Q36691：

你好老師 你對買基金有咩睇法？由基金經理管理個啲？

龔成老師：

基金是一個集體投資的模式，原理是每個小投資者，夾錢比基金，然後就有基金經理去進行投資。

每一個基金都有不同的主題，投資股票、地產、商品、衍生工具等。又會投資不同的地區，環球、中國、美國、新興市場等。

至於基金是否有投資價值，就要睇每一隻個別的情況，有部分不差，但也有部分不好，因此好難話好定唔好，另外要留意，基金一定會有收費，變相令回報細左。

在選擇基金時，第一，要了解該基金投資的項目，是否你自己睇好，例如新興市場？該市場是否你都睇好？又例如投資某國的房地產，你自己是否睇好。

如果是一般的股票基金，你最少要知道佢10大持股，確定這些股票是有質素，才好考慮是否值得投資。另外，要了解主要持有資產的風險度，整個基金的風險度、投資策略，是否與你的投資目標配合。

另外，你可睇佢過往的回報，是否跑贏大市，如果是，才有投資價值。

另一方面，除了傳統的基金外，交易所上市基金（ETF）都是一個選擇。如果兩者的表現差不多，就應該選ETF，因為管理費一般較低，但如果該傳統基金表現較好，或你較睇好，或無ETF作替代，你就應該選該傳統基金。

Q36692：

老師，謝謝你寶貴意見

係呀 樓價跌 好多人會俾人call loan 所以我諗新樓地價貴⋯ 如果買都係買半新樓 殺佢價⋯ 再唔係就等政府減價賣地等多幾年

龔成老師︰

就算2003年，負資產10萬單，比人call loan是極少，所以，這個較難成為因素。

你現時的情況，其實如果自住樓架話，你可以睇翻自己實際情況。

唔急，可以儲下錢，邊找目標。

只要係要適合你長線住(最少10-20年)，同埋供得起，其實就可以。現時樓價已經回左唔少，雖然未算係平，但都已經可以考慮入市買自住屋架水平。

Q36693：

1) 成哥 我想問之前買左關於你買樓嗰本書，你覺得而家香港邊個地段較好，分析既因素校網仲高唔高，你覺得香港係咪環境質變令樓市基本面已經逆轉，以往因素不再適用，如果想自住，你覺得而家息口既因素高，會否係一個阻礙，我見你本書寫既區份，而家會唔會有update?

2) 另外我想知道而家香港創業最重要係需要咩因素，你覺得香港競爭力係咪真係2019後大幅回落

謝謝

龔成老師︰

1) 本書架資訊，大部份都仲適用。

香港樓市，因應政府取消重稅，相信短期會穩定翻，之前持續的跌勢，會停一停，不過，之後會上翻還是下跌，始要睇基本面。

中國及香港經濟未完全回勇，相信樓市難以大升，但未必會大跌，相信會平穩。

另外是高息因素，高息對樓市會不利，這就近1、2年樓價回落較多的原因，不過，這個因素基本上已反映，加上香港買樓需求仍大，相信不會大跌。而當美國正式開始減息，會對香港樓市有穩定作用，不過，香港減息的力度不及美國，所以難以令樓市大升。

至於內地資金買香港樓，相信香港樓的吸引力，未必及過往，因此內地人買香港樓雖然會存有一些需求，但不會因此而大幅推高樓價。

在投資價值方面，租金回報率不高，以及按揭利率不低，加上長遠樓價難以倍升，令香港樓的投資價值，並不高。

相信樓市在長遠計，因供求關係，較難大跌，不過，也不會有大升的情況出現。

樓市始終需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

不過，近年移民的確令需求略為減少，加上政府將加大力度找地起樓，所以長遠，供求將慢慢好翻，無過往咁失衡。

政府現時有較大決心處理好樓市問題，我相信會令之後的供應增加（不是中短期，要長期才慢慢見到），因此，樓市不會大升，但相信都較難大跌（始終需求大）。

長遠計，樓價會平穩，不是倍升，不會好似過往般倍升，而是平穩，同時，由於需求大，要大跌也不易。

因此，香港樓作為自住的價值仍在，中短期不會大跌，也不會大升，以穩定為主。長遠來說，暫時睇未必會大跌，最多只會平穩加少少向上。投資價值，就只是一般，未見好吸引的水平，自住則合理，可以考慮。

