Q44361：
龔成sir你好！本人投資上方向想請教，萬分感激🙏🏻
背景：本人44歲已婚，先生50歲，育有一名15歲女兒，與家人，工人共4人。
男：月薪：50000-60000元
女：月薪（不穩定）15000/up
樓宇按揭：現時欠350萬 ，還有20年要供。現時每月供款2萬-2.2萬
發現有一份保險公司基金到期，大約50萬，請問提早部分還款按揭合適嗎？
想減輕先生供樓心理壓力。
還是有其他建議會合適？？
萬分感激🙏🏻
本人家庭資產：
32萬- 股票
25萬- 備用現金
50萬 - 未到期基金
龔成老師︰
保險公司基金是否提早還款，而個係機會成本問題，最重要睇你投資知識水平。
如果你投資經驗淺，或者好保守，都主力提主還款。因為投資存在不確定性，但省下來的供樓利息，郤是保證。
相反，你係有一定投資經驗和能力﹐就應該保留較多資金，去進行投資增值。
所以，你可以因應自己情況，去決定。
理財方面，建議你最少保留半年至一年生活開支，作為應急之用。
再有多餘資金，可以分注投入增長型的優質股。同時保留部份現金，等大跌市機會去加注。
以你44歲年紀，應以增值為主。
「平穏增長股」和「潛力股」都適合你，不過重力應放在「平穏增長股」部份。以下是相關優質股，你可以研究下︰
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
Q44362：
龔sir, 請問AVGO現價係咩位置？
謝謝！！
龔成老師：
Broadcom Inc.（AVGO) 是一家設計、開發和提供一系列半導體和基礎設施軟件解決方案的企業。
受惠於近幾年AI發展，佢設計架ASIC(客製化晶片)在市場上有一定需求。
因為GPU雖然高效和有通用性，但個別場景的運作效益不如ASIC。而且各大科企，都希望提升自己產品架獨特性，故預期未來ASIC需求，只會有增無減。
此股具有質素，每年的營業額都上升。雖然盈利都波動，但整體維持向上。
不過近期升左唔少，已經處於較貴的水平，如果想買貨，最好等有明顯回調，才慢慢分注買入，長線持有。
Q44363：
阿sir
，我想問下有啲咩渠道可以了解到
股票嗰個企業
龔成老師：
財經網站、企業年報、該公司的網站。
我地買股票，就要從「收購企業」角度去研究，以及計算企業值多少錢。
Q44364：
老師你好！本人新手重來未買過股票 最近心癢癢想試下去開戶買20萬收息股😁如果我當定存放銀行幾年不理會唔會蝕？🙏
龔成老師：
股票始終有上有落，所以風險度會較定期高。
雖然可以投資較穩陣的類別，以及投資多隻股票去減少風險，但始終股價有上落，有風險，當然，只要你到時不賣出，而該股有質素，其實可以慢慢守的，但你都要明白股票有風險。
你可以了解左股票的基本知識先。
同時，在投資時，不一定要投資全部$20萬，而是按你自己的風險度，只投資部分資金。
以下是一些收息股，你可以留意下，都是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下。
Q44365：
龔sir, 345會向好嗎？
龔成老師：
維他奶（0345）因為2021年年中的政治事件，令中國業務轉弱，到近年慢慢好轉，這股本身都有一定的品牌及銷售網絡，因此都有基本質素的。
分析維他奶的財務數據，2022及2023年的表現，只是一般般，但仔細分析數據，其實開始好轉。
營業額比與2022年度比較大致持平，經營溢利則由2022年度虧損$3億，去到2023年度有幾千萬盈利，雖然整體表現仍未算好，但起碼情況有少少好轉。
到了2024年，業務進一步好轉，盈利比上年度倍增。
簡單來說，企業質素比全盛年代略有下跌，但仍算是有質素，不過，始終過往業務有點波動及涉及過政治因素，投資都要留意風險，不建議投資太多。
至於業務，有機會再進一步好轉。因此，都可以長線投資，但就要控制好注碼，現價算是合理。
Q44366：
我銀行朋友叫我22蚊入3759，我唔熟呢隻股，求老師意見
龔成老師：
康龍化成（3759）主要經營醫藥研發服務平台，業務遍及全球，客戶包括全球前20大醫藥公司及生物科技公司。
睇翻佢的資料，佢的綜合解決方案結合了三個主要類別的醫藥研發服務，包括實驗室服務，實驗室化學、藥物代謝及藥代動力學等。
