都會有錢賺，因此都有投資價值。
相信長遠是收息股，但股價增長就未必太強。
這股都有投資價值的，但都不能持貨過多。現水平約合理區中間，作為收息及少少基本增長，這股有長線投資價值。
Q40705：
想問美股Mara 點睇$19有貨
龔成老師：
Marathon Digital Holdings Inc (MARA)是一家數字資產技術公司，主要是從事比特幣挖礦業務，現時是全球大比特幣挖礦公司之一。集團以投資比特幣，並長線持有作為目標。
你小注持貨好了，如果貨多要減，這股風險高。
收益主要來自挖礦所得，所以挖礦效率和比特幣升值潛力，成為集團收益的關鍵。
至2024年8月中，集團持有大約25,000粒比特幣。
以往好多人投資對Coinbase(COIN)、MSTR、MARA、RIOT之類，會視之為投資加密貨幣的替代品。但隨著BTC和ETH ETF出現，佢而個替代品架功能，可以算係完結左。
所以，未來時間會睇翻業務上架質素。
業務上，其實都好依賴比特幣表現，而加密貨幣市場本身就好波動，所以集團營業額係有持續增長，但盈利就好不穏定。到近年加密市場開始回暖，集團才能於2023年轉虧為盈。
另外，2024年8月中集團發行3億美元可轉換優先票據，用於購買4,144粒比特幣(即等同於用槓桿投資比特幣)。
故考慮到業務和加密經濟不確定性高，加上開始用槓桿策略，風險度再高左。因此，就算你睇好佢發展，投資都可以，但一定要控制注碼。
Q40706：
老師857可以入嗎？
龔成老師：
可以，中石油（0857）質素都算有，但不是最高質類別。
因此，你投資可以的，現價合理，但都要控制好注碼。
這企業的業務情況，以及股價，都與油價有一定的相關性，投資者要明白這點，近年油價受戰事等因素影響，出現較波動的情況，如果戰事長期持續，甚至進一步擴散，將會令油價進一步向上，或長期在高位維持。相反，如果戰事好轉，局勢轉勢穩定，就會令油價下跌。
投資者要明白一點，要準確預測到戰事、油價走勢，並不容易，所以投資者不能太過主觀。而中石油中短期的股價，也會存有一定的波動性。
雖然中石油都算有質素，但不是最高質類別，因為石油是商品，當中沒有差異性，要將石油賣出，很大程度要跟國際油價及市場，這其處於被動狀態，沒有價格自主的能力。
加上這股股價近年已上升不少的情況下，這刻的投資值博率只是中等，投資不是不可，但這刻不建議太大注。企業長遠仍是有發展，但就會受油價影響。
Q40707：
感謝老師教導財務知識，呢幾年小弟嘅財務增進唔少，尤其是由24歲去到29歲期間資產增加咗唔少，而且在29歲已經完成咗第一個目標，就係個人資產達到100萬
呢個過程全部都記錄晒《財務自由行》筆記內，希望到我退休嗰陣時，都記錄喺呢本書入邊
龔成老師︰
要成功，就一定要有計劃。同時，計劃要有短中長期，可以比自己適時睇到自己進度，是否向著(長線)目標推進。
我相信你一定會成功，加油!!!
Q40708：
龔成老師，多謝你的回覆，其實無論處於任何環境，抱持及堅持向上的心，就要勇於脫離那種底層人的環境，因為他們的思維及時間只會停留於吃喝玩樂講是非搵人著數上。
龔成老師︰
其實一個人或者一間公司成功，有時除左自己，一些經歷(無論工作、學業、你面對架上司、同事)都會有影響。
不過，最重要都是自己架本質。因為同一件事，發生在不同人身上，會有不同效果。
我不知你信不信吸引力法則，雖然現時你身邊有努力，也有不思進取架人。
但只要你係努力的話，長線你身邊的，都會是你類近的人。
至於MPF，其實的確有D公司，可能會走而D位去省錢。不過，由於員工都會供少左，所以都未必會有人出聲。
其實，係唔同架地方工作，都無可能係得100%好或壞架經歷，但最重係你能唔能夠從中抽到一D有用的知識(就算係不好的經驗，都識用佢做反教材)，去提升自己，幫自己走向成功。
Q40709：
龔老師，請問關於供樓問題，希望你能給我建議
假設樓價470萬
前提: 持110萬現金，月入$40,000 + 每月被動收入有$4,000之下(total44,000)，應該做9成按揭好還是8成按揭好？
1️⃣9成按揭，首期53萬，每月供款$20,000 (佔月薪一半)
2️⃣8成按揭，首期100萬，每月供款$17,000
銀行估價完成，能批9成，問題是佔月薪一半。
但雖如此，年紀尚輕，是不是可用盡借貸力，留最多現金係身邊，投資收息股賺取股息cover按揭利率是不是更好。
即使將來關於供樓上出現突如其來的情況，我最終也有200萬股票作後盾，所以你認為值不值得做9成按揭，謝謝你會認真解答我問題
龔成老師︰
