Q39271：
一個退休投資組合
應該由多少隻股票組成比較好？謝謝
龔成老師：
對退休者來說，應該建立一個穩健、收息的財富組合，當中要有不同的資產，收息股只是其中一部分。
收息股組合中，最好要有多隻收息股，例如5-10隻，不要過度集中在一隻。
Q39272：
你好，想請教3110和2800有咩差别？
龔成老師：
兩隻的特性不用，3110是收息型基金，佢持有較多收息股，如果你想收息，可考慮這基金。
至於2800，則是平穩增長類，股息就不及3110。
因此，要睇你的投資目標，而兩隻都有質素的，現價合理，可以長線投資。
Q39273：
我都想賺多啲錢
龔成老師：
財不入急門，你要由基本的理財開始，增加收入，減少支出，令自己更多資金，之後，就要進行投資，同時，你要有知識作為基礎。
財富可以慢慢累積，但如果沒有足夠知識，就無法就功。
你可以睇我的書，或報讀課程都得
書本在三聯、商務、誠品都有得賣。《財務自由行》《股票勝經》《圖解股票小百科》都適合初學者的。
另外，我也有股票班，你以報讀，因為利用股票，都是創造財富的關鍵！
【投資倍升股課程】第57期。
日期：2025年2月6, 13, 20, 27日，3月6, 13, 20, 27日(逢星期四)
時間：1900-2200
地點：灣仔
了解及報名：https://www.80shing.com/register.php?id=1
第一課：投資與股票基本功
第二課：投資策略與行業分析
第三課：穩健股及收息股投資術
第四課：買賣時機與估算合理價
第五課：企業估值模式
第六課：選股秘技
第七課：分析年報技巧
第八課：特質類倍升股與潛力股
**附加資料：合共超過240分鐘的溫習影片
Q39274：
老師
點睇schd
依家28個幾
我貪佢派息高
長遠覺得點
龔成老師：
Schwab U.S.Dividend Equity ETF(SCHD)主要係追蹤Dow Jones U.S. Dividend 100™ Index表現。
現時主要持股，包括輝瑞、可口可樂、BROADCOM、VERIZON COMMUNICATIONS、IBM等，都係有質素的企業。
但現價在合理區頂，透過月供或分注方法儲貨，會較理想。
要留意，佢有機會要收股息稅，同時，近年美股向好帶動佢價格理想，但如果美股回落，都會影響了這基金。
Q39275：
0003本身有貨 均價約$7.8
佔倉位7%左右 阿sir會建議繼續持有定應該等佢上一波就唔理賺蝕放哂佢?
龔成老師︰
煤氣（0003）增長力比過往減少左，但不是無質素的。
你7%，可持有。
雖然近年業務較一般，但煤氣近年在中國的投資，仍是保持進行的，煤氣在中國於2021年擁有的項目有514個，到2022年，則去到624個。
每年都有幾十億，這些投資不會好快就見到收成，但這企業就仍是發展中的，但要時間才能將當中的價值顯現出來。
另外，佢之前取消派紅股，其實對佢無實質影響，因為派紅股只是左手數與右手數的問題，無論對長遠股價，或企業價值，都無影響。
不過，由於過往佢保持相同的股息，在派紅股的情況下，等同於股息增長。今年決定不派紅股，有可能反映管理層認為，企業往後的增長減慢，會對企業有不利。
這股全面回勇仍要時間，近年的賺錢能力及盈利的確有下跌情況，但最近情況已經穩定，整體的企業質素仍有，現時正好轉中，不過增長力比過往減左。
由於你持貨不算多，可守。
Q39276：
Hi
Nvda 120是否算合理價位？
龔成老師︰
英偉達公司NVIDIA (NVDA)有質素。是《38全球倍升股》的其中一隻，長遠發展正面，有長線投資的價值。
佢是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。
其業務可應用層面，都相當廣泛，投資係可以，當然，回翻少少先買會更有投資值博率。
