Q25411：
你好, 我想問申請居屋, 在填寫申請表格時,持有的股票應該要怎樣計算?Thanks.
龔成老師︰
股票係投資項目，因此必需要申報。
但佢地會用那個方法計算股票價值，你要問翻房委會，因為我見就算官網，都無明確解釋申報方法。
Q25412：
有冇方法去到估到
好似9988 低完可以再低
龔成老師︰
無人可以估到，一隻股票可以跌到幾低。
我地只能用佢質素和財務數據，去判斷而一刻佢架平貴度。
阿里(9988)現時受政策風險影響，令佢不確定性高左。雖然長線投資價值，係依然存在，但就暫時要保守D，小注持有好了。
若你持貨不多，可以守。
Q25413：
- 我近來最大醒覺：就算學足價值投資，最大敵人都是自己心理質素，要承受股價比買入價低的壓力，就係忘記買入價，專注研究股票質素，
謝謝你讓我克服跌市擔憂，學懂愛上股災。投資還有學習持股耐性，忍耐等待
價跌時的忍耐等候，持現金時對股災的忍耐等候
這些等待忍耐時間往往比你想像中耐
感恩我不會all in分段吸納
現時還有40%現金
補充一句：這個等待分分鐘用年來做單位
-
我買齊你所有書，好飢餓去追求投資知識 睇緊
-
2015年港股大時代，你21元買1928，現在還是持有？一股不賣？還是一直到現在收息？
龔成老師︰
- 用幾耐就無人知，但作為理性投資者，我地唔好太受主觀感覺影響。
客觀地用數據和資訊去分析，決定買賣策略。現時大市在合理區，
-
加油，知識同回報，永遠都是正比。
-
係，只要長線投資價值不變，就一直持有。唔會因為中短期波動，去做調整。
Q25414：
老師，股票係咪好高風險？
龔成老師：
要睇你買甚麼股票。我地買股票就是買一間公司，如果是一間電力公司，如港燈（2638），業務就會較為穩定，因為經濟好壞都要用電，股價就會穩定，同時年年派息，風險較低。因此，投資者要選適合自己的股票，同時買入前，多了解公司業務。
Q25415：
龔成老師你好，我有d關於ETF費用比率嘅問題想問，想問如果etf息率比費用比率高我地係咪可以理解為派息cover每年嘅管理費用？
例如美股 etf qqq, 2021年息率0.54%，費用比率0.2%，其實係咪可以理解為派息已經cover返管理費？ 謝謝老師解答
龔成老師：
我舉例，某ETF現價$100，如果一年的費用1%，佢就會每年，在價格上自然反映，不會在你派息或其他地方扣，即是這ETF，如果價值無變，一年後價格就會自然變為$99。
至於佢派息，假設派$5，你就會收到$5，是否多過管理費作抵償，是另一件事。
Q25416：
Hello老師，我係你班嘅學生，下圖係之前亂咁投資嘅慘況，有見及此所以上堂，學識自己選股，去重組返自己既投資組合
請問老師有咩建議，上堂以外，再加其他野去繼續學習，例如有啲咩書適合睇？因為課程未去到分析年報嘅部份，
我而家對於睇年報都仲係無從入手，另外想問吓知道你成日鼓勵我哋睇多啲財經新聞，請問係咩類型嘅財經新聞？
會有節目，或page推介嗎？因為我一打開個app按財經，好多都係講嗰日個市升咗幾多點嘅新聞..感覺唔係有用嘅新聞..感謝！
1024、981、9988、2160、3918、6808
龔成老師︰
你可以先睇我架《80後千萬富翁》、《財務自由行》和《股票勝經》，都適合初學者。
之後，你有時間，可以再睇埋《選股勝經》和《年報勝經》，對你課堂上掌握，會有幫助。
養成每日看財經新聞的習慣，有助你了解金融市場以及企業的新聞，yahoo finance，hk01,aastock，新城財經台等都可以，你將重點放於聆聽企業質素的資訊上，
而不是中段期的股價波動上，慢慢就能分辨出有用的資訊。
至於年報，你可以閲讀主席與管理層的講話，前景分析、損益表、資產負債表、現金流量表、部份附註。（詳情<<年報勝經>>有講閲讀的技巧）
等你上堂時，可以更易掌握堂上教授技巧。