預留一筆應急資金，任何時候都應該要做。
但借貸多於少，除左係睇你風險承受力(如年紀)，更作要係睇個機會成本。
即係你保留下來的現金，有無更好的用途。
如果你本身有一定投資能力，可以創造更高回報，當然是借多D，留更多資金去做增值。
相反，你投資能力一般，就建議借少D。因為投資回報唔係保證(就算收息股都唔係保證回報，只係波動性相當較少，唔好攪錯。)，而節省下的借貨利息係保證，所以應用較低成數。
所以，你因應翻自己的投資能力，去決定成數上如何處理，咁會較合適。
Q40710：
龔老師，你好！
我是新手，麻煩老師幫忙分析黃金。 應該買邊隻黃金工具好？
同埋分析萬國數據-sw, 我$17入，現升左唔少 ，應該放嗎？
中國海控（1919） $15.24 入，可以升返到這個價錢嗎？
謝謝老師分析
龔成老師︰
1) 黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。
不過，黃金沒有現金流，持有無法創造出經濟價值，其主要作用是對沖黑天鵝事件。
所以，你可以投資黃金，但不用佔財富比例太多，我一般建議係佔財富組合2-5%左右就足夠，而且持有的應該為實金。
2) 首先，你要清晰翻投資增值的正確模式。
我地投資一定係長線(而唔係炒差價)，你見全世界最成功的投資人巴菲特，都只會做長線投資，唔會短炒。
因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。
所以，我地唔會好似坊間散戶咁，經常要睇住個股價上落。反而係投資前，我地要做較多準備功夫，去分析一間企業質素和平貴度，以制定入市策略。
當買入後，只要佢長線質素無明顯轉壞，我地長線持有(而唔係升少少就沽)，讓其自然增值就可以。
因為你每次升少少就沽，其實好難做到理想效果。
你試想想，如果用你的方法去投資。港交所(0388)、騰訊(0700)在這麼多年，股價上升100倍時，你的方法能賺到多少？可能連一倍都賺唔到。你怎樣能賺到100倍，就是「唔好賣」。
可能就咁講，你未入咁明。以下2個影片，係講長線投資複利效應的威力，因為好多人都低估左長線投資個種巨額回報，所以建議你睇下。另外，股神巴菲特就係用長線投資，透過複利效應，令巴郡股價表現比美股好100倍，所以唔好低估長線投資的重要性。
[複利故事] https://www.youtube.com/watch?v=ZaVTKyodNCg
[巴郡跑贏美股100倍] https://www.youtube.com/watch?v=xm1dx0A2Q5k
至於萬國數據（9698），其業務有一定的發展，但本身都有一定風險。
佢的業務為開發及營運數據中心，根據佢公司提供的資料，佢係全中國最大的運營商網絡中立數據中心服務提供商，市場份額約2成。
現時主要通過GDS上海、GDS北京及其子公司進行該等業務。GDS北京及GDS上海各自持有經營業務所需的互聯網 數據中心牌照。
佢提供託管和管理服務，包括創新和獨特的託管雲價值主張，機房面積為266,260平方米，有一定的規模。
見佢生意有一定的增長，行業前景正面，只是這股業務本身較波動，又有政策風險，所以不會太急定義佢為平（因為要考慮風險因素），投資價值都有，現價合理區中下，但始終業務有不確定風險，而及受中國政策影響，唔建議太大注。若你持貨不多，可以保留。相反，若持股已佔組合一個較大比重，建議你減少少平衡風險。
3) 中遠海控（1919主要從事提供集裝箱航運、集裝箱碼頭管理與經營服務。
航運業之前因為疫情，出現了行業極端情況，港口及內陸擁堵，車架及卡車司機短缺等因素，令整個航運業受影響，因此令航運費用急升，有不少航運企業反而盈利大增，中遠海控是其中一間。
但全球運費高企的情況，在2022年下半年開始改變，因為全球不少地方開始疫情過去並復常。到2023年上半年，運費高企的情況不再，整體大致回到正常狀態。
這企業整體仍有質素，經營也不是有問題，只是之前疫情令運費大升，令這企業十分好賺，股價大升，派息也十分高，而這刻只是回到正常狀態，盈利回落是正常的事，至於派息，投資者不能預期有之前超高息的情況，相信之後的派息都會減少。
所以，投資者不要預期這股是高增長類，也不是超高息股，可以定義這股為平穩增長類型的股票。
現價已經唔平，同時有一點投資者要留意，航運股對全球經濟週期較敏感，因此會令股價有點波動，投資時都要控制好注碼。
有貨的投資者要明白股價會波動，同時派息會減，因此都不宜持貨過多，但持有基本的貨是可以的。
你買入價唔平，要經濟全面向好，先有機會上翻去。