你所講架價錢，算係合理區較上位置，只宜小小注。此股始終較波動，建議分注咁慢慢儲會較好。
Q39277：
老師你好, 好耐冇搵過你傾偈啦
想問吓你有冇收息股好推介呀？
有20左右的資金 謝謝
時間過得真係快 我媽都走左lu 一年前
龔成老師︰
係，時間真係行得好快，轉眼就幾年。
以下收息股都具質素，現價都合理，可分注。但你現時才34歲，算年青。投資策略上，應以增值為先，去先累積一筆資產，到退休或財自時，才換成收息股，咁會較理想。
當然，如果你自問係保守架人，咁集中收息股都係可以。
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
Q39278：
好 我就係想儲錢 多謝你回覆
仲有個想問 可口可樂 呢只又係越升越高 好貴呀
龔成老師︰
可口可樂公司（KO）是一家飲料公司。該公司擁有、授權和銷售非酒精飲料品牌，業務分散於歐洲、中東和非洲；拉美; 北美; 亞太等地區。
業務上，佢透過高知名度的商標，將產品銷售至全球200多個國家。現時6大非酒精碳酸飲品品牌中，集團就佔據其中5個，包括可口可樂、雪碧、芬達、健怡可樂和零糖可口可樂。
全球消費者每日消費近630億份飲品，就算在是近年，全球因戰爭、疫情等因素，導致通漲大幅上升。在原材料、人力、物流成本出現波動和全球經濟下行情況下，集團營業額和盈利並無大跌，可見集團產品需求彈性不高（較近似生活必需品），故有一定抗跌力。
集團現時已有一定規模，故不要預期收入會出現突破性增長。不過，集團表示有信心，長線可以推動營收和經營利潤達至4-6%和6-8%增長。
投資這隻股票目標，主要是平穩增長，以及有少少股息，此股較適合中低風險投資者。現價大致處於合理區較上位置，可長線投資，但只宜先小注。或者你可以考慮用長線月供，或分注去儲貨。
Q39279：
龔Sir,你好！隨住近年中國航天領域不斷取得突破，美國方面亦加快了航天方面的步伐，特別SpaceX近年技術也不斷取得突破，
想請教你：
第一，之後是否可以在航天領域進行相關的投資？
第二，目前應該只有美國有相關的航天民營企業上市，例如ASTA、RKLB、LUNR,你認為以上三間公司是否有潛力值得投資少少？謝謝！
龔成老師︰
1) 以現時我有分析的港股中，你所講架具前端性航天領域企業，坦白講，我未發現有。
2) 你所講架3間公司，我都無研究過(ASTA我找不到)，初步睇業務係有，但未做到收支平衡，故風險很高。
其實而類概念架公司，風險都好大，現階段都燒緊錢，好難估邊個跑得出，故只宜小注博下。
Q39280：
1) 你好 龔成老師
本人34歲，全職媽媽，有一個4半小朋友，沒有投資股票經驗，我有些儲蓄，我想攞10萬現金,買小米(1810)和盈富(2800),呢兩隻,我應該買幾多手同邊個價位買入好？
2) 早晨 龔成老師
我父母和65同67 ，他們想攞現金20萬黎投資股票，請問他們適合那些股票？ 他們都是沒有投資股票的經驗。 謝謝你
龔成老師︰
1) 現價已經可以首注，之後每有回調才再慢慢加注。但由於你無投資經驗，建議集中盈富(2800)。因為佢係一籃子不同行業架股票組合，較具分散風險能力。
雖然唔係最賺錢架策略，但係你未識選股前，會係一個較理想和穏當架做法。而小米(1810)，小注好了，始終佢潛力大，同時風險都大。
之前出過小米架分析影片，有需要可以睇翻︰
https://www.youtube.com/watch?v=ucYCR23qI8M
2) 由於佢地已經退休(無收入)，所以選股上唔同你(你係要集中增值，因為你年青)，建議佢地集中係收息股，去創造被動收入，去支援退休生活。
以下是一些優質收息股，現價合理，你可以分注慢慢入。
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。