2) 整體競爭力係弱左，但未到好差。

至於創業要有什麼條件，好睇你想做邊類型架事業。

你可以從你的興趣、強項、認識的事著手。

例如你本身對某類產品很有興趣，你會在那裡買？如果你在網上買這產品，這個網站的模式如何？

你最初要有學習的對象，你先尋找一些自己認為不錯的商店，了解一下佢地的商業模式，最始好大型及小型都有，先以小型作學習對象，然後就試下佢地的模式，能否成為你創業的方向。

其實你可以不斷試、不斷錯，也不用想太多。你唔需要一定有詳細計劃，只要有大方向和基本計劃就可以行動。

當生意開始後，再因情況慢慢修正，咁就可以了。

Q36694：

老師又係我, 呢一年輸到扒係度

突然呢2日商湯有動靜, 我3.56高位追

請教下我應該2蚊放左去輸一半定係而家走袋返粒糖

1263我都係重倉，成副身家

龔成老師︰

首先，你個心態應該係錯左。

第一︰我地永遠都唔應該高追一隻股票，就算再好架股票，買貴左都係會輸錢。

第二︰商湯(0020)和栢能(1263)本身風險好高，只能好小注。一個輸左，都唔會大影響架注碼。

你而時要做，就係減持，去換翻佢地做一D平穏增長股，令組合風險度唔會異常偏高，同埋唔會太集中個別股票。

另外，你要努力提升自己投資知識，因為你未來做用這套模式投資落去，肯定只會損失更多寶貴的資本。

我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

Q36695：

龔sir,你好，我想請問怎樣可以知道我之前供兩份Zurich 的基金是否垃圾基金？

是否應該繼續等待落去，因為已經供完，由2014年直至現在已經不斷蝕錢，每份基金每隔3年又要比$2400港幣才可以維持住份基金, 同埋負責幫我買基金那位人已經轉行，我曾經打電話去Zurich 希望有另一位負責的人同我聯絡想睇下基金的情況，但是等左半個月都冇人同我聯絡，我求救無效，希望你能比啲意見我

第一份基金共投入港幣Hk $30萬，由於蝕錢太多所以之前的職員幫手cut左這份基金轉去另一份基金，可以再由港幣30萬的資金去供另一份，但是現在睇到所供的金額爲港幣$194800

Current encashment value hk$76742.02

Current value hk$225244.72

等待期至到6/2038年

fund name:

Zi JPMorgan Asia Gth unit held 2642.539 (12.83%)

Zi Barings HK Ch Fnd unit held 5858.320 (23.99%)

Zi Inv Asia Cons Dmd unit held 28.261 (0.18%)

Zi Barings High Yld unit held 3498.855 (45.47%)

Zi Brock Glb Wor Hlt. Unit held 755.810. (17.38%)

Zi Fidelity USD Cash. Unit held 29.001 (0.15%)

Total current value hk $225244.72

第二份基金total premium paid hk$119200

Current value hk$141718.19

Current encashment value hk$59157.60

由1/8/2012開始,policy end 31/7/2037

Fund name and allocation

Zi Barings Hk Ch Fnd unit held 2134700 （13.89%）

Zi FSSA China Growth. Unit held 527.666(16.18%)

Zi FSSA Asian Eqty+. Unit held. 515.035 (13.58%)

Zi JP Morgan Asean unit held. 579855. (22.03%)

Zi Brock Glb Wor Hlt. Unit held 915200 (33.45%)

Zi Temple Gl Ttl Rtn. Unit held 76.265 (0.87%)

同埋我想問如果我現在取消這兩份基金是否只可以取回current encashment value的金額？

現在股市及市場情況咁差是否應等待市況回穩才取消份基金會冇咁蝕錢呢？

真係唔好意思咁多問題,希望你能幫幫我

龔成老師︰

首先，我覺得投資最好自己打理翻，而唔假手於人。你當日讀我架初班，相信有一定情程度﹐都係想咁樣。

我粗略睇過，佢地唔係話無質素。不過，近年全球經濟都弱，而你本身買基金架時間，唔少當中架基金都係偏高位，2者加總之下，就會演變成今日所見，投資多年都係大虧損架情況。