另外，佢有做臨床開發服務，包括臨床研究服務、現場管理服務、數據輸入及檔案管理等。
其實企業都有質素，但近年業務較波動，如果投資，暫時只建議小注，現價算是合理。所以，如果你持貨不多，問題不大。
Q44367：
老師你好 想問下00796中國稀土大概幾時會復牌？
龔成老師：
暫時未知。
中國稀土（0769）自2025年年中起暫停買賣，原因為其附屬公司涉及潛在挪用資產、虛假財務陳述和巨額債務問題，且前任高管涉嫌未經授權申請停牌和虛假陳述。
公司已展開獨立調查，並已向香港商業罪案調查科及證監會舉報，目前股份將繼續停牌，直到滿足聯交所的要求才能復牌。
Q44368：
請問
金山軟件
商湯
1772
中芯
比亞迪
邊隻質素會比較差，邊一隻較好
龔成老師︰
首先，你要記住一點。
我地唔好成個組合，只集中係1,2隻股票身上。
最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。
同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。
而你所講架股票，都有長線投資價值。
不過，全部都係潛力股，風險好高。如果你未到退休之年，長線應加入平穏增長股，並用佢作為主力。
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
以下是有關"平穏增長股"的影片，你可以參考下︰
https://www.youtube.com/watch?v=YJdE6xyUXS0
而你持股當中，3800, 1772, 0020不確定性會係偏高，長線只宜小注。
而1211, 0981都較有質素，但0981現價唔平，不宜進取。
Q44369：
龔sir你好，想請教你，tempus AI估計今年會實現收支平衡，但市值已經去到接近168億美元了，預測市盈率是不是太高了？
如果我可以承受高風險，這間企業你認為股價去到邊個水平才值得大手買入？感謝你抽空解答！
龔成老師︰
Tempus AI, Inc.（TEM）有風險有潛力企業，如果承受風險能力不強，不建議考慮。
Tempus AI, Inc.成立於2015，總部位於伊利諾州芝加哥，是人工智慧精準醫療解決方案供應商，利用數據驅動的方法來改善癌症治療和臨床實踐。
透過人工智慧在醫療保健中的實際應用來開發智慧診斷，以進行實驗室測試並將實驗室結果與患者自己的臨床數據連接起來，並提供下一代定序診斷、聚合酶鏈反應分析、分子基因分型及其他解剖和分子病理學測試。
公司擁有全球最大的臨床和分子資料庫，致力於收集、整合和分析大規模的臨床和分子數據，以幫助醫生和研究人員更了解癌症及其他疾病，並為患者提供個人化的治療方案。
公司先建立腫瘤學平台，並將其擴展到神經精神病學、心臟病學、傳染病和放射學領域。
企業仍在發展階段，生意持續向上，不過就仍未有盈利，企業發展力是有的，但估值存有較大不確定性。如果能承受風險，睇好這股，都只建議小小注投資。
就算佢真係初見盈利，都唔代表佢就一直會保持住有盈利狀態，所以不確定性都係高，你最好分注和小注咁儲，會較穏當。
Q44370：
老師，多謝你提示我，其實同一舊錢，$200 萬 買6823， 收到嘅息計返係抵過拎去做$500 樓首期嘅租金收入，因供樓都要利息雜費。 只係諗緊退休冇磚頭，股票有事都有風險？ 如退休資產只有股票（唔同組合） 有冇咩潛在問題？因我只比較熟悉股票買賣
睇左你blog 十幾年，比亞迪港交所小米先可以等到今日有$500 萬，多謝你無私教導
龔成老師︰
如果你無自住物業，咁我建議你都要部署。因為無的話，長線要承受租金波動風險，唔係咁理想。
若你要置業，咁你現時資金就未必足夠。
可以考慮部份用平穏增長股去增值，餘下才收息股。至於比例，就睇你自己物業成本和長線規劃去定。
但緊記，不要沽晒股票去買樓，點都要有一定優質股在手，同時部署"自住"物業，咁才算平衡。
下個問題，可能你會問我，而家就買樓得唔得。
我自己預期未來香港樓市，只會係平穏發展，唔大升，同時唔會大跌架格局(唔會好似過去20年咁一直升)。
所以，自住物業而家已經可以買。
自住物業的話，最重要係佢適合自己長期生活需要(講緊未來10-20年)。同埋長線有信心供得起，咁就可以。