現時你的組合，快手（1024），金界控股（3918），高鑫零售(6808)，有潛力，但同時存在風險，只宜小注。
中芯國際（0981）業務有增長力，質素係有，但未到最高質素，不宜持有過多。
阿里巴巴（9988）有質素，但因爲政策風險，中短期較弱，暫時只適宜小注。
你而家太偏重左係潛力股，佢地雖然有增長潛力，同時風險都較高，不宜持有過多。
你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。
未來時間，你就要加大翻平穏增長股部份，令組合更平衡。
大市處於合理水平，要持有適量現金，等大跌市時可以大手買入，長線持有。
不過，你唔洗太急住調整，等上完堂有個完整概念，才再修正都得。
Q25417：
老師，想問為何有一些股票有派股息有一些沒有派？例如2800盈富基金、領展等我有收到兩次股息，而548深高速、1398工商銀行、2318中國平安等等，
2021年全年我都沒有收到股息？謝謝
另外，為何有些股票一年派兩次股息（例如領展），而有一些股票一年只派一次股息（例如香港電訊）？
因我買了深高速、中國平安、工商銀行等作為收息股，但有關股票2021年沒有派息，等於失去了作為收息股的功能，我應如何處理這些股票？謝謝
龔成老師︰
公司的派息受派息政策和盈利影響。例如有些潛力股，因爲仍在發展初期，資金用於擴張，所以不派息；而有些公司常年虧損，根本沒有多餘的資金派息。
深高速（0548），工商銀行（1398）每一年派1次利息，但2021年年度業績相關的末期息，還沒公佈，一般今年7,8月倒先會有上年度(2021)末期息；
中國平安（2318）的2021年度中期利息，在2021/10/25已派發。
其實你上年，這3隻股票你都應該至少收到2020年度末期業績股息(除非你中途買)，都係5-7月倒派，你自己再睇清楚。
你可以在aastock等財經網站查看企業的派息紀錄。
另外，領展(0823)和香港電訊（6823）一年都是派2次息的。
「理想收息股」基本上要包含︰平均息率高於4%、派息比率高於30%、過往5年派息穏定和有穏定的派息政策。
如果無息派，作為收息股當然大打折扣。但你要睇翻到底係個別事件導致，定係長線問題，才決定是否持有，還是要作出調整。
你手持的都是理想的收息股，因此可以持有。
Q25418：
老師想請教下，如果以資產增值嘅角度去睇，以下邊一個選擇會有利︰
我是政府XX職員，今年有以下的福利二選一
A: 政府會給予我一個600呎三房單位作宿舍居住用途，市租值$13000，實際政府收我$3000，等於我每月節省一萬蚊，我就當佢係一萬蚊收入。
壞處係60歲退休嘅時候要交還，現時33歲。
B: 政府會給予我一個綠表資格，亦可以優先抽綠置居，我當抽到油塘480尺單位，41折後286萬，好處係可以住到終老，壞處係每月要供一萬蚊，25年
以上二選一嘅情況嚟睇，我知道，考慮到30年後若果樓價升嘅話，就B方案好，若果樓價跌，就A方案。老師你會點睇
龔成老師︰
我地不會估樓市的升跌，因爲沒有意思。無論樓價升定跌，B方案都是比較好。
首先，你沒有自住樓，這樣就等於沽空樓市，到你60歲退休，交還宿舍後，要面對租金的問題，60歲退休後，沒有收入，到時租金能否負擔得起無人知，但現時有機會給你解決長遠的問題，爲何不做？
第二，你月供$10000，表面上多左支出，但從資產的角度，你在纍積財富，更可況你有優先被抽到的機會，爲何不利用？現時500尺的樓，市價要越7-8百萬，能夠以這麽低的價錢擁有資產，是划算的。
第三，$10000的供款幫你纍積一層物業，$3000的支出是花費，沒有任何回報，只提供當月的住宿，你要有消費資產概念，長遠來講，$10000的供款更有價值。
當然前提是你長線肯定自已「供得起」。另外，最好個物業係可以配合到你長線生活需要，講緊唔係未來1,2年，係未來10-20年，才算理想。