再加上，你仲有3年就退休，本身就唔應該再持有咁多而類"增長型"基金。

我會建議你分段減持，將佢地慢慢換成收息資產，去為退休準備。

不過，唔好太急，要分段咁慢慢做，去平衡價格波動的風險。

Q36696：

老師 想問下我擺小朋友啲利是錢去股票到 邊隻會比較好啲？

龔成老師︰

小朋友由於可投資時間長，策略上十分簡單。你可以儲盈富(2800)，佢係包括數十間質素不錯上市公司股票的組合，有一定增長力。

若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。

另外，你可以考慮埋美股指數ETF，令組合分散風險能力更高。VOO和QQQ，前者追蹤標普500，算平穏增長型，類似盈富。QQQ追蹤納斯達克100指數，風險會較高，風險度近似3067。

操作上，建議你用月供模式儲貨。每月大約用一半儲蓄，去做月供，餘下一半就先儲起，去等大跌市機會。如果你覺得太複雜，可以每月全部儲蓄都做月供，都係可以。

Q36697：

你好龔成老師，可否分折一下內房股邊隻較有質素？想月供，目標年期十年，多謝

龔成老師︰

其實現時內地樓市疲弱，成個市場幾時轉好，無人知。

而且好多依然存在一定債務問題，暫時好難話完全排除當中資金流風險。因此，我唔會特別推薦任何一隻內房股。

如果你自己有睇好的，我建議都只係小注投資，再邊觀察市場變化，去調整投資策略，咁才算是穏定。

另外，如果你係想做個長線投資，可以用以下優質股去做平衡配置。

假設你係年青至中年人士，策略上可以投資「平穏增長股」和「潛力股」。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

由於現時港股未到平宜，而美股整體都係合理區頂。因此投資時，一定要同時保留現金，等待較大回調的機會。

Q36698：

Hello 龔成，follow 咗你Facebook 一段時間，很多謝你分享很多有用嘅理財同見解，我有2個問題想請教你：

1. 依家環境，美債同定期應如何選擇？ （無買過美債，過去3年有一直做港元及美元定期）

2. 如想買入美股，自己做功課分析應該要睇d咩？

謝謝你！

龔成老師︰

1) 如果你係講緊美國國債，同埋打算持有至到期日，現時其實2者都可以。不過，一般投資者，定期會係較方便。

不過，你要先問自己一個問題，這2個選擇是否真的適合你自己。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

而你所講架"美債同定期"，屬於收息資產，較適合將近/已退休人士。

如果你係年青至中年階段，而2類收息資產，由於增長力弱，我就唔太建議你持有太多。

2) 要分析一隻股票架質素，同埋計算企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

若果你本身無而方面架技巧，可以考慮先用指數ETF-VOO去做月供模式架投資。

一方面，佢係一籃子股票，可以幫你分散風險(減少買錯個股機會)。

另一方面，月供可以幫你平衡價格波動風險(減少買貴左架機會)。

不過，長線都要學好分析和估值，令自己有能力因應價格平貴，同埋個股優質度，去做投資決定，咁個長線回報先會最高。

我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q36699：

老師 , 想請教下增長型儲蓄保險會吾會係一個中長期既資產配置一部分？

龔成老師︰

如果你保守，可以投資部分。

但一般都唔建議買太多(除非你非常保守)。

其實"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

如果你真係相做好財富增值，建議你學好投資。因為長線優質股票架增長力，一定會明顯優於儲蓄保。

你可以睇我寫架《圖解股票小百科》、《80後千萬富翁》和《財務自由行》，都適合初學者，去了解理財，同埋有效架財富增值概念。

另外，我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

Q36700：

呀SIR，而家MPF點佈置好

龔成老師：

強積金的配置並不複雜，首先要注意，強積金是一個超長線投資，因此不宜做中短期炒賣，不用以預測投資市場的走勢去將強積金轉來轉去，除非你很確定，現時的投資市場明顯平，或明顯貴，否則在大部分情況，強積金不用轉來轉去

其實，你只要按你的年齡階段，去進行分配就得，年輕時較進取，到了中年就以平穩作配置，到退休前5-10年基金配置就要趨向保守，為退休做準備。因此，你只要按年齡做好配置，並且因年齡漸增，慢慢將強積金轉為較保守類別就得。

另外，在股票配置的部分，你可以考慮環球股票，又或以中國+美國作為核心，因為這兩在往後10年，都是全球兩個最大的經濟體，你同時持有可以。

其實強積金，著重配置、平衡，不著重炒賣。要考慮長期配置的模式。

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。