Q46871：
hello 龔sir
多謝你抽時間reply。
我絕對明白、尊重同接受你既決定。
你兩本「圖解股票小百科」同「圖解美股小百科」online 好多書局都無貨，而家等香港朋友有時間就幫手去附近既書局睇下仲買唔買到。
以下係我呢2個星期所計劃既投資方向，如果你有時間，煩請多加意見（不急不急不急的）
1）已開通中銀證券戶口（但琴日先發現美股戶口要另外開通）
2）共24萬港幣作本金，另備10萬港幣作back up
3）12萬港幣買VOO，12萬港幣買2388香港中銀
問題：
as of 7 April 26:
1）VOO:現價605.67USD，如果我每年供12萬HKD，大約有15384.6USD（ex.rate 7.8算），即係我第一年可以買到15384.6/605.67=25.401 VOO對嗎？
2）由於中銀每次交易都要比手續費，所以我就諗，如果以年供（12萬港元）代替月供（1萬港元），你建議嗎？兩者除左分擔風險同手續費外，有其他不同之處嗎？
3）VOO:我計劃供最少3年，你覺得呢？定係最少5年？
4)2388:都係年供12萬港元。你認為我應該供最少幾多年呢？
5)2388: 2025年4月同期，股價為最低28.15。今日係43.18。我應該再等股價下跌先買，定而家就可以嗎呢？
唔好意思，我知你做緊巡迴training course。好多好多問題，唔急唔急的。
如果你有時間，希望能解答一下。
多謝多謝多謝指教。
祝 身體健康 身心靈健康
V2:
hello龔sir，
唔好意思，我仲有個非常重要既問題。
我想問點解成日都聽到人講唔識買、買錯、入錯市會輸哂d錢，要填氹。
唔單止輸到連本金都無哂，仲要借錢還。
我就好驚會出現呢個情況。連我呀爸都話我咩都唔識就學人買會輸身家。
我想請問，我剛剛所做既投資計劃，由其係VOO（因為唔熟美股），會唔會有機會出現上述既情況？
多謝多謝多謝指教。
祝 身體健康 身心靈健康
龔成老師︰
-
正確
-
不建議年供，因為做唔到平衡價格風險效果。
-
月供︰一般建議最少月供3年和持有5年
-
同(3)，但2388係個股。唔似VOO係指數ETF，係一個一籃子股票架組合，故分散風險能力弱。
個股我建議，長線不要高於組合15%，故你現時2388月供架計劃，要調整(減少2388供款和加入其他股票)。
- 如果你唔識估值，建議長線不理價格地去月供。咁唔係最賺錢，但對初學者會最有利。
以往見太多初學者，唔識估值，但就自己亂停供，結果嚴重影響最終月供回報。
- 點解錢之餘，仲要填氹，因為佢地係開槓桿買期權，有機會輸突。
如果你只係買正股(好似你諗住買架VOO, 2388，係正股)，係唔會有而種情況。佢地最壞架情況都只係停牌，價值歸零(唔會輸突)。
以VOO為例，佢係一籃子股票，當中包含巴郡, Microsoft, Apple, Nvidia, Google, Tesla等等，要佢地全部一齊出巨大問題，之後全部都停牌退市，其實好難。
只要你選擇架係優質股，歸零機會好細。
如果你真係好擔心，集中買晒指數ETF。
指數ETF係一籃子不同行業架組合，具分散風險能力。就算當中個別股票出問題，對成個ETF都唔會有嚴重影響。
例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800），都係指數ETF類別。這些ETF有質素，適合一般投資者選擇。
若你未有定平貴能力，可以用月供或者分注模式去儲貨，去平衡買貴貨風險。
如果想知多少少指數ETF係乜，可以睇翻我之前架Youtube影片︰
https://www.youtube.com/watch?v=nBr4tCJ__oY
Q46872：
請問#737作為收息，會否賺息蝕價？
龔成老師：
灣區發展（0737）前稱合和公路基建，數年前賣盤後，現時最新的大股東是深高速（0548）。
這企業主要經營高速公路業務，主要是大灣區內公路，例如廣深高速公路是其中一個主要業務，主要收入來源是收路費。
有一點要留意，持有的公路都是有年期，當公路在經營期內，收入有較明顯的下跌，就會對企業價值有較大影響，特別是廣深高速將會在2027年年中到期，到時派息有機會減少。
現價合理，如果投資者想投資，也不建議投資太多，只宜小注投資。如果投資者過往有貨，不建議持有太多貨。
我會建議你建立一個收息股組合，有不同的收息股，737只是其中一隻，不能太多。
Q46873：
Sir, 請問intel如何？
龔成老師：
Intel Corp英特爾公司（INTC）近年發展較一般，企業過往擁有的強大優勢有所減少，同時增長力比過往年代減少。
不過，最近英偉達入股，令佢加翻分。整體來說，不過不失，不建議持貨太多。
這企業從事產品和技術的設計和製造，包括數據中心部門（DCG）、物聯網部門（IOTG）、Mobileye部門、可編程解決方案部門（PSG）。
這企業領導半導體行業幾十年，但在最近幾年開始面對更大的競爭，技術優勢也減弱了，因為來自台積電等的競爭對手，不斷有新晶片推出市場，人工智能的高性能微處理器又面對英偉達的競爭。
這企業正大力投資在技術層面，期望能保持企業過往擁有的優勢。
企業不是完全無技術，不過賺錢能力會比過往略少，同時短期情況未必強，由於面對的競爭比過往加大，企業不確定性會增加。投資只宜小注進行，同時要觀察企業行業的發展。
當然，最近英偉達入股，佢的情況會不同，相信有機會好轉，但就要控制好注碼，由於發展仍有不確定性，暫時只宜小注。
Q46874：
龔成sir:請問SPYM同SPY有什麼分別？如長期月供應該選擇邊只較好？Thanks
龔成老師：
SPYM (原代碼為 SPLG) 與 SPY 都是由道富環球（State Street）發行的標普 500 指數 ETF。對於香港投資者而言，這兩者雖然追蹤同一個指數。
由於SPYM入場費較低，管理費也較平，如果長期月供，可考慮這個。
SPY流動性較強，如果是短線投資，則會考慮這個。
美股標普 500指數ETF（SPYM）
這ETF 原本的代號是 SPLG，但在 2025 年 10 月 31 日 起正式更名為 SPYM，並納入 State Street（道富）的品牌旗下。
基金所追蹤之指數為S&P 500 Index，在扣除各種費用和支出之前追求達到和指數一樣的投資表現，而管理費也不高。
成份股當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
Q46875：
龔sir, 我現在的自住樓已年屆22，因為即將退休，猶豫著應否換一層年輕的，要預算住20-30年呢，可否給我些意見？感謝🙏🙏
龔成老師：
如果你物業是一些保養較好，大型發展商及屋苑，以22年樓來說，其實可以一直住多好多年。
但如果你物業過往已有保養問題，你預期之後的大維修及持續開支較大，這類物業貶值的情況也會較大，你就可考慮轉一些較新物業。
你現時的考慮點，就是如果住30年，那個會較好住，成本較適合自己，以及持續的維修費。你可以從這些方向去比較一下。
Q46876：
龔sir領展823 賣資產會令核心改變嗎？
龔成老師：
佢持有2000億資產，今次只是賣少少，所以不會有大影響。佢最近出售項目：位於新加坡的零售物業 Swing By @ Thomson Plaza 的權益（佔商場約 56% 樓面面積）。成交作價：2.5 億新加坡元（約 15.4 億港元）
Q46877：
我買咩輸咩
龔成老師：
可以考慮大型指數ETF，或收息股，最好月供，不要主觀去買入。
Q46878：
你好，龔成老師。
想問下2888渣打，現價是否過高？想長遠投資的話，你有什麼意見？或是有其他銀行股見議？
龔成老師：
你預渣打風會比中銀及匯豐高，因為佢新興市場業務較多，當然，如果業務發展理想，升幅也會較多，所以，好睇你追求甚麼目標。
渣打集團（2888）由於較多新興市場業務，風險度會比中銀，匯豐高。當然，如果這些市場成功，佢增長力將會較高。
企業有基本質素，但有部分業務涉及新興市場，質素比匯豐略低，這令業務較波動，因此，投資這股都要控制好注碼。
渣打業務起源於在亞洲及非洲新興市場提供貿易融資。現從事個人銀行及商業銀行業務，在亞洲、非洲和中東佔領先地位。
投資價值為中等，雖然過往有一段時間較弱，但近年業務好轉中，如投資都可以，但不建議投資太多。現價合理的。
Q46879：
龔成老師，想問我之前買了1428耀才證券，現在被螞蟻集團收購，今天收到銀行關於申請01428收購短訊，想問我是否要強制賣出這隻股票？如果我覺得這股有前景，我是否可以不理會這短訊，繼續持有這隻股票？希望您可以解答我的問題
龔成老師：
你不理佢就得。
這是一個關於無條件強制性現金要約 (Unconditional Mandatory Cash Offer) 的處理問題。根據資料，螞蟻集團已完成收購耀才證券（1428）50.55% 的股權，因此觸發了必須向所有股東提出全面收購的法律程序。
但只是程序，你不理佢就得。
耀才證券金融（1428）都有質素，你可長線。
這企業是香港的證券經紀行，除證券、期貨及期權經紀主要業務外，亦提供孖展及首次公開發售融資服務。另外，這企業2025年獲螞蟻控股向集團主席葉茂林為首的公司，提出收購公司約50%股構，每股作價3.28。
這動行有利耀才的長遠發展，無論品牌、資金都提高。
不過要留意，雖然收購提高了企業價值，但股價已反映了將來發展的利好因素。
近年的業務做得不差，相信有長線投資的價值。
Q46880：
成哥，我剛看完（財務知識真正成長的4要點！
你明左，對你一生的財富影響好大！）其實我一直都有做，直到2021/2022年開始突然好似無左人生目標同追求目標，人停下來。不求有功但求無過，把所有資金都轉到最安全唔想打理地方，例如：銀行定存/儲蓄保險。保本為主。
但現在又重拾起你本書80千萬富翁，我突然有種要重出江湖感覺，但人到半百，不想冒險，更不想跳出舒適，有什麼可以鼓勵自己出第一步？🙏
龔成老師：
如果你到中年，始終要考慮你的家庭、負擔、現有事業等因素，你要想一些較平衡的做法。
如果你負擔較多，只能在現在的情況下，每月令自己做少少，如加強儲錢，部分資金投資，以及保持每天增加知識（例如用30分鐘閱讀）。
例如在保持現有正職同時，試下網上找一些生意機會，並行去做。另外在投資上，不要只做定期，而是有部分資金買下股票，只要穩健類就得。整個方向是希望你「穩中求勝」，唔好比藉自己，無論財富及人生上，都想你保持進步。
但如果你負擔並不多，其實可以放膽D，因為你後果並不算大。
你細心想想，你最差的後果是麼？如果後果根本不太嚴重，其實要自己大膽D！
呢個世界變得好快，人智能不斷取代職位，我地要求變先可以生存，有時以為在舒適區反而仲危險。