由於需求的關係，長遠的樓市會升，但不是大升，只屬於平穩增值，你如果沒有自住樓，租金會成爲你的支出，長遠會拖低投資回報。
Q25419：
買9988,就跌9988,買3690,就跌3690，買小米又跌小米，唉。。。又輸二十萬，炒炒賣賣全部得個吉，咁多年黎輸二百萬都有，唉。
我覺得運氣好差，買乜衰乜。人生無希望，唉
阿里巴巴$280買,小米21元買，你叫我全部都守。其實人生有幾多年十年可以守，唉
龔成老師︰
如果你每次投資都是「輸」，即係你存在一些核心性問題。譬如一些錯誤的投資觀念。
記住，正確和正常的完全不同的事，多人採用，並不代表係正確的方法。
首先﹐股票是企業﹐你要分析企業的本質去投資股票。買股票也不是「賺差價」，而是享受企業成長以及產生的股息。
你現在問題，跟好多散戶一樣，著眼點係短炒。但短期因素好難估，只有長線持有，企業真正價值才會回應在股價中。(當然還要學會分析企業技巧，定平貴等策略)
但大前題，你往後只要以「長線投資優質股」，作為投資目標。我好有信心，你會結束過往一直虧損的狀況。
你必需想方法，改變你以往短炒思維，否則你之會不斷重覆過往失利的情況。
你所講架9988, 3690, 1810都係有質素，但中短期無人知佢個價會點走。但我地從長線投資角度分析，佢地都係值得持有。
不過，阿里（9988）和美團（3690)因爲政策，再加上本身的不確定性，不適宜持有過多。
我叫你守，係因為佢地有質素。想當年比亞迪(1211)由幾十蚊，跌到十幾蚊我都係守，因為知佢有長線投資價值。十年了，現在股價是$230-240。
當然，無人話守就一定得，但至少係我地用客觀分析過後，保留它比放棄它，更有值博率，我地就會做。
我建議你暫時不要再投資，先重新學習，調整好個心態才上路，對你會係最好。
你可以睇我架《80後千萬富翁》、《財務自由行》和《股票勝經》，希望你可以係當中，找到自己過往失利的原因。
Q25420：
另外請問啊sir,你所有著作書名你乜，想去書店搵
書名係乜
你好，我從事地產經紀一年多時間，但業績平平。一星期工作6天，可在空閒時間看什麼理財書及合適地產經紀工作的書？（考牌不計，因為有牌了）
現儲錢草了60000元左右為應急錢，目標12萬。儲完後，要多少錢才開始投資？另有什麼途徑可以賺多些錢？
龔成老師︰
書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。
以下是我的14本書：
《80後百萬富翁》（第10版）
《80後2百萬富翁》（第5版）
《80後3百萬富翁》（第3版）
《財務自由行》（第8版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第6版）
《選股勝經》（第2版）
《年報勝經》（第2版）
《5年買樓4部曲》（第2版）
《80後千萬富翁》（第2版）
《千萬富翁致富學問》（第1版）
書本上，你可以先睇我寫架《80後千萬富翁》、《財務自由行》和《股票勝經》，都適合初學者。
至於地產類的書，我本《5年買樓4部曲》會有相關資訊，你可以參考下。
投資越早開始越好，你儲蓄到半年的應急錢之後，其實就可以開始投資，月供對於初學者是很好纍積財富的方法，可以避免價格過於集中。
我地會因應自已的財政狀況、風險承受能力、負擔、要求回報等，從而確認那一類股票較適合自已。
同時會根據自己的年紀，運用「先增值，後現金流」作方法為財富增值，年輕人應投資較多增值類資產，而較年長的，則應投資較多保守類項目，
然後到年紀漸長或已累積了相當財富後，才漸漸轉成收息型股票。
如果你未有選潛力股的能力，未有掌握投資時機的能力，就可以簡單地月供一些指數基金。
賺外快的話，我建議選擇時薪高的兼職，創業，網上做生意都可以嘗試，因爲這是建立資產的過程，就算失敗都可以從中吸收